ជាតិ
នយោបាយជាតិ
បក្សប្រឆាំងសុំយកទីលានប្រជាធិបតេយ្យធ្វើខួប២៥ឆ្នាំនៃកិច្ចព្រមព្រៀងក្រុងប៉ារីស
× ភ្នំពេញ៖ គណបក្សសង្គ្រោះជាតិ បានដាក់លិខិតមួយ ទៅកាន់លោក ប៉ា សុជាតិវង្ស អភិបាលរាជធានីភ្នំពេញ ដើម្បីសុំច្បាប់រៀបចំពិធីបុណ្យខួបលើកទី២៥ នៃកិច្ចព្រមព្រៀងសន្តិភាពទីក្រុងប៉ារីសស្តីពីកម្ពុជា នៅលើទីលានប្រជាធិបតេយ្យ នាថ្ងៃទី២៣ ខែតុលា ឆ្នាំ២០១៦។
នៅក្នុងលិខិតនោះ គណបក្សសង្គ្រោះជាតិ បានអះអាងថា ការរៀបចំពិធីរម្លឹកខួបលើក២៥ នៃកិច្ចព្រមព្រៀមសន្តិភាពទីក្រុងប៉ារីស នៅទីលានប្រជាធិបតេយ្យ នឹងមានប្រជាពលរដ្ឋជាច្រើននាក់ ចូលរួម។
ទាក់ទងនឹងបញ្ហានេះ លោក ឃួង ស្រេង អភិបាលរងរាជធានីភ្នំពេញ មិនអាចប្រាប់សារព័ត៌មានថ្មីៗភ្លាមៗបានទេ ថាអាជ្ញាធរនឹងអនុញ្ញាត ឬក៏បដិសេធសំណើរបស់គណបក្សសង្គ្រោះជាតិខាងលើ ដោយសារតែលោកជាប់រវល់ក្នុងកិច្ចប្រជុំ។
សូមបញ្ជាក់ថា កិច្ចព្រមព្រៀមសន្តិភាពទីក្រុងប៉ារីស ត្រូវបានចុះហត្ថលេខា នៅថ្ងៃ២៣ ខែតុលា ឆ្នាំ១៩៩១។ ការចុះកិច្ចព្រមព្រៀងនេះ គឺដើម្បីដោះស្រាយវិបត្តិនយោបាយនៅកម្ពុជា។ បណ្តាប្រទេសចំនួន១៨ បានចូលរួមចុះហត្ថលេខាជាមួយកម្ពុជា លើកកិច្ចព្រមព្រៀងខាងលើ រួមមាន សហរដ្ឋអាមេរិក សូវៀត អូស្ត្រាលី កាណាដា ចិន ជប៉ុន បារាំង ឥណ្ឌា សិង្ហបុរី អង់គ្លេស ព្រុយនេ ឥណ្ឌូនេស៊ី ឡាវ ម៉ាឡេស៊ី ហ្វីលីពីន ថៃ វៀតណាម និងយូហ្គោស្លាវី៕
Tag:
CNRP
កិច្ចព្រមព្រៀងទីក្រុងប៉ារីស
© រក្សាសិទ្ធិដោយ thmeythmey.com