អត្ថបទពាណិជ្ជកម្ម
ភាពយន្ត TVB ថ្មីសន្លាងចំនួនពីររឿងនឹងចាក់ផ្សាយក្នុងថ្ងៃតែមួយនៅលើPNN
× ខ្សែភាពយន្តភាគហុងកុងថ្មីសន្លាងចំនួនពីររឿងរបស់TVB នឹងចាក់ផ្សាយក្នុងថ្ងៃតែមួយនៅលើកញ្ចក់ទូរទស្សន៍ភីអិនអិន គឺនៅថ្ងៃទី១២ ខែតុលា ឆ្នាំ២០១៦ វេលាម៉ោង១១ ថ្ងៃត្រង់ និងម៉ោង ៦ល្ងាច។
ខ្សែភាពយន្តទាំងពីរនេះគឺរឿង «វិថីជីវិត វគ្គ២» ផ្សាយជូនទស្សនារៀងរាល់ថ្ងៃចន្ទ ដល់សុក្រវេលាម៉ោង១១ ថ្ងៃត្រង់ និងរឿង«ស្តេចស៊ើបអង្កេតហុងកុង» ផ្សាយជូនទស្សនារៀងរាល់ថ្ងៃចន្ទ ដល់សុក្រ វេលាម៉ោង៦ល្ងាច។
កញ្ញា ទូច បុប្ផា ប្រធានផ្នែកគ្រប់គ្រងកម្មវិធីផ្សាយរបស់ភីអិនអិនបានឲ្យដឹងថា «ក្នុងចំណោមកម្មវិធីកំសាន្តទូរទស្សន៍នានា កម្មវិធីភាពយន្តគឺដើរតួនាទីសំខាន់សម្រាប់បំរើសោទិន្ទ្រយារម្មណ៍ របស់ទស្សនិកជន ទើបភីអិនអិនខិតខំផលិតទាំងភាពយន្តក្នុងស្រុក និងទាំងនាំយកនូវភាពយន្តបរទេសល្អៗមកចាក់ផ្សាយ ដោយក្នុងនោះយើងបានជ្រើសរើសប្រភេទសាច់រឿងខុសៗគ្នា ពាក់ព័ន្ធនឹងរឿងរ៉ាវស្នេហា បញ្ហាគ្រួសារ ការប្រកួតប្រជែងក្នុងសង្គម ការអប់រំផ្លូវចិត្ត ដែលមានគ្រប់រសជាតិ ដូច្នេះប្រិយមិត្តភីអិនអិន អាចមានជម្រើសច្រើនក្នុងការតាមដានទស្សនាភាពយន្តនៅភីអិនអិន ហើយសម្រាប់ភាពយន្ត TVB ថ្មីទាំងពីររឿងសុទ្ធសឹងតែជារឿងថ្មីសន្លាងទើបចាក់ផ្សាយ និងមានការគាំទ្រយ៉ាងខ្លាំងនៅទីក្រុងហុងកុង យើងសង្ឃឹមថានឹងមានការគាំទ្រនៅកម្ពុជាដូចគ្នា»។
ខ្សែភាពយន្តហុងកុងប្រចាំឆ្នាំ២០១៦ ដែលកំពុងតែចាក់ផ្សាយ និងទទួលបានការគាំទ្រយ៉ាងខ្លាំងនៅ TVB គឺរឿង «វិថីជីវិតវគ្គ២» ឬ «Brother Keeper II» គឺជាភាពយន្តដែលឆ្លុះបញ្ចាំងពីការតស៊ូពុះពារដើម្បីបង្កើតជំនួញជោគជ័យមួយ និងភាពស្មុគស្មាញជាច្រើនកើតឡើងក្នុងគ្រួសារ។ រឿងរ៉ាវបានបន្តតាំងតែពីវគ្គទីមួយមកម្ល៉េះ តែនឹងមានតួអង្គថ្មីៗមួយចំនួនបន្ថែមទៀតក្នុងវគ្គទី២នេះ។
Lo Wai-son (Edwin Sui) និងYiu Man-ying (Kristal Tin) បានចំណាយពេលអស់ជាច្រើនឆ្នាំទើបបានទទួលជោគជ័យក្នុងអាជីវកម្មហាងនំរបស់ពួកគេដែលមានឈ្មោះថា Law Shun Kei ល្បីល្បាយនៅទូទាំងហុងកុង និងម៉ាកាវ។ ភាពជោគជ័យរបស់ពួកគេបានធ្វើឲ្យអ្នកអភិវឌ្ឍន៍អចលនទ្រព្យ Ko Tin-tsau (Hugo NG) មិនសប្បាយចិត្តនោះទេ ហើយព្យាយាមមិនឲ្យជំនួញពួកគេរីកដុះដាលទៀតផង។ ស្របពេលជាមួយគ្នានោះដែរ Wai-sonត្រូវបានមនុស្សជំនិតរបស់គាត់Tsui Chi-lik (Mat Yeung)ក្បត់ទៀត។
Wai-son ក៏ចាប់ផ្តើមអស់សង្ឃឹម ហើយក៏បានទៅកោះ Okinawa ដើម្បីភៀសខ្លួន។ ក្នុងអំឡុងពេលនោះលោកមិនត្រឹមតែលង់ស្រឡាញ់នារីអាថ៍កំបាំង NaNa (Grace Chan) ទេ ប៉ុន្តែលោកថែមទាំងជាប់ពាក់ព័ន្ធរឿងមនុស្សឃាតដែលមិនទាន់បានដោះស្រាយមួយដែលកើតឡើងកាលពី២០ឆ្នាំមុន។
រីឯប្តីរបស់ Man-ying បានចាត់ទុកនាងជាមនុស្សចំលែក បន្ទាប់ពីគាត់រងរបួសក្បាលយ៉ាងធ្ងន់ធ្ងរ។ ចំណែកSam (Ruco Chan) ដែលជាបងប្រុសរបស់ Wai-son ក៏បានត្រឡប់មកវិញភ្លាមៗ ដើម្បីស្វែងរកស្រីដែលគេស្រឡាញ់ឈ្មោះថា Rachel។ ប្រឈមមុខនឹងរឿងរ៉ាវគ្រួសារ ស្នេហា និងជំនួញ តើ Wai-son និង Man-ying ត្រូវដោះស្រាយបញ្ហាទាំងអស់នោះដោយរបៀបណា?
ផ្ទុយពីរឿងបែបឆាកជីវិតតស៊ូដែលចាក់ផ្សាយនៅពេលថ្ងៃត្រង់ នៅពេលល្ងាចភីអិនអិនបានជ្រើសរើសនូវរឿងបែបកំប្លែងសប្បាយៗ តែបង្កប់នូវមេរៀនទូន្មានទៅដល់អ្នកទស្សនា។
រឿង «ស្តេចស៊ើបអង្កេតហុងកុង» ឬ «Inspector Gourmet» ជារឿងថ្មីនៅក្នុងឆ្នាំ២០១៦ នេះរបស់TVB ដែលទើបតែបញ្ចាំងចប់នៅហុងកុង។ រឿងបែបកំប្លែង ស៊ើបអង្កេតមួយនេះ មានការចូលរួមសម្តែងដោយតារាល្បីៗរបស់ហុងកុងដូចជាលោក Kenneth Ma, Eliza Sam, Louis Yuen រួមនឹងតារាហុងកុងល្បីៗជាច្រើនរូបទៀត។
Yeung Tak-kei (Kenneth Ma) បានដាក់ឈ្មោះខ្លួនឯងថា Bill Kei គឺជាចុងភៅនៅហាងម្ហូបចិនមួយ។ គាត់ក៏ជាបុគ្គលិកប្រដៅមិនបានដែលចូលចិត្តចំណាយពេលនៅកន្លែងធ្វើការចុចទូរស័ព្ទ និងញ៉ែភ្ញៀវស្រីៗ។ ការពិតទៅបំណងប្រាថ្នាពិតប្រាកដរបស់គាត់ចង់ក្លាយទៅជាអ្នកស៊ើបអង្កេតដូចបងស្រីរបស់គាត់ទេ។
Bill ជួបជាមួយនឹង Mak Sai (Louis Yuen) ដែលពូកែខាងភ្លក់អាហារ នៅពេលដែល Sai បានចូលទៅហាងដែលគាត់ធ្វើការដើម្បីសាកម្ហូបប្រចាំហាង។ ចៃដន្យអី Sau-na និង Sai ស្គាល់គ្នាដោយសារធ្លាប់ជាសង្សារ និងមិត្តរួមការងារនៅកំឡុងពេលធ្វើការនៅប៉ុស្តិ៍ប៉ូលិស។ Bill ត្រូវបានគេបណ្តេញចេញពីការងារហើយលោកបានអង្វរ Sau-na ឲ្យទទួលរូបគេធ្វើការនៅក្នុងក្រុមស៊ើបអង្កេតនាង។ ទោះជាយ៉ាងណាក៏ដោយ Sau-na បានបដិសេធដោយសារBill គ្មានបទពិសោធន៍។ នាងបានផ្លាស់ប្តូរគំនិតនៅពេលដែលBillបានបង្ហាញពីការតស៊ូ និងចចារប្រាក់ខែ ដោយសារក្រុមរបស់នាងក៏កំពុងជួបការលំបាកខ្វះមនុស្សផងដែរ។
Bill បានលង់ស្រឡាញ់Tong Ka-ka(Eliza Sam)តាំងពីជួបនាងដំបូង។ Ka-ka គឺជាអ្នកសរសេរឲ្យទស្សនាវដ្តីមួយ។ ក្រោយពីលាឈប់ពីការងារ Ka-ka បានចូលរួមជាមួយក្រុមស៊ើបអង្កេត របស់ Sau-na ហើយធ្វើជាដៃគូរបស់ Bill។ ពួកគេទាំងពីរដឹងថាខ្លួនមិនសូវមានជំនាញក៏បាន បញ្ចុះបញ្ចូល Sai ឲ្យចូលរួមជាមួយក្រុមខ្លួន។
ចង់ដឹងថាតើរឿងហុងកុងទាំងពីរនេះមានបង្កប់នូវអត្ថន័យ និងខ្លឹមសារល្អមើលយ៉ាងណានោះ សូមទូរទស្សនិកជន កុំភ្លេចរង់ចាំតាមដានទស្សនានៅថ្ងៃពុធ ទី១២ ខែតុលា ឆ្នាំ២០១៦នេះ។
ទស្សនាឈុតខ្លីរឿង «វិថីជីវិតវគ្គ២» សូមចុច៖ https://www.facebook.com/PNNDramaFanClub/videos/702868336536226/
ទស្សនាឈុតខ្លីរឿង «ស្តេចស៊ើបអង្កេតហុងកុង» សូមចុច៖ https://www.facebook.com/PNNDramaFanClub/videos/70289530653529/
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com