ជាតិ
នយោបាយជាតិ
តំណាងរាស្ត្រCNRP បន្តចូលប្រជុំគណៈកម្មាធិការអចិន្ត្រៃយ៍រដ្ឋសភា
×
ភ្នំពេញ៖ នៅព្រឹកនេះរដ្ឋសភា បានបើកកិច្ចប្រជុំគណៈកម្មាធិការអចិន្ត្រៃយ៍ ដែលដឹកនាំដោយសម្ដេច ហេង សំរិន ប្រធានរដ្ឋសភា។ ប្រធានគណៈកម្មាធិការអចិន្ត្រៃយ៍មកពីខាងគណបក្សសង្គ្រោះជាតិ បានបន្តចូលរួមកិច្ចប្រជុំនេះដែរ ក្រោយពីប្រកាសរកផ្លូវចរចាជាមួយគណបក្សប្រជាជនកម្ពុជា។
បើតាមអ្នកសារព័ត៌មានថ្មីៗ ប្រធានគណៈកម្មាធិការអចិន្ត្រៃយ៍ពីគណបក្សសង្គ្រោះជាតិ ដែលចូលរួមប្រជុំនោះរួមមានលោក អេង ឆៃអ៊ាង លោក យ៉ែម បុញ្ញឫទ្ធិ លោក ហូ វ៉ាន់ លោក ប៉ុល ហំម និងអ្នកស្រី កែ សុវណ្ណារ័ត្ន ។
របៀបវីរៈនៃកិច្ចប្រជុំនេះ មានដូចជាទី១ ព្រះរាជសារព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជូនសម័យប្រជុំរដ្ឋសភាលើកទី៧ នីតិកាលទី៥។ ទី២ របាយការណ៍ស្តីពីសកម្មភាពរបស់រដ្ឋសភាចន្លោះសម័យប្រជុំរដ្ឋសភាលើកទី៦ និងលើកទី៧ នីតិកាលទី៥។ទី៣ ការពិភាក្សា និងអនុម័តសេចក្ដីព្រាងច្បាប់ស្តីពី ការគ្រប់គ្រងអ្នកប្រកបវិជ្ជាជីវៈសុខាភិបាល។ ទី៤ ការពិភាក្សា និងអនុម័តសេចក្ដីព្រាងច្បាប់ស្តីពី ការអនុម័តយល់ព្រមលើពិធីសារទី៧ ស្តីពីប្រព័ន្ធឆ្លងកាត់គយ និងកិច្ចព្រមព្រៀងក្របខណ្ឌ អាស៊ាន ស្តីពីកិច្ចសម្រួលការដឹកជញ្ជូនឆ្លងកាត់ទំនិញ។ ទី៥ ការពិភាក្សា និងអនុម័តសេចក្ដីព្រាងច្បាប់ស្តីពី ការអនុម័តយល់ព្រមលើពិធីសារដើម្បីអនុវត្តកញ្ចប់ទី៦ នៃការប្ដេជ្ញាបើកចំហរសេវាហិរញ្ញវត្ថុនៅក្រោមកិច្ចព្រមព្រៀង ក្របខណ្ឌអាស៊ានស្តីពីសេវា។ ទី៦ ការពិភាក្សា និងអនុម័តសេចក្ដីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀង ស្តីពីការបង្កើតអង្គភាពស្រាវជ្រាវម៉ាក្រូសេដ្ឋកិច្ចអាស៊ានបូក៣ និងទី៧ ការពិភាក្សា និងអនុម័តសេចក្ដីព្រាងច្បាប់ស្តីពី ការអនុម័តយល់ព្រមលើ កិច្ចព្រមព្រៀងស្តីពីការបង្កើត និងអនុវត្តបញ្ជរតែមួយអាស៊ាន។ ពិធីសារស្តីពីការបង្កើតនិងការអនុវត្តបញ្ជរតែមួយអាស៊ាន និងពិធីសារស្តីពីក្របខណ្ឌច្បាប់សម្រាប់អនុវត្តបញ្ជរតែមួយអាស៊ាន៕
© រក្សាសិទ្ធិដោយ thmeythmey.com