ជាតិ
បទយកការណ៍ / បទសម្ភាសន៍
×![]()
ភ្នំពេញ៖ លោក ពេជ្រ ស្រស់ គឺជាប្រធានគណបក្សយុវជនកម្ពុជា ដែលទើបតែបង្កើតឡើងកាលពីចុងឆ្នាំ២០១៥កន្លងមកនេះ ។ មូលហេតុដែលបុរសវ័យ៣៧រូបនេះ បោះជំហានចូលប្រឡូកក្នុងឆាកនយោបាយនោះ ដោយសារតែលោកមានហេតុផលពីរយ៉ាងគឺទី១ លោកមិនពេញចិត្តចំពោះអ្នកនយោបាយចាស់ៗ ដែលតែងតែដឹកនាំធ្វើនយោបាយប្រជាភិថុត លាភពណ៌គ្នាទៅវិញទៅមក គិតតែផលប្រយោជន៍បក្ស ជាងផលប្រយោជន៍ប្រជាជន។ ហេតុផលទី២ គឺប្រធានគណបក្សយុវជនកម្ពុជារូបនេះ ចង់ដឹកនាំយុវជនឲ្យមានភាពក្លាហាន ហ៊ានដោះស្រាយបញ្ហានៅក្នុងសង្គមដោយខ្លួនឯង ដោយមិនចាំបាច់ពឹងផ្អែកលើអ្នកនយោបាយឡើយ។ នេះជាការបញ្ជាក់របស់លោក ពេជ្រ ស្រស់ ដែលធ្លាប់មានអតីតភាពជាកម្មករសំណង់ និងជាកម្មកររោងចក្រ មុននឹងលោកក្លាយជាប្រធានអង្គការរួមគ្នាដើម្បីភាពរីកចម្រើន ហើយបន្តមកធ្វើជាប្រធានគណបក្សនយោបាយយុវជនកម្ពុជា នាពេលបច្ចុប្បន្ននេះ។
«ថ្ងៃនេះខ្ញុំដាំ ខ្ញុំនឹងទទួលផល២០ឆ្នាំក្រោយ»។ លោក ពេជ្រ ស្រស់ កំពុងបង្ហាញពីចក្ខុវិស័យនយោបាយវែងឆ្ងាយ ដែលលោកសម្រេចបង្កើតគណបក្សយុវជនកម្ពុជានេះឡើង ក្នុងទិសដៅទទួលបានជោគជ័យនៅពេលខាងមុខ។ ប្រធានគណបក្សយុវជនកម្ពុជា ដែលទើបបង្កើតឡើងរយៈពេលជិតមួយឆ្នាំនេះ ទទួលស្គាល់ថា ការទាញប្រជាប្រិយភាពពីប្រជាពលរដ្ឋពលរដ្ឋឲ្យងាកមកគាំទ្រគណបក្សខ្លួននោះ វាមិនមែនជារឿងងាយស្រួលឡើយ។ សម្រាប់លោក ពេជ្រស្រស់ គណបក្សលោកត្រូវចំណាយពេលយូឆ្នាំទៀត ដើម្បីបង្ហាញពីសមត្ថភាព និងសម្មិទ្ធផលនានា ក្នុងការចូលរួមដោះស្រាយបញ្ហាសង្គម តាមរយៈគោលនយោបាយខ្លួន ដើម្បីប្រកួតប្រជែងជាមួយអ្នកនយោបាយចាស់វស្សានៅកម្ពុជា ។
បើតាមប្រធានគណបក្សយុវជនកម្ពុជា ដែលមានវ័យ ៣៧ ឆ្នាំរូបនេះ បានសម្លឺងឃើញថា នយោបាយនៅកម្ពុជានឹងមានស្ថានភាពល្អប្រសើឡើង នៅក្រោយការបោះឆ្នោតឆ្នាំ២០១៨ ពោលគឺគណបក្សនយោបាយធំៗ ដែលដឹកនាំដោយសម្ដេច ហ៊ុន សែន និងឯកឧត្តម សម រង្ស៊ី នឹងអាចធ្លាក់ចុះប្រជាប្រិយខ្លួនវិញ ខណៈដែលប្រជាពលរដ្ឋកាន់តែមានការយល់ដឹងខ្ពស់លើបញ្ហានយោបាយ។ ហើយពេលនោះគណបក្សយុវជនកម្ពុជា នឹងគណបក្សបង្កើតថ្មីដទៃ អាចនឹងមានលទ្ធភាពកាន់តែច្រើន ក្នុងការប្រកួតប្រជែងជាមួយគណបក្សចាស់វស្សាទាំងនេះ។ « លោក សម រង្ស៊ី និងលោក ហ៊ុន សែន ប្រហែលជាគេអស់ជំនឿឆ្នាំ២០១៨នេះហើយ។ ដូច្នេះ(ពលរដ្ឋ)រឿងគាំទ្រអ្នកណា មិនគាំទ្រអ្នកណាទៀត ខ្ញុំមិនទាន់វាយតម្លៃបានទេ ព្រោះយុវជនជំនាន់ក្រោយសុទ្ធតែមានសមត្ថភាពខ្ពស់។ប៉ុន្តែខ្ញុំ ពេជ្រស្រស់ ជាអ្នកដើរប្រឡូកនយោបាយ ខ្ញុំនឹងធ្វើឲ្យអស់លទ្ធភាព អ្វីដែលខ្ញុំមានទាំងប៉ុន្មាន ទាំងចំណេះដឹង និងបទពិសោធន៍ និងជួយប្រជាពលរដ្ឋក្រីក្រ កសិករ ដើម្បីអភិវឌ្ឍជាតិ»។ នេះជាការបញ្ជាក់របស់លោក ពេជ្រ ស្រស់ ដែលបានអះអាងថា កម្ពុជានឹងមានអភិវឌ្ឍន៏បែបប្រជាធិបតេយ្យពិតប្រាកដ ក្នុងរយៈពេល២០ឆ្នាំខាងមុខទៀត ក្រោមការប្រកួតប្រជែងនយោបាយបែបអភិវឌ្ឍន៍ថ្មីរបស់យុវជនជំនាន់ក្រោយ នៅពេលដែលអ្នកនយោបាយចាស់វស្សា ដែលប្រើយុទ្ធសាស្ត្រចាស់គំរិលមកលាភពណ៌ និងគំរាមកំហែងគ្នានោះ ឈប់ធ្វើនយោបាយ។
«ពីកម្មករសំណង់ និងកម្មកររោងចក្រ ក្លាយជាប្រធានគណបក្សយុវជនកម្ពុជា»
កើតនៅឆ្នាំ១៩៧៩ លោក ពេជ្រ ស្រស់ គឺជាកូនអ្នកកសិករនៅភូមចក ឃុំចក ស្រុកអូរាំងឪ ខេត្តត្បូងឃ្មុំ (កំពង់ចាម)។ ដោយសាតែជីវភាពក្រុមគ្រួសារខ្វះខាតលោក ពេជ្រ ស្រស់ បានសម្រេចបោះបង់ចោលការសិក្សានៅត្រឹមថ្នាក់ទី៨ នាឆ្នាំ១៩៩៥ ហើយវេចបង្វេចខោអាវឡើងមកធ្វើការសំណង់នៅភ្នំពេញ ដោយមកស្នាក់នៅផ្ទះជួលនៅម្ដុំផ្សារហេងលី ជាមួយបងស្រីខ្លួន ដែលប្រកបរបរកម្មករកាត់ដេរ។ ក្រោយប្រកបការងារជាកម្មករសំណង់ រយៈពេល១៦ខែ ដោយទទួលបានប្រាក់ពលកម្ម ៥៥០០រៀលក្នុងមួយថ្ងៃនោះ មិនអាចជួយឲ្យយុវជន ពេជ្រ ស្រស់ មានប្រាក់ជួយទ្រទ្រង់ជីវភាពគ្រួសារបានឡើយ។
ត្បិតធ្វើការសំណង់ទទួលបានប្រាក់ពលកម្មតិច ហើយចំណាយកម្លាំងច្រើននោះ យុវជន ពេជ្រ ស្រស់ ត្រូវផ្លាស់ប្ដូរការងារមកធ្វើជាកម្មករកាត់ដេរនៅក្នុងរោងចក្រ ៥ ជាន់ មុននឹងប្ដូរមកធ្វើការនៅរោងចក្រដើមស្វាយ ហើយក៏ជាពេលដែលយុវជនបោះបង់ចោលការសិក្សាតាំងពីថ្នាក់ទី៨រូបនេះ បានចាប់ផ្ដើមងាកមកបន្តការសិក្សាវិញ ដើម្បីផ្លាស់ប្ដូរខ្សែជីវិតខ្លួន ក្រោយពីមានការណែនាំពីមិត្តភក្តិដែលធ្វើការរោងចក្រជាមួយគ្នា។ «នៅពេលខ្ញុំធ្វើការរោងចក្រនោះ ខ្ញុំធ្វើការបណ្ដើររៀនអង់គ្លេសបណ្ដើរ។ ខ្ញុំរៀនព្រឹកម៉ោង៦ ហើយខ្ញុំចេញមុនម៉ោង១៥នាទី ដើម្បីធ្វើដំណើរមកធ្វើការនៅរោងចក្រម៉ោង៧ព្រឹក ។ ចំណែកម៉ោង៦-៧ ល្ងាច ខ្ញុំរៀនអង់គ្លេសវគ្គសន្ទនា អស់រយៈពេល២-៣ឆ្នាំ រហូតដល់ខ្ញុំរៀនភាសាអង់គ្លេសចេះជ្រៅជ្រះ។ ក្រោយមកខ្ញុំក៏ឃើញមិត្តភក្ដិដែលបោះបង់ចោលការសិក្សាដូចខ្ញុំដែរ គេធ្វើការបណ្តើរ រៀនសកលវិទ្យាល័យបណ្ដើរ ហើយខ្ញុំក៏សួរគេ គេក៏ផ្ដល់យោបល់ខ្ញុំឲ្យរៀនបំពេញវិជ្ជាក្រៅម៉ោងបន្តពីថ្នាក់ទី៨ ទៅទី១២ នៅចតុមុខ ។ តែខ្ញុំគ្មានពេលរៀនគ្រប់គ្រាន់ដូចគេខ្ញុំក៏ប្រឡងធ្លាក់បាក់ឌុប។ ក្រោយមកខ្ញុំយកលិខិតបញ្ជាក់ការសិក្សា ពីការធ្លាក់បាក់ឌុបមករៀនបរិញ្ញាបត្ររង»។នេះជាការបញ្ជាក់របស់លោក ពេជ្រ ស្រស់ ដែលបានបន្តសិក្សាថ្នាក់បរិញ្ញាបត្ររងផ្នែកច្បាប់មុខងារសាធារណៈ នៅឆ្នាំ២០០៥ និងបន្តបរិញ្ញាបត្រនៅឆ្នាំ២០០៨ នៅសកលវិទ្យាល័យមេគង្គកម្ពុជា ក្រោយពីបែកបាក់ស្នេហា ហើយត្រូវបានអតីតសង្សារដែលមានចំណេះដឹងខ្ពស់ជាងខ្លួន ប្រើពាក្យប្រមាថលោកថា «ជាកម្មកររោងចក្រដៃប្រឡាក់ប្រេងម៉ាស៊ីន មានឋានៈទាបមិនសាកសមរូបនាង»។
តាមពិតទៅពាក្យប្រមាថមួយម៉ាត់ដែលចេញពីមាត់អតីតសង្សារខ្លួននេះ សម្រាប់លោក ពេជ្រ ស្រស់ មិនមែនជាការមើលងាយទេ តែវាជាការជំរុញលើកទឹកចិត្តលោកឲ្យប្តេជ្ញាសិក្សាមុខវិជ្ជាច្បាប់នេះ ដើម្បីងើបផុតពីជីវិតជាកម្មកររោងចក្រ។ បើតាមយុវជនកូនកសិករខេត្តត្បូងឃ្មុំរូបនេះ ធ្លាប់បានបម្រើការងារជាជំនួយការផ្នែករដ្ឋបាលនៅក្នុងរោងចក្រ និងធ្វើជាអនុប្រធានសហជីពសម្ព័ន្ធដើម្បីសេរីភាពកម្មករនៅពាក់កណ្ដាលឆ្នាំ២០០៥ មុននឹងលាឈប់ពីតួនាទីនៅឆ្នាំ២០០៦ ហើយបានចូលរួមសកម្មភាពនយោបាយក្នុងតួនាទីជាប្រធានចលនាយុវជនក្រុងភ្នំពេញ និងប្តូរមកជាជំនួយការលោក មិន ប៊ុនឆៃ តំណាងរាស្ត្រគណបក្សសិទ្ធិមនុស្ស ដែលដឹកនាំដោយឯកឧត្តម កឹម សុខា ។
ក្នុងអំឡុងពេលបំពេញការងារក្នុងបក្សសិទ្ធមនុស្សមួយឆ្នាំ លោក ពេជ្រ ស្រស់ តែងតែគោរព និងឲ្យតម្លៃចំពោះគោលនយោបាយឯកឧត្តម កឹម សុខា ។ ប៉ុន្តែដោយសារតែមិនពេញចិត្តចំពោះទង្វើមន្ត្រីក្នុងគណបក្សសិទ្ធិមនុស្ស យុវជនខ្ពស់ស្គមរូបនេះ បានសម្រេចលាឈប់ពីតួនាទីខ្លួន ដោយងាកមកបម្រើការងារនៅក្នុងក្រុមហ៊ុន វើលរូ មេឌាឌីហ្សាញ់ ដែលជាឱកាសល្អសម្រាប់ ពេជ្រ ស្រស់ អាចយកចំណេះដឹងខ្លួនបង្កើត«អង្គការរួមគ្នាដើម្បីភាពរីកចម្រើន»ក្នុងឆ្នាំ២០១០ ក្នុងការចូលរួមដោះស្រាយបញ្ហាសង្គម ដោយមានការជួយជ្រោមជ្រែងពីថៅកែក្រុមហ៊ុន ឌីហ្សាញ់ នេះផ្ទាល់។ « ថៅកែក្រុមហ៊ុនហ្នឹងគាត់រៀននៅអូស្ត្រាលី គាត់មានចិត្តទូលាយ(Open mind) ផ្ទេរការអប់រំឲ្យយើង។ ដូចនេះខ្ញុំមានគំនិតមួយសូរគាត់ថា បង! បើខ្ញុំបើកអង្គការមួយ តើបងឯងជួយខ្ញុំអត់? គាត់ថាជួយ តែឲ្យខ្ញុំធ្វើការឲ្យកន្លែងគាត់ផង និងបើកសិទ្ធិធ្វើការអង្គការផង។ ដូច្នេះខ្ញុំក៏បង្កើតអង្គការមួយឈ្មោះ រួមគ្នាដើម្បីភាពរីកចម្រើន ដោយទទួលបានអាជ្ញាប័ណ្ណឆ្នាំ២០១០ រហូតដល់រយៈពេល៥ឆ្នាំ។ នៅក្នុងការងារអង្គការខ្ញុំលើកទឹកចិត្តយុវជនឲ្យប្រឹងរៀន និងជំរុញឲ្យពួកគេរកឱកាសខ្លួនឯងនៅពេលអនាគត។ ហើយខ្ញុំធ្វើការងារឃ្លាំមើលសិទ្ធិមនុស្សផង ជួយកុមារផង រហូតដល់ការជួយទាមទារដោះស្រាយបញ្ហាដីធ្លីប្រជាពលរដ្ឋ»។ នេះជាការបញ្ជាក់របស់អតីតប្រធានអង្គការរូមគ្នាដើម្បីភាពរីកចម្រើន មុននឹងលោកសម្រេចចិត្តប្រឡូកចូលឆាកនយោបាយ ដោយបង្កើតគណបក្សយុវជនកម្ពុជា នៅចុងឆ្នាំ២០១៥ ក្រោយពីមានបទពិសោធន៍ចូលរួមសកម្មភាពនយោបាយ និងជួយដោះស្រាយបញ្ហាសង្គមអស់រយៈពេលជាង៦ឆ្នាំ។
«គណបក្សយុវជនកម្ពុជា ជំរុញឲ្យពលរដ្ឋហ៊ានធ្វើអ្នកនយោបាយ»
គណបក្សយុវជនកម្ពុជា បានបង្កើតឡើងនៅខែធ្នូ ឆ្នាំ២០១៥ និងបានចុះបញ្ជីគណបក្សនយោបាយនៅក្រសួងមហាផ្ទៃនៅខែកុម្ភៈ ឆ្នាំ២០១៦ ។ មូលហេតុដែលជំរុញឲ្យកូនកសិករខេត្តត្បូងឃ្មុំរូបនេះ សម្រេចបង្កើតគណបក្សនោះ គឺដោយសារតែលោក បានជួបរឿងអយុត្តិធម៌ជាច្រើននៅក្នុងសង្គម ដូចជា ការរំលោភបំពានដីធ្លីពីសំណាក់អ្នកមានអំណាច យុវជនគ្មានការងារធ្វើ និងការរំលោភសិទ្ធិមនុស្សជាដើម ក្នុងអំឡុងពេលដែលលោក ពេជ្រ ស្រស់ ធ្វើជាប្រធានអង្គការ៥ឆ្នាំ។ ដោយសារតែចិត្តចង់ដោះស្រាយបញ្ហាអយុត្តិធម៌ និងគ្មានជំនឿលើអ្នកនយោបាយចាស់វស្សាផងនោះ ទើបបុរសវ័យ៣៧ឆ្នាំ ដែលធ្លាប់មានពិសោធន៍ក្នុងការចូលរួមសកម្មភាពនយោបាយរូបនេះ ក៏សម្រេចចិត្តបង្កើតគណបក្សយុវជនកម្ពុជា ដោយមានការជួយជ្រោមជ្រែងពីមិត្តភក្តិ និងមូលនិធីសង្គម ។
អតីតប្រធានអង្គការរូមគ្នាដើម្បីភាពរីកចម្រើនរូបនេះ បានបញ្ជាក់ដូច្នេះថា៖«ខ្ញុំលាលែងពីអង្គការ ហើយខ្ញុំគិតថាបើជ្រុលជួយជាតិហើយ ខ្ញុំធ្វើនយោបាយតែម្ដងដោយពឹងលើចំណេះដឹងខ្ញុំដែលធ្លាប់ឆ្លងកាត់នយោបាយមួយឆ្នាំនៅបក្សសិទ្ធិមនុស្ស និងឆ្លងកាត់អង្គការ៥ឆ្នាំ។ តែមុនលាលែងពីតំណែងខ្ញុំដើរសម្លឹងមើលចូលគណបក្ស។ទី១ គឺគណបក្សហ្វ៊ុនស៊ិនប៉ិច ខ្ញុំផ្ញើសារទៅលោក ថាំ ប៊ុនរ៉ុង សុំចូលបម្រើគណបក្សដោយមិនខ្វល់ពីតំណែងទេ ឲ្យតែបានចូលតួនាទីនយោបាយដើម្បីអភិវឌ្ឍសង្គម តែគាត់មិនឆ្លើយតប គ្រាន់តែណាត់ជួបគ្នាចោល។ ហើយខ្ញុំក៏ផ្ញើសារសុំណាត់ជួបលោក ហ៊ីង សុខសាន្ត មន្ត្រីគណបក្សសង្គ្រោះជាតិ ព្រោះខ្ញុំតែងតែផ្ដល់តម្លៃឲ្យលោក កឹម សុខា ដែលជាអ្នកនយោបាយម៉ឹងម៉ាត់។ តែលោក ហ៊ីង សុខសាន្ត មិនឆ្លើយតបទៀត…ក្រោយមកខ្ញុំក៏ចូលធ្វើការជាមួយគណបក្សសំបុកឃ្មុំសង្គមប្រជាធិបតេយ្យលោក ម៉ម សូណង់ដូ តែក្រោយពីឃើញការដឹកនាំគាត់យកគំនិតខ្លួនជាធំ ខ្ញុំក៏សុំលាឈប់ មកបង្កើតបក្សខ្លួនឯង»។
ជាកូនទី៤ នៃគ្រួសារកសិករអ្នកខេត្តត្បូងឃ្មុំ និងធ្លាប់ជាយុវជនដែលស្វែងរកការងារធ្វើយ៉ាងលំបាកដើម្បីដោះស្រាយជីវភាពគ្រួសារនោះ លោក ពេជ្រ ស្រស់ អះអាងថា ការបង្កើតគណក្សនេះឡើង ក្នុងគោលបំណងចង់ចូលរួមដោះស្រាយបញ្ហាកសិករជាអាទិ៍ ជាពិសេសនោះគឺបង្រៀនឲ្យពលរដ្ឋ និងយុវជន ត្រូវហ៊ានធ្វើនយោបាយ និងចេះដោះស្រាយបញ្ហាដោយសមត្ថភាពខ្លួនឯង ដោយមិនចាំបាច់ពឹងផ្អែកលើអ្នកនយោបាយឡើយ។ «គោលនយោបាយទី១ គឺផ្តល់ឱកាសឲ្យយុវជនគ្រប់ជំនាន់ ហ៊ានធ្វើនយោបាយដោយខ្លួនឯង មានចំណេះ៣ឬ៤ យកមកដាក់លើតុធ្វើការងារនេះទៅ តែមិនយកប្រាក់ទេ។ ហើយបង្កើតសហគមន៍យុវជនដើម្បីឃ្លាំមើលគ្នា យុវជនណាអត់ការងារធ្វើ ស្វែងរកការងារណែនាំគ្នាឲ្យដាក់ពាក្យធ្វើការតាមជំនាញពួកគេ ដូចនេះ យុវជនអាចឃ្លាំមើលគ្នា ដោះស្រាយបញ្ហារួមគ្នាដោយខ្លួនឯង។ ហើយខ្ញុំធ្វើយ៉ាងណាឲ្យប្រជាពលរដ្ឋរួចផុតទុក្ខក្រីក្រលំបាក មានបាយហូបគ្រប់គ្រាន់ មិនជំពាក់ធនាគារវ័ណ្ឌករ មានការងារធ្វើក្នុងតំបន់ ហើយមានតម្លៃទីផ្សាកសិកម្មជូនពលរដ្ឋ»។ នេះជាការបញ្ជាក់របស់លោក ពេជ្រ ស្រស់ ដែលមើលឃើញពីបញ្ហាយុវជន មុននឹងជំរុញឲ្យយុវជនដែលចូលរួមសកម្មភាពនយោបាយទាំងនោះ ត្រូវចេះគិតពិចារណាឲ្យបានច្បាស់លាស់ ដោយមិនមែនគាំទ្រអ្នកនយោបាយផ្កាប់មុខ ហើយលាភពណ៌និងរើសអើងយុវជនគ្នាឯងទៅវិញទៅមក តាមអ្នកនយោបាយឡើយ។
«ដាក់ជីវិតប្រឡូកនយោបាយរហូតអស់ជីវិត»
គិតមកដល់ពេលនេះគណបក្សយុវជនកម្ពុជា បានបង្កើតឡើងជិតមួយឆ្នាំហើយ តែមេដឹកនាំនយោបាយវ័យក្មេងគណបក្សយុវជនកម្ពុជារូបនេះ មិនសប្បាយចិត្តឡើយនៅពេលដែលលឺពាក្យរិះគន់ចោទគណបក្សខ្លួនថា មានការគាំទ្រពីក្រោយដោយគណបក្សកាន់អំណាចនោះ។ សម្រាប់ប្រធានគណបក្សយុវជនរូបនេះ អះអាងថា ថវិកាបង្កើតបក្សនេះ គឺបានមកពីមិត្តភក្តិ ពីមូលនិធីរបស់ក្រុមការងារ និងថវិកាផ្ទាល់ខ្លួនលោក ដោយគ្មានគណបក្សនយោបាយណានៅពីក្រោយឡើយ។
នៅពេលសួរថា បើមិនមានអ្នកនៅពីក្រោយ តើលោកមានឆន្ទៈ និងមានថវិកាបង្កើតគណបក្សនេះ បានដល់ពេលណា? លោក ពេជ្រ ស្រស់ ឆ្លើយទាំងទឹកមុខមុតមាំថា លោកនឹងប្រឡូកក្នុងនយោបាយនេះ ដើម្បីឈឺឆ្អាលលើសុខទុក្ខយុវជន និងដោះស្រាយបញ្ហាប្រជាពលរដ្ឋ លុះត្រាខ្លួន«ស្លាប់»។« ពីព្រោះ ពេជ្រ ស្រស់ កើតមកមិនដែលមានលុយទេ ហើយគ្រួសារ ពេជ្រ ស្រស់ ជាមនុស្សក្រីក្របំផុត រឿងលុយនេះសឹងតែមិនស្គាល់ផង មិនដឹងដុល្លារនេះបែមុខទៅណាផង។ ប៉ុន្តែរាល់ថ្ងៃនេះគ្រួសារពេជ្រ ស្រស់ អាចមានលទ្ធភាពទិញផ្ទះខ្លួនឯង ដូចនេះរឿងលុយមិនមែនជាបញ្ហាចោទសម្រាប់គណបក្ស សម្រាប់ខ្លួនខ្ញុំផ្ទាល់ទេ។ ដូចខ្ញុំជម្រាបថា ថ្ងៃនេះខ្ញុំដាំ ខ្ញុំទទួលផល២០ឆ្នាំក្រោយ ៣០ឆ្នាំក្រោយ ហើយខ្ញុំនឹងបន្តនយោបាយរហូតដល់ខ្ញុំអស់ជីវិត»។ នេះជាការបញ្ជាក់ចុងក្រោយរបស់លោក ពេជ្រ ស្រស់ ប្រធានគណបក្សយុវជនកម្ពុជា ដែលមានអតីតភាពជាកម្មករសំណង់ និងកម្មកររោងចក្រ៕
«ថ្ងៃនេះខ្ញុំដាំ ខ្ញុំនឹងទទួលផល២០ឆ្នាំក្រោយ»។ លោក ពេជ្រ ស្រស់ កំពុងបង្ហាញពីចក្ខុវិស័យនយោបាយវែងឆ្ងាយ ដែលលោកសម្រេចបង្កើតគណបក្សយុវជនកម្ពុជានេះឡើង ក្នុងទិសដៅទទួលបានជោគជ័យនៅពេលខាងមុខ។ ប្រធានគណបក្សយុវជនកម្ពុជា ដែលទើបបង្កើតឡើងរយៈពេលជិតមួយឆ្នាំនេះ ទទួលស្គាល់ថា ការទាញប្រជាប្រិយភាពពីប្រជាពលរដ្ឋពលរដ្ឋឲ្យងាកមកគាំទ្រគណបក្សខ្លួននោះ វាមិនមែនជារឿងងាយស្រួលឡើយ។ សម្រាប់លោក ពេជ្រស្រស់ គណបក្សលោកត្រូវចំណាយពេលយូឆ្នាំទៀត ដើម្បីបង្ហាញពីសមត្ថភាព និងសម្មិទ្ធផលនានា ក្នុងការចូលរួមដោះស្រាយបញ្ហាសង្គម តាមរយៈគោលនយោបាយខ្លួន ដើម្បីប្រកួតប្រជែងជាមួយអ្នកនយោបាយចាស់វស្សានៅកម្ពុជា ។
បើតាមប្រធានគណបក្សយុវជនកម្ពុជា ដែលមានវ័យ ៣៧ ឆ្នាំរូបនេះ បានសម្លឺងឃើញថា នយោបាយនៅកម្ពុជានឹងមានស្ថានភាពល្អប្រសើឡើង នៅក្រោយការបោះឆ្នោតឆ្នាំ២០១៨ ពោលគឺគណបក្សនយោបាយធំៗ ដែលដឹកនាំដោយសម្ដេច ហ៊ុន សែន និងឯកឧត្តម សម រង្ស៊ី នឹងអាចធ្លាក់ចុះប្រជាប្រិយខ្លួនវិញ ខណៈដែលប្រជាពលរដ្ឋកាន់តែមានការយល់ដឹងខ្ពស់លើបញ្ហានយោបាយ។ ហើយពេលនោះគណបក្សយុវជនកម្ពុជា នឹងគណបក្សបង្កើតថ្មីដទៃ អាចនឹងមានលទ្ធភាពកាន់តែច្រើន ក្នុងការប្រកួតប្រជែងជាមួយគណបក្សចាស់វស្សាទាំងនេះ។ « លោក សម រង្ស៊ី និងលោក ហ៊ុន សែន ប្រហែលជាគេអស់ជំនឿឆ្នាំ២០១៨នេះហើយ។ ដូច្នេះ(ពលរដ្ឋ)រឿងគាំទ្រអ្នកណា មិនគាំទ្រអ្នកណាទៀត ខ្ញុំមិនទាន់វាយតម្លៃបានទេ ព្រោះយុវជនជំនាន់ក្រោយសុទ្ធតែមានសមត្ថភាពខ្ពស់។ប៉ុន្តែខ្ញុំ ពេជ្រស្រស់ ជាអ្នកដើរប្រឡូកនយោបាយ ខ្ញុំនឹងធ្វើឲ្យអស់លទ្ធភាព អ្វីដែលខ្ញុំមានទាំងប៉ុន្មាន ទាំងចំណេះដឹង និងបទពិសោធន៍ និងជួយប្រជាពលរដ្ឋក្រីក្រ កសិករ ដើម្បីអភិវឌ្ឍជាតិ»។ នេះជាការបញ្ជាក់របស់លោក ពេជ្រ ស្រស់ ដែលបានអះអាងថា កម្ពុជានឹងមានអភិវឌ្ឍន៏បែបប្រជាធិបតេយ្យពិតប្រាកដ ក្នុងរយៈពេល២០ឆ្នាំខាងមុខទៀត ក្រោមការប្រកួតប្រជែងនយោបាយបែបអភិវឌ្ឍន៍ថ្មីរបស់យុវជនជំនាន់ក្រោយ នៅពេលដែលអ្នកនយោបាយចាស់វស្សា ដែលប្រើយុទ្ធសាស្ត្រចាស់គំរិលមកលាភពណ៌ និងគំរាមកំហែងគ្នានោះ ឈប់ធ្វើនយោបាយ។
«ពីកម្មករសំណង់ និងកម្មកររោងចក្រ ក្លាយជាប្រធានគណបក្សយុវជនកម្ពុជា»
កើតនៅឆ្នាំ១៩៧៩ លោក ពេជ្រ ស្រស់ គឺជាកូនអ្នកកសិករនៅភូមចក ឃុំចក ស្រុកអូរាំងឪ ខេត្តត្បូងឃ្មុំ (កំពង់ចាម)។ ដោយសាតែជីវភាពក្រុមគ្រួសារខ្វះខាតលោក ពេជ្រ ស្រស់ បានសម្រេចបោះបង់ចោលការសិក្សានៅត្រឹមថ្នាក់ទី៨ នាឆ្នាំ១៩៩៥ ហើយវេចបង្វេចខោអាវឡើងមកធ្វើការសំណង់នៅភ្នំពេញ ដោយមកស្នាក់នៅផ្ទះជួលនៅម្ដុំផ្សារហេងលី ជាមួយបងស្រីខ្លួន ដែលប្រកបរបរកម្មករកាត់ដេរ។ ក្រោយប្រកបការងារជាកម្មករសំណង់ រយៈពេល១៦ខែ ដោយទទួលបានប្រាក់ពលកម្ម ៥៥០០រៀលក្នុងមួយថ្ងៃនោះ មិនអាចជួយឲ្យយុវជន ពេជ្រ ស្រស់ មានប្រាក់ជួយទ្រទ្រង់ជីវភាពគ្រួសារបានឡើយ។
ត្បិតធ្វើការសំណង់ទទួលបានប្រាក់ពលកម្មតិច ហើយចំណាយកម្លាំងច្រើននោះ យុវជន ពេជ្រ ស្រស់ ត្រូវផ្លាស់ប្ដូរការងារមកធ្វើជាកម្មករកាត់ដេរនៅក្នុងរោងចក្រ ៥ ជាន់ មុននឹងប្ដូរមកធ្វើការនៅរោងចក្រដើមស្វាយ ហើយក៏ជាពេលដែលយុវជនបោះបង់ចោលការសិក្សាតាំងពីថ្នាក់ទី៨រូបនេះ បានចាប់ផ្ដើមងាកមកបន្តការសិក្សាវិញ ដើម្បីផ្លាស់ប្ដូរខ្សែជីវិតខ្លួន ក្រោយពីមានការណែនាំពីមិត្តភក្តិដែលធ្វើការរោងចក្រជាមួយគ្នា។ «នៅពេលខ្ញុំធ្វើការរោងចក្រនោះ ខ្ញុំធ្វើការបណ្ដើររៀនអង់គ្លេសបណ្ដើរ។ ខ្ញុំរៀនព្រឹកម៉ោង៦ ហើយខ្ញុំចេញមុនម៉ោង១៥នាទី ដើម្បីធ្វើដំណើរមកធ្វើការនៅរោងចក្រម៉ោង៧ព្រឹក ។ ចំណែកម៉ោង៦-៧ ល្ងាច ខ្ញុំរៀនអង់គ្លេសវគ្គសន្ទនា អស់រយៈពេល២-៣ឆ្នាំ រហូតដល់ខ្ញុំរៀនភាសាអង់គ្លេសចេះជ្រៅជ្រះ។ ក្រោយមកខ្ញុំក៏ឃើញមិត្តភក្ដិដែលបោះបង់ចោលការសិក្សាដូចខ្ញុំដែរ គេធ្វើការបណ្តើរ រៀនសកលវិទ្យាល័យបណ្ដើរ ហើយខ្ញុំក៏សួរគេ គេក៏ផ្ដល់យោបល់ខ្ញុំឲ្យរៀនបំពេញវិជ្ជាក្រៅម៉ោងបន្តពីថ្នាក់ទី៨ ទៅទី១២ នៅចតុមុខ ។ តែខ្ញុំគ្មានពេលរៀនគ្រប់គ្រាន់ដូចគេខ្ញុំក៏ប្រឡងធ្លាក់បាក់ឌុប។ ក្រោយមកខ្ញុំយកលិខិតបញ្ជាក់ការសិក្សា ពីការធ្លាក់បាក់ឌុបមករៀនបរិញ្ញាបត្ររង»។នេះជាការបញ្ជាក់របស់លោក ពេជ្រ ស្រស់ ដែលបានបន្តសិក្សាថ្នាក់បរិញ្ញាបត្ររងផ្នែកច្បាប់មុខងារសាធារណៈ នៅឆ្នាំ២០០៥ និងបន្តបរិញ្ញាបត្រនៅឆ្នាំ២០០៨ នៅសកលវិទ្យាល័យមេគង្គកម្ពុជា ក្រោយពីបែកបាក់ស្នេហា ហើយត្រូវបានអតីតសង្សារដែលមានចំណេះដឹងខ្ពស់ជាងខ្លួន ប្រើពាក្យប្រមាថលោកថា «ជាកម្មកររោងចក្រដៃប្រឡាក់ប្រេងម៉ាស៊ីន មានឋានៈទាបមិនសាកសមរូបនាង»។
តាមពិតទៅពាក្យប្រមាថមួយម៉ាត់ដែលចេញពីមាត់អតីតសង្សារខ្លួននេះ សម្រាប់លោក ពេជ្រ ស្រស់ មិនមែនជាការមើលងាយទេ តែវាជាការជំរុញលើកទឹកចិត្តលោកឲ្យប្តេជ្ញាសិក្សាមុខវិជ្ជាច្បាប់នេះ ដើម្បីងើបផុតពីជីវិតជាកម្មកររោងចក្រ។ បើតាមយុវជនកូនកសិករខេត្តត្បូងឃ្មុំរូបនេះ ធ្លាប់បានបម្រើការងារជាជំនួយការផ្នែករដ្ឋបាលនៅក្នុងរោងចក្រ និងធ្វើជាអនុប្រធានសហជីពសម្ព័ន្ធដើម្បីសេរីភាពកម្មករនៅពាក់កណ្ដាលឆ្នាំ២០០៥ មុននឹងលាឈប់ពីតួនាទីនៅឆ្នាំ២០០៦ ហើយបានចូលរួមសកម្មភាពនយោបាយក្នុងតួនាទីជាប្រធានចលនាយុវជនក្រុងភ្នំពេញ និងប្តូរមកជាជំនួយការលោក មិន ប៊ុនឆៃ តំណាងរាស្ត្រគណបក្សសិទ្ធិមនុស្ស ដែលដឹកនាំដោយឯកឧត្តម កឹម សុខា ។
ក្នុងអំឡុងពេលបំពេញការងារក្នុងបក្សសិទ្ធមនុស្សមួយឆ្នាំ លោក ពេជ្រ ស្រស់ តែងតែគោរព និងឲ្យតម្លៃចំពោះគោលនយោបាយឯកឧត្តម កឹម សុខា ។ ប៉ុន្តែដោយសារតែមិនពេញចិត្តចំពោះទង្វើមន្ត្រីក្នុងគណបក្សសិទ្ធិមនុស្ស យុវជនខ្ពស់ស្គមរូបនេះ បានសម្រេចលាឈប់ពីតួនាទីខ្លួន ដោយងាកមកបម្រើការងារនៅក្នុងក្រុមហ៊ុន វើលរូ មេឌាឌីហ្សាញ់ ដែលជាឱកាសល្អសម្រាប់ ពេជ្រ ស្រស់ អាចយកចំណេះដឹងខ្លួនបង្កើត«អង្គការរួមគ្នាដើម្បីភាពរីកចម្រើន»ក្នុងឆ្នាំ២០១០ ក្នុងការចូលរួមដោះស្រាយបញ្ហាសង្គម ដោយមានការជួយជ្រោមជ្រែងពីថៅកែក្រុមហ៊ុន ឌីហ្សាញ់ នេះផ្ទាល់។ « ថៅកែក្រុមហ៊ុនហ្នឹងគាត់រៀននៅអូស្ត្រាលី គាត់មានចិត្តទូលាយ(Open mind) ផ្ទេរការអប់រំឲ្យយើង។ ដូចនេះខ្ញុំមានគំនិតមួយសូរគាត់ថា បង! បើខ្ញុំបើកអង្គការមួយ តើបងឯងជួយខ្ញុំអត់? គាត់ថាជួយ តែឲ្យខ្ញុំធ្វើការឲ្យកន្លែងគាត់ផង និងបើកសិទ្ធិធ្វើការអង្គការផង។ ដូច្នេះខ្ញុំក៏បង្កើតអង្គការមួយឈ្មោះ រួមគ្នាដើម្បីភាពរីកចម្រើន ដោយទទួលបានអាជ្ញាប័ណ្ណឆ្នាំ២០១០ រហូតដល់រយៈពេល៥ឆ្នាំ។ នៅក្នុងការងារអង្គការខ្ញុំលើកទឹកចិត្តយុវជនឲ្យប្រឹងរៀន និងជំរុញឲ្យពួកគេរកឱកាសខ្លួនឯងនៅពេលអនាគត។ ហើយខ្ញុំធ្វើការងារឃ្លាំមើលសិទ្ធិមនុស្សផង ជួយកុមារផង រហូតដល់ការជួយទាមទារដោះស្រាយបញ្ហាដីធ្លីប្រជាពលរដ្ឋ»។ នេះជាការបញ្ជាក់របស់អតីតប្រធានអង្គការរូមគ្នាដើម្បីភាពរីកចម្រើន មុននឹងលោកសម្រេចចិត្តប្រឡូកចូលឆាកនយោបាយ ដោយបង្កើតគណបក្សយុវជនកម្ពុជា នៅចុងឆ្នាំ២០១៥ ក្រោយពីមានបទពិសោធន៍ចូលរួមសកម្មភាពនយោបាយ និងជួយដោះស្រាយបញ្ហាសង្គមអស់រយៈពេលជាង៦ឆ្នាំ។
«គណបក្សយុវជនកម្ពុជា ជំរុញឲ្យពលរដ្ឋហ៊ានធ្វើអ្នកនយោបាយ»
គណបក្សយុវជនកម្ពុជា បានបង្កើតឡើងនៅខែធ្នូ ឆ្នាំ២០១៥ និងបានចុះបញ្ជីគណបក្សនយោបាយនៅក្រសួងមហាផ្ទៃនៅខែកុម្ភៈ ឆ្នាំ២០១៦ ។ មូលហេតុដែលជំរុញឲ្យកូនកសិករខេត្តត្បូងឃ្មុំរូបនេះ សម្រេចបង្កើតគណបក្សនោះ គឺដោយសារតែលោក បានជួបរឿងអយុត្តិធម៌ជាច្រើននៅក្នុងសង្គម ដូចជា ការរំលោភបំពានដីធ្លីពីសំណាក់អ្នកមានអំណាច យុវជនគ្មានការងារធ្វើ និងការរំលោភសិទ្ធិមនុស្សជាដើម ក្នុងអំឡុងពេលដែលលោក ពេជ្រ ស្រស់ ធ្វើជាប្រធានអង្គការ៥ឆ្នាំ។ ដោយសារតែចិត្តចង់ដោះស្រាយបញ្ហាអយុត្តិធម៌ និងគ្មានជំនឿលើអ្នកនយោបាយចាស់វស្សាផងនោះ ទើបបុរសវ័យ៣៧ឆ្នាំ ដែលធ្លាប់មានពិសោធន៍ក្នុងការចូលរួមសកម្មភាពនយោបាយរូបនេះ ក៏សម្រេចចិត្តបង្កើតគណបក្សយុវជនកម្ពុជា ដោយមានការជួយជ្រោមជ្រែងពីមិត្តភក្តិ និងមូលនិធីសង្គម ។
អតីតប្រធានអង្គការរូមគ្នាដើម្បីភាពរីកចម្រើនរូបនេះ បានបញ្ជាក់ដូច្នេះថា៖«ខ្ញុំលាលែងពីអង្គការ ហើយខ្ញុំគិតថាបើជ្រុលជួយជាតិហើយ ខ្ញុំធ្វើនយោបាយតែម្ដងដោយពឹងលើចំណេះដឹងខ្ញុំដែលធ្លាប់ឆ្លងកាត់នយោបាយមួយឆ្នាំនៅបក្សសិទ្ធិមនុស្ស និងឆ្លងកាត់អង្គការ៥ឆ្នាំ។ តែមុនលាលែងពីតំណែងខ្ញុំដើរសម្លឹងមើលចូលគណបក្ស។ទី១ គឺគណបក្សហ្វ៊ុនស៊ិនប៉ិច ខ្ញុំផ្ញើសារទៅលោក ថាំ ប៊ុនរ៉ុង សុំចូលបម្រើគណបក្សដោយមិនខ្វល់ពីតំណែងទេ ឲ្យតែបានចូលតួនាទីនយោបាយដើម្បីអភិវឌ្ឍសង្គម តែគាត់មិនឆ្លើយតប គ្រាន់តែណាត់ជួបគ្នាចោល។ ហើយខ្ញុំក៏ផ្ញើសារសុំណាត់ជួបលោក ហ៊ីង សុខសាន្ត មន្ត្រីគណបក្សសង្គ្រោះជាតិ ព្រោះខ្ញុំតែងតែផ្ដល់តម្លៃឲ្យលោក កឹម សុខា ដែលជាអ្នកនយោបាយម៉ឹងម៉ាត់។ តែលោក ហ៊ីង សុខសាន្ត មិនឆ្លើយតបទៀត…ក្រោយមកខ្ញុំក៏ចូលធ្វើការជាមួយគណបក្សសំបុកឃ្មុំសង្គមប្រជាធិបតេយ្យលោក ម៉ម សូណង់ដូ តែក្រោយពីឃើញការដឹកនាំគាត់យកគំនិតខ្លួនជាធំ ខ្ញុំក៏សុំលាឈប់ មកបង្កើតបក្សខ្លួនឯង»។
ជាកូនទី៤ នៃគ្រួសារកសិករអ្នកខេត្តត្បូងឃ្មុំ និងធ្លាប់ជាយុវជនដែលស្វែងរកការងារធ្វើយ៉ាងលំបាកដើម្បីដោះស្រាយជីវភាពគ្រួសារនោះ លោក ពេជ្រ ស្រស់ អះអាងថា ការបង្កើតគណក្សនេះឡើង ក្នុងគោលបំណងចង់ចូលរួមដោះស្រាយបញ្ហាកសិករជាអាទិ៍ ជាពិសេសនោះគឺបង្រៀនឲ្យពលរដ្ឋ និងយុវជន ត្រូវហ៊ានធ្វើនយោបាយ និងចេះដោះស្រាយបញ្ហាដោយសមត្ថភាពខ្លួនឯង ដោយមិនចាំបាច់ពឹងផ្អែកលើអ្នកនយោបាយឡើយ។ «គោលនយោបាយទី១ គឺផ្តល់ឱកាសឲ្យយុវជនគ្រប់ជំនាន់ ហ៊ានធ្វើនយោបាយដោយខ្លួនឯង មានចំណេះ៣ឬ៤ យកមកដាក់លើតុធ្វើការងារនេះទៅ តែមិនយកប្រាក់ទេ។ ហើយបង្កើតសហគមន៍យុវជនដើម្បីឃ្លាំមើលគ្នា យុវជនណាអត់ការងារធ្វើ ស្វែងរកការងារណែនាំគ្នាឲ្យដាក់ពាក្យធ្វើការតាមជំនាញពួកគេ ដូចនេះ យុវជនអាចឃ្លាំមើលគ្នា ដោះស្រាយបញ្ហារួមគ្នាដោយខ្លួនឯង។ ហើយខ្ញុំធ្វើយ៉ាងណាឲ្យប្រជាពលរដ្ឋរួចផុតទុក្ខក្រីក្រលំបាក មានបាយហូបគ្រប់គ្រាន់ មិនជំពាក់ធនាគារវ័ណ្ឌករ មានការងារធ្វើក្នុងតំបន់ ហើយមានតម្លៃទីផ្សាកសិកម្មជូនពលរដ្ឋ»។ នេះជាការបញ្ជាក់របស់លោក ពេជ្រ ស្រស់ ដែលមើលឃើញពីបញ្ហាយុវជន មុននឹងជំរុញឲ្យយុវជនដែលចូលរួមសកម្មភាពនយោបាយទាំងនោះ ត្រូវចេះគិតពិចារណាឲ្យបានច្បាស់លាស់ ដោយមិនមែនគាំទ្រអ្នកនយោបាយផ្កាប់មុខ ហើយលាភពណ៌និងរើសអើងយុវជនគ្នាឯងទៅវិញទៅមក តាមអ្នកនយោបាយឡើយ។
«ដាក់ជីវិតប្រឡូកនយោបាយរហូតអស់ជីវិត»
គិតមកដល់ពេលនេះគណបក្សយុវជនកម្ពុជា បានបង្កើតឡើងជិតមួយឆ្នាំហើយ តែមេដឹកនាំនយោបាយវ័យក្មេងគណបក្សយុវជនកម្ពុជារូបនេះ មិនសប្បាយចិត្តឡើយនៅពេលដែលលឺពាក្យរិះគន់ចោទគណបក្សខ្លួនថា មានការគាំទ្រពីក្រោយដោយគណបក្សកាន់អំណាចនោះ។ សម្រាប់ប្រធានគណបក្សយុវជនរូបនេះ អះអាងថា ថវិកាបង្កើតបក្សនេះ គឺបានមកពីមិត្តភក្តិ ពីមូលនិធីរបស់ក្រុមការងារ និងថវិកាផ្ទាល់ខ្លួនលោក ដោយគ្មានគណបក្សនយោបាយណានៅពីក្រោយឡើយ។
នៅពេលសួរថា បើមិនមានអ្នកនៅពីក្រោយ តើលោកមានឆន្ទៈ និងមានថវិកាបង្កើតគណបក្សនេះ បានដល់ពេលណា? លោក ពេជ្រ ស្រស់ ឆ្លើយទាំងទឹកមុខមុតមាំថា លោកនឹងប្រឡូកក្នុងនយោបាយនេះ ដើម្បីឈឺឆ្អាលលើសុខទុក្ខយុវជន និងដោះស្រាយបញ្ហាប្រជាពលរដ្ឋ លុះត្រាខ្លួន«ស្លាប់»។« ពីព្រោះ ពេជ្រ ស្រស់ កើតមកមិនដែលមានលុយទេ ហើយគ្រួសារ ពេជ្រ ស្រស់ ជាមនុស្សក្រីក្របំផុត រឿងលុយនេះសឹងតែមិនស្គាល់ផង មិនដឹងដុល្លារនេះបែមុខទៅណាផង។ ប៉ុន្តែរាល់ថ្ងៃនេះគ្រួសារពេជ្រ ស្រស់ អាចមានលទ្ធភាពទិញផ្ទះខ្លួនឯង ដូចនេះរឿងលុយមិនមែនជាបញ្ហាចោទសម្រាប់គណបក្ស សម្រាប់ខ្លួនខ្ញុំផ្ទាល់ទេ។ ដូចខ្ញុំជម្រាបថា ថ្ងៃនេះខ្ញុំដាំ ខ្ញុំទទួលផល២០ឆ្នាំក្រោយ ៣០ឆ្នាំក្រោយ ហើយខ្ញុំនឹងបន្តនយោបាយរហូតដល់ខ្ញុំអស់ជីវិត»។ នេះជាការបញ្ជាក់ចុងក្រោយរបស់លោក ពេជ្រ ស្រស់ ប្រធានគណបក្សយុវជនកម្ពុជា ដែលមានអតីតភាពជាកម្មករសំណង់ និងកម្មកររោងចក្រ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
