ភ្ជុំបិណ្ឌ៖ អ្នកភ្នំពេញរំភើបនឹងភាពស្ងប់ស្ងាត់ គ្មានចរាចរណ៍រំខានអារម្មណ៍

ជាតិ

ភ្ជុំបិណ្ឌ៖ អ្នកភ្នំពេញរំភើបនឹងភាពស្ងប់ស្ងាត់ គ្មានចរាចរណ៍រំខានអារម្មណ៍

01, Oct 2016 , 12:04 pm

រូបភាព

ដោយ: លីម តុលា

ភ្នំពេញ៖ នៅថ្ងៃធម្មតា អ្នកធ្វើការខ្លះត្រូវចំណាយពេល២ម៉ោង ៣ម៉ោង ឬ៤ម៉ោង ដើម្បីធ្វើដំណើរពីគេហដ្ឋានទៅកាន់កន្លែងធ្វើការ ទាំងទៅ និងមក ព្រោះតែចរាចរណ៍ចង្អៀតពេក។ ចរាចរណណ៍រញ៉េរញ៉ៃខ្លាំងពេក ធ្វើឲ្យអ្នកភ្នំពេញធុញទ្រាន់រកអ្វីថ្លែងប្រៀបផ្ទឹមពុំបានឡើយ។ អ្នកជំនាញខ្លះថែមទាំងបានវិភាគថា ការកកស្ទះចរាចរណ៍អាចជំរុញឲ្យអ្នកធ្វើដំណើរមួយចំនួនកើតជំនឿស្ត្រេស(Stress)។ អ្នកខ្លះទៀតថា ការកកស្ទះចរាចរណ៍ធ្វើឲ្យខាតបង់សេដ្ឋកិច្ចច្រើនណាស់ ដូចជា ខាតពេលវេលា ខាតសាំង ខាតកម្លាំង។ល។

ដោយសារតែភ្នំពេញរុំព័ទ្ធដោយចរាចរណ៍កកស្ទះជារៀងរាល់ថ្ងៃពេកនោះ អ្នកភ្នំពេញបន់ក្នុងចិត្តឲ្យតែមានថ្ងៃបុណ្យធំៗម្តងដើម្បីឲ្យពួកគេអាចទទួលបានភាពស្ងប់ស្ងាត់ដូចករណីបុណ្យចូលឆ្នាំ ឬបុណ្យភ្ជុំបិណ្ឌជាដើម។ ពិធីបុណ្យទាំងនេះ អនុញ្ញាតឲ្យមនុស្សម្នាជាច្រើនធ្វើដំណើរកម្សាន្តទៅក្រៅប្រទេស ទៅតំបន់ទេសចរណ៍នានា ឬទៅស្រុកកំណើត។

សូមអញ្ជើញទស្សនារូបភាពនៅក្នុងទីក្រុងភ្នំពេញនៅថ្ងៃភ្ជុំធំថ្ងៃទី១ខែតុលាឆ្នាំ២០១៦នេះ ដូចតទៅ៖