ពីនេះ ពីនោះ
១០ឃ្លារបស់ព្រះពុទ្ធ ពញ្ញាក់មនុស្សជាតិឲ្យភ្លឺភ្នែក
× ភ្នំពេញ៖ ព្រះពុទ្ធ បានបន្សល់ទស្សនវិជ្ជាជាច្រើន ដើម្បីអប់រំមនុស្សជាតិ ឲ្យប្រព្រឹត្តទង្វើដែលត្រឹមត្រូវ និងទង្វើដែលផ្តល់សេចក្តីសុខដល់ពិភពលោក។ ខាងក្រោមនេះ គឺជាទស្សនវិជ្ជារបស់ព្រះអង្គចំនួន១០ឃ្លា ដែលមានតម្លៃអប់រំយ៉ាងជ្រាលជ្រៅ សម្រាប់មនុស្សទូទាំងពិភពលោក។
១) ការមិនមានរោគ គឺជាលាភដ៏ឧត្តមបំផុត។
២) ការស្រេកឃ្លាន គឺជារោគដ៏កាចសហាវបំផុត។
៣) អវិជ្ជា គឺជាប្រភពនៃសេចក្តីទុក្ខ។
៤) សេចក្តីប្រមាទ គឺជាផ្លូវនៃសេចក្តីស្លាប់។
៥) ភាពក្រីក្រ និងបំណុល គឺជាទុក្ខរបស់សង្គមមនុស្ស។
៦) បុគ្គល គួរតម្កល់ខ្លួនឯង ឲ្យតាំងនៅក្នុងគុណធម៌ដ៏សមគួរជាមុនសិន ចាំប្រដៅអ្នកដទៃជាក្រោយទើបមិនលំបាក។
៧) អ្នកឈ្នះគេរមែងចម្រើនដល់អ្នកមានការព្យាយាមរវៀសរវៃ១ មានស្មារតី១ មានការងារស្អាត១ ពិចារណាហើយទើបធ្វើ១ ប្រុងប្រយ័ត្ន១ រស់នៅដោយធម៌១ ជាអ្នកមិនប្រមាទ១។
៨) បុគ្គលណាដឹងខ្លួនឯង ឬសម្គាល់ខ្លួនថា ជាមនុស្សល្ងង់ បុគ្គលនោះនឹងក្លាយទៅជាបណ្ឌិត។
៩) បុគ្គលល្ងង់ខ្លៅហើយសម្គាល់ខ្លួនឯងថាជាបណ្ឌិតនោះ តថាគតកំណត់ ហៅថា ជាអ្នកល្ងង់ខ្លៅ។
១០) បុគ្គលណាធ្វេសប្រហែលកាលមុន ក្រោយមកលែងធ្វើប្រហែលវិញ អ្នកនោះឯងឈ្មោះថា ញ៉ាំលោកនេះ ឲ្យភ្លឺច្បាស់ដូចព្រះច័ន្ទផុតស្រឡះចាកពពក។
ប្រភព៖ «កម្រងសម្តីមាសបណ្តាំអ្នកប្រាជ្ញខ្មែរ» រៀបរៀងដោយ ភិក្ខុ គូ សុភាព
Tag:
ព្រះពុទ្ធ
បណ្តាំអ្នកប្រាជ្ញខ្មែរ
© រក្សាសិទ្ធិដោយ thmeythmey.com