ព័ត៍មានសុខភាព
បែកបាក់ស្នេហាហើយ គួរធ្វើដូចម្តេច ទើបមានអារម្មណ៍ល្អវិញទៅ?
×
មិត្តប្រុសខ្ញុំ និងខ្ញុំ ទើបតែបែកគ្នាកាលពីខែមុន។ ថ្វីបើឥឡូវខ្ញុំមិនអីមែន ប៉ុន្តែ គិតៗ ខ្ញុំពិតជាពិបាកចិត្តខ្លាំងណាស់។ តើខ្ញុំអាចធ្វើអ្វីបានទៅ ដើម្បីឲ្យមានអារម្មណ៍ល្អឡើងវិញ?
ជាធម្មតា ការស្តាអារម្មណ៍ល្អឡើងវិញ ក្រោយពីការបែកបាក់ស្នេហា មិនមែនជារឿងមួយងាយស្រួលនោះទេ។ ដើម្បីជួយអ្នកដោះស្រាយបញ្ហាពិបាកចិត្ត និងបង្កើនការស្រឡាញ់ខ្លួនឯងឡើងវិញនោះ យកល្អ អ្នកគួរតែព្យាយាមដូចខាងក្រោមនេះសិនទៅ ៖
*និយាយអំពីរឿងដែលអ្នកពិបាកចិត្តនោះ ជាមួយគ្រួសារ និងមិត្តភក្តិដែលអ្នកជឿជាក់ និងជិតដឹត
*ថែរក្សាខ្លួនឯងឲ្យបានល្អ តាមរយៈការសម្រាក់គ្រប់គ្រាន់ ញ៉ាំអាហារផ្តល់សុខភាព និងហាត់ប្រាណគ្រប់គ្រាន់
*ធ្វើខ្លួនឯងឲ្យរវល់
*ធ្វើអ្វីៗដែលអ្នកចូលចិត្ត។
ពេលខ្លះ ទោះបីជាមនុស្សយើង កំពុងតែព្យាយាមឲ្យខ្លួនឯង មានអារម្មណ៍ល្អហើយនោះ ពួកគេប្រហែលជាត្រូវការជំនួយ បន្ថែមខ្លះទៀតដែរ។ ដូច្នេះ បើសិនជាអាចធ្វើបាន ចូរពិគ្រោះជាមួយអ្នកផ្តល់ប្រឹក្សាខាងចិត្តសាស្ត្រ ដើម្បីជួយសម្រួលអារម្មណ៍អ្នកឡើងវិញ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com