អន្តរជាតិ
អតីតនាយករដ្ឋមន្ត្រីព័រទុយហ្គាល់ លោក Antonio Guterres ជាបេក្ខភាពសម្រាប់ជំនួសតំណែងលោក បាន គីមូន
លោក Antonio Guterres បេក្ខជនអគ្គលេខាធិការអង្គការសហប្រជាជាតិ
×![]()
ដោយ: តន ចាន់រិទ្ធារ៉ា
អតីតនាយករដ្ឋមន្ត្រីព័រទុយហ្កាល់ លោក Antonio Guterres កំពុងតែខិតជិតតំណែងអគ្គលេខាធិការអង្គការសហប្រជាជាតិហើយ បន្ទាប់ពីលោកត្រូវបានក្រុមប្រឹក្សាសន្តិសុខអង្គការសហប្រជាជាតិ ជ្រើសរើសជាបេក្ខភាពជំនួសលោក បាន គីមូន កាលពីថ្ងៃទី៥ ខែតុលារួចមក។ ការជ្រើសរើសដែលរង់ចាំតែការសម្រេចរបស់មហាសន្និបាតអង្គការសហប្រជាជាតិ មានន័យថា ក្ដីរំពឹងដែលអគ្គលេខាធិការថ្មីជាស្ត្រី ក៏ត្រូវបញ្ចប់ដែរ។
សូបស្ដាប់ព័ត៌មានលម្អិត៖
សមាជិកទាំង១៥ នៃក្រុមប្រឹក្សាសន្តិសុខអង្គការសហប្រជាជាតិ បានឯកភាពជាឯកច្ឆន្ទជ្រើសរើសលោក Antonio Guterres ជាបេក្ខភាពសម្រាប់តំណែងអគ្គលេខាធិការជំនួសលោក បាន គីមូន ដែលត្រូវចប់អាណត្តិ។ លោក Guterres ក្លាយជាបេក្ខជននាំមុខគេ ក្រោយការបោះឆ្នោតសម្ងាត់៦ដង ហើយបេក្ខភាពរបស់លោក នឹងត្រូវបោះឆ្នោតសម្រេចចុងក្រោយម្ដងទៀត មុននឹងដាក់ឲ្យមហាសន្និបាតបោះឆ្នោត។
អគ្គរដ្ឋទូតរុស្សីលោក Vitaly Churkin ដែលជាប្រធានប្ដូរវេននៃក្រុមប្រឹក្សាសន្តិសុខ ក៏បានជូនដំណឹងការបោះឆ្នោតនេះដល់ប្រធានមហាសន្និបាតអង្គការសហប្រជាជាតិ លោក Peter Thomson រួចហើយ។ អគ្គរដ្ឋទូតរូបនេះ និយាយថា ក្រុមប្រឹក្សាសន្តិសុខ នឹងជួបគ្នានៅព្រឹកថ្ងៃទី៦ ខែតុលា (ម៉ោងនៅអាមេរិក) ដើម្បីបោះឆ្នោតជាផ្លូវការលើបេក្ខភាពលោក Guterres។ បន្ទាប់មក ក្រុមប្រឹក្សាសន្តិសុខនឹងបញ្ជូនរឿងនេះទៅមហាសន្និបាតពិចារណាចុងក្រោយ។
លោក Antonio Guterres ដែលជាអតីតប្រមុខឧត្តមស្នងការទទួលបន្ទុកជនភៀសខ្លូនដែរនោះ ត្រូវគេមើលឃើញថា ជាបុគ្គលសក្តិសមសម្រាប់តំណែងអគ្គលេខាធិការនេះ។ លោកបានផ្ដួលគូប្រជែងចំនួន១២នាក់ផ្សេងទៀត ក្នុងការបោះឆ្នោតជាសម្ងាត់៦ដង។ ក្នុងការបោះឆ្នោតចុងក្រោយ លោក Guterres ទទួលសំឡេងលើកទឹកចិត្តចំនួន១៣ សំឡេងគ្មានយោបល់២ និងមិនមានសំឡេងមិនលើកទឹកចិត្តឡើយ។
១. សមាជិកអចិន្ត្រៃយ៍ទាំង៥ ស្វាគមន៍បេក្ខភាពលោក Guterres
អគ្គរដ្ឋទូតនៃសមាជិកអចិន្ត្រៃយ៍ទាំង៥ នៃក្រុមប្រឹក្សាសន្តិសុខរួមមានអាមេរិក ចិន រុស្សី បារាំង និងចក្រភពអង់គ្លេស សុទ្ធតែបង្ហាញជំហរសុទិដ្ឋិនិយមចំពោះបេក្ខភាពរបស់អតីតប្រមុខស្ថាប័នជនភៀសខ្លួនរូបនេះ។ អ្វីដែលគួរឲ្យចាប់អារម្មណ៍នោះ អាមេរិក និងរុស្សី ដែលកំពុងមិនត្រូវគ្នាលើបញ្ហាស៊ីរីនោះ ក៏បានសហការគ្នាដើម្បីគាំទ្រលោក Guterres ដែរ ដែលរឿងនេះធ្វើឲ្យគេភ្ញាក់ផ្អើលខ្លាំង។
លោកស្រី Samantha Power អគ្គរដ្ឋទូតអាមេរិកនិយាយថា ទស្សនៈវិស័យ និងបទពិសោធន៍របស់លោក Guterres គឺជាកត្តាដ៏សំខាន់ ហើយលោកនឹងក្លាយជាប្រមុខអង្គការសហប្រជាជាតិ ដែលធ្វើការងារកាន់តែមានប្រសិទ្ធភាព ចំពេលដែលពិភពលោកកំពុងប្រឈមមុខបញ្ហាជាច្រើននោះ។ លោកស្រីបន្តថា លោក Guterres បង្ហាញសមត្ថភាពយ៉ាងល្អ ទាំងនៅនយោបាយក្នុងស្រុក និងពេលលោកធ្វើជាប្រធានស្ថាប័នទទួលបន្ទុកជនភៀសខ្លួនផងដែរ។
បើតាមសារព័ត៌មាន CNN ប្រេសិតចក្រភពអង់គ្លេស ក៏បានស្វាគមន៍បេក្ខភាពអតីតនាយករដ្ឋមន្ត្រីព័រទុយហ្កាល់រូបនេះដែរ។ លោក Matthew Rycroft និយាយដែរថា ពិភពលោកត្រូវការអ្នកដឹកនាំដែលខ្លាំងពូកែ ដើម្បីដោះស្រាយបញ្ហាដែលកើតឡើងឥតឈប់ឈរនាពេលកន្លងមក ជាពិសេសបញ្ហាស៊ីរីតែម្ដង។ ដោយឡែកអគ្គរដ្ឋទូតបារាំងក៏បានហៅការជ្រើសរើសលោក Guterres ដែលចេះនិយាយបួនភាសាថា ជាព័ត៌មានល្អសម្រាប់ពិភពលោក។
២. អឺរ៉ុបខាងកើត និងអ្នកគាំទ្របេក្ខភាពស្ត្រី បានត្រឹមខកចិត្ត
អំឡុងពេលនៃយុទ្ធនាការជ្រើសរើសអគ្គលេខាធិការថ្មីនេះ មានការស្នើជាច្រើនទៅកាន់ស្ថាប័នដ៏មានឥទ្ធិពលរបស់អង្គការសហប្រជាជាតិ ដើម្បីជ្រើសរើសអគ្គលេខាធិការថ្មី ជាស្ត្រី ក៏ដូចជាបេក្ខជនមកពីតំបន់អឺរ៉ុបខាងកើតដែរ។ ប៉ុន្តែក្ដីសង្ឃឹមទាំងនោះ ត្រូវរលាយបាត់ ក្រោយការសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលជ្រើសរើសយកអតីតនាយករដ្ឋមន្ត្រីព័រទុយហ្កាល់ជំនួសវិញនោះ។
សូមរម្លឹកថា ក្នុងចំណោមបេក្ខភាពទាំង១៣រូប ដែលចូលប្រជែងកៅអីអគ្គលេខាធិការអង្គការសហប្រជាជាតិ ភាគច្រើនមកពីប្រទេសអឺរ៉ុបខាងកើត ក៏ដូចជាបេក្ខជនស្ត្រីផងដែរ។ លោកស្រី Kristalina Georgieva និងលោកស្រី Irina Bokova មកពីប៊ុលហ្ការី ត្រូវគេមើលឃើញថា ជាបេក្ខភាពដ៏មានសក្ដានុពលសម្រាប់ជំនួសតំណែងអគ្គលេខាធិការជនជាតិកូរ៉េខាងត្បូង លោក បាន គីមូន ដែលនឹងចប់អាណត្តិ។
តាមពិតទៅ នៅអំឡុងពេលនៃការជ្រើសរើសនេះ គេរំពឹងថា ប្រមុខអង្គការសហប្រជាជាតិថ្មី នឹងត្រូវដល់វេនប្រទេសអឺរ៉ុបខាងកើតវិញម្ដង ដ្បិតមិនទាន់មានបុគ្គលណាមកពីតំបន់នេះដឹកនាំស្ថាប័នពិភពលោកនេះឡើយ។ រុស្សី ដែលជាសមាជិកអចិន្ត្រៃយ៍ក្រុមប្រឹក្សាសន្តិសុខ ក៏តែងអះអាងថា អគ្គលេខាធិការថ្មី គួរតែជាមកពីតំបន់អឺរ៉ុបខាងកើត ដែលរឿងទំនងជាប៉ះពាល់ដល់លោក Guterres ក្នុងពេលបោះឆ្នោតចុងក្រោយនោះ។
៣. ជាលើកដំបូង ការជ្រើសរើសអគ្គលេខាធិការថ្មី ធ្វើឡើងជាសាធារណៈ
ការសម្រេចចិត្តរបស់ក្រុមប្រឹក្សាសន្តិសុខក្នុងការជ្រើសរើសអគ្គលេខាធិការថ្មី ជាជំហានទៅមុខមួយទៀតរបស់អង្គការសហប្រជាជាតិ។ កាលពីលើកមុនៗ ការជ្រើសរើសអគ្គលេខាធិការថ្មី ធ្វើឡើងជាសម្ងាត់ក្នុងចំណោមមហាអំណាចប៉ុន្មានប្រទេសប៉ុណ្ណោះ។ ប៉ុន្តែប្រពៃណីនេះ ត្រូវបានផ្លាស់ប្ដូរ ដោយសារតែបេក្ខជនទាំងអស់ បានជជែកដេញដោលគ្នាជាសាធារណៈ សម្រាប់ប្រជែងតំណែងដ៏ខ្ពស់នេះ។
កាលពីខែមេសា បេក្ខជនទាំងអស់ បានចូលរួមក្នុងការពិភាក្សាជាមួយអង្គការសហប្រជាតិ សង្គមស៊ីវិល ជុំវិញទស្សនៈវិស័យរបស់ពួកគេលើបញ្ហាពិភពលោកដូចជាការអភិវឌ្ឍដោយចីរភាព បម្រែបម្រួលអាកាសធាតុ និងបញ្ហាជនភៀសខ្លួនដែរ ក៏ដូចជាដំណោះស្រាយលើបញ្ហាទាំងនោះទៀតផង។ បន្ទាប់មកក្នុងខែកក្កដា បេក្ខជនទាំង១២ ក៏បានចូលរួមក្នុងការពិភាក្សា ដែលផ្សាយផ្ទាល់នៅទូទាំងពិភពលោកផងដែរ។
ជាមួយនឹងការជ្រើសរើសជាបេក្ខជននេះ លោក Guterres ត្រូវត្រៀមខ្លួនដោះស្រាយបញ្ហាដែលកំពុងរង់ចាំលោក បន្ទាប់ពីការចាកចេញរបស់លោក បាន គីមូន។ ការងារទាំងនោះ នឹងមិនមែនជារឿងងាយស្រួលឡើយ ដ្បិតលោកត្រូវសម្របសម្រួលកិច្ចការទាំងឡាយជាមួយមហាអំណាចពិភពលោក ដែលមិនមានជំហរស្របគ្នា និងតែងប្រជែងគ្នារហូតមកនោះ ជាពិសេសអាមេរិក និងរុស្សី ដែលមានគំនិតមិនដែលដូចគ្នាឡើយ៕
សូបស្ដាប់ព័ត៌មានលម្អិត៖
សមាជិកទាំង១៥ នៃក្រុមប្រឹក្សាសន្តិសុខអង្គការសហប្រជាជាតិ បានឯកភាពជាឯកច្ឆន្ទជ្រើសរើសលោក Antonio Guterres ជាបេក្ខភាពសម្រាប់តំណែងអគ្គលេខាធិការជំនួសលោក បាន គីមូន ដែលត្រូវចប់អាណត្តិ។ លោក Guterres ក្លាយជាបេក្ខជននាំមុខគេ ក្រោយការបោះឆ្នោតសម្ងាត់៦ដង ហើយបេក្ខភាពរបស់លោក នឹងត្រូវបោះឆ្នោតសម្រេចចុងក្រោយម្ដងទៀត មុននឹងដាក់ឲ្យមហាសន្និបាតបោះឆ្នោត។
អគ្គរដ្ឋទូតរុស្សីលោក Vitaly Churkin ដែលជាប្រធានប្ដូរវេននៃក្រុមប្រឹក្សាសន្តិសុខ ក៏បានជូនដំណឹងការបោះឆ្នោតនេះដល់ប្រធានមហាសន្និបាតអង្គការសហប្រជាជាតិ លោក Peter Thomson រួចហើយ។ អគ្គរដ្ឋទូតរូបនេះ និយាយថា ក្រុមប្រឹក្សាសន្តិសុខ នឹងជួបគ្នានៅព្រឹកថ្ងៃទី៦ ខែតុលា (ម៉ោងនៅអាមេរិក) ដើម្បីបោះឆ្នោតជាផ្លូវការលើបេក្ខភាពលោក Guterres។ បន្ទាប់មក ក្រុមប្រឹក្សាសន្តិសុខនឹងបញ្ជូនរឿងនេះទៅមហាសន្និបាតពិចារណាចុងក្រោយ។
លោក Antonio Guterres ដែលជាអតីតប្រមុខឧត្តមស្នងការទទួលបន្ទុកជនភៀសខ្លូនដែរនោះ ត្រូវគេមើលឃើញថា ជាបុគ្គលសក្តិសមសម្រាប់តំណែងអគ្គលេខាធិការនេះ។ លោកបានផ្ដួលគូប្រជែងចំនួន១២នាក់ផ្សេងទៀត ក្នុងការបោះឆ្នោតជាសម្ងាត់៦ដង។ ក្នុងការបោះឆ្នោតចុងក្រោយ លោក Guterres ទទួលសំឡេងលើកទឹកចិត្តចំនួន១៣ សំឡេងគ្មានយោបល់២ និងមិនមានសំឡេងមិនលើកទឹកចិត្តឡើយ។
១. សមាជិកអចិន្ត្រៃយ៍ទាំង៥ ស្វាគមន៍បេក្ខភាពលោក Guterres
អគ្គរដ្ឋទូតនៃសមាជិកអចិន្ត្រៃយ៍ទាំង៥ នៃក្រុមប្រឹក្សាសន្តិសុខរួមមានអាមេរិក ចិន រុស្សី បារាំង និងចក្រភពអង់គ្លេស សុទ្ធតែបង្ហាញជំហរសុទិដ្ឋិនិយមចំពោះបេក្ខភាពរបស់អតីតប្រមុខស្ថាប័នជនភៀសខ្លួនរូបនេះ។ អ្វីដែលគួរឲ្យចាប់អារម្មណ៍នោះ អាមេរិក និងរុស្សី ដែលកំពុងមិនត្រូវគ្នាលើបញ្ហាស៊ីរីនោះ ក៏បានសហការគ្នាដើម្បីគាំទ្រលោក Guterres ដែរ ដែលរឿងនេះធ្វើឲ្យគេភ្ញាក់ផ្អើលខ្លាំង។
លោកស្រី Samantha Power អគ្គរដ្ឋទូតអាមេរិកនិយាយថា ទស្សនៈវិស័យ និងបទពិសោធន៍របស់លោក Guterres គឺជាកត្តាដ៏សំខាន់ ហើយលោកនឹងក្លាយជាប្រមុខអង្គការសហប្រជាជាតិ ដែលធ្វើការងារកាន់តែមានប្រសិទ្ធភាព ចំពេលដែលពិភពលោកកំពុងប្រឈមមុខបញ្ហាជាច្រើននោះ។ លោកស្រីបន្តថា លោក Guterres បង្ហាញសមត្ថភាពយ៉ាងល្អ ទាំងនៅនយោបាយក្នុងស្រុក និងពេលលោកធ្វើជាប្រធានស្ថាប័នទទួលបន្ទុកជនភៀសខ្លួនផងដែរ។
បើតាមសារព័ត៌មាន CNN ប្រេសិតចក្រភពអង់គ្លេស ក៏បានស្វាគមន៍បេក្ខភាពអតីតនាយករដ្ឋមន្ត្រីព័រទុយហ្កាល់រូបនេះដែរ។ លោក Matthew Rycroft និយាយដែរថា ពិភពលោកត្រូវការអ្នកដឹកនាំដែលខ្លាំងពូកែ ដើម្បីដោះស្រាយបញ្ហាដែលកើតឡើងឥតឈប់ឈរនាពេលកន្លងមក ជាពិសេសបញ្ហាស៊ីរីតែម្ដង។ ដោយឡែកអគ្គរដ្ឋទូតបារាំងក៏បានហៅការជ្រើសរើសលោក Guterres ដែលចេះនិយាយបួនភាសាថា ជាព័ត៌មានល្អសម្រាប់ពិភពលោក។
២. អឺរ៉ុបខាងកើត និងអ្នកគាំទ្របេក្ខភាពស្ត្រី បានត្រឹមខកចិត្ត
អំឡុងពេលនៃយុទ្ធនាការជ្រើសរើសអគ្គលេខាធិការថ្មីនេះ មានការស្នើជាច្រើនទៅកាន់ស្ថាប័នដ៏មានឥទ្ធិពលរបស់អង្គការសហប្រជាជាតិ ដើម្បីជ្រើសរើសអគ្គលេខាធិការថ្មី ជាស្ត្រី ក៏ដូចជាបេក្ខជនមកពីតំបន់អឺរ៉ុបខាងកើតដែរ។ ប៉ុន្តែក្ដីសង្ឃឹមទាំងនោះ ត្រូវរលាយបាត់ ក្រោយការសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលជ្រើសរើសយកអតីតនាយករដ្ឋមន្ត្រីព័រទុយហ្កាល់ជំនួសវិញនោះ។
សូមរម្លឹកថា ក្នុងចំណោមបេក្ខភាពទាំង១៣រូប ដែលចូលប្រជែងកៅអីអគ្គលេខាធិការអង្គការសហប្រជាជាតិ ភាគច្រើនមកពីប្រទេសអឺរ៉ុបខាងកើត ក៏ដូចជាបេក្ខជនស្ត្រីផងដែរ។ លោកស្រី Kristalina Georgieva និងលោកស្រី Irina Bokova មកពីប៊ុលហ្ការី ត្រូវគេមើលឃើញថា ជាបេក្ខភាពដ៏មានសក្ដានុពលសម្រាប់ជំនួសតំណែងអគ្គលេខាធិការជនជាតិកូរ៉េខាងត្បូង លោក បាន គីមូន ដែលនឹងចប់អាណត្តិ។
តាមពិតទៅ នៅអំឡុងពេលនៃការជ្រើសរើសនេះ គេរំពឹងថា ប្រមុខអង្គការសហប្រជាជាតិថ្មី នឹងត្រូវដល់វេនប្រទេសអឺរ៉ុបខាងកើតវិញម្ដង ដ្បិតមិនទាន់មានបុគ្គលណាមកពីតំបន់នេះដឹកនាំស្ថាប័នពិភពលោកនេះឡើយ។ រុស្សី ដែលជាសមាជិកអចិន្ត្រៃយ៍ក្រុមប្រឹក្សាសន្តិសុខ ក៏តែងអះអាងថា អគ្គលេខាធិការថ្មី គួរតែជាមកពីតំបន់អឺរ៉ុបខាងកើត ដែលរឿងទំនងជាប៉ះពាល់ដល់លោក Guterres ក្នុងពេលបោះឆ្នោតចុងក្រោយនោះ។
៣. ជាលើកដំបូង ការជ្រើសរើសអគ្គលេខាធិការថ្មី ធ្វើឡើងជាសាធារណៈ
ការសម្រេចចិត្តរបស់ក្រុមប្រឹក្សាសន្តិសុខក្នុងការជ្រើសរើសអគ្គលេខាធិការថ្មី ជាជំហានទៅមុខមួយទៀតរបស់អង្គការសហប្រជាជាតិ។ កាលពីលើកមុនៗ ការជ្រើសរើសអគ្គលេខាធិការថ្មី ធ្វើឡើងជាសម្ងាត់ក្នុងចំណោមមហាអំណាចប៉ុន្មានប្រទេសប៉ុណ្ណោះ។ ប៉ុន្តែប្រពៃណីនេះ ត្រូវបានផ្លាស់ប្ដូរ ដោយសារតែបេក្ខជនទាំងអស់ បានជជែកដេញដោលគ្នាជាសាធារណៈ សម្រាប់ប្រជែងតំណែងដ៏ខ្ពស់នេះ។
កាលពីខែមេសា បេក្ខជនទាំងអស់ បានចូលរួមក្នុងការពិភាក្សាជាមួយអង្គការសហប្រជាតិ សង្គមស៊ីវិល ជុំវិញទស្សនៈវិស័យរបស់ពួកគេលើបញ្ហាពិភពលោកដូចជាការអភិវឌ្ឍដោយចីរភាព បម្រែបម្រួលអាកាសធាតុ និងបញ្ហាជនភៀសខ្លួនដែរ ក៏ដូចជាដំណោះស្រាយលើបញ្ហាទាំងនោះទៀតផង។ បន្ទាប់មកក្នុងខែកក្កដា បេក្ខជនទាំង១២ ក៏បានចូលរួមក្នុងការពិភាក្សា ដែលផ្សាយផ្ទាល់នៅទូទាំងពិភពលោកផងដែរ។
ជាមួយនឹងការជ្រើសរើសជាបេក្ខជននេះ លោក Guterres ត្រូវត្រៀមខ្លួនដោះស្រាយបញ្ហាដែលកំពុងរង់ចាំលោក បន្ទាប់ពីការចាកចេញរបស់លោក បាន គីមូន។ ការងារទាំងនោះ នឹងមិនមែនជារឿងងាយស្រួលឡើយ ដ្បិតលោកត្រូវសម្របសម្រួលកិច្ចការទាំងឡាយជាមួយមហាអំណាចពិភពលោក ដែលមិនមានជំហរស្របគ្នា និងតែងប្រជែងគ្នារហូតមកនោះ ជាពិសេសអាមេរិក និងរុស្សី ដែលមានគំនិតមិនដែលដូចគ្នាឡើយ៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
