ជាតិ
×![]()
សៀមរាប៖ មូលនិធិជនពិការខេត្តសៀមរាប បានរៀបចំឲ្យមានរថយន្តចល័តសម្រាប់ថែទាំជនពិការដល់មូលដ្ឋាន។ គម្រោងនេះ នឹងប្រើប្រាស់រថយន្តចល័ត ដោយមានបំពាក់នូវឧបករណ៍ សម្ភារជាច្រើន ដើម្បីថែទាំសុខភាពជនពិការចំនួន៣ខេត្ត មានខេត្តសៀមរាប ព្រះវិហារ និងកំពង់ធំ ដែលគោលបំណងសំខាន់ គឺកាត់បន្ថយការចំណាយ និងពេលវេលារបស់ជនពិការ។
គម្រោងបំពាក់សម្ភារថែទាំសុខភាពជនពិការលើរថយន្តចល័ត បានចាប់ដំណើរការ ក្នុងខេត្តសៀមរាប កាលពីឆ្នាំ២០១៥ ដោយមានការគាំទ្រពី បុគ្គលិក និងមណ្ឌលស្តារខេត្តបាត់ដំបង។ គម្រោងនេះចាប់ផ្តើមដំបូង ដោយជ្រើសរើសស្រុកក្រឡាញ់ និងស្រុកជីក្រែង សម្រាប់អនុវត្តន៍គម្រោងរបស់ខ្លួន។
កាលពីខែសីហា និងខែកញ្ញាកន្លងទៅ រថយន្តចល័តដោយបំពាក់រាល់ឧបករណ៍សម្រាប់ថែទាំសុខភាព និងជួសជុលដល់ជនពិការ ដំណើរការសាកល្បងលើរថយន្តថ្មី ដែលឧបត្ថម្ភដោយគណៈកម្មាធិការអន្តរជាតិនៃកាកបាទក្រហម (ICRC)។ ក្នុងរយៈពេល២ខែដំបូង សេវារថយន្តចល័តដែលគ្រប់គ្រងដោយមូលនិធិជនពិការខេត្តសៀមរាប បានចុះទៅដល់ស្រុកចំនួន៣ មានស្រុកក្រឡាញ់ ស្រីស្នំ និងអង្គរជុំ និងបានផ្តល់សេវាដល់ជនពិការបានចំនួនជាងមួយរយនាក់។
នៅព្រឹកថ្ងៃទី៧ តុលា រថយន្តចល័តសម្រាប់ជួសជុល និងថែទាំសុខភាពជនពិការ បានដាក់សម្ពោធសម្រាប់សេវាប្រើប្រាស់របស់ខ្លួន។ រថយន្តនេះ នឹងបំពេញបេសកកម្មក្នុងខេត្តចំនួន៣ មានខេត្តសៀមរាប ព្រះវិហារ និងកំពង់ធំ។ ពិធីសម្ពោធរៀបំធ្វើនៅមជ្ឈមណ្ឌលស្តារលទ្ធភាពពលកម្មកាយសម្បទា ខេត្តសៀមរាប ដោយមានការចូលរួមពីរដ្ឋលេខាធិការក្រសួងសង្គមកិច្ច តំណាង ICRC បុគ្គលិក និងជនពិការ ដែលកំពុងស្នាក់នៅក្នុងអាការមជ្ឈមណ្ឌលស្តារលទ្ធភាពពលកម្មកាយសម្បទាខេត្ត។
តំណាង ICRC បានឲ្យដឹងថា ជាង២០ឆ្នាំមកហើយ ដែល ICRC ជួយរាជរដ្ឋាភិបាលលើបញ្ហាជនពិការ។ លោក បាត វើមីរេន (Bart Vermeiran) បានកោតសរសើរចំពោះកិច្ចសហការល្អលើការអនុវត្តគម្រោងនានា ដែលបានចូលរួមពីក្រសួងសង្គមកិច្ច ក៏ដូចជាមូលនិធិជនពិការ។ តាមលោកតំណាង ICRC គម្រោងផ្តល់រថយន្តចល័តនេះដែរ គឺបានកិច្ចសហការពីអង្គការដៃគូររបស់ខ្លួនមួយទៀត ដែលជាអ្នកដំឡើងរថយន្ត និងរាល់ឧបករណ៍ប្រើប្រាស់ក្នុងរថយន្តទាំងមូល។ លោក បាត វើមីរេន បានប្រាប់ដល់ក្រុមការងារអនុវត្តន៍ទាំងអស់ ត្រូវធ្វើយ៉ាងណាផ្តល់សេវាកម្មដល់ជនពិការឲ្យមានគុណភាពល្អ ទៅតាមបច្ចេកវិទ្យាថ្មីនាពេលបច្ចុប្បន្ន។
ដូចគ្នានេះដែរ រដ្ឋលេខាធិការក្រសួងសង្គមកិច្ច និងអតីតយុទ្ធជន យុវនីតិសម្បទា លោក សែម សុខា ក៏បានលើកទឹកចិត្តសម្រាប់ជនពិការទាំងមូលផងដែរ។ លោកបញ្ជាក់ថា៖« យើងត្រូវធានាថា ជនពិការត្រូវបានយកចិត្តទុកដាក់ ហើយតទៅមុខ ជនពិការលែងជាជនពិការទៀតហើយ»។ ត្រង់ចំណុចនេះដោយចង់បញ្ជាក់ថា មន្ត្រីនិងបុគ្គលិកទាំងអស់ ត្រូវមើលលើរាល់តម្រូវការរបស់ជនពិការ និងត្រូវបំពេញរាល់តម្រូវការរបស់ពួកគេ ដូច្នេះតទៅមុខ ជនពិការលែងខ្វះខាតអ្វីទៀតហើយ៕
គម្រោងបំពាក់សម្ភារថែទាំសុខភាពជនពិការលើរថយន្តចល័ត បានចាប់ដំណើរការ ក្នុងខេត្តសៀមរាប កាលពីឆ្នាំ២០១៥ ដោយមានការគាំទ្រពី បុគ្គលិក និងមណ្ឌលស្តារខេត្តបាត់ដំបង។ គម្រោងនេះចាប់ផ្តើមដំបូង ដោយជ្រើសរើសស្រុកក្រឡាញ់ និងស្រុកជីក្រែង សម្រាប់អនុវត្តន៍គម្រោងរបស់ខ្លួន។
កាលពីខែសីហា និងខែកញ្ញាកន្លងទៅ រថយន្តចល័តដោយបំពាក់រាល់ឧបករណ៍សម្រាប់ថែទាំសុខភាព និងជួសជុលដល់ជនពិការ ដំណើរការសាកល្បងលើរថយន្តថ្មី ដែលឧបត្ថម្ភដោយគណៈកម្មាធិការអន្តរជាតិនៃកាកបាទក្រហម (ICRC)។ ក្នុងរយៈពេល២ខែដំបូង សេវារថយន្តចល័តដែលគ្រប់គ្រងដោយមូលនិធិជនពិការខេត្តសៀមរាប បានចុះទៅដល់ស្រុកចំនួន៣ មានស្រុកក្រឡាញ់ ស្រីស្នំ និងអង្គរជុំ និងបានផ្តល់សេវាដល់ជនពិការបានចំនួនជាងមួយរយនាក់។
នៅព្រឹកថ្ងៃទី៧ តុលា រថយន្តចល័តសម្រាប់ជួសជុល និងថែទាំសុខភាពជនពិការ បានដាក់សម្ពោធសម្រាប់សេវាប្រើប្រាស់របស់ខ្លួន។ រថយន្តនេះ នឹងបំពេញបេសកកម្មក្នុងខេត្តចំនួន៣ មានខេត្តសៀមរាប ព្រះវិហារ និងកំពង់ធំ។ ពិធីសម្ពោធរៀបំធ្វើនៅមជ្ឈមណ្ឌលស្តារលទ្ធភាពពលកម្មកាយសម្បទា ខេត្តសៀមរាប ដោយមានការចូលរួមពីរដ្ឋលេខាធិការក្រសួងសង្គមកិច្ច តំណាង ICRC បុគ្គលិក និងជនពិការ ដែលកំពុងស្នាក់នៅក្នុងអាការមជ្ឈមណ្ឌលស្តារលទ្ធភាពពលកម្មកាយសម្បទាខេត្ត។
តំណាង ICRC បានឲ្យដឹងថា ជាង២០ឆ្នាំមកហើយ ដែល ICRC ជួយរាជរដ្ឋាភិបាលលើបញ្ហាជនពិការ។ លោក បាត វើមីរេន (Bart Vermeiran) បានកោតសរសើរចំពោះកិច្ចសហការល្អលើការអនុវត្តគម្រោងនានា ដែលបានចូលរួមពីក្រសួងសង្គមកិច្ច ក៏ដូចជាមូលនិធិជនពិការ។ តាមលោកតំណាង ICRC គម្រោងផ្តល់រថយន្តចល័តនេះដែរ គឺបានកិច្ចសហការពីអង្គការដៃគូររបស់ខ្លួនមួយទៀត ដែលជាអ្នកដំឡើងរថយន្ត និងរាល់ឧបករណ៍ប្រើប្រាស់ក្នុងរថយន្តទាំងមូល។ លោក បាត វើមីរេន បានប្រាប់ដល់ក្រុមការងារអនុវត្តន៍ទាំងអស់ ត្រូវធ្វើយ៉ាងណាផ្តល់សេវាកម្មដល់ជនពិការឲ្យមានគុណភាពល្អ ទៅតាមបច្ចេកវិទ្យាថ្មីនាពេលបច្ចុប្បន្ន។
ដូចគ្នានេះដែរ រដ្ឋលេខាធិការក្រសួងសង្គមកិច្ច និងអតីតយុទ្ធជន យុវនីតិសម្បទា លោក សែម សុខា ក៏បានលើកទឹកចិត្តសម្រាប់ជនពិការទាំងមូលផងដែរ។ លោកបញ្ជាក់ថា៖« យើងត្រូវធានាថា ជនពិការត្រូវបានយកចិត្តទុកដាក់ ហើយតទៅមុខ ជនពិការលែងជាជនពិការទៀតហើយ»។ ត្រង់ចំណុចនេះដោយចង់បញ្ជាក់ថា មន្ត្រីនិងបុគ្គលិកទាំងអស់ ត្រូវមើលលើរាល់តម្រូវការរបស់ជនពិការ និងត្រូវបំពេញរាល់តម្រូវការរបស់ពួកគេ ដូច្នេះតទៅមុខ ជនពិការលែងខ្វះខាតអ្វីទៀតហើយ៕
Tag:
ជនពិការ
ICRC
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
