ជាតិ
តុលាការកាត់ទោសលោក នី ចរិយា ជាប់ពន្ធនាគារ៦ខែ ពីបទបរិហាកេរ្តិ៍ លើមន្ត្រីតុលាការខេត្តសៀមរាប
×![]()
ដោយ: ម៉ៅ សុផា
ភ្នំពេញ៖ តុលាការក្រុងភ្នំពេញ បានសម្រេចកាត់ទោសលោក នី ចរិយា ឲ្យជាប់ពន្ធនាគារ៦ខែ និងពិន័យជាប្រាក់ចំនួន៦លានរៀល ពីបទបរិហាកេរ្តិ៍ជាសាធារណៈមន្ត្រីតុលាការខេត្តសៀមរាប។ លោក នី ចរិយា ត្រូវបានប្តឹងដោយ លោក សុខ កែវបណ្ឌិត ព្រះរាជអាជ្ញាអមសាលាដំបូងខេត្តសៀមរាប និងលោក គី ឫទ្ធី ចៅក្រមស៊ើបសួរនៃសាលាដំបូងខេត្តសៀមរាប។
នៅថ្ងៃទី២២ ខែកញ្ញា ឆ្នាំ២០១៦ សាលាដំបូងរាជធានីភ្នំពេញ បានបើកសវនាការ ដើម្បីជំនុំជម្រះលើលោក នី ចរិយា ដែលពាក់ព័ន្ធនឹងការបរិហារកេរ្តិ៍ជាសាធារណៈលើ ព្រះរាជអាជ្ញា និងចៅក្រមស៊ើបសួរ នៃសាលាដំបូងខេត្តសៀមរាប កាលពីឆ្នាំ២០១៥។ ក្រោយការបើកសវនាជំនុំជម្រះមួយព្រឹកនេះ តុលាការក្រុងភ្នំពេញ សម្រេចកាត់ទោសលោក នី ចរិយា អគ្គលេខាធិការរងរបស់គណៈកម្មាធិការជាតិរៀបចំការបោះឆ្នោត ជាប់ពន្ធនាគារ៦ខែ និងពិន័យជាប្រាក់ចំនួន៦លានរៀល ពីបទ«បរិហាកេរ្តិ៍ជាសាធារណៈ» «បរិហាបង្កាច់កេរ្តិ៍និងផ្សព្វផ្សាយនួវការអត្ថាធិប្បាយដើម្បីដាក់សំពាធលើយុត្តាធិការ» លើមន្ត្រីតុលាការខេត្តសៀមរាបទាំងពីររូបនេះ តាមមាត្រា៣០៥ មាត្រា៣១១ មាត្រា៣១២ និងមាត្រា៥២២ នៃក្រមព្រហ្មទណ្ឌ។ នេះបើតាមលោក លី សុផាន់ណា អ្នកនាំពាក្យសាលាដំបូងរាជធានីភ្នំពេញ ដែលសរសេរលើបណ្ដាញសង្គម Telegram។
កាលពីឆ្នាំ២០១៥ ប្រជាពលរដ្ឋក្នុងខេត្តសៀមរាប មានជម្លោះដីធ្លី ជាមួយនឹងក្រុមហ៊ុនឯកជនមួយ។ បន្ទាប់មក តុលាការខេត្តសៀមរាប ក៏បានឃាត់ខ្លួនប្រជាពលរដ្ឋពីរនាក់ ក្នុងសំណុំរឿងដីធ្លីនេះ។ រីឯលោក នី ចរិយា ដែលកាលនោះជាមន្ត្រីជាន់ខ្ពស់របស់អង្គការអាដហុក បានចេញមុខ ជួយពលរដ្ឋ ដែលមានជម្លោះដីធ្លី និងអ្នកដែលត្រូវបានតុលាការឃាត់ខ្លួន។ នេះបើតាមការរៀបរាប់របស់លោក សំ សុគង់ មេធាវីការពារក្តីលោក នី ចរិយា ដែលប្រាប់សារព័ត៌មានថ្មីៗថា កូនក្តីលោកត្រូវបានចោទពីបទ បរិហារកេរ្តិ៍ជាសាធារណ គឺដោយសារតែការចេញមុខ តស៊ូមតិក្នុងរឿងក្តីរបស់ប្រជាពលរដ្ឋនេះឯង។
ងាកចេញពីសំណុំរឿងខាងលើ លោក នី ចរិយា ក៏កំពុងតែមានភាពស្មុគស្មាញយ៉ាងខ្លាំងផងដែរ ក្នុងសំណុំរឿងរបស់កញ្ញា ខុម ចាន់តារ៉ាទី ហៅស្រីមុំ ដែលគេសង្ស័យថា មានរឿងអាស្រូវស្នេហាជាមួយនឹងឯកឧត្តម កឹម សុខា អនុប្រធានគណបក្សសង្គ្រោះជាតិ។ ទាក់ទងនឹងសំណុំរឿងស្រីមុំនេះ លោក នី ចរិយា ត្រូវបានចោទពីបទ «សមគំនិតក្នុងរឿងសូកប៉ាន់សាក្សី»។
មិនមែនតែលោក នី ចរិយា នោះទេ ដែលត្រូវបានចោទប្រកាន់ក្នុងសំណុំរឿងរបស់ស្រីមុំ សូម្បីតែមន្ត្រីអាដហុកបួនរួបទៀត ក៏ជាប់ពាក់ព័ន្ធក្នុងសំណុំរឿងនេះដែរ ហើយត្រូវបានតុលាការរាជធានីភ្នំពេញ ចោទពីបទ «សូកប៉ាន់សាក្សី»។ នៅទីបំផុត លោក នី ចរិយា និងមន្ត្រីអាដហុកទាំង៤រូប គឺ លោក នី សុខា, លោក យី សុខសាន្ត, លោក ណៃ វង់ដា និងលោកស្រី លឹម មុន្នី ត្រូវបានតុលាការរាជធានីភ្នំពេញ សម្រេចបញ្ជូនខ្លួនទៅឃុំបណ្តោះអាសន្ន កាលពីថ្ងៃទី២ ខែឧសភា ឆ្នាំ២០១៦៕
នៅថ្ងៃទី២២ ខែកញ្ញា ឆ្នាំ២០១៦ សាលាដំបូងរាជធានីភ្នំពេញ បានបើកសវនាការ ដើម្បីជំនុំជម្រះលើលោក នី ចរិយា ដែលពាក់ព័ន្ធនឹងការបរិហារកេរ្តិ៍ជាសាធារណៈលើ ព្រះរាជអាជ្ញា និងចៅក្រមស៊ើបសួរ នៃសាលាដំបូងខេត្តសៀមរាប កាលពីឆ្នាំ២០១៥។ ក្រោយការបើកសវនាជំនុំជម្រះមួយព្រឹកនេះ តុលាការក្រុងភ្នំពេញ សម្រេចកាត់ទោសលោក នី ចរិយា អគ្គលេខាធិការរងរបស់គណៈកម្មាធិការជាតិរៀបចំការបោះឆ្នោត ជាប់ពន្ធនាគារ៦ខែ និងពិន័យជាប្រាក់ចំនួន៦លានរៀល ពីបទ«បរិហាកេរ្តិ៍ជាសាធារណៈ» «បរិហាបង្កាច់កេរ្តិ៍និងផ្សព្វផ្សាយនួវការអត្ថាធិប្បាយដើម្បីដាក់សំពាធលើយុត្តាធិការ» លើមន្ត្រីតុលាការខេត្តសៀមរាបទាំងពីររូបនេះ តាមមាត្រា៣០៥ មាត្រា៣១១ មាត្រា៣១២ និងមាត្រា៥២២ នៃក្រមព្រហ្មទណ្ឌ។ នេះបើតាមលោក លី សុផាន់ណា អ្នកនាំពាក្យសាលាដំបូងរាជធានីភ្នំពេញ ដែលសរសេរលើបណ្ដាញសង្គម Telegram។
កាលពីឆ្នាំ២០១៥ ប្រជាពលរដ្ឋក្នុងខេត្តសៀមរាប មានជម្លោះដីធ្លី ជាមួយនឹងក្រុមហ៊ុនឯកជនមួយ។ បន្ទាប់មក តុលាការខេត្តសៀមរាប ក៏បានឃាត់ខ្លួនប្រជាពលរដ្ឋពីរនាក់ ក្នុងសំណុំរឿងដីធ្លីនេះ។ រីឯលោក នី ចរិយា ដែលកាលនោះជាមន្ត្រីជាន់ខ្ពស់របស់អង្គការអាដហុក បានចេញមុខ ជួយពលរដ្ឋ ដែលមានជម្លោះដីធ្លី និងអ្នកដែលត្រូវបានតុលាការឃាត់ខ្លួន។ នេះបើតាមការរៀបរាប់របស់លោក សំ សុគង់ មេធាវីការពារក្តីលោក នី ចរិយា ដែលប្រាប់សារព័ត៌មានថ្មីៗថា កូនក្តីលោកត្រូវបានចោទពីបទ បរិហារកេរ្តិ៍ជាសាធារណ គឺដោយសារតែការចេញមុខ តស៊ូមតិក្នុងរឿងក្តីរបស់ប្រជាពលរដ្ឋនេះឯង។
ងាកចេញពីសំណុំរឿងខាងលើ លោក នី ចរិយា ក៏កំពុងតែមានភាពស្មុគស្មាញយ៉ាងខ្លាំងផងដែរ ក្នុងសំណុំរឿងរបស់កញ្ញា ខុម ចាន់តារ៉ាទី ហៅស្រីមុំ ដែលគេសង្ស័យថា មានរឿងអាស្រូវស្នេហាជាមួយនឹងឯកឧត្តម កឹម សុខា អនុប្រធានគណបក្សសង្គ្រោះជាតិ។ ទាក់ទងនឹងសំណុំរឿងស្រីមុំនេះ លោក នី ចរិយា ត្រូវបានចោទពីបទ «សមគំនិតក្នុងរឿងសូកប៉ាន់សាក្សី»។
មិនមែនតែលោក នី ចរិយា នោះទេ ដែលត្រូវបានចោទប្រកាន់ក្នុងសំណុំរឿងរបស់ស្រីមុំ សូម្បីតែមន្ត្រីអាដហុកបួនរួបទៀត ក៏ជាប់ពាក់ព័ន្ធក្នុងសំណុំរឿងនេះដែរ ហើយត្រូវបានតុលាការរាជធានីភ្នំពេញ ចោទពីបទ «សូកប៉ាន់សាក្សី»។ នៅទីបំផុត លោក នី ចរិយា និងមន្ត្រីអាដហុកទាំង៤រូប គឺ លោក នី សុខា, លោក យី សុខសាន្ត, លោក ណៃ វង់ដា និងលោកស្រី លឹម មុន្នី ត្រូវបានតុលាការរាជធានីភ្នំពេញ សម្រេចបញ្ជូនខ្លួនទៅឃុំបណ្តោះអាសន្ន កាលពីថ្ងៃទី២ ខែឧសភា ឆ្នាំ២០១៦៕
Tag:
នី ចរិយា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 19 ម៉ោង
