ព័ត៍មានសុខភាព
សុខភាព៖ ក្បាលដោះដុះរោម តើខុសប្រក្រតីដែរទេ?
×
ខ្ញុំបាទអាយុ ១៧ឆ្នាំ ហើយខ្ញុំក៏បារម្ភយូរហើយអំពីបញ្ហាមួយគឺថា នៅត្រង់ម្តងក្បាលដោះខ្ញុំ មានដុះរោម។ និយាយទៅ រាងកាយខ្ញុំខាងលើគឺគ្មានដុះរោមអ្វីសោះឡើយ តែបែរជាមានរោមច្រើននៅជើងទៅវិញ។ ដូច្នេះ តើវាជារឿងធម្មតាដែរទេ?
រឿងនេះបើស្តាប់មើលទៅគឺជារឿងធម្មតាទេ។ អ្វីដែលចាការពិតនោះគឺថា ការដុះរោមនៅតំបន់ក្បាលសុដន់គឺជារឿងកើតមានជាញឹកញាប់ ដូចផ្នែកផ្សេងៗទៀតនៃរាងកាយដែរ ដូចជា មុខ ទ្រូង ដៃ ជើង ឃ្លៀក និងគ្រលាន។ នៅពេលយើងឈានចូលវ័យជាយុវវ័យហើយ រាងកាយនឹងផលិតអ័រម៉ូនជាច្រើនដែលនឹងជំរុញដល់ការលូតលាស់រោម និងសក់លើរាងកាយ។
ក្នុងនាមជាយុវវ័យមួយរូប អ្នកអាចនឹងមានការប្រែប្រួលរាងកាយច្រើនខ្លាំង ហើយអ្វីដែលអ្នកចង់ដឹងនៅពេលនេះ វាគឺជារឿងធម្មតាដែរ។ ដូច្នេះមិនចាំបាច់បារម្ភអ្វីទៀតទេ តែយកល្អគួរតែធ្វើការណាត់ជួបជាមួយគ្រូពេទ្យផងបើសិនជាអ្នកមានសំណួរ ឬបារម្ភច្រើននូវបញ្ហាអ្វីមួយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com