ជាតិ
នយោបាយជាតិ
ទោះគ្មានការអនុញ្ញាត CNRP នៅតែត្រៀមប្រារព្ធខួបកិច្ចព្រមព្រៀងក្រុងប៉ារីស ដោយមានអ្នកចូលរួមជាង៧ពាន់នាក់
×![]()
ភ្នំពេញ៖ គណបក្សសង្គ្រោះជាតិ នៅតែរក្សាជំហប្រារព្វពិធីរំឮកខួប២៥ នៃកិច្ចព្រមព្រៀងទីក្រុងប៉ារីស នៅថ្ងៃទី២៣ ខែតុលាខាងមុខ ដោយមានអ្នកចូលរួមជាង ៧ពាន់នាក់ ខណៈដែល សាលារាជធានីភ្នំពេញបដិសេធមិនឲ្យពួកគេប្រារព្ធពិធីនេះ នៅទីលានប្រជាធិបតេយ្យ។
មន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង អះអាងថា ក្រុមសមាជិកសភាគណបក្សសង្គ្រោះជាតិ នឹងរៀបចំប្រារព្ធខួបលើកទី២៥ឆ្នាំ នៃកិច្ចព្រមព្រៀងទីក្រុងប៉ារីស នៅថ្ងៃទី២៣ ខែតុលា នៅទីលានប្រជាធិបតេយ្យ។ ថ្លែងចំពោះក្រុមអ្នកសារព័ត៌មាននៅទីស្នាក់ការបក្សនៅថ្ងៃទី២១ តុលានេះ លោក អេង ឆៃអ៊ាង អះអាងថា សកម្មជន CNRP ជាង ៧ពាន់នាក់ នឹងចូលរួមសាទរខួប២៥ឆ្នាំ នៃកិច្ចព្រមព្រៀងសន្តិភាព ។ ជាមួយគ្នានេះលោកបានអំពាវនាវអ្នកគាំទ្រគណបក្សសង្គ្រោះជាតិចូលរួមបន្ថែមទៀត ដើម្បីស្ដាប់ការបកស្រាយពន្យល់ពីអត្ថន័យ នៃកិច្ចព្រមព្រៀងក្រុងប៉ារីសនេះផងដែរ ។
តែយ៉ាងណា សាលារាជធានីភ្នំពេញពុំយល់ព្រមប្រគល់ទីលានប្រជាធិបតេយ្យឲ្យគណបក្សសង្គ្រោះជាតិ (CNRP) ប្រារព្ធទី២៥ ឆ្នាំនៃកិច្ចព្រមព្រៀងទីក្រុងប៉ារីស នៅថ្ងៃទី២៣ ខែតុលាឡើយ។ សាលារាជធានីភ្នំពេញបានលើកហេតុផលការប្រមូលផ្ដុំពលរដ្ឋសម្តែងមតិចំពោះកិច្ចព្រមព្រៀង ២៣ តុលា នេះ គឺមិនសមស្របឡើយ ។«រដ្ឋបាលរាជធានី ភ្នំពេញយល់ឃើញថា ខ្លឹមសារនៃកិច្ចព្រមព្រៀងទីក្រុងប៉ារីសត្រូវបានសភាធម្មនុញ្ញរៀបចំជា ធាតុផ្សំចូលក្នុងរដ្ឋធម្មនុញ្ញនៃកម្ពុជា និងបានប្រកាសឲ្យប្រើប្រាស់ចាប់តាំងពីឆ្នាំ ១៩៩៣ រហូតដល់បច្ចុប្បន្ននេះ»។ នេះជាការបញ្ជាក់របស់អភិបាលរងរាជធានីភ្នំពេញ លោក ឃួង ស្រេង ដែលបានស្នើឲ្យក្រុមតំណាងរាស្ត្រគណបក្សសង្គ្រោះជាតិ ជ្រើសរើសទីតាំងទីស្នាក់គណបក្ស ឬទីតាំងឯកជនសមស្របណាមួយប្រារព្វពិធីរំលឹកខួបកិច្ចព្រមព្រៀង ជំនួសទីលានប្រជាធិបតេយ្យវិញ។
តែយ៉ាងណាមន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង មិនទាន់អាចបញ្ជាក់ថា គណបក្សលោកនឹងប្រារព្វពិធីរំលឹកខួបកិច្ចព្រមព្រៀងនៅទីណានោះទេ ដោយលោកគ្រាន់តែបានអះអាងថា «គណបក្សនឹងប្រារព្ធពិធីនេះជាដាច់ខាត»៕
មន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង អះអាងថា ក្រុមសមាជិកសភាគណបក្សសង្គ្រោះជាតិ នឹងរៀបចំប្រារព្ធខួបលើកទី២៥ឆ្នាំ នៃកិច្ចព្រមព្រៀងទីក្រុងប៉ារីស នៅថ្ងៃទី២៣ ខែតុលា នៅទីលានប្រជាធិបតេយ្យ។ ថ្លែងចំពោះក្រុមអ្នកសារព័ត៌មាននៅទីស្នាក់ការបក្សនៅថ្ងៃទី២១ តុលានេះ លោក អេង ឆៃអ៊ាង អះអាងថា សកម្មជន CNRP ជាង ៧ពាន់នាក់ នឹងចូលរួមសាទរខួប២៥ឆ្នាំ នៃកិច្ចព្រមព្រៀងសន្តិភាព ។ ជាមួយគ្នានេះលោកបានអំពាវនាវអ្នកគាំទ្រគណបក្សសង្គ្រោះជាតិចូលរួមបន្ថែមទៀត ដើម្បីស្ដាប់ការបកស្រាយពន្យល់ពីអត្ថន័យ នៃកិច្ចព្រមព្រៀងក្រុងប៉ារីសនេះផងដែរ ។
តែយ៉ាងណា សាលារាជធានីភ្នំពេញពុំយល់ព្រមប្រគល់ទីលានប្រជាធិបតេយ្យឲ្យគណបក្សសង្គ្រោះជាតិ (CNRP) ប្រារព្ធទី២៥ ឆ្នាំនៃកិច្ចព្រមព្រៀងទីក្រុងប៉ារីស នៅថ្ងៃទី២៣ ខែតុលាឡើយ។ សាលារាជធានីភ្នំពេញបានលើកហេតុផលការប្រមូលផ្ដុំពលរដ្ឋសម្តែងមតិចំពោះកិច្ចព្រមព្រៀង ២៣ តុលា នេះ គឺមិនសមស្របឡើយ ។«រដ្ឋបាលរាជធានី ភ្នំពេញយល់ឃើញថា ខ្លឹមសារនៃកិច្ចព្រមព្រៀងទីក្រុងប៉ារីសត្រូវបានសភាធម្មនុញ្ញរៀបចំជា ធាតុផ្សំចូលក្នុងរដ្ឋធម្មនុញ្ញនៃកម្ពុជា និងបានប្រកាសឲ្យប្រើប្រាស់ចាប់តាំងពីឆ្នាំ ១៩៩៣ រហូតដល់បច្ចុប្បន្ននេះ»។ នេះជាការបញ្ជាក់របស់អភិបាលរងរាជធានីភ្នំពេញ លោក ឃួង ស្រេង ដែលបានស្នើឲ្យក្រុមតំណាងរាស្ត្រគណបក្សសង្គ្រោះជាតិ ជ្រើសរើសទីតាំងទីស្នាក់គណបក្ស ឬទីតាំងឯកជនសមស្របណាមួយប្រារព្វពិធីរំលឹកខួបកិច្ចព្រមព្រៀង ជំនួសទីលានប្រជាធិបតេយ្យវិញ។
តែយ៉ាងណាមន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង មិនទាន់អាចបញ្ជាក់ថា គណបក្សលោកនឹងប្រារព្វពិធីរំលឹកខួបកិច្ចព្រមព្រៀងនៅទីណានោះទេ ដោយលោកគ្រាន់តែបានអះអាងថា «គណបក្សនឹងប្រារព្ធពិធីនេះជាដាច់ខាត»៕
Tag:
ឃួង ស្រេង
អេង ឆៃអ៊ាង
កិច្ចព្រមព្រៀងទីក្រុងប៉ារីស
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
