ក្រៅពីត្រៀមបញ្ជូនយន្តហោះចម្បាំង F-35 ចំនួន ១៦ ទៅជប៉ុន អាមេរិកក៏នឹងបញ្ជូននាវាចម្បាំងថ្មីទៅកាន់មូលដ្ឋាន Sasebo នៅជប៉ុនផងដែរ។នាវាចម្បាំង USS Wasp (LHD 1) នេះនឹងត្រូវបញ្ជូនចេញពីមូលដ្ឋានទ័ពអាមេរិក Norfolk នៅរដ្ឋ Virginia ទៅជំនួសនាវា USS Bonhomme Richard (LHD 6) ដែលស្ថិតនៅមូលដ្ឋាន Sasebo នោះ។ នាវា USS Bonhomme Richard (LHD 6) នឹងត្រូវត្រឡប់ទៅកាន់មូលដ្ឋានទ័ពអាមេរិកនៅ San Diego កាលីហ្វ័រនីញ៉ាដើម្បីទទួលការថែទាំនិងកែលម្អឡើងវិញ។
ចំពោះ នាវា USS Wasp (LHD 1) នឹងត្រូវទៅឈរជើងនៅជប៉ុននៅឆ្នាំ ២០១៧ ប៉ុន្តែកាលបរិច្ឆេទជាក់លាក់ដែលនាវាចម្បាំងនេះទៅដល់ប្រទេសជប៉ុនមិនត្រូវបានគេបញ្ជាក់ឲ្យដឹងឡើយ។