ជាតិ
បទយកការណ៍ / បទសម្ភាសន៍
សេដ្ឋកិច្ច
តម្លៃដីនៅតំបន់ផ្សារចាស់សៀមរាបមានតម្លៃ៦៥០០ដុល្លារក្នុងមួយការ៉េ តំបន់ផាប់ស្រ្ទីតខេត្តសៀមរាប
× សៀមរាប៖ តំបន់ផ្សារចាស់ ដែលគេស្គាល់ថាជាទីប្រជុំជនដ៏មមាញឹករបស់ខេត្តសៀមរាប មានតម្លៃអចលនទ្រព្យខ្ពស់ជាងតំបន់ណាៗទាំងអស់។ តាមអ្នកជំនាញអចលនទ្រព្យ តម្លៃដីនៅផ្សារចាស់ ឫផាប់ស្ទ្រីត មានតម្លៃចន្លោះពី ៥ពាន់ដុល្លារទៅ ៦៥០០ដុល្លារក្នុងមួយម៉ែត្រការ៉េ។
សូមស្តាប់បទសម្ភាសរវាងលោក តឹម ដារឿន និងសារព័ត៌មានថ្មីៗ ជុំវិញបញ្ហាខាងលើដូចតទៅ
ក្រៅពីតម្លៃដីក្នុងមួយម៉ែត្រការ៉េ ចាប់ពី៥ពាន់ដុល្លារទៅ ៦៥០០ដុល្លារហើយនោះ ការជួលផ្ទះក្នុងតំបន់ផ្សារចាស់ ក៏ខ្ពស់ដែរ។ តម្លៃជួលថ្មីក្នុងផ្ទះមួយល្វែងនៅតំបន់ផ្សារចាស់ គឺតម្លៃចាប់ពី៣ពាន់ទៅ៣៥០០ដុល្លារក្នុងមួយខែ ខណៈដែរតម្លៃចាស់ ចាប់ពី២៥០០ដុល្លារឡើងទៅ។ នេះបើតាមការបញ្ជាក់របស់លោក តឹម ដារឿន អ្នកជំនាញផ្នែកអចលនទ្រព្យនៃក្រុមហ៊ុន ប៊ុណ្ណា រៀលធី គ្រុប។
ក្រៅពីតំបន់ផ្សារចាស់ ក្នុងនោះតម្លៃជួលផ្ទះនៅផ្សារកណ្តាល និងមុខផ្សារលើ ក៏មានតម្លៃខ្ពស់ដែរ គឺតម្លៃចន្លោះពី៣ពាន់ទៅ៤ពាន់ដុល្លារ គឺខុសគ្នាពីតម្លៃនៅតំបន់ផ្សារចាស់ពី២០ទៅ៣០%។
មូលហេតុដែលធ្វើឲ្យតំបន់ផ្សារចាស់ មានតម្លៃអចលនទ្រព្យខ្ពស់ ដោយសារទីតាំងនោះងាយស្រួលរកស៊ី ព្រោះថា ភ្ញៀវទេសចរជាតិនិងអន្តរជាតិ តែងប្រមូលផ្តុំគ្នានៅទីតាំងនោះ។ ផ្សារចាស់ ឫផាប់ស្ទ្រីត សម្បូរទៅដោយបា ភោជនីយដ្ឋាន ផ្សាររាត្រី កន្លែងលក់វត្ថុអនុស្សាវរីយិ៍ ពិសេសសម្បូរកន្លែងកម្សាន្តច្រើន។
យ៉ាងណាក៏ដោយ ប្រធានសាខាខេត្តសៀមរាប របស់ក្រុមហ៊ុន ប៊ុណ្ណា រៀលធី គ្រុប ក៏បានឲ្យដឹងដែរថា នៅក្នុងឆ្នាំ២០១៦នេះ ជាឆ្នាំដែលតម្លៃអចលនទ្រព្យក្នុងខេត្តសៀមរាប នៅទ្រឹង ហើយប៉ះពាល់ខ្លះៗដល់កន្លែងរកស៊ី។ តាមលោក ដារឿន ម្ចាស់អាជីវកម្មខ្លះ គ្មានលទ្ធភាពជួលតូបក្នុងតម្លៃខ្ពស់ និងបង្ខំចិត្តបោះបង់ការលក់ដូររបស់ខ្លួន។ ការណ៍នេះ ក៏ដោយសារការធ្លាក់ចុះចំនួនភ្ញៀវទេសចរ ដែលមិនធ្លាប់មានពីមុនមក។ ឆ្នាំតែការរកស៊ីនៅសៀមរាបមានភាពល្អប្រសើរនោះ គឺឆ្នាំ២០១៣ ដល់ឆ្នាំ២០១៥។ នេះបើតាមលោក ដារឿន។
© រក្សាសិទ្ធិដោយ thmeythmey.com