អន្តរជាតិ
សំឡេងគាំទ្រ ហ៊ីឡារី កើនឡើងខ្លាំង ខណៈដូណាល់ ត្រាំ ច្របូកច្របល់ព្រោះរឿងអាស្រូវប្រើពាក្យអាសគ្រាម
×![]()
យោងតាមរបាយការណ៍ស្ទង់មតិជាច្រើនបានបង្ហាញថា លោកស្រី ហ៊ីឡារី គ្លីនតុនទទួលបានសំឡេងគាំទ្រច្រើននាំមុខលោក ដូណាល់ ត្រាំ ក្នុងរយៈពេលប៉ុន្មានសប្តាហ៍ចុងក្រោយនេះ។ របាយការណ៍មួយបង្ហាញថា ចំនួនអ្នកគាំទ្រលោកស្រី ហ៊ីឡារី គ្លីនតុន នាំមុខអ្នកគាំទ្រលោក ដូណាល់ ត្រាំ ដល់ទៅ ១២ ភាគរយទូទាំងប្រទេសទាំងមូល។ ហើយអ្វីដែលគួរឲ្យកត់សម្គាល់ លោកស្រី ក៏នាំមុខលោក ដូណាល់ ត្រាំ នៅសមរភូមិនយោបាយសំខាន់ៗមួយចំនួនដូចជានៅរដ្ឋ Colorado, Florida និងនៅរដ្ឋ Pennsylvania ប៉ុន្តែសំឡេងគាំទ្រប្រកៀកប្រកិតគ្នានៅរដ្ឋ Ohio។ 
សូមស្តាប់ការបកស្រាយរបស់លោក សៅ ផលនិស្ស័យ៖
នៅសល់ប្រហែល ៣សប្តាហ៍ទៀតប៉ុណ្ណោះ ការបោះឆ្នោតប្រធានាធិបតីអាមេរិកនឹងមកដល់ហើយ។ អ្នកណាជាអ្នកឈ្នះនោះ នៅតែពិបាកសន្និដ្ឋាន ព្រោះគ្រប់យ៉ាងអាចនឹងប្រែប្រួលនៅថ្ងៃបោះឆ្នោត។ ប៉ុន្តែ ទោះជាបែបនេះក្តី លោកស្រី អតីតរដ្ឋមន្ត្រីការបរទេសនិងជាបេក្ខជនប្រធានាធិបតីបក្សប្រជាធិបតេយ្យ ហ៊ីឡារី គ្លីនតុន ហាក់ទទួលបានសំឡេងគាំទ្រកាន់តែច្រើនជាងគូប្រជែងលោកស្រី លោក ដូណាល់ ត្រាំ ក្នុងរយៈពេលចុងក្រោយនេះ។ របាយការណ៍ស្ទង់មតិជាច្រើនបង្ហាញ សំឡេងគាំទ្ររបស់លោកស្រីកើនឡើងគួរឲ្យកត់សម្គាល់នៅទូទាំងប្រទេស ហើយមិនត្រឹមតែប៉ុណ្ណោះលោកស្រី ហាក់មានប្រៀបកាន់តែខ្លាំងនៅបណ្តាសមរភូមិនយោបាយសំខាន់ៗថែមទៀតផង។ ដូច្នេះហើយ វាហាក់បីដូចជាបង្ហាញឲ្យឃើញថា រវាងបេក្ខជនទាំងពីរ លោកស្រី ហ៊ីឡារី កាន់តែមានប្រៀបក្នុងការបោះឆ្នោតប្រធានាធិបតីថ្ងៃ ៨វិច្ឆិកាខាងមុខនេះ។ ប៉ុន្តែបេក្ខជនទាំងពីរនឹងជួបជាមួយគ្នាម្តងទៀតនៅថ្ងៃពុធទី ១៩ តុលានេះ ដើម្បីជជែកដេញដោលគ្នាពាក់ព័ន្ធបញ្ហាគោលនយោបាយរបស់ខ្លួន ហើយវាជាការជជែកដេញដោយនយោបាយចុងក្រោយបំផុត មុនការបោះឆ្នោតមកដល់។
១.ចំនួនអ្នកគាំទ្រលោកស្រី នាំមុខលោក ដូណាល់ ត្រាំ ១២ភាគរយទូទាំងប្រទេស
យោងតាមរបាយការណ៍ស្ទង់មតិទូទាំងប្រទេសដែលរៀបចំឡើងដោយសាកលវិទ្យាល័យ Monmouth បេក្ខជនប្រធានាធិបតីបក្សប្រជាធិបតេយ្យលោកស្រី ហ៊ីឡារី គ្លីនតុន កំពុងនាំមុខគូប្រជែងរបស់ខ្លួនកាន់តែខ្លាំង។ បើតាមការសាកសួរអ្នកដែលអាចចូលរួមបោះឆ្នោត ចំនួន៥០ភាគរយនៃពួកគេបានអះអាងថាខ្លួនគាំទ្រលោកស្រី ហ៊ីឡារី គ្លីនតុន ហើយ ៣៨ភាគរយផ្សេងទៀតនៅគាំទ្រលោក ដូណាល់ ត្រាំ ផងដែរ។ក្រៅពីនេះ៥ភាគរយ គាំទ្រលោក Gary Johnson គណបក្សសេរីភាព និង ២ភាគរយផ្សេងទៀតគាំទ្របេក្ខជនគណបក្សបៃតង Jill Stein។
យោងតាមលទ្ធផលនេះលោក ស្រី ហ៊ីឡារី គ្លីនតុន បានទទួលសំឡេងគាំទ្រនាំមុខសំឡេងគាំទ្ររបស់លោក ដូណាល់ ត្រាំ ចំនួន ១២ ភាគរយឯណោះ។ បើប្រៀបធៀបគ្នាជាមួយរបាយការណ៍ស្ទង់មតិកាលពីប៉ុន្មានសប្តាហ៍មុន វាមានការកើនឡើង រហូតដល់ ៤ភាគរយ ព្រោះលោកស្រីបានទទួលសំឡេងគាំទ្រត្រឹម៤៦ ភាគរយប៉ុណ្ណោះ។ ចំណែកសំឡេងគាំទ្រលោក ដូណាល់ ត្រាំ ឯណោះវិញធ្លាក់ពី ៤២ ភាគរយមកត្រឹម ៣៨ភាគរយប៉ុណ្ណោះ។
ដោយ ឡែក គេគួរស្វែងយល់បន្តិចដែរជុំវិញការធ្លាក់ចុះនៃ សំឡេងគាំទ្ររបស់លោក ដូណាល់ត្រាំ។ ជារួមសំឡេងគាំទ្ររបស់សេដ្ឋីអចលនទ្រព្យរូបនេះធ្លាក់ចុះខ្លាំងរយៈពេលប៉ុន្មានចុងក្រោយនេះប៉ុណ្ណោះ ពោលគឺក្រោយការបែកធ្លាយរឿងអាស្រូវប្រើប្រាស់សម្តីចំអូងចំអាសបំពារបំពានផ្លូវភេទ។ ក្រៅពីរឿងអាស្រូវមិនបង់ពន្ធឲ្យរដ្ឋ លោក ដូណាល់ ត្រាំ រងសម្ពាធធំពីក្នុងបក្ស ហើយរងការរិះគន់និងថ្កោលទោសខ្លាំងពីសំណាក់ប្រជាជនអាមេរិក និងអ្នកគាំទ្របក្សសាធារណរដ្ឋផងដែររឿងធ្លាប់ប្រើពាក្យសម្តីអាសគ្រាមប្រមាថមាក់ងាយស្ត្រីភេទកាលពីឆ្នាំ ២០០៦នោះ។
ប្រជាជនអាមេរិកជាពិសេសស្ត្រីភេទខឹងសម្បារខ្លាំងចំពោះសម្តី អាសអាភៀសរបស់បេក្ខជនប្រធានាធិបតីអាមេរិករូបនេះ ហើយពួកគេត្រូវផ្លាស់ប្តូរចិត្តចំពោះការបោះឆ្នោតខាងមុខដូចគ្នា។ សូម្បីតែបណ្តាមេដឹកនាំគណបក្សសាធារណរដ្ឋរួមទាំងលោក Paul Ryan ប្រធានសភាអាមេរិក ក៏បានសម្រេចចិត្តដកខ្លួនឈប់គាំទ្រលោក ដូណាល់ ត្រាំ ក្នុងការបោះឆ្នោតខាងមុខ និងមានខ្លះទៀតស្នើឲ្យលោកដកខ្លួនចេញពីការប្រកួតប្រជែងថែមទៀត។
យ៉ាងណាក៏ដោយ ភរិយារបស់លោក ដូណាល់ ត្រាំ បានចេញមុខអំពាវនាវឲ្យប្រជាពលរដ្ឋអាមេរិកជាពិសេសស្ត្រីអត់អោនឲ្យប្តីរបស់លោកស្រី ព្រោះលោកបានសុំអភ័យទោសរួចហើយ។ លោកស្រីបានអះអាងថា ពាក្យទាំងអស់នោះវាពិតមិនសមរម្យនិងធ្វើឲ្យប៉ះពាល់ខ្លាំងមែន តែស្វាមីលោកស្រី សុំអភ័យទោសរួចរាល់ហើយ។ វាជាអតីតកាល ហើយគេគួរឈប់ប្រកាន់ទោសអូសដំណើរអ្វីទៀតដែរ។
២. ហ៊ីឡារី នាំមុខនៅសមរភូមិនយោបាយសំខាន់ៗដូចជា រដ្ឋ Colorado, Florida និងនៅរដ្ឋ Pennsylvania
ក្រៅពីផ្តោតលើការកើនឡើងនូវការគាំទ្រលោកស្រី ហ៊ីឡារី គ្លីនតុន ជារួមនៅទូទាំងសហរដ្ឋអាមេរិក គេក៏សង្កេតឃើញថា សំឡេងគាំទ្រលោកស្រី កើនឡើងច្រើននៅសមរភូមិនយោបាយសំខាន់ៗដែលបក្សទាំងពីរធ្លាប់មានសំឡេងគាំទ្រប្រហាក់ប្រហែលគ្នាផងដែរ។ យោងតាមរបាយការណ៍ស្ទង់មតិរបស់សាកលវិទ្យាល័យQuinnipiac លោកស្រី ហ៊ីឡារី នាំមុខលោក ដូណាល់ត្រាំ ៨ភាគរយដោយសំឡេងគាំទ្រ ៤៥ ភាគរយ ទល់ ៣៧ ភាគរយ នៅក្នុងរដ្ឋ Colorado។ បើនៅរដ្ឋ Pennsylvania លោកស្រី ហ៊ីឡារី ទទួលបានសំឡេងគាំទ្រ ប្រហែល ៤៧ ភាគរយ ខណៈដែលលោក ដូណាល់ត្រាំ បានទទួលសំឡេងត្រឹម៤១ ភាគរយប៉ុណ្ណោះ។ មួយទៀតគឺនៅ រដ្ឋ Florida ព្រោះសំឡេងគាំទ្រលោកស្រីនាំមុខសំឡេងគាំទ្រលោក ដូណាល់ ត្រាំ ៤ភាគរយ ដោយលោកស្រីបានទទួលសំឡេង ៤៨ ភាគរយ ខណៈដែលសេដ្ឋីអចលនទ្រព្យនេះបានទទួលត្រឹម ៤៤ ភាគរយប៉ុណ្ណោះ។
យ៉ាងណាមិញ នៅរដ្ឋ Ohio បេក្ខជនទាំងពីរទទួលបានសំឡេងគាំទ្រប្រហាក់ប្រហែលគ្នាពោលគឺ ៤៥ ភាគរយម្នាក់ ខណៈដែលលោក Gary Johnson មកពីគណបក្សសេរីភាពបានត្រឹម ៦ភាគរយហើយ បេក្ខជនគណបក្សបៃតង Jill Stein បានត្រឹម ១ភាគរយប៉ុណ្ណោះ៕
សូមស្តាប់ការបកស្រាយរបស់លោក សៅ ផលនិស្ស័យ៖
នៅសល់ប្រហែល ៣សប្តាហ៍ទៀតប៉ុណ្ណោះ ការបោះឆ្នោតប្រធានាធិបតីអាមេរិកនឹងមកដល់ហើយ។ អ្នកណាជាអ្នកឈ្នះនោះ នៅតែពិបាកសន្និដ្ឋាន ព្រោះគ្រប់យ៉ាងអាចនឹងប្រែប្រួលនៅថ្ងៃបោះឆ្នោត។ ប៉ុន្តែ ទោះជាបែបនេះក្តី លោកស្រី អតីតរដ្ឋមន្ត្រីការបរទេសនិងជាបេក្ខជនប្រធានាធិបតីបក្សប្រជាធិបតេយ្យ ហ៊ីឡារី គ្លីនតុន ហាក់ទទួលបានសំឡេងគាំទ្រកាន់តែច្រើនជាងគូប្រជែងលោកស្រី លោក ដូណាល់ ត្រាំ ក្នុងរយៈពេលចុងក្រោយនេះ។ របាយការណ៍ស្ទង់មតិជាច្រើនបង្ហាញ សំឡេងគាំទ្ររបស់លោកស្រីកើនឡើងគួរឲ្យកត់សម្គាល់នៅទូទាំងប្រទេស ហើយមិនត្រឹមតែប៉ុណ្ណោះលោកស្រី ហាក់មានប្រៀបកាន់តែខ្លាំងនៅបណ្តាសមរភូមិនយោបាយសំខាន់ៗថែមទៀតផង។ ដូច្នេះហើយ វាហាក់បីដូចជាបង្ហាញឲ្យឃើញថា រវាងបេក្ខជនទាំងពីរ លោកស្រី ហ៊ីឡារី កាន់តែមានប្រៀបក្នុងការបោះឆ្នោតប្រធានាធិបតីថ្ងៃ ៨វិច្ឆិកាខាងមុខនេះ។ ប៉ុន្តែបេក្ខជនទាំងពីរនឹងជួបជាមួយគ្នាម្តងទៀតនៅថ្ងៃពុធទី ១៩ តុលានេះ ដើម្បីជជែកដេញដោលគ្នាពាក់ព័ន្ធបញ្ហាគោលនយោបាយរបស់ខ្លួន ហើយវាជាការជជែកដេញដោយនយោបាយចុងក្រោយបំផុត មុនការបោះឆ្នោតមកដល់។
១.ចំនួនអ្នកគាំទ្រលោកស្រី នាំមុខលោក ដូណាល់ ត្រាំ ១២ភាគរយទូទាំងប្រទេស
យោងតាមរបាយការណ៍ស្ទង់មតិទូទាំងប្រទេសដែលរៀបចំឡើងដោយសាកលវិទ្យាល័យ Monmouth បេក្ខជនប្រធានាធិបតីបក្សប្រជាធិបតេយ្យលោកស្រី ហ៊ីឡារី គ្លីនតុន កំពុងនាំមុខគូប្រជែងរបស់ខ្លួនកាន់តែខ្លាំង។ បើតាមការសាកសួរអ្នកដែលអាចចូលរួមបោះឆ្នោត ចំនួន៥០ភាគរយនៃពួកគេបានអះអាងថាខ្លួនគាំទ្រលោកស្រី ហ៊ីឡារី គ្លីនតុន ហើយ ៣៨ភាគរយផ្សេងទៀតនៅគាំទ្រលោក ដូណាល់ ត្រាំ ផងដែរ។ក្រៅពីនេះ៥ភាគរយ គាំទ្រលោក Gary Johnson គណបក្សសេរីភាព និង ២ភាគរយផ្សេងទៀតគាំទ្របេក្ខជនគណបក្សបៃតង Jill Stein។
យោងតាមលទ្ធផលនេះលោក ស្រី ហ៊ីឡារី គ្លីនតុន បានទទួលសំឡេងគាំទ្រនាំមុខសំឡេងគាំទ្ររបស់លោក ដូណាល់ ត្រាំ ចំនួន ១២ ភាគរយឯណោះ។ បើប្រៀបធៀបគ្នាជាមួយរបាយការណ៍ស្ទង់មតិកាលពីប៉ុន្មានសប្តាហ៍មុន វាមានការកើនឡើង រហូតដល់ ៤ភាគរយ ព្រោះលោកស្រីបានទទួលសំឡេងគាំទ្រត្រឹម៤៦ ភាគរយប៉ុណ្ណោះ។ ចំណែកសំឡេងគាំទ្រលោក ដូណាល់ ត្រាំ ឯណោះវិញធ្លាក់ពី ៤២ ភាគរយមកត្រឹម ៣៨ភាគរយប៉ុណ្ណោះ។
ដោយ ឡែក គេគួរស្វែងយល់បន្តិចដែរជុំវិញការធ្លាក់ចុះនៃ សំឡេងគាំទ្ររបស់លោក ដូណាល់ត្រាំ។ ជារួមសំឡេងគាំទ្ររបស់សេដ្ឋីអចលនទ្រព្យរូបនេះធ្លាក់ចុះខ្លាំងរយៈពេលប៉ុន្មានចុងក្រោយនេះប៉ុណ្ណោះ ពោលគឺក្រោយការបែកធ្លាយរឿងអាស្រូវប្រើប្រាស់សម្តីចំអូងចំអាសបំពារបំពានផ្លូវភេទ។ ក្រៅពីរឿងអាស្រូវមិនបង់ពន្ធឲ្យរដ្ឋ លោក ដូណាល់ ត្រាំ រងសម្ពាធធំពីក្នុងបក្ស ហើយរងការរិះគន់និងថ្កោលទោសខ្លាំងពីសំណាក់ប្រជាជនអាមេរិក និងអ្នកគាំទ្របក្សសាធារណរដ្ឋផងដែររឿងធ្លាប់ប្រើពាក្យសម្តីអាសគ្រាមប្រមាថមាក់ងាយស្ត្រីភេទកាលពីឆ្នាំ ២០០៦នោះ។
ប្រជាជនអាមេរិកជាពិសេសស្ត្រីភេទខឹងសម្បារខ្លាំងចំពោះសម្តី អាសអាភៀសរបស់បេក្ខជនប្រធានាធិបតីអាមេរិករូបនេះ ហើយពួកគេត្រូវផ្លាស់ប្តូរចិត្តចំពោះការបោះឆ្នោតខាងមុខដូចគ្នា។ សូម្បីតែបណ្តាមេដឹកនាំគណបក្សសាធារណរដ្ឋរួមទាំងលោក Paul Ryan ប្រធានសភាអាមេរិក ក៏បានសម្រេចចិត្តដកខ្លួនឈប់គាំទ្រលោក ដូណាល់ ត្រាំ ក្នុងការបោះឆ្នោតខាងមុខ និងមានខ្លះទៀតស្នើឲ្យលោកដកខ្លួនចេញពីការប្រកួតប្រជែងថែមទៀត។
យ៉ាងណាក៏ដោយ ភរិយារបស់លោក ដូណាល់ ត្រាំ បានចេញមុខអំពាវនាវឲ្យប្រជាពលរដ្ឋអាមេរិកជាពិសេសស្ត្រីអត់អោនឲ្យប្តីរបស់លោកស្រី ព្រោះលោកបានសុំអភ័យទោសរួចហើយ។ លោកស្រីបានអះអាងថា ពាក្យទាំងអស់នោះវាពិតមិនសមរម្យនិងធ្វើឲ្យប៉ះពាល់ខ្លាំងមែន តែស្វាមីលោកស្រី សុំអភ័យទោសរួចរាល់ហើយ។ វាជាអតីតកាល ហើយគេគួរឈប់ប្រកាន់ទោសអូសដំណើរអ្វីទៀតដែរ។
២. ហ៊ីឡារី នាំមុខនៅសមរភូមិនយោបាយសំខាន់ៗដូចជា រដ្ឋ Colorado, Florida និងនៅរដ្ឋ Pennsylvania
ក្រៅពីផ្តោតលើការកើនឡើងនូវការគាំទ្រលោកស្រី ហ៊ីឡារី គ្លីនតុន ជារួមនៅទូទាំងសហរដ្ឋអាមេរិក គេក៏សង្កេតឃើញថា សំឡេងគាំទ្រលោកស្រី កើនឡើងច្រើននៅសមរភូមិនយោបាយសំខាន់ៗដែលបក្សទាំងពីរធ្លាប់មានសំឡេងគាំទ្រប្រហាក់ប្រហែលគ្នាផងដែរ។ យោងតាមរបាយការណ៍ស្ទង់មតិរបស់សាកលវិទ្យាល័យQuinnipiac លោកស្រី ហ៊ីឡារី នាំមុខលោក ដូណាល់ត្រាំ ៨ភាគរយដោយសំឡេងគាំទ្រ ៤៥ ភាគរយ ទល់ ៣៧ ភាគរយ នៅក្នុងរដ្ឋ Colorado។ បើនៅរដ្ឋ Pennsylvania លោកស្រី ហ៊ីឡារី ទទួលបានសំឡេងគាំទ្រ ប្រហែល ៤៧ ភាគរយ ខណៈដែលលោក ដូណាល់ត្រាំ បានទទួលសំឡេងត្រឹម៤១ ភាគរយប៉ុណ្ណោះ។ មួយទៀតគឺនៅ រដ្ឋ Florida ព្រោះសំឡេងគាំទ្រលោកស្រីនាំមុខសំឡេងគាំទ្រលោក ដូណាល់ ត្រាំ ៤ភាគរយ ដោយលោកស្រីបានទទួលសំឡេង ៤៨ ភាគរយ ខណៈដែលសេដ្ឋីអចលនទ្រព្យនេះបានទទួលត្រឹម ៤៤ ភាគរយប៉ុណ្ណោះ។
យ៉ាងណាមិញ នៅរដ្ឋ Ohio បេក្ខជនទាំងពីរទទួលបានសំឡេងគាំទ្រប្រហាក់ប្រហែលគ្នាពោលគឺ ៤៥ ភាគរយម្នាក់ ខណៈដែលលោក Gary Johnson មកពីគណបក្សសេរីភាពបានត្រឹម ៦ភាគរយហើយ បេក្ខជនគណបក្សបៃតង Jill Stein បានត្រឹម ១ភាគរយប៉ុណ្ណោះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 15 ម៉ោង
