អន្តរជាតិ
×![]()
ដោយ: ថ្មីៗ
រុស្ស៊ីបញ្ជូនប្រព័ន្ធការពារដែនអាកាស S-300 ទៅកាន់មូលដ្ឋានទ័ពជើងទឹកនៅប្រទេសស៊ីរី ស្របពេលដែលភាពតានតឹងកើនខ្លាំងរវាងរុស្ស៊ីនិងលោកខាងលិច។ មន្ត្រីរុស្ស៊ីអះអាងថា ខែលការពារមីស៊ីលនេះត្រូវពង្រាយដើម្បីការពារនាវានិងយន្តហោះរុស្ស៊ីប៉ុណ្ណោះ ហើយលោកខាងលិចមិនបាច់បារម្ភឡើយ។ អាមេរិកបារម្ភថា យន្តហោះចម្បាំងរបស់ខ្លួនដែលកំពុងបំពេញប្រតិបត្តិការនៅស៊ីរីអាចនឹងរងគ្រោះដោយសារប្រព័ន្ធការពារដែនអាកាស រុស្ស៊ីពេលខាងមុខ។ ក្រៅពីពង្រាយសព្វាវុធនេះ សភារុស្ស៊ីក៏ត្រៀម ផ្តល់សច្ចាប័នកិច្ចព្រមព្រៀងប្រើប្រាស់មូលដ្ឋានទ័ពអាកាសស៊ីរីនៅខេត្ត Latakiaដោយគ្មានកំណត់ដែរ។
សូមស្តាប់ព័ត៌មានលម្អិត៖
ខណៈដែលស្ថានភាពតានតឹងកើនឡើងនៅស៊ីរី ក្រោយអាមេរិកបោះបង់រាល់កិច្ចពិភាក្សាលើការបង្កើតបទឈប់បាញ់នៅស៊ីរី រុស្ស៊ីចាប់ផ្តើមពង្រាយសព្វាវុធទំនើបរបស់ខ្លួនបន្ថែមទៅកាន់ទឹកដីស៊ីរី។ សព្វាវុធនោះគឺ ប្រព័ន្ធការពារដែនអាកាស S-300 ដែលត្រូវបានកែសម្រួលនិងបន្ទាន់សម័យរួចហើយនោះ។
យោងតាមទីភ្នាក់ងារព័ត៌មាន AFP អ្នកនាំពាក្យក្រសួងការពារជាតិរុស្ស៊ីលោក Igor Konashenkov បានទទួលស្គាល់ថា ប្រព័ន្ធការពារដែនអាកាស S-300 ពិតជាត្រូវបានបញ្ជូនទៅកាន់ទឹកដីស៊ីរីមែន ហើយវានឹងត្រូវឈរជើងនៅមូលដ្ឋានទ័ពជើងទឹករុស្ស៊ី Tartus ជាប់សមុទ្រម៉េឌីទែរ៉ាណេ។ មន្ត្រីយោធាជាន់ខ្ពស់ក្រុងម៉ូស្គូរូបនេះបានផ្តាំផ្ញើទៅលោកខាងលិចផងដែរថា ប្រព័ន្ធមីស៊ីល S-300 ជា ប្រព័ន្ធការពារសុទ្ធសាធ ដូច្នេះហើយគេមិនចាំបាច់ភ័យបារម្ភចំពោះការពង្រាយសព្វាវុធនេះទេ។
១.យន្តហោះចម្បាំងអាមេរិកជាគោលដៅនៃប្រព័ន្ធមីស៊ីលរុស្ស៊ី?
ការពង្រាយប្រព័ន្ធមីស៊ីល S-300 របស់រុស្ស៊ី ទៅកាន់ប្រទេសស៊ីរីជារឿងដែលធ្វើឲ្យលោកខាងលិចបារម្ភ ទោះបីជាមានការបញ្ជាក់ស្រាប់ថាប្រព័ន្ធនេះមិនមានគោលដៅប្រឆាំងលោកខាងលិចឡើយ។ S-300 នេះត្រូវបានរុស្ស៊ីបញ្ជូនទៅកាន់ប្រទេសស៊ីរីលើកដំបូងបំផុត ប៉ុន្តែកន្លងមករុស្ស៊ីបានពង្រាយខែលការពារមីស៊ីលស៊ីរីចុងក្រោយ S-400 ជាច្រើនគ្រឿងទៅកាន់ខេត្ត Latakia ដែលមានយន្តហោះចម្បាំងរុស្ស៊ីច្រើនគ្រឿងស្ថិតនៅ។ ការពង្រាយសព្វាវុធនេះធ្វើឡើងក្រោយពេលយន្តហោះចម្បាំង Su-24 ត្រូវបានកងទ័ពតួកគីបាញ់ទម្លាក់នៅខែវិច្ឆិកាឆ្នាំ ២០១៥កន្លងទៅ។
ខែលការពារមីស៊ីល S-300 និង S-400 ជាប្រព័ន្ធការពារដែនអាកាសដែលមានឥទ្ធិពលខ្លាំង។ វាមិនត្រឹមតែអាចមានលទ្ធភាពកម្ទេច រាល់មីស៊ីល, យន្តហោះចម្បាំង និងរាល់វត្ថុដែលហោះ បានយ៉ាងមានប្រសិទ្ធភាពប៉ុណ្ណោះទេ វាក៏អាចចល័តបានស្រួលនិងមានបំពាក់ប្រព័ន្ធរ៉ាដាដែលអាចឃ្លាំមើលតំបន់ជាច្រើនទូទាំងប្រទេសស៊ីរីផង។
មន្ត្រីក្រុងវ៉ាស៊ីនតោនបានអះអាងថា វាជាយុទ្ធសាស្ត្ររបស់រុស្ស៊ីក្នុងការការពាររបបដឹកនាំស៊ីរី ហើយមិនត្រឹមតែប៉ុណ្ណោះរុស្ស៊ីកំពុងពង្រឹងនិងពង្រីកប្រព័ន្ធការពាររបស់ខ្លួននៅស៊ីរី។ ហើយវាជាសារមួយសម្រាប់ក្រុងវ៉ាស៊ីនតោនផងដែរថា យន្តហោះអាមេរិកនឹងប្រឈមគ្រោះថ្នាក់បើសិនជាអាមេរិកហ៊ានអន្តរាគមន៍ឬធ្វើសកម្មភាពមួយប្រឆាំងរុស្ស៊ីនិងស៊ីរី។ អាចថា វាជាពេលដែលរុស្ស៊ីបង្កើតតំបន់គ្មានការហោះហើរសម្រាប់ក្រុងវ៉ាស៊ីនតោននិងសម្ព័ន្ធមិត្ត។
កាលពីដើមខែមុន អាមេរិកបានបើកយុទ្ធនាការវាយប្រហារតាមផ្លូវអាកាសមួយដោយសម្លាប់ទាហានស៊ីរីអស់យ៉ាងហោចណាស់ ៦០នាក់ ប៉ុន្តែអាមេរិកអះអាងថា ការវាយប្រហារនេះជារឿងអចេតនានិងជាការភាន់ច្រឡំប៉ុណ្ណោះ។
រឿងដែលមិនអាចប្រកែកបាន ដែលថា សកម្មភាពរុស្ស៊ីជាការគំរាមអាមេរិក និងសម្ព័ន្ធមិត្ត ព្រោះក្រុមភេរវជនមិនមានយន្តហោះចម្បាំងនិងមីស៊ីលឡើយ។មានតែអាមេរិកនិងក្រុមសម្ព័ន្ធអន្តរជាតិប៉ុណ្ណោះដែលមានយន្តហោះចម្បាំងដែលកំពុងប្រតិបត្តិការនៅក្នុងទឹកដីស៊ីរី។ ដូច្នេះវាជារឿងមិនសមហេតុផលទាល់តែសោះ ដែលរុស្ស៊ីត្រូវពង្រាយប្រព័ន្ធមីស៊ីលប្រភេទនេះទៅការពារសព្វាវុធខ្លួននៅស៊ីរី និងមិនមែនប្រឆាំងលោកខាងលិចនោះ។
២.រុស្ស៊ីត្រៀមដាក់មូលដ្ឋានទ័ពអចិន្ត្រៃយ៍នៅស៊ីរី
ក្រៅពីពង្រាយសព្វាវុធដើម្បីពង្រឹងអំណាចយោធារុស្ស៊ីនិងដើម្បីការពាររបបដឹកនាំស៊ីរី រដ្ឋាភិបាលក្រុងម៉ូស្គូគ្រោងដាក់មូលដ្ឋានកងទ័ពអាកាសរបស់ខ្លួនអចិន្ត្រៃយ៍នៅស៊ីរី។ កងទ័ពអាកាសរុស្ស៊ី នឹងប្រើប្រាស់មូលដ្ឋានទ័ពស៊ីរីដោយគ្មានដែនកំណត់ ហើយវានឹងជួយសម្រួលដល់ប្រតិបត្តិការយោធារបស់រុស្ស៊ីនៅស៊ីរីដែរ។
យោងតាមសារព័ត៌មានរុស្ស៊ី RT លោក វ្ល៉ាឌីមៀ ពូទីន បានស្នើសុំឲ្យសភា Duma ផ្តល់សច្ចាប័នកិច្ចព្រមព្រៀងជាមួយស៊ីរី កាលពីខែសីហាកន្លងទៅ ហើយគេរំពឹងថាសភាជាន់ទាបរុស្ស៊ី នឹងផ្តល់សច្ចាប័នដល់កិច្ចព្រមព្រៀងនេះនៅថ្ងៃសុក្រទី ៧តុលាខាងមុខនេះ។
ទាក់ទិនបញ្ហានេះ ប្រធានគណៈកម្មាធិការការបរទេស ព្រឹទ្ធសភារុស្ស៊ី Konstantin Kosachev បានបញ្ជាក់ថា ប្រសិនបើសភាជាន់ទាបរុស្ស៊ីផ្តល់សច្ចាប័នដល់កិច្ចព្រមព្រៀងនេះក្នុងសប្តាហ៍នេះ ព្រឹទ្ធសភានឹងចាប់ផ្តើមត្រួតពិនិត្យនិងសម្រេចចុងក្រោយនៅថ្ងៃ ១២ តុលាសប្តាហ៍ក្រោយទៀត។
តាមពិតទៅរុស្ស៊ីបានចាប់ផ្តើមពង្រាយកងទ័ពទ័ពអាកាសរបស់ខ្លួនទៅកាន់ប្រទេសស៊ីរី នៅក្នុង ២០១៥ ក្រោយមានសំណូមពរពីរដ្ឋាភិបាលស៊ីរី ដែលកំពុងច្បាំងកម្ចាត់ក្រុមរដ្ឋឥស្លាម និងបណ្តាក្រុមភេរវជនផ្សេងទៀត។ ហើយដល់ចុងខែកញ្ញា ឆ្នាំ ២០១៥ រុស្ស៊ីបានបញ្ជូនយន្តហោះចម្បាំងរបស់ខ្លួនទៅកម្ចាត់ក្រុមភេរវជន និងគាំទ្រកងកម្លាំងលោក បាសា អាល់អាសាដ រហូតអាចវាយដណ្តើមទឹកដីជាច្រើនពីក្រុមឧទ្ទាមផងនិងក្រុមភេរវជនរដ្ឋឥស្លាមផងដែរ៕
សូមស្តាប់ព័ត៌មានលម្អិត៖
ខណៈដែលស្ថានភាពតានតឹងកើនឡើងនៅស៊ីរី ក្រោយអាមេរិកបោះបង់រាល់កិច្ចពិភាក្សាលើការបង្កើតបទឈប់បាញ់នៅស៊ីរី រុស្ស៊ីចាប់ផ្តើមពង្រាយសព្វាវុធទំនើបរបស់ខ្លួនបន្ថែមទៅកាន់ទឹកដីស៊ីរី។ សព្វាវុធនោះគឺ ប្រព័ន្ធការពារដែនអាកាស S-300 ដែលត្រូវបានកែសម្រួលនិងបន្ទាន់សម័យរួចហើយនោះ។
យោងតាមទីភ្នាក់ងារព័ត៌មាន AFP អ្នកនាំពាក្យក្រសួងការពារជាតិរុស្ស៊ីលោក Igor Konashenkov បានទទួលស្គាល់ថា ប្រព័ន្ធការពារដែនអាកាស S-300 ពិតជាត្រូវបានបញ្ជូនទៅកាន់ទឹកដីស៊ីរីមែន ហើយវានឹងត្រូវឈរជើងនៅមូលដ្ឋានទ័ពជើងទឹករុស្ស៊ី Tartus ជាប់សមុទ្រម៉េឌីទែរ៉ាណេ។ មន្ត្រីយោធាជាន់ខ្ពស់ក្រុងម៉ូស្គូរូបនេះបានផ្តាំផ្ញើទៅលោកខាងលិចផងដែរថា ប្រព័ន្ធមីស៊ីល S-300 ជា ប្រព័ន្ធការពារសុទ្ធសាធ ដូច្នេះហើយគេមិនចាំបាច់ភ័យបារម្ភចំពោះការពង្រាយសព្វាវុធនេះទេ។
១.យន្តហោះចម្បាំងអាមេរិកជាគោលដៅនៃប្រព័ន្ធមីស៊ីលរុស្ស៊ី?
ការពង្រាយប្រព័ន្ធមីស៊ីល S-300 របស់រុស្ស៊ី ទៅកាន់ប្រទេសស៊ីរីជារឿងដែលធ្វើឲ្យលោកខាងលិចបារម្ភ ទោះបីជាមានការបញ្ជាក់ស្រាប់ថាប្រព័ន្ធនេះមិនមានគោលដៅប្រឆាំងលោកខាងលិចឡើយ។ S-300 នេះត្រូវបានរុស្ស៊ីបញ្ជូនទៅកាន់ប្រទេសស៊ីរីលើកដំបូងបំផុត ប៉ុន្តែកន្លងមករុស្ស៊ីបានពង្រាយខែលការពារមីស៊ីលស៊ីរីចុងក្រោយ S-400 ជាច្រើនគ្រឿងទៅកាន់ខេត្ត Latakia ដែលមានយន្តហោះចម្បាំងរុស្ស៊ីច្រើនគ្រឿងស្ថិតនៅ។ ការពង្រាយសព្វាវុធនេះធ្វើឡើងក្រោយពេលយន្តហោះចម្បាំង Su-24 ត្រូវបានកងទ័ពតួកគីបាញ់ទម្លាក់នៅខែវិច្ឆិកាឆ្នាំ ២០១៥កន្លងទៅ។
ខែលការពារមីស៊ីល S-300 និង S-400 ជាប្រព័ន្ធការពារដែនអាកាសដែលមានឥទ្ធិពលខ្លាំង។ វាមិនត្រឹមតែអាចមានលទ្ធភាពកម្ទេច រាល់មីស៊ីល, យន្តហោះចម្បាំង និងរាល់វត្ថុដែលហោះ បានយ៉ាងមានប្រសិទ្ធភាពប៉ុណ្ណោះទេ វាក៏អាចចល័តបានស្រួលនិងមានបំពាក់ប្រព័ន្ធរ៉ាដាដែលអាចឃ្លាំមើលតំបន់ជាច្រើនទូទាំងប្រទេសស៊ីរីផង។
មន្ត្រីក្រុងវ៉ាស៊ីនតោនបានអះអាងថា វាជាយុទ្ធសាស្ត្ររបស់រុស្ស៊ីក្នុងការការពាររបបដឹកនាំស៊ីរី ហើយមិនត្រឹមតែប៉ុណ្ណោះរុស្ស៊ីកំពុងពង្រឹងនិងពង្រីកប្រព័ន្ធការពាររបស់ខ្លួននៅស៊ីរី។ ហើយវាជាសារមួយសម្រាប់ក្រុងវ៉ាស៊ីនតោនផងដែរថា យន្តហោះអាមេរិកនឹងប្រឈមគ្រោះថ្នាក់បើសិនជាអាមេរិកហ៊ានអន្តរាគមន៍ឬធ្វើសកម្មភាពមួយប្រឆាំងរុស្ស៊ីនិងស៊ីរី។ អាចថា វាជាពេលដែលរុស្ស៊ីបង្កើតតំបន់គ្មានការហោះហើរសម្រាប់ក្រុងវ៉ាស៊ីនតោននិងសម្ព័ន្ធមិត្ត។
កាលពីដើមខែមុន អាមេរិកបានបើកយុទ្ធនាការវាយប្រហារតាមផ្លូវអាកាសមួយដោយសម្លាប់ទាហានស៊ីរីអស់យ៉ាងហោចណាស់ ៦០នាក់ ប៉ុន្តែអាមេរិកអះអាងថា ការវាយប្រហារនេះជារឿងអចេតនានិងជាការភាន់ច្រឡំប៉ុណ្ណោះ។
រឿងដែលមិនអាចប្រកែកបាន ដែលថា សកម្មភាពរុស្ស៊ីជាការគំរាមអាមេរិក និងសម្ព័ន្ធមិត្ត ព្រោះក្រុមភេរវជនមិនមានយន្តហោះចម្បាំងនិងមីស៊ីលឡើយ។មានតែអាមេរិកនិងក្រុមសម្ព័ន្ធអន្តរជាតិប៉ុណ្ណោះដែលមានយន្តហោះចម្បាំងដែលកំពុងប្រតិបត្តិការនៅក្នុងទឹកដីស៊ីរី។ ដូច្នេះវាជារឿងមិនសមហេតុផលទាល់តែសោះ ដែលរុស្ស៊ីត្រូវពង្រាយប្រព័ន្ធមីស៊ីលប្រភេទនេះទៅការពារសព្វាវុធខ្លួននៅស៊ីរី និងមិនមែនប្រឆាំងលោកខាងលិចនោះ។
២.រុស្ស៊ីត្រៀមដាក់មូលដ្ឋានទ័ពអចិន្ត្រៃយ៍នៅស៊ីរី
ក្រៅពីពង្រាយសព្វាវុធដើម្បីពង្រឹងអំណាចយោធារុស្ស៊ីនិងដើម្បីការពាររបបដឹកនាំស៊ីរី រដ្ឋាភិបាលក្រុងម៉ូស្គូគ្រោងដាក់មូលដ្ឋានកងទ័ពអាកាសរបស់ខ្លួនអចិន្ត្រៃយ៍នៅស៊ីរី។ កងទ័ពអាកាសរុស្ស៊ី នឹងប្រើប្រាស់មូលដ្ឋានទ័ពស៊ីរីដោយគ្មានដែនកំណត់ ហើយវានឹងជួយសម្រួលដល់ប្រតិបត្តិការយោធារបស់រុស្ស៊ីនៅស៊ីរីដែរ។
យោងតាមសារព័ត៌មានរុស្ស៊ី RT លោក វ្ល៉ាឌីមៀ ពូទីន បានស្នើសុំឲ្យសភា Duma ផ្តល់សច្ចាប័នកិច្ចព្រមព្រៀងជាមួយស៊ីរី កាលពីខែសីហាកន្លងទៅ ហើយគេរំពឹងថាសភាជាន់ទាបរុស្ស៊ី នឹងផ្តល់សច្ចាប័នដល់កិច្ចព្រមព្រៀងនេះនៅថ្ងៃសុក្រទី ៧តុលាខាងមុខនេះ។
ទាក់ទិនបញ្ហានេះ ប្រធានគណៈកម្មាធិការការបរទេស ព្រឹទ្ធសភារុស្ស៊ី Konstantin Kosachev បានបញ្ជាក់ថា ប្រសិនបើសភាជាន់ទាបរុស្ស៊ីផ្តល់សច្ចាប័នដល់កិច្ចព្រមព្រៀងនេះក្នុងសប្តាហ៍នេះ ព្រឹទ្ធសភានឹងចាប់ផ្តើមត្រួតពិនិត្យនិងសម្រេចចុងក្រោយនៅថ្ងៃ ១២ តុលាសប្តាហ៍ក្រោយទៀត។
តាមពិតទៅរុស្ស៊ីបានចាប់ផ្តើមពង្រាយកងទ័ពទ័ពអាកាសរបស់ខ្លួនទៅកាន់ប្រទេសស៊ីរី នៅក្នុង ២០១៥ ក្រោយមានសំណូមពរពីរដ្ឋាភិបាលស៊ីរី ដែលកំពុងច្បាំងកម្ចាត់ក្រុមរដ្ឋឥស្លាម និងបណ្តាក្រុមភេរវជនផ្សេងទៀត។ ហើយដល់ចុងខែកញ្ញា ឆ្នាំ ២០១៥ រុស្ស៊ីបានបញ្ជូនយន្តហោះចម្បាំងរបស់ខ្លួនទៅកម្ចាត់ក្រុមភេរវជន និងគាំទ្រកងកម្លាំងលោក បាសា អាល់អាសាដ រហូតអាចវាយដណ្តើមទឹកដីជាច្រើនពីក្រុមឧទ្ទាមផងនិងក្រុមភេរវជនរដ្ឋឥស្លាមផងដែរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
