កីឡាជាតិ
ជាតិ
ប៉េតង់កម្ពុជាបន្តស្វែងរកមេដាយពីព្រឹត្តិការណ៍កីឡាឆ្នេរខ្សាច់អាស៊ីនៅដាណាងថ្ងៃនេះ
×
ក្រុមកីឡាករប៉េតង់កម្ពុជានៅព្រឹកថ្ងៃទី២៩ ខែកញ្ញា នេះ នឹងធ្វើការប្រកួតបន្តស្វែងរកមេដាយ បន្ថែមពីព្រឹត្តិការណ៍កីឡាឆ្នេរខ្សាច់អាស៊ីលើកទី៥ Asian Beach Games 2016 នៅទីក្រុងដាណាង ប្រទេសវៀតណាម លើប្រភេទវិញ្ញាសាប្រកួត៣នាក់ទល់៣នាក់បុរស-នារី។
ក្រុមកីឡាករកីឡាការិនីប៉េតង់កម្ពុជាលើប្រភេទវិញ្ញាសាប្រកួត៣នាក់ទល់នឹង៣នាក់បុរស-នារីនឹងធ្វើការប្រកួតប្រជែងជម្រុះតាមពូលជាមួយដៃគូរៀងៗខ្លួននៅព្រឹកថ្ងៃទី២៩ កញ្ញា នេះ ដើម្បីស្វែងរកពិន្ទុឡើងទៅកាន់វគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រ។
ក្នុងនោះក្រុមបុរសដែលមានកីឡាករ មួង ទិត្យម៉ាណែត, សៀង វណ្ណា, ទេព វណ្ណា និងកីឡាករ យ៉ា ច័ន្ទដារ៉ារឹទ្ធ នឹងធ្វើការប្រកួតជាមួយក្រុមម្ចាស់ផ្ទះវៀតណាមនៅម៉ោង៩:០០នាទី បន្ទាប់ មកជួបក្រុមថៃនៅម៉ោង១០:៣០នាទី។ ចំណែកនៅពេលរសៀលវេលាម៉ោង ១៣:៣០នាទី ក្រុមនេះជួបប្រកួតជាមួយក្រុមឡាវ និងបន្តជួបជាមួយម៉ាឡេស៊ីនៅម៉ោង៣រសៀល។
ឬឯក្រុមនារីដែលមានកីឡាការិនី ឃួន យ៉ារី, ស្រៀង សុរ៉ាឃីម, ស៊ុន គន្ធា និងកីឡាការិនី វង ចន្ថា ត្រូវប្រកួតជាមួយក្រុមថៃ បើកឆាកនៅវេលាម៉ោង៩ព្រឹកបន្ទាប់មកជួប ក្រុមម៉ាឡេស៊ី នៅម៉ោង១០:៣០នាទី។ ចំណែកនៅពេលរសៀលវេលាម៉ោង១៣:៣០នាទីត្រូវជួបជាមួយ ក្រុមឡាវ និងក្រុមម្ចាស់ផ្ទះវៀតណាម នាវេលាម៉ោង៣រសៀល។
គួរបញ្ជាក់ថា ការប្រកួតជម្រុះនេះ គឺធ្វើឡើងដើម្បីស្វែងក្រុមដែលមានពិន្ទុខ្ពស់ចំណាត់ ថ្នាក់ លេខ១ និងលេខ២នៅក្នុងពូលនីមួយៗ ដើម្បីឡើងទៅប្រកួតនៅវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រ៕
Tag:
ប៉េតង់
Asian Beach Games 2016
© រក្សាសិទ្ធិដោយ thmeythmey.com