អន្តរជាតិ
ចិន សរសើរប្រធានាធិបតីហ្វីលីពីនដែលមានឆន្ទៈ និងផ្តល់តម្លៃដល់ទំនាក់ទំនងប្រទេសទាំងពីរ
លោកនាយករដ្ឋមន្ត្រីចិន ជជែកជាមួយនឹងប្រធានាធិបតីហ្វីលីពីន នាកិច្ចប្រជុំអាស៊ាន (រូបភាព៖ Xinhua )
×![]()
រដ្ឋាភិបាលក្រុងប៉េកាំង បានសរសើរពីឆន្ទៈរបស់រដ្ឋាភិបាលក្រុងម៉ានីលដែលផ្តល់សារសំខាន់លើទំនាក់ទំនងនៃប្រទេសទាំងពីរ។ ក្រុងប៉េកាំង ក៏បានស្វាគមន៍ និងត្រៀមខ្លួនសហការជាមួយក្រុងម៉ានីលដើម្បីធ្វើការរួមគ្នាអភិវឌ្ឍន៍កិច្ចសហប្រតិបត្តិការទ្វេភាគី ក៏ដូចជាកសាងសន្តិភាព និងស្ថិរភាពនៅក្នុងតំបន់។ សេចក្តីថ្លែងការណ៍របស់ក្រុងប៉េកាំងបែបនេះ ធ្វើឡើងខណៈពេលដែលប្រធានាធិបតីហ្វីលីពីន ក៏ត្រៀមនឹងបំពេញទស្សនកិច្ចលើកដំបូងនៅចិននាសប្តាហ៍ក្រោយផងដែរនោះ។ 
អ្នកនាំពាក្យក្រសួងការបរទេសចិន លោក Geng Shuang នៅថ្ងៃទី១១ ខែតុលា ម្សិលមិញ បានថ្លែងនាឱកាសសង្ខេបព័ត៌មានថា ចិន ពិតជាស្វាគមន៍ចំពោះវត្តមានប្រធានាធិបតីហ្វីលីពីនលោក រ៉ូឌ្រីហ្គូ ឌើទើតេទៅកាន់ចិន។ ឆ្លើយនឹងសំណួររបស់អ្នកសារព័ត៌មាន ថាតើនឹងមានកិច្ចព្រមព្រៀងពាណិជ្ជកម្ម ត្រូវធ្វើឡើងនាទស្សនកិច្ចប្រធានាធិបតីហ្វីលីពីនក្នុងទំហំណានោះ អ្នកនាំពាក្យរូបនោះ ប្រាប់ថា ភាគីទាំងពីរ កំពុងតែទំនាក់ទំនងគ្នាយ៉ាងជិតស្និទ្ធ និងយកចិត្តទុកដាក់។
អ្នកនាំពាក្យរូបនោះ ក៏បានបន្ថែមថា ចិន និងហ្វីលីពីន មានឆន្ទៈដូចគ្នាក្នុងការពង្រីកទំនាក់ទំនងទ្វេភាគី បន្តកិច្ចសហប្រតិបត្តិការដើម្បីផលប្រយោជន៍រួម ក៏ដូចជាជំរុញការអភិវឌ្ឍរួមផងដែរនោះ។ លោក Geng ក៏បានសង្កត់ធ្ងន់ដែរថា ចិន បានត្រៀមខ្លួនរួចរាល់ហើយក្នុងការរួមដៃជាមួយនឹងហ្វីលីពីនដើម្បីអភិវឌ្ឍទំនាក់ទំនងទ្វេភាគីដើម្បីធានាឲ្យបានកិច្ចសហប្រតិបត្តិការពិតប្រាកដ និងទទួលបានជាលទ្ធផលឈ្នះ-ឈ្នះ សម្រាប់ប្រជាជន និងប្រទេសទាំងពីរ។
បើតាមសារព័ត៌មានហ្វីលីពីន លោកប្រធានាធិបតី រ៉ូឌ្រីហ្គូ ឌើទើតេ នឹងបំពេញទស្សនកិច្ចទៅកាន់ចិននៅថ្ងៃទី១៩-២១ ខែតុលាខាងមុខដ៏ខ្លីនេះ។ ហើយតាមការអះអាងដោយផ្ទាល់របស់លោកប្រធានាធិបតីហ្វីលីពីន លោក Duterte បានរំពឹងខ្ពស់ចំពោះទស្សនកិច្ចរបស់លោកទៅកាន់ចិន ដោយអះអាងថា លោក អាចនឹងទទួលបានផលប្រយោជន៍សេដ្ឋកិច្ច និងការវិនិយោគពីចិនច្រើនដើម្បីយកមកអភិវឌ្ឍន៍ប្រទេស។
ក្នុងកិច្ចសម្ភាសន៍ជាមួយនឹងភ្នាក់ងារព័ត៌មាន Reuters លោករដ្ឋមន្ត្រីហិរញ្ញហ្វីលីពីន Carlos Dominguez ក៏បានបញ្ជាក់ថា លោក Duterte នឹងជជែកពីសក្តាពលរបស់ហ្វីលីពីនដើម្បីទាក់ទាញការវិនិយោគពីចិនមកលើវិស័យហេដ្ឋារចនាសម្ព័ន្ធរបស់ហ្វីលីពីន ជាពិសេសនោះលើការតភ្ជាប់ផ្លូវរថភ្លើងរបស់រដ្ឋធានីម៉ានីលជាមួយនឹងតំបន់ជាយក្រុងមួយចំនួន ក៏ដូចជាគម្រោងផ្សេងទៀត ដែលលោក រដ្ឋមន្ត្រី អះអាងថា គម្រោងទាំងនោះ នឹងមានតម្លៃរាប់ពាន់លានដុល្លារអាមេរិកទៀតផង។
សូមជម្រាបផងដែរ ក្នុងរដ្ឋបាលអតីតប្រធានាធីបតីហ្វីលីពីន លោកប៊ែរនីណូ អាហ្គីណូ ទំនាក់ទំនងចិន និងហ្វីលីពីន បានមានភាពល្អក់កករខ្លាំង ដ្បិត ពេលនោះ ហ្វីលីពីន បានប្រកាន់ជំហរយ៉ាងដាច់ខាតប្រឆាំងចិនលើសកម្មភាពបំពានអធិបតេយ្យនៅក្នុងសមុទ្រចិនខាងត្បូង ដែលហ្វីលីពីន បានអះអាងថាជាកម្មសិទ្ធិរបស់ខ្លួននោះ។ រដ្ឋបាលចាស់នោះដែរ ហ្វីលីពីន ត្រូវបានមើលឃើញយ៉ាងច្បាស់ដែរថា មាននិន្នាការពឹងផ្អែកខ្លាំងទៅលើអាមេរិក ដែលជាដៃគូប្រជែងអំណាចនិងឥទ្ធិពលរបស់ចិននៅក្នុងសណ្តាប់ធ្នាប់អន្តរជាតិ៕
អ្នកនាំពាក្យក្រសួងការបរទេសចិន លោក Geng Shuang នៅថ្ងៃទី១១ ខែតុលា ម្សិលមិញ បានថ្លែងនាឱកាសសង្ខេបព័ត៌មានថា ចិន ពិតជាស្វាគមន៍ចំពោះវត្តមានប្រធានាធិបតីហ្វីលីពីនលោក រ៉ូឌ្រីហ្គូ ឌើទើតេទៅកាន់ចិន។ ឆ្លើយនឹងសំណួររបស់អ្នកសារព័ត៌មាន ថាតើនឹងមានកិច្ចព្រមព្រៀងពាណិជ្ជកម្ម ត្រូវធ្វើឡើងនាទស្សនកិច្ចប្រធានាធិបតីហ្វីលីពីនក្នុងទំហំណានោះ អ្នកនាំពាក្យរូបនោះ ប្រាប់ថា ភាគីទាំងពីរ កំពុងតែទំនាក់ទំនងគ្នាយ៉ាងជិតស្និទ្ធ និងយកចិត្តទុកដាក់។
អ្នកនាំពាក្យរូបនោះ ក៏បានបន្ថែមថា ចិន និងហ្វីលីពីន មានឆន្ទៈដូចគ្នាក្នុងការពង្រីកទំនាក់ទំនងទ្វេភាគី បន្តកិច្ចសហប្រតិបត្តិការដើម្បីផលប្រយោជន៍រួម ក៏ដូចជាជំរុញការអភិវឌ្ឍរួមផងដែរនោះ។ លោក Geng ក៏បានសង្កត់ធ្ងន់ដែរថា ចិន បានត្រៀមខ្លួនរួចរាល់ហើយក្នុងការរួមដៃជាមួយនឹងហ្វីលីពីនដើម្បីអភិវឌ្ឍទំនាក់ទំនងទ្វេភាគីដើម្បីធានាឲ្យបានកិច្ចសហប្រតិបត្តិការពិតប្រាកដ និងទទួលបានជាលទ្ធផលឈ្នះ-ឈ្នះ សម្រាប់ប្រជាជន និងប្រទេសទាំងពីរ។
បើតាមសារព័ត៌មានហ្វីលីពីន លោកប្រធានាធិបតី រ៉ូឌ្រីហ្គូ ឌើទើតេ នឹងបំពេញទស្សនកិច្ចទៅកាន់ចិននៅថ្ងៃទី១៩-២១ ខែតុលាខាងមុខដ៏ខ្លីនេះ។ ហើយតាមការអះអាងដោយផ្ទាល់របស់លោកប្រធានាធិបតីហ្វីលីពីន លោក Duterte បានរំពឹងខ្ពស់ចំពោះទស្សនកិច្ចរបស់លោកទៅកាន់ចិន ដោយអះអាងថា លោក អាចនឹងទទួលបានផលប្រយោជន៍សេដ្ឋកិច្ច និងការវិនិយោគពីចិនច្រើនដើម្បីយកមកអភិវឌ្ឍន៍ប្រទេស។
ក្នុងកិច្ចសម្ភាសន៍ជាមួយនឹងភ្នាក់ងារព័ត៌មាន Reuters លោករដ្ឋមន្ត្រីហិរញ្ញហ្វីលីពីន Carlos Dominguez ក៏បានបញ្ជាក់ថា លោក Duterte នឹងជជែកពីសក្តាពលរបស់ហ្វីលីពីនដើម្បីទាក់ទាញការវិនិយោគពីចិនមកលើវិស័យហេដ្ឋារចនាសម្ព័ន្ធរបស់ហ្វីលីពីន ជាពិសេសនោះលើការតភ្ជាប់ផ្លូវរថភ្លើងរបស់រដ្ឋធានីម៉ានីលជាមួយនឹងតំបន់ជាយក្រុងមួយចំនួន ក៏ដូចជាគម្រោងផ្សេងទៀត ដែលលោក រដ្ឋមន្ត្រី អះអាងថា គម្រោងទាំងនោះ នឹងមានតម្លៃរាប់ពាន់លានដុល្លារអាមេរិកទៀតផង។
សូមជម្រាបផងដែរ ក្នុងរដ្ឋបាលអតីតប្រធានាធីបតីហ្វីលីពីន លោកប៊ែរនីណូ អាហ្គីណូ ទំនាក់ទំនងចិន និងហ្វីលីពីន បានមានភាពល្អក់កករខ្លាំង ដ្បិត ពេលនោះ ហ្វីលីពីន បានប្រកាន់ជំហរយ៉ាងដាច់ខាតប្រឆាំងចិនលើសកម្មភាពបំពានអធិបតេយ្យនៅក្នុងសមុទ្រចិនខាងត្បូង ដែលហ្វីលីពីន បានអះអាងថាជាកម្មសិទ្ធិរបស់ខ្លួននោះ។ រដ្ឋបាលចាស់នោះដែរ ហ្វីលីពីន ត្រូវបានមើលឃើញយ៉ាងច្បាស់ដែរថា មាននិន្នាការពឹងផ្អែកខ្លាំងទៅលើអាមេរិក ដែលជាដៃគូប្រជែងអំណាចនិងឥទ្ធិពលរបស់ចិននៅក្នុងសណ្តាប់ធ្នាប់អន្តរជាតិ៕
Tag:
ចិន
ហ្វីលីពីន
អាស៊ាន
© រក្សាសិទ្ធិដោយ thmeythmey.com
