កីឡាជាតិ
ជាតិ
FIFA Ranking៖ កម្ពុជាឡើងមកលេខ១៦៧ ដោយឈរលើក្រុមជម្រើសជាតិចំនួន៣២លើពិភពលោក
×![]()
ដោយ: រួបរួម
ក្រុមកីឡាបាល់ទាត់ជម្រើសជាតិកម្ពុជា បានឡើងពីចំណាត់ថ្នាក់លេខ១៧៣នៅខែកញ្ញា មកលេខ១៦៧ នៅខែតុលា នេះ ក្នុងតារាងចំណាត់ថ្នាក់របស់សហព័ន្ធកីឡាបាល់ទាត់អន្តរជាតិ (FIFA World Ranking)។ ការកើនចំណាត់ថ្នាក់នេះ គឺយោងតាមលទ្ធផល៤ប្រកួតចុងក្រោយរបស់កម្ពុជា ដែលបានឈ្នះ៣លើក និងចាញ់១លើក។
មុនការចេញតារាងចំណាត់ថ្នាក់ FIFA World Ranking ក្រុមកីឡាបាល់ទាត់ជម្រើសជាតិកម្ពុជាក្រោមការដឹកនាំរបស់លោក Lee Tae Hoon មានការប្រកួតអន្តរជាតិ៤លើក ក្នុងនោះ ពួកគេបានចាញ់ហុងកុង ២-០ ក្នុងជំនួបមិត្តភាព ប៉ុន្តែបានស្តារជ័យជម្នះវិញនាការប្រកួតបីលើកចុងក្រោយ ដោយឈ្នះស្រីលង្កា ៤-០ ក្នុងជំនួបមិត្តភាព ឈ្នះ ឡាវ ២-១ និងឈ្នះព្រុយណេ ៣-០ ក្នុងការប្រកួតជម្រុះ AFF Suzuki Cup។
យោងតាមតារាងចំណាត់ថ្នាក់ពិភពលោក កម្ពុជាស្ថិតនៅចំណាត់ថ្នាក់លេខ១៦៧ ក្នុងចំណោម២០២ក្រុម ស្មើកោះ Saint Lucia គូវែត និងស៊ូដង់ខាងត្បូង ដោយឈរពីលើក្រុមជម្រើសជាតិចំនួន៣២ផ្សេងទៀត។ នៅតំបន់អាស៊ី អ៊ីរ៉ង់ឈរចំណាត់ថ្នាក់ខ្ពស់ជាងគេ ដោយស្ថិតនៅលេខរៀង២៧ ខណៈ អូស្ត្រាលី (៤០) កូរ៉េខាងត្បូង (៤៤) អ៊ូសបេគីស្ថាន ជប៉ុន (៥១) និងអារ៉ាប៊ី សាអូឌីត (៥៤) ស្ថិតនៅបន្តបន្ទាប់។
សម្រាប់តំបន់អាស៊ាន ហ្វីលីពីន មានចំណាត់ថ្នាក់ប្រសើរជាងគេ គឺលេខ១២៤ ដោយឈរពីលើវៀតណាម (១៣៦) ថៃ (១៤៦) មីយ៉ាន់ម៉ា (១៥៦) និងម៉ាឡេស៊ី (១៦៤)។ កម្ពុជា (១៦៧) ឈរពីលើសិង្ហបុរី (១៧១) ឡាវ (១៧៥) ឥណ្ឌូនេស៊ី (១៧៩) ទីម័រខាងកើត (១៨៦) និងព្រុយណេ (១៩២)។
រីឯចំណាត់ថ្នាក់កំពូលលើពិភពលោក អាហ្សង់ទីន ឈរលេខ១ ដោយនាំមុខ អាល្លឺម៉ង់ ប្រេស៊ីល បែលហ្ស៊ិក កូឡុំប៊ី ស៊ីលី បារាំង ព័រទុយហ្គាល់ អ៊ុយរូហ្គាយ និងអេស្ប៉ាញ។ ក្រុមកំពូលផ្សេងទៀតដែលស្ថិតនៅ Top 20 រួមមាន វេលស៍ អង់គ្លេស អ៊ីតាលី ស្វ៊ីស ប៉ូឡូញ ក្រូអាស៊ី ម៉ិកស៊ិក កូស្តារីកា អេក្វាឌ័រ និងហូឡង់៕
មុនការចេញតារាងចំណាត់ថ្នាក់ FIFA World Ranking ក្រុមកីឡាបាល់ទាត់ជម្រើសជាតិកម្ពុជាក្រោមការដឹកនាំរបស់លោក Lee Tae Hoon មានការប្រកួតអន្តរជាតិ៤លើក ក្នុងនោះ ពួកគេបានចាញ់ហុងកុង ២-០ ក្នុងជំនួបមិត្តភាព ប៉ុន្តែបានស្តារជ័យជម្នះវិញនាការប្រកួតបីលើកចុងក្រោយ ដោយឈ្នះស្រីលង្កា ៤-០ ក្នុងជំនួបមិត្តភាព ឈ្នះ ឡាវ ២-១ និងឈ្នះព្រុយណេ ៣-០ ក្នុងការប្រកួតជម្រុះ AFF Suzuki Cup។
យោងតាមតារាងចំណាត់ថ្នាក់ពិភពលោក កម្ពុជាស្ថិតនៅចំណាត់ថ្នាក់លេខ១៦៧ ក្នុងចំណោម២០២ក្រុម ស្មើកោះ Saint Lucia គូវែត និងស៊ូដង់ខាងត្បូង ដោយឈរពីលើក្រុមជម្រើសជាតិចំនួន៣២ផ្សេងទៀត។ នៅតំបន់អាស៊ី អ៊ីរ៉ង់ឈរចំណាត់ថ្នាក់ខ្ពស់ជាងគេ ដោយស្ថិតនៅលេខរៀង២៧ ខណៈ អូស្ត្រាលី (៤០) កូរ៉េខាងត្បូង (៤៤) អ៊ូសបេគីស្ថាន ជប៉ុន (៥១) និងអារ៉ាប៊ី សាអូឌីត (៥៤) ស្ថិតនៅបន្តបន្ទាប់។
សម្រាប់តំបន់អាស៊ាន ហ្វីលីពីន មានចំណាត់ថ្នាក់ប្រសើរជាងគេ គឺលេខ១២៤ ដោយឈរពីលើវៀតណាម (១៣៦) ថៃ (១៤៦) មីយ៉ាន់ម៉ា (១៥៦) និងម៉ាឡេស៊ី (១៦៤)។ កម្ពុជា (១៦៧) ឈរពីលើសិង្ហបុរី (១៧១) ឡាវ (១៧៥) ឥណ្ឌូនេស៊ី (១៧៩) ទីម័រខាងកើត (១៨៦) និងព្រុយណេ (១៩២)។
រីឯចំណាត់ថ្នាក់កំពូលលើពិភពលោក អាហ្សង់ទីន ឈរលេខ១ ដោយនាំមុខ អាល្លឺម៉ង់ ប្រេស៊ីល បែលហ្ស៊ិក កូឡុំប៊ី ស៊ីលី បារាំង ព័រទុយហ្គាល់ អ៊ុយរូហ្គាយ និងអេស្ប៉ាញ។ ក្រុមកំពូលផ្សេងទៀតដែលស្ថិតនៅ Top 20 រួមមាន វេលស៍ អង់គ្លេស អ៊ីតាលី ស្វ៊ីស ប៉ូឡូញ ក្រូអាស៊ី ម៉ិកស៊ិក កូស្តារីកា អេក្វាឌ័រ និងហូឡង់៕
Tag:
ជម្រើសជាតិ
បាល់ទាត់
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ម៉ោង
