ជាតិ
បេក្ខជនខ្មែរអាមេរិកាំងពីររូបបង្កើតប្រវត្តិសាស្ត្រក្នុងការបោះឆ្នោតតំណាងរាស្ត្រប្រចាំរដ្ឋ
(លោក មុំ រ៉ាឌី (ឆ្វេង) តំណាងរាស្ត្របច្ចុប្បន្នប្រចាំសង្កាត់ទី១៨ Middlesex និងជាបេក្ខជនមកពីគណបក្សប្រជាធិបតេយ្យ ប្រឈមនឹងការប្រកួតប្រជែងពីលោក កៃ កាម៉ារ៉ា (ស្តាំ) បេក្ខជនមកពីគណបក្សសាធារណរដ្ឋ សម្រាប់ការបោះឆ្នោតតំណាងរាស្ត្ររដ្ឋអាណត្តិថ្មី។)
×![]()
វ៉ាស៊ីនតោន៖ នេះគឺជាលើកទីមួយនៅក្នុងប្រវត្តិសាស្ត្រនយោបាយក្នុងតំបន់របស់អាមេរិក នៅពេលដែលបេក្ខជនខ្មែរអាមេរិកាំងពីរនាក់កំពុងតែប្រកួតប្រជែងគ្នា ដើម្បីទទួលជ័យជន្នះនៅក្នុងការបោះឆ្នោតជ្រើសតាំងតំណាងរាស្ត្រប្រចាំសង្កាត់ទី១៨ Middlesex រដ្ឋម៉ាសាឈូសេត។ បេក្ខជនខ្មែរអាមេរិកាំងទាំងពីររូបនេះធ្វើយុទ្ធនាការបោះឆ្នោតដោយផ្តោតលើបញ្ហាជាច្រើនស្រដៀងគ្នា ដូចជាការពង្រឹងវិស័យអប់រំ ពង្រីកឱកាសការងារ និងបង្កើនកំណើនសេដ្ឋកិច្ច និងការរក្សាសន្តិសុខក្នុងសង្កាត់ទី១៨ ក៏ដូចជាទីក្រុងឡូវែលទាំងមូល។
នៅថ្ងៃទី៨ ខែវិច្ឆិកាខាងមុខនេះ លោក មុំ រ៉ាឌី ដែលបច្ចុប្បន្នគឺជាតំណាងរាស្ត្រប្រចាំសង្កាត់ទី១៨ Middlesex និងជាបេក្ខជនមកពីគណបក្សប្រជាធិបតេយ្យ នឹងប្រឈមនឹងការប្រកួតប្រជែងពីលោក កៃ កាម៉ារ៉ា បេក្ខជនមកពីគណបក្សសាធារណរដ្ឋ សម្រាប់ការបោះឆ្នោតជ្រើសរើសតំណាងរាស្ត្រតំណាងឲ្យសង្កាត់ទី១៨ សម្រាប់អាណត្តិថ្មី២០១៧ ដល់ឆ្នាំ២០១៨។
សព្វថ្ងៃនេះ បេក្ខជនទាំងពីរ ដែលជាពលរដ្ឋអាមេរិកដើមកំណើតខ្មែរ កំពុងតែស្វះស្វែងបន្តយុទ្ធនាការឃោសនារបស់ខ្លួន មុនថ្ងៃបោះឆ្នោតទូទាំងរដ្ឋឈានមកដល់ក្នុងរយៈពេលមិនដល់ពីរសប្តាហ៍ខាងមុខនេះ។
លោក មុំ រ៉ាឌី និងលោក កៃ កាម៉ារ៉ា បានឆ្លងកាត់ដំណើរជីវិតស្រដៀងគ្នា ដោយសារបេក្ខជនទាំងពីរគឺជាអ្នកដែលរួចរស់រានមានជីវិតពីរបបខ្មែរក្រហម ហើយបានភៀសខ្លួនមករស់នៅជំរុំជនភៀសខ្លួនខាវអ៊ីដាង នៅប្រទេសថៃ កាលពីដើមទសវត្សរ៍១៩៨០ ហើយបានទទួលសិទ្ធិមករស់នៅសហរដ្ឋអាមេរិក និងក្លាយជាពលរដ្ឋអាមេរិកាំងពេញសិទ្ធិកាលពីដើមទសវត្សរ៍១៩៩០។
បន្ថែមលើនេះ បេក្ខជនខ្មែរអាមេរិកាំងទាំងពីររូបនេះធ្វើយុទ្ធនាការបោះឆ្នោតដោយផ្តោតលើបញ្ហាជាច្រើនស្រដៀងគ្នា ដូចជាការពង្រឹងវិស័យអប់រំ ពង្រីកឱកាសការងារ និងបង្កើនកំណើនសេដ្ឋកិច្ច និងការរក្សាសន្តិសុខក្នុងសង្កាត់ទី១៨ ក៏ដូចជាទីក្រុងឡូវែលទាំងមូល។ ក៏ប៉ុន្តែ លោកទាំងពីរមានគោលនយោបាយខុសគ្នា ក្នុងការដោះស្រាយបញ្ហាខាងលើនេះ។
គោលការណ៍នយោបាយ
នៅក្នុងបទសម្ភាសន៍ជាមួយ VOA លោក មុំ រ៉ាឌី បានឲ្យដឹងថា អាទិភាពទីមួយរបស់លោកគឺបង្កើតច្បាប់ផ្តន្ទាទោសជនដៃដល់ដែលបើកយានយន្ត ហើយបាញ់កាំភ្លើងសំដៅកាន់លំនៅដ្ឋានប្រជាពលរដ្ឋសាមញ្ញ ហើយគេចខ្លួនបាត់ ដែលឧក្រិដ្ឋកម្មនេះត្រូវបានគេស្គាល់ជាភាសាអង់គ្លេសថា Drive-by Shooting។
«នៅតាមទីក្រុងជាច្រើននៅរដ្ឋម៉ាសាឈូសេត យើងកំពុងប្រឈមនឹងបញ្ហាបាញ់កាំភ្លើងហើយបើករថយន្តគេចខ្លួនបាត់នេះ»។
ការបង្កអំពើហិង្សាដោយក្រុមជនពាលគឺជាបញ្ហាសន្តិសុខដ៏សំខាន់មួយ នៅក្នុងសង្កាត់ទី១៨នេះ ដែលមួយផ្នែកធំស្ថិតនៅទីក្រុងឡូវែល ដែលនៅទីនេះមានពលរដ្ឋខ្មែរច្រើនបំផុតទីពីររស់នៅ បន្ទាប់ពីទីក្រុងឡុងប៊ិច រដ្ឋកាលីហ្វ័រញ៉ា។
លោក មុំ រ៉ាឌី បន្ថែមថា៖ «ហេតុដូច្នេះហើយ ខ្ញុំធ្វើការយ៉ាងជិតស្នីទជាមួយអគ្គស្នងការប៉ូលិស សមាជិកក្រុមប្រឹក្សាក្រុង ចៅហ្វាយក្រុង និងអ្នកចាត់ចែងការងារក្នុងក្រុង»។
លោក មុំ រ៉ាឌី បានបញ្ជាក់ថា សេចក្តីព្រៀងច្បាប់នេះត្រូវបានសភាតំណាងរាស្ត្រប្រចាំរដ្ឋម៉ាសាឈូសេតអនុម័តរួចរាល់ហើយ តែត្រូវរង់ចាំការពិនិត្យ និងសម្រេចដោយព្រឹទ្ធិសភាតំណាងរាស្ត្របន្ថែមទៀត។
បើទោះបីជាលោកទទួលស្គាល់ថា បញ្ហាសន្តិសុខសាធារណៈគឺជាកត្តាសំខាន់ក៏ដោយ ក៏លោក កៃ កាម៉ារ៉ា យល់ថា កិច្ចខិតខំប្រឹងប្រែងរបស់លោក មុំ រ៉ាឌី លើសេចក្តីព្រៀងច្បាប់មួយនេះនឹងមិនមានប្រយោជន៍ដល់សាធារណៈជនណាស់ណាទេ ដោយសារតែទីក្រុងឡូវែលនេះមានវិធានការច្រើនណាស់ក្នុងការពង្រឹងសន្តិសុខសាធារណៈរបស់ពលរដ្ឋ។
លោក កៃ កាម៉ារ៉ា ឲ្យដឹងថា៖ «កិច្ចខិតខំប្រឹងប្រែងនេះគឺធ្វើឡើងនាំតែខាតពេលវេលាប៉ុណ្ណោះ ពីព្រោះថា សេចក្តីព្រៀងច្បាប់នេះអាចនឹងមិនទទួលបានលទ្ធផលអ្វីនោះទេ»។
យ៉ាងណាមិញ លោក កៃ កាម៉ារ៉ា បានប្រាប់ VOA ថា បើសិនជាលោកឈ្នះឆ្នោត បញ្ហាជាអាទិភាពដំបូងនៅក្នុងគោលការណ៍នយោបាយរបស់លោក គឺការធ្វើសេចក្តីព្រៀងច្បាប់ផ្តោតលើកំណែទម្រង់ដ៏ស៊ីជម្រៅមួយលើប្រព័ន្ធអប់រំនៅទីក្រុងឡូវែលនេះ។
«យើងចាំបាច់ត្រូវចេញច្បាប់កែទម្រង់ប្រព័ន្ធអប់រំដ៏ស៊ីជម្រៅមួយ ដើម្បីពង្រីកសាលារៀនឯករាជ្យដែលទទួលថវិកាឧបត្ថម្ភ និងការត្រួតពិនិត្យពីរដ្ឋាភិបាលក្នុងតំបន់ ដើម្បីផ្តល់ជម្រើសបន្ថែមដល់ឪពុកម្តាយថា តើប្រព័ន្ធអប់រំមួយណាដែលសមរម្យសម្រាប់កូនៗរបស់ពួកគេ»។
ប៉ុន្តែ លោកបានបញ្ជាក់ថា ការតាក់តែងច្បាប់នេះមិនមែនមានន័យថា លោកគាំទ្រឲ្យមានការលុបបំបាត់ចោលសាលារៀនរដ្ឋនោះទេ។
ទាក់ទងនឹងការតាក់តែងច្បាប់នេះ លោក មុំ រ៉ាឌី ដែលសព្វថ្ងៃក៏ជាសមាជិកគណៈកម្មការអប់រំប្រចាំសភាតំណាងរាស្ត្ររដ្ឋម្នាក់ដែរនោះ មិនយល់ស្របនឹងការពង្រីកសាលារៀនឯករាជ្យ ឬហៅថា Charter Schools នេះទេ ដោយសារបញ្ហាថវិកា។
លោក មុំ រ៉ាឌី បានឲ្យដឹងថា៖ «មូលហេតុតែមួយគត់របស់ខ្ញុំ គឺបញ្ហាថវិកា។ យើងមិនទាន់មានរចនាសម្ព័ន្ធត្រឹមត្រូវក្នុងការផ្តល់ថវិកាឧបត្ថម្ភនៅឡើយទេ»។
ដោយឡែក ទាំងលោក មុំ រ៉ាឌី និងលោក កៃ កាម៉ារ៉ា ទទួលស្គាល់ថា កិច្ចការសំខាន់ដែលត្រូវធ្វើនោះគឺពង្រីកឱកាសការងារនៅក្នុងទីក្រុងឡូវែលនេះ។
លោក កៃ កាម៉ារ៉ា បានឲ្យដឹងថា៖ «មានជនអន្តោប្រវេសន៍ច្រើនណាស់រស់នៅទីក្រុងនេះ ដែលចង់ទទួលបានជោគជ័យ។ ដើម្បីឲ្យអ្នកទាំងអស់នេះទទួលបានជោគជ័យក្នុងការរស់នៅ យើងត្រូវតែផ្តល់ការបណ្តុះបណ្តាលដែលផ្តល់ជំនាញច្បាស់លាស់ ដើម្បីឲ្យពួកគេអាចស្វែងរកការងារដែលទទួលប្រាក់កម្រៃល្អប្រសើរជាងនេះ»។
ចំណែកឯលោក មុំ រ៉ាឌី វិញ លោកផ្តោតលើការពង្រឹងហេដ្ឋារចនាសម្ព័ន្ធឲ្យបានរឹងមាំជាងនេះ ដើម្បីសម្រួលដល់សកម្មភាពធ្វើពាណិជ្ជកម្ម និងបង្កើតការងារកាន់តែច្រើនទៀតទាំងនៅក្នុងទីក្រុង និងក្រៅទីក្រុងឡូវែលនេះ។
លោក មុំ រ៉ាឌី បានឲ្យដឹងថា៖ «មានក្រុមហ៊ុនច្រើនណាស់ ដែលបានដាក់ទីតាំងនៅក្នុងទីក្រុងឡូវែលនេះ ដែលខ្ញុំព្យាយាមតាក់តែងគោលនយោបាយដែលជំរុញឲ្យមានកំណើនសេដ្ឋកិច្ច និងបង្កើតការងារកាន់តែច្រើន»។
លោក មុំ រ៉ាឌី បានលើកឡើងពីគម្រោងបង្កើតសាលសវនាការបែបទំនើប ដែលទទួលបានទឹកប្រាក់២០០លានដុល្លារ និងការពង្រីកតំបន់សេដ្ឋកិច្ចនៅទីក្រុងឡូវែលមួយកន្លែង ដែលត្រូវបានគេស្គាល់ថាតំបន់ Cupples Square ថាជាសមិទ្ធិផលពីការបំពេញតួនាទីជាតំណាង រាស្ត្រប្រចាំសង្កាត់ទី១៨នេះ ដោយធ្វើការជាមួយនឹងភាគីពាក់ព័ន្ធផ្សេងៗ។
ក៏ប៉ុន្តែ លោក កៃ កាម៉ារ៉ា បានតិះទៀនសមិទ្ធិផលរបស់លោក មុំ រ៉ាឌី ដែលជាដៃគូប្រកួតប្រជែងមកពីគណបក្សប្រជាធិបតេយ្យថា មិនបានដើរតួនាទីសំខាន់នៅក្នុងការអភិវឌ្ឍទាំងអស់នេះ ដូចដែលលោក មុំ រ៉ាឌី បានលើកឡើងនោះទេ។
លោក កៃ កាម៉ារ៉ា ឲ្យដឹងថា៖ «គាត់គ្រាន់តែភ្ជាប់ឈ្មោះគាត់ទៅនឹងកិច្ចការដែលត្រូវបានគេអនុវត្ត ហើយបានទទួលលទ្ធផលតែប៉ុណ្ណោះ»។
អ្វីដែលគួរឲ្យកត់សម្គាល់នោះគឺថា រដ្ឋម៉ាសាឈូសេតនេះគឺសម្បូរទៅដោយអ្នកគាំទ្រគណបក្សប្រជាធិបតេយ្យ។ ជាក់ស្តែង នៅក្នុងសភាតំណាងរាស្ត្រប្រចាំរដ្ឋម៉ាសាឈូសេតនាពេលបច្ចុប្បន្ននេះ ដែលមាន១៦០អាសនៈ សមាជិកតំណាងរាស្ត្រមកពីគណបក្សប្រជាធិបតេយ្យមានចំនួន១២៦នាក់ ហើយសមាជិកតំណាងរាស្ត្រមកពីគណបក្សសាធារណរដ្ឋមានចំនួនត្រឹមតែ៣៤នាក់ប៉ុណ្ណោះ។
យោងតាមរដ្ឋធម្មនុញ្ញប្រចាំរដ្ឋម៉ាសាឈូសេត សមាជិកសភាតំណាងរាស្ត្រម្នាក់ឈរជាតំណាងឲ្យសង្កាត់មួយ ក្នុងអណត្តិដែលមានរយៈពេលពីរឆ្នាំ។ ក្នុងរយៈពេលមួយឆ្នាំពេញ សមាជិកសភាតំណាងរាស្ត្រទាំងអស់ជួបជុំគ្នា ពិភាក្សាតស៊ូមតិគ្នា ដើម្បីតាក់តែងច្បាប់ បង្កើតគម្រោងថវិកា និងចាត់ចែងការប្រើប្រាស់ថវិកា ក៏ដូចជាចេញសេចក្តីសម្រេចពាក់ ព័ន្ធនឹងការយកពន្ធក្នុងរដ្ឋផងដែរ។
ដោយសារតែសមាជិកសភាតំណាងរាស្ត្រប្រចាំរដ្ឋមកពីគណបក្សប្រជាធិបតេយ្យមានចំនួនច្រើនលើសលុប លោក មុំ រ៉ាឌី បានលើកឡើងថា វាមិនមែនជាការងាយស្រួលនោះទេសម្រាប់លោក កៃ កាម៉ារ៉ា ដែលជាបេក្ខជនមកពីគណបក្សសាធារណរដ្ឋ ក្នុងការសម្រេចបានកិច្ចការអ្វីមួយនៅសភា បើសិនជាលោកត្រូវបានជ្រើសតាំងឲ្យក្លាយជាតំណាងរាស្ត្រប្រចាំសង្កាត់ទី១៨ សម្រាប់អណត្តិថ្មីនេះ។
លោក មុំ រ៉ាឌី បាននិយាយថា៖ «គិតមើល បើយើងមានតំណាងរាស្ត្រដែលមកពីគណបក្សសាធារណរដ្ឋ ព្យាយាមតាក់តែងច្បាប់នៅក្នុងសភា។ តំណាងរាស្ត្រនោះមិនមានឱកាសធ្វើអ្វីបានច្រើនទេ។ នេះគឺជាតថភាពជាក់ស្តែងនៅក្នុងសភា»។
លោក មុំ រ៉ាឌី បានលើកឡើងដូច្នេះ នៅក្នុងការជជែកដេញដោលមតិជាសាធារណៈមួយរវាងលោកដែលជាបេក្ខជនមកពីគណបក្សប្រជាធិបតេយ្យ និងលោក កៃ កាម៉ារ៉ា មកពីគណបក្សសាធារណរដ្ឋ ដែលត្រូវបានរៀបចំឡើងដោយកាសែតក្នុងស្រុកឈ្មោះ Lowell Sun ដែលផ្សាយបន្តផ្ទាល់ជាសាធារណៈតាមទំព័រហ្វេសប៊ុក។
បើទោះបីជាបេក្ខជនមកពីគណបក្សសាធារណរដ្ឋដែលមិនសូវមានប្រជាប្រិយភាពនៅក្នុងរដ្ឋម៉ាសាឈូសេតនេះក្តី ក៏លោក កៃ កាម៉ារ៉ា បានសង្កត់ធ្ងន់ថា ការឈរឈ្មោះជាបេក្ខជនតំណាងរាស្ត្ររបស់លោក គឺកើតឡើងដោយសារការជំរុញលើកចិត្តរបស់ពលរដ្ឋក្នុងតំបន់មួយចំនួន ដែលលោកថា ចង់ឲ្យលោកឈរឈ្មោះដោយសារតែពួកគេលែងជឿទុកចិត្តលើលោក មុំ រ៉ាឌី។
លោក កៃ កាម៉ារ៉ា បាននិយាយថា៖ «ខ្ញុំទទួលបានការកោតសរសើរពីមនុស្សជាច្រើន ជាពិសេសអ្នកបោះឆ្នោត ដែលសំណូមពរឲ្យខ្ញុំឈរឈ្មោះ ដោយសារតែពួកគេលែងជឿទុកចិត្តតំណាងរាស្ត្រសព្វថ្ងៃនេះ»។
លោកក៏បានបន្ថែមថា អ្វីដែលអ្នកបោះឆ្នោតចង់បានពីអ្នកដឹកនាំក្នុងសង្កាត់នេះគឺ«តម្លាភាព»។
យ៉ាងណាមិញ បើទោះជាបេក្ខជនមកពីគណបក្សពីរខុសគ្នាក្តី ក៏បេក្ខជនដែលជាពលរដ្ឋអាមេរិកដើមកំណើតខ្មែរទាំងពីររូបនេះមានមោទនៈភាពដូចគ្នា ដែលពួកគេមានដើមកំណើតជាខ្មែរ និងជាពលរដ្ឋអាមេរិកាំង ដែលរស់នៅក្នុងប្រទេសដែលពោរពេញទៅដោយឱកាស និងសេរីភាពដែលអ្នកទាំងពីរអាចចាប់យកឱកាសក្លាយជាអ្នកដឹកនាំបានដោយសេរី និងយុត្តិធម៌។
ក៏ប៉ុន្តែ លោកទាំងពីរមានទស្សនៈខុសគ្នាអំពីនយោបាយនៅប្រទេសកំណើត គឺប្រទេសកម្ពុជា ដែលត្រូវបានដឹកនាំដោយរដ្ឋាភិបាលរបស់គណបក្សប្រជាជនកម្ពុជា ដែលមានលោកនាយករដ្ឋមន្ត្រី ហ៊ុន សែន កាន់អំណាចជាងបួនទសវត្សរ៍កន្លងមកនេះ។
សម្រាប់លោក មុំ រ៉ាឌី លោកយល់ថា នយោបាយនៅប្រទេសកម្ពុជាគួរតែទុកឲ្យអ្នកដឹកនាំ និងពលរដ្ឋនៅកម្ពុជាដោះស្រាយ។
លោក មុំ រ៉ាឌី បានឲ្យដឹងថា៖ «ខ្ញុំឈរឈ្មោះ ដោយយកចិត្តទុកដាក់លើបញ្ហាដែលកើតមានឡើងនៅទីក្រុងនេះ។ ដូច្នេះ ខ្ញុំមិនយកចិត្តទុកដាក់នឹងរឿងនយោបាយនៅកម្ពុជាទេ»។
សម្រាប់លោក កៃ កាម៉ារ៉ា លោកយល់ថា ពលរដ្ឋខ្មែរនៅទីក្រុងឡូវែលនេះផ្តោតការយកចិត្តទុកដាក់លើបញ្ហាទាំងឡាយដែលកំពុងកើតមានឡើងនៅកម្ពុជា ដោយសារតែពួកគេមានបងប្អូន និងក្រុមគ្រួសាររស់នៅទីនោះ ដែលអាចរងផលប៉ះពាល់ពីការរំលោភសិទ្ធិមនុស្ស និងការគាបសង្កត់លើសិទ្ធិក្នុងការបញ្ចេញមតិពីសំណាក់រដ្ឋាភិបាល និងអ្នកមានអំណាច។
លោក កៃ កាម៉ារ៉ា បានឲ្យដឹងថា៖ «យើងជឿជាក់ថា រដ្ឋាភិបាលរបស់លោកនាយករដ្ឋមន្ត្រី ហ៊ុន សែន នៅប្រទេសកម្ពុជាបានគាបសង្កត់សិទ្ធិពលរដ្ឋនៅកម្ពុជា។ ហេតុដូច្នេះ ការទទួលស្វាគមន៍វត្តមានរបស់លោក ហ៊ុន ម៉ាណែត គឺជាបញ្ហាខ្វែងគំនិតគ្នាខាងមនោគមវិជ្ជាតែប៉ុណ្ណោះ»។
លោក កៃ កាម៉ារ៉ា បានលើកឡើងយ៉ាងដូច្នេះ ក្នុងន័យបញ្ជាក់គោលជំហររបស់លោក ពាក់ព័ន្ធការធ្វើបាតុកម្មប្រឆាំងនឹងដំណើរទស្សនកិច្ចរបស់លោក ហ៊ុន ម៉ាណែត កូនប្រុសច្បងរបស់លោកនាយករដ្ឋមន្ត្រី ហ៊ុន សែន មកកាន់ទីក្រុងឡូវែល កាលពីខែមីនាដើមឆ្នាំ២០១៦កន្លងទៅនេះ។
ប្រវត្តិរូបសង្ខេប
លោក មុំ រ៉ាឌី អាយុ៤៦ឆ្នាំ បានរៀបអាពាហ៍ពិពាហ៍ជាមួយនឹងអ្នកស្រី វ៉ាន់ ស៊ីរ៉ាឌី ហើយមានកូនបួននាក់ ប្រុសមួយ ស្រីបីនាក់។ លោកមានស្រុកកំណើតនៅភូមិចម្ការចេក ខេត្តប៉ៃលិន។ ក្រោយរបបខ្មែរក្រហមបានបញ្ចប់ លោក មុំ រ៉ាឌី និងគ្រួសាររបស់លោកបានរត់ភៀសខ្លួនមកជំរុំជនភៀសខ្លួនខាវអ៊ីដាង នៅប្រទេសថៃកាលពីឆ្នាំ១៩៨០។
នៅឆ្នាំ១៩៨២ លោក និងក្រុមគ្រួសាររបស់លោកត្រូវបានទទួលមករស់នៅទីក្រុង Duluth រដ្ឋ Minnesota សហរដ្ឋអាមេរិក ហើយនៅឆ្នាំ១៩៨៤ ក្រុមគ្រួសាររបស់លោក និងលោកបានសម្រេចចិត្តមកតាំងទីលំនៅនៅទីក្រុងឡូវែល រដ្ឋម៉ាសាឈូសេត។ ក្រៅពីកាន់តួនាទីជាតំណាងរាស្ត្រប្រចាំសង្កាត់ទី១៨ Middlesex នេះ លោក មុំ រ៉ាឌី គឺជាអ្នកចាប់សរសៃដ៏អាជីពម្នាក់ដែលលោកបានបើកមជ្ឈមណ្ឌលមួយផ្តល់សេវាកម្មនេះអស់រយៈពេលជាង២០ឆ្នាំកន្លងមកនេះ។
លោក កៃ កាម៉ារ៉ា អាយុ៤៤ឆ្នាំ បានរៀបអាពាហ៍ពិពាហ៍ជាមួយនឹងអ្នកស្រី សុភ័ណ្ឌ កៃ ហើយមានកូនបីនាក់ ប្រុសមួយ ស្រីពីរនាក់។ លោកមានអាយុប្រមាណ៨ឆ្នាំប៉ុណ្ណោះ នៅពេលដែលលោក និងក្រុមគ្រួសាររបស់លោកបានរត់ភៀសខ្លួនចេញពីរបបប្រល័យពូជសាសន៍ខ្មែរក្រហម ទៅរស់នៅក្នុងជំរុំជនភៀសខ្លួនខាវអ៊ីដាង កាលពីឆ្នាំ១៩៧៩ រហូតដល់ឆ្នាំ១៩៨១។
នៅឆ្នាំ១៩៨២ លោក កៃ កាម៉ារ៉ា និងក្រុមគ្រួសាររបស់លោកបានទទួលសិទ្ធិមករស់នៅទីក្រុង Richmond រដ្ឋ Virginia ហើយនៅឆ្នាំ១៩៨៧ លោកបានផ្លាស់ទីលំនៅមករស់នៅទីក្រុងឡូវែល រដ្ឋម៉ាសាឈូសេត។ ក៏ប៉ុន្តែ ក្រោយពីបានបញ្ចប់ការសិក្សាថ្នាក់បរិញ្ញាប័ត្រកាលពីឆ្នាំ១៩៩៥ លោកបានផ្លាស់ទៅរស់នៅរដ្ឋ Georgia។ លោក កៃ កាម៉ារ៉ា ទើបតែបានមកតាំងទីលំនៅសារជាថ្មីនៅទីក្រុងឡូវែលនេះ កាលពីឆ្នាំ២០១៤ ពីរឆ្នាំកន្លងទៅនេះតែប៉ុណ្ណោះ។
ខណៈពេលដែលថ្ងៃបោះឆ្នោតទូទាំងរដ្ឋនឹងខិតជិតមកដល់នៅថ្ងៃទី៨ ខែវិច្ឆិកាខាងមុខនេះ បេក្ខជនខ្មែរអាមេរិកាំងដ៏មានមោទនៈភាពទាំងពីរនាក់នេះ គឺលោក មុំ រ៉ាឌី និងលោក កៃ កាម៉ារ៉ា នឹងបេ្តជ្ញាចិត្តបម្រើសហគមន៍នៅសង្កាត់ទី១៨ Middlesex និងសហគមន៍នៅទីក្រុងឡូវែលទាំងមូលឲ្យអស់ពីសមត្ថភាព។
លោក មុំ រ៉ាឌី បានឲ្យដឹងថា៖ «ខ្ញុំបានឈ្នះការបោះឆ្នោតបឋមសម្រាប់បេក្ខជនមកពីគណបក្សប្រជាធិបតេយ្យ។ ហើយខ្ញុំជឿថា អ្នកបោះឆ្នោតស្គាល់សមាសធាតុរបស់បេក្ខជនដែលឈរឈ្មោះយ៉ាងច្បាស់។ ខ្ញុំចូលចិត្តធ្វើជាតំណាង និងធ្វើកិច្ចការបម្រើពលរដ្ឋ ដើម្បីធ្វើឲ្យសហគមន៍ឡូវែល ជាពិសេសសង្កាត់របស់ខ្ញុំ មានភាពប្រសើរឡើង»។
ចំណែកឯលោក កៃ កាម៉ារ៉ា បានឲ្យដឹងថា៖
«ខ្ញុំពិតជាប្តេជ្ញាចិត្តក្នុងការឈរជាតំណាងឲ្យផលប្រយោជន៍របស់ពលរដ្ឋនៅសង្កាត់ទី១៨នេះ រួមទាំងពលរដ្ឋនៅទីក្រុងឡូវែលផងដែរ»។
បន្ថែមលើនេះ បេក្ខជនទាំងពីរនេះបានសន្យាថា នឹងធ្វើការជាមួយគ្នាដោយសាមគ្គីគ្នា ដើម្បីការរីកលូតលាស់របស់សហគមន៍នៅសង្កាត់ទី១៨ និងសហគមន៍នៅទីក្រុងឡូវែលទាំងមូល៕
សូមចុចត្រង់នេះដើម្បីមើល VOA
នៅថ្ងៃទី៨ ខែវិច្ឆិកាខាងមុខនេះ លោក មុំ រ៉ាឌី ដែលបច្ចុប្បន្នគឺជាតំណាងរាស្ត្រប្រចាំសង្កាត់ទី១៨ Middlesex និងជាបេក្ខជនមកពីគណបក្សប្រជាធិបតេយ្យ នឹងប្រឈមនឹងការប្រកួតប្រជែងពីលោក កៃ កាម៉ារ៉ា បេក្ខជនមកពីគណបក្សសាធារណរដ្ឋ សម្រាប់ការបោះឆ្នោតជ្រើសរើសតំណាងរាស្ត្រតំណាងឲ្យសង្កាត់ទី១៨ សម្រាប់អាណត្តិថ្មី២០១៧ ដល់ឆ្នាំ២០១៨។
សព្វថ្ងៃនេះ បេក្ខជនទាំងពីរ ដែលជាពលរដ្ឋអាមេរិកដើមកំណើតខ្មែរ កំពុងតែស្វះស្វែងបន្តយុទ្ធនាការឃោសនារបស់ខ្លួន មុនថ្ងៃបោះឆ្នោតទូទាំងរដ្ឋឈានមកដល់ក្នុងរយៈពេលមិនដល់ពីរសប្តាហ៍ខាងមុខនេះ។
លោក មុំ រ៉ាឌី និងលោក កៃ កាម៉ារ៉ា បានឆ្លងកាត់ដំណើរជីវិតស្រដៀងគ្នា ដោយសារបេក្ខជនទាំងពីរគឺជាអ្នកដែលរួចរស់រានមានជីវិតពីរបបខ្មែរក្រហម ហើយបានភៀសខ្លួនមករស់នៅជំរុំជនភៀសខ្លួនខាវអ៊ីដាង នៅប្រទេសថៃ កាលពីដើមទសវត្សរ៍១៩៨០ ហើយបានទទួលសិទ្ធិមករស់នៅសហរដ្ឋអាមេរិក និងក្លាយជាពលរដ្ឋអាមេរិកាំងពេញសិទ្ធិកាលពីដើមទសវត្សរ៍១៩៩០។
បន្ថែមលើនេះ បេក្ខជនខ្មែរអាមេរិកាំងទាំងពីររូបនេះធ្វើយុទ្ធនាការបោះឆ្នោតដោយផ្តោតលើបញ្ហាជាច្រើនស្រដៀងគ្នា ដូចជាការពង្រឹងវិស័យអប់រំ ពង្រីកឱកាសការងារ និងបង្កើនកំណើនសេដ្ឋកិច្ច និងការរក្សាសន្តិសុខក្នុងសង្កាត់ទី១៨ ក៏ដូចជាទីក្រុងឡូវែលទាំងមូល។ ក៏ប៉ុន្តែ លោកទាំងពីរមានគោលនយោបាយខុសគ្នា ក្នុងការដោះស្រាយបញ្ហាខាងលើនេះ។
គោលការណ៍នយោបាយ
នៅក្នុងបទសម្ភាសន៍ជាមួយ VOA លោក មុំ រ៉ាឌី បានឲ្យដឹងថា អាទិភាពទីមួយរបស់លោកគឺបង្កើតច្បាប់ផ្តន្ទាទោសជនដៃដល់ដែលបើកយានយន្ត ហើយបាញ់កាំភ្លើងសំដៅកាន់លំនៅដ្ឋានប្រជាពលរដ្ឋសាមញ្ញ ហើយគេចខ្លួនបាត់ ដែលឧក្រិដ្ឋកម្មនេះត្រូវបានគេស្គាល់ជាភាសាអង់គ្លេសថា Drive-by Shooting។
«នៅតាមទីក្រុងជាច្រើននៅរដ្ឋម៉ាសាឈូសេត យើងកំពុងប្រឈមនឹងបញ្ហាបាញ់កាំភ្លើងហើយបើករថយន្តគេចខ្លួនបាត់នេះ»។
ការបង្កអំពើហិង្សាដោយក្រុមជនពាលគឺជាបញ្ហាសន្តិសុខដ៏សំខាន់មួយ នៅក្នុងសង្កាត់ទី១៨នេះ ដែលមួយផ្នែកធំស្ថិតនៅទីក្រុងឡូវែល ដែលនៅទីនេះមានពលរដ្ឋខ្មែរច្រើនបំផុតទីពីររស់នៅ បន្ទាប់ពីទីក្រុងឡុងប៊ិច រដ្ឋកាលីហ្វ័រញ៉ា។
លោក មុំ រ៉ាឌី បន្ថែមថា៖ «ហេតុដូច្នេះហើយ ខ្ញុំធ្វើការយ៉ាងជិតស្នីទជាមួយអគ្គស្នងការប៉ូលិស សមាជិកក្រុមប្រឹក្សាក្រុង ចៅហ្វាយក្រុង និងអ្នកចាត់ចែងការងារក្នុងក្រុង»។
លោក មុំ រ៉ាឌី បានបញ្ជាក់ថា សេចក្តីព្រៀងច្បាប់នេះត្រូវបានសភាតំណាងរាស្ត្រប្រចាំរដ្ឋម៉ាសាឈូសេតអនុម័តរួចរាល់ហើយ តែត្រូវរង់ចាំការពិនិត្យ និងសម្រេចដោយព្រឹទ្ធិសភាតំណាងរាស្ត្របន្ថែមទៀត។
បើទោះបីជាលោកទទួលស្គាល់ថា បញ្ហាសន្តិសុខសាធារណៈគឺជាកត្តាសំខាន់ក៏ដោយ ក៏លោក កៃ កាម៉ារ៉ា យល់ថា កិច្ចខិតខំប្រឹងប្រែងរបស់លោក មុំ រ៉ាឌី លើសេចក្តីព្រៀងច្បាប់មួយនេះនឹងមិនមានប្រយោជន៍ដល់សាធារណៈជនណាស់ណាទេ ដោយសារតែទីក្រុងឡូវែលនេះមានវិធានការច្រើនណាស់ក្នុងការពង្រឹងសន្តិសុខសាធារណៈរបស់ពលរដ្ឋ។
លោក កៃ កាម៉ារ៉ា ឲ្យដឹងថា៖ «កិច្ចខិតខំប្រឹងប្រែងនេះគឺធ្វើឡើងនាំតែខាតពេលវេលាប៉ុណ្ណោះ ពីព្រោះថា សេចក្តីព្រៀងច្បាប់នេះអាចនឹងមិនទទួលបានលទ្ធផលអ្វីនោះទេ»។
យ៉ាងណាមិញ លោក កៃ កាម៉ារ៉ា បានប្រាប់ VOA ថា បើសិនជាលោកឈ្នះឆ្នោត បញ្ហាជាអាទិភាពដំបូងនៅក្នុងគោលការណ៍នយោបាយរបស់លោក គឺការធ្វើសេចក្តីព្រៀងច្បាប់ផ្តោតលើកំណែទម្រង់ដ៏ស៊ីជម្រៅមួយលើប្រព័ន្ធអប់រំនៅទីក្រុងឡូវែលនេះ។
«យើងចាំបាច់ត្រូវចេញច្បាប់កែទម្រង់ប្រព័ន្ធអប់រំដ៏ស៊ីជម្រៅមួយ ដើម្បីពង្រីកសាលារៀនឯករាជ្យដែលទទួលថវិកាឧបត្ថម្ភ និងការត្រួតពិនិត្យពីរដ្ឋាភិបាលក្នុងតំបន់ ដើម្បីផ្តល់ជម្រើសបន្ថែមដល់ឪពុកម្តាយថា តើប្រព័ន្ធអប់រំមួយណាដែលសមរម្យសម្រាប់កូនៗរបស់ពួកគេ»។
ប៉ុន្តែ លោកបានបញ្ជាក់ថា ការតាក់តែងច្បាប់នេះមិនមែនមានន័យថា លោកគាំទ្រឲ្យមានការលុបបំបាត់ចោលសាលារៀនរដ្ឋនោះទេ។
ទាក់ទងនឹងការតាក់តែងច្បាប់នេះ លោក មុំ រ៉ាឌី ដែលសព្វថ្ងៃក៏ជាសមាជិកគណៈកម្មការអប់រំប្រចាំសភាតំណាងរាស្ត្ររដ្ឋម្នាក់ដែរនោះ មិនយល់ស្របនឹងការពង្រីកសាលារៀនឯករាជ្យ ឬហៅថា Charter Schools នេះទេ ដោយសារបញ្ហាថវិកា។
លោក មុំ រ៉ាឌី បានឲ្យដឹងថា៖ «មូលហេតុតែមួយគត់របស់ខ្ញុំ គឺបញ្ហាថវិកា។ យើងមិនទាន់មានរចនាសម្ព័ន្ធត្រឹមត្រូវក្នុងការផ្តល់ថវិកាឧបត្ថម្ភនៅឡើយទេ»។
ដោយឡែក ទាំងលោក មុំ រ៉ាឌី និងលោក កៃ កាម៉ារ៉ា ទទួលស្គាល់ថា កិច្ចការសំខាន់ដែលត្រូវធ្វើនោះគឺពង្រីកឱកាសការងារនៅក្នុងទីក្រុងឡូវែលនេះ។
លោក កៃ កាម៉ារ៉ា បានឲ្យដឹងថា៖ «មានជនអន្តោប្រវេសន៍ច្រើនណាស់រស់នៅទីក្រុងនេះ ដែលចង់ទទួលបានជោគជ័យ។ ដើម្បីឲ្យអ្នកទាំងអស់នេះទទួលបានជោគជ័យក្នុងការរស់នៅ យើងត្រូវតែផ្តល់ការបណ្តុះបណ្តាលដែលផ្តល់ជំនាញច្បាស់លាស់ ដើម្បីឲ្យពួកគេអាចស្វែងរកការងារដែលទទួលប្រាក់កម្រៃល្អប្រសើរជាងនេះ»។
ចំណែកឯលោក មុំ រ៉ាឌី វិញ លោកផ្តោតលើការពង្រឹងហេដ្ឋារចនាសម្ព័ន្ធឲ្យបានរឹងមាំជាងនេះ ដើម្បីសម្រួលដល់សកម្មភាពធ្វើពាណិជ្ជកម្ម និងបង្កើតការងារកាន់តែច្រើនទៀតទាំងនៅក្នុងទីក្រុង និងក្រៅទីក្រុងឡូវែលនេះ។
លោក មុំ រ៉ាឌី បានឲ្យដឹងថា៖ «មានក្រុមហ៊ុនច្រើនណាស់ ដែលបានដាក់ទីតាំងនៅក្នុងទីក្រុងឡូវែលនេះ ដែលខ្ញុំព្យាយាមតាក់តែងគោលនយោបាយដែលជំរុញឲ្យមានកំណើនសេដ្ឋកិច្ច និងបង្កើតការងារកាន់តែច្រើន»។
លោក មុំ រ៉ាឌី បានលើកឡើងពីគម្រោងបង្កើតសាលសវនាការបែបទំនើប ដែលទទួលបានទឹកប្រាក់២០០លានដុល្លារ និងការពង្រីកតំបន់សេដ្ឋកិច្ចនៅទីក្រុងឡូវែលមួយកន្លែង ដែលត្រូវបានគេស្គាល់ថាតំបន់ Cupples Square ថាជាសមិទ្ធិផលពីការបំពេញតួនាទីជាតំណាង រាស្ត្រប្រចាំសង្កាត់ទី១៨នេះ ដោយធ្វើការជាមួយនឹងភាគីពាក់ព័ន្ធផ្សេងៗ។
ក៏ប៉ុន្តែ លោក កៃ កាម៉ារ៉ា បានតិះទៀនសមិទ្ធិផលរបស់លោក មុំ រ៉ាឌី ដែលជាដៃគូប្រកួតប្រជែងមកពីគណបក្សប្រជាធិបតេយ្យថា មិនបានដើរតួនាទីសំខាន់នៅក្នុងការអភិវឌ្ឍទាំងអស់នេះ ដូចដែលលោក មុំ រ៉ាឌី បានលើកឡើងនោះទេ។
លោក កៃ កាម៉ារ៉ា ឲ្យដឹងថា៖ «គាត់គ្រាន់តែភ្ជាប់ឈ្មោះគាត់ទៅនឹងកិច្ចការដែលត្រូវបានគេអនុវត្ត ហើយបានទទួលលទ្ធផលតែប៉ុណ្ណោះ»។
អ្វីដែលគួរឲ្យកត់សម្គាល់នោះគឺថា រដ្ឋម៉ាសាឈូសេតនេះគឺសម្បូរទៅដោយអ្នកគាំទ្រគណបក្សប្រជាធិបតេយ្យ។ ជាក់ស្តែង នៅក្នុងសភាតំណាងរាស្ត្រប្រចាំរដ្ឋម៉ាសាឈូសេតនាពេលបច្ចុប្បន្ននេះ ដែលមាន១៦០អាសនៈ សមាជិកតំណាងរាស្ត្រមកពីគណបក្សប្រជាធិបតេយ្យមានចំនួន១២៦នាក់ ហើយសមាជិកតំណាងរាស្ត្រមកពីគណបក្សសាធារណរដ្ឋមានចំនួនត្រឹមតែ៣៤នាក់ប៉ុណ្ណោះ។
យោងតាមរដ្ឋធម្មនុញ្ញប្រចាំរដ្ឋម៉ាសាឈូសេត សមាជិកសភាតំណាងរាស្ត្រម្នាក់ឈរជាតំណាងឲ្យសង្កាត់មួយ ក្នុងអណត្តិដែលមានរយៈពេលពីរឆ្នាំ។ ក្នុងរយៈពេលមួយឆ្នាំពេញ សមាជិកសភាតំណាងរាស្ត្រទាំងអស់ជួបជុំគ្នា ពិភាក្សាតស៊ូមតិគ្នា ដើម្បីតាក់តែងច្បាប់ បង្កើតគម្រោងថវិកា និងចាត់ចែងការប្រើប្រាស់ថវិកា ក៏ដូចជាចេញសេចក្តីសម្រេចពាក់ ព័ន្ធនឹងការយកពន្ធក្នុងរដ្ឋផងដែរ។
ដោយសារតែសមាជិកសភាតំណាងរាស្ត្រប្រចាំរដ្ឋមកពីគណបក្សប្រជាធិបតេយ្យមានចំនួនច្រើនលើសលុប លោក មុំ រ៉ាឌី បានលើកឡើងថា វាមិនមែនជាការងាយស្រួលនោះទេសម្រាប់លោក កៃ កាម៉ារ៉ា ដែលជាបេក្ខជនមកពីគណបក្សសាធារណរដ្ឋ ក្នុងការសម្រេចបានកិច្ចការអ្វីមួយនៅសភា បើសិនជាលោកត្រូវបានជ្រើសតាំងឲ្យក្លាយជាតំណាងរាស្ត្រប្រចាំសង្កាត់ទី១៨ សម្រាប់អណត្តិថ្មីនេះ។
លោក មុំ រ៉ាឌី បាននិយាយថា៖ «គិតមើល បើយើងមានតំណាងរាស្ត្រដែលមកពីគណបក្សសាធារណរដ្ឋ ព្យាយាមតាក់តែងច្បាប់នៅក្នុងសភា។ តំណាងរាស្ត្រនោះមិនមានឱកាសធ្វើអ្វីបានច្រើនទេ។ នេះគឺជាតថភាពជាក់ស្តែងនៅក្នុងសភា»។
លោក មុំ រ៉ាឌី បានលើកឡើងដូច្នេះ នៅក្នុងការជជែកដេញដោលមតិជាសាធារណៈមួយរវាងលោកដែលជាបេក្ខជនមកពីគណបក្សប្រជាធិបតេយ្យ និងលោក កៃ កាម៉ារ៉ា មកពីគណបក្សសាធារណរដ្ឋ ដែលត្រូវបានរៀបចំឡើងដោយកាសែតក្នុងស្រុកឈ្មោះ Lowell Sun ដែលផ្សាយបន្តផ្ទាល់ជាសាធារណៈតាមទំព័រហ្វេសប៊ុក។
បើទោះបីជាបេក្ខជនមកពីគណបក្សសាធារណរដ្ឋដែលមិនសូវមានប្រជាប្រិយភាពនៅក្នុងរដ្ឋម៉ាសាឈូសេតនេះក្តី ក៏លោក កៃ កាម៉ារ៉ា បានសង្កត់ធ្ងន់ថា ការឈរឈ្មោះជាបេក្ខជនតំណាងរាស្ត្ររបស់លោក គឺកើតឡើងដោយសារការជំរុញលើកចិត្តរបស់ពលរដ្ឋក្នុងតំបន់មួយចំនួន ដែលលោកថា ចង់ឲ្យលោកឈរឈ្មោះដោយសារតែពួកគេលែងជឿទុកចិត្តលើលោក មុំ រ៉ាឌី។
លោក កៃ កាម៉ារ៉ា បាននិយាយថា៖ «ខ្ញុំទទួលបានការកោតសរសើរពីមនុស្សជាច្រើន ជាពិសេសអ្នកបោះឆ្នោត ដែលសំណូមពរឲ្យខ្ញុំឈរឈ្មោះ ដោយសារតែពួកគេលែងជឿទុកចិត្តតំណាងរាស្ត្រសព្វថ្ងៃនេះ»។
លោកក៏បានបន្ថែមថា អ្វីដែលអ្នកបោះឆ្នោតចង់បានពីអ្នកដឹកនាំក្នុងសង្កាត់នេះគឺ«តម្លាភាព»។
យ៉ាងណាមិញ បើទោះជាបេក្ខជនមកពីគណបក្សពីរខុសគ្នាក្តី ក៏បេក្ខជនដែលជាពលរដ្ឋអាមេរិកដើមកំណើតខ្មែរទាំងពីររូបនេះមានមោទនៈភាពដូចគ្នា ដែលពួកគេមានដើមកំណើតជាខ្មែរ និងជាពលរដ្ឋអាមេរិកាំង ដែលរស់នៅក្នុងប្រទេសដែលពោរពេញទៅដោយឱកាស និងសេរីភាពដែលអ្នកទាំងពីរអាចចាប់យកឱកាសក្លាយជាអ្នកដឹកនាំបានដោយសេរី និងយុត្តិធម៌។
ក៏ប៉ុន្តែ លោកទាំងពីរមានទស្សនៈខុសគ្នាអំពីនយោបាយនៅប្រទេសកំណើត គឺប្រទេសកម្ពុជា ដែលត្រូវបានដឹកនាំដោយរដ្ឋាភិបាលរបស់គណបក្សប្រជាជនកម្ពុជា ដែលមានលោកនាយករដ្ឋមន្ត្រី ហ៊ុន សែន កាន់អំណាចជាងបួនទសវត្សរ៍កន្លងមកនេះ។
សម្រាប់លោក មុំ រ៉ាឌី លោកយល់ថា នយោបាយនៅប្រទេសកម្ពុជាគួរតែទុកឲ្យអ្នកដឹកនាំ និងពលរដ្ឋនៅកម្ពុជាដោះស្រាយ។
លោក មុំ រ៉ាឌី បានឲ្យដឹងថា៖ «ខ្ញុំឈរឈ្មោះ ដោយយកចិត្តទុកដាក់លើបញ្ហាដែលកើតមានឡើងនៅទីក្រុងនេះ។ ដូច្នេះ ខ្ញុំមិនយកចិត្តទុកដាក់នឹងរឿងនយោបាយនៅកម្ពុជាទេ»។
សម្រាប់លោក កៃ កាម៉ារ៉ា លោកយល់ថា ពលរដ្ឋខ្មែរនៅទីក្រុងឡូវែលនេះផ្តោតការយកចិត្តទុកដាក់លើបញ្ហាទាំងឡាយដែលកំពុងកើតមានឡើងនៅកម្ពុជា ដោយសារតែពួកគេមានបងប្អូន និងក្រុមគ្រួសាររស់នៅទីនោះ ដែលអាចរងផលប៉ះពាល់ពីការរំលោភសិទ្ធិមនុស្ស និងការគាបសង្កត់លើសិទ្ធិក្នុងការបញ្ចេញមតិពីសំណាក់រដ្ឋាភិបាល និងអ្នកមានអំណាច។
លោក កៃ កាម៉ារ៉ា បានឲ្យដឹងថា៖ «យើងជឿជាក់ថា រដ្ឋាភិបាលរបស់លោកនាយករដ្ឋមន្ត្រី ហ៊ុន សែន នៅប្រទេសកម្ពុជាបានគាបសង្កត់សិទ្ធិពលរដ្ឋនៅកម្ពុជា។ ហេតុដូច្នេះ ការទទួលស្វាគមន៍វត្តមានរបស់លោក ហ៊ុន ម៉ាណែត គឺជាបញ្ហាខ្វែងគំនិតគ្នាខាងមនោគមវិជ្ជាតែប៉ុណ្ណោះ»។
លោក កៃ កាម៉ារ៉ា បានលើកឡើងយ៉ាងដូច្នេះ ក្នុងន័យបញ្ជាក់គោលជំហររបស់លោក ពាក់ព័ន្ធការធ្វើបាតុកម្មប្រឆាំងនឹងដំណើរទស្សនកិច្ចរបស់លោក ហ៊ុន ម៉ាណែត កូនប្រុសច្បងរបស់លោកនាយករដ្ឋមន្ត្រី ហ៊ុន សែន មកកាន់ទីក្រុងឡូវែល កាលពីខែមីនាដើមឆ្នាំ២០១៦កន្លងទៅនេះ។
ប្រវត្តិរូបសង្ខេប
លោក មុំ រ៉ាឌី អាយុ៤៦ឆ្នាំ បានរៀបអាពាហ៍ពិពាហ៍ជាមួយនឹងអ្នកស្រី វ៉ាន់ ស៊ីរ៉ាឌី ហើយមានកូនបួននាក់ ប្រុសមួយ ស្រីបីនាក់។ លោកមានស្រុកកំណើតនៅភូមិចម្ការចេក ខេត្តប៉ៃលិន។ ក្រោយរបបខ្មែរក្រហមបានបញ្ចប់ លោក មុំ រ៉ាឌី និងគ្រួសាររបស់លោកបានរត់ភៀសខ្លួនមកជំរុំជនភៀសខ្លួនខាវអ៊ីដាង នៅប្រទេសថៃកាលពីឆ្នាំ១៩៨០។
នៅឆ្នាំ១៩៨២ លោក និងក្រុមគ្រួសាររបស់លោកត្រូវបានទទួលមករស់នៅទីក្រុង Duluth រដ្ឋ Minnesota សហរដ្ឋអាមេរិក ហើយនៅឆ្នាំ១៩៨៤ ក្រុមគ្រួសាររបស់លោក និងលោកបានសម្រេចចិត្តមកតាំងទីលំនៅនៅទីក្រុងឡូវែល រដ្ឋម៉ាសាឈូសេត។ ក្រៅពីកាន់តួនាទីជាតំណាងរាស្ត្រប្រចាំសង្កាត់ទី១៨ Middlesex នេះ លោក មុំ រ៉ាឌី គឺជាអ្នកចាប់សរសៃដ៏អាជីពម្នាក់ដែលលោកបានបើកមជ្ឈមណ្ឌលមួយផ្តល់សេវាកម្មនេះអស់រយៈពេលជាង២០ឆ្នាំកន្លងមកនេះ។
លោក កៃ កាម៉ារ៉ា អាយុ៤៤ឆ្នាំ បានរៀបអាពាហ៍ពិពាហ៍ជាមួយនឹងអ្នកស្រី សុភ័ណ្ឌ កៃ ហើយមានកូនបីនាក់ ប្រុសមួយ ស្រីពីរនាក់។ លោកមានអាយុប្រមាណ៨ឆ្នាំប៉ុណ្ណោះ នៅពេលដែលលោក និងក្រុមគ្រួសាររបស់លោកបានរត់ភៀសខ្លួនចេញពីរបបប្រល័យពូជសាសន៍ខ្មែរក្រហម ទៅរស់នៅក្នុងជំរុំជនភៀសខ្លួនខាវអ៊ីដាង កាលពីឆ្នាំ១៩៧៩ រហូតដល់ឆ្នាំ១៩៨១។
នៅឆ្នាំ១៩៨២ លោក កៃ កាម៉ារ៉ា និងក្រុមគ្រួសាររបស់លោកបានទទួលសិទ្ធិមករស់នៅទីក្រុង Richmond រដ្ឋ Virginia ហើយនៅឆ្នាំ១៩៨៧ លោកបានផ្លាស់ទីលំនៅមករស់នៅទីក្រុងឡូវែល រដ្ឋម៉ាសាឈូសេត។ ក៏ប៉ុន្តែ ក្រោយពីបានបញ្ចប់ការសិក្សាថ្នាក់បរិញ្ញាប័ត្រកាលពីឆ្នាំ១៩៩៥ លោកបានផ្លាស់ទៅរស់នៅរដ្ឋ Georgia។ លោក កៃ កាម៉ារ៉ា ទើបតែបានមកតាំងទីលំនៅសារជាថ្មីនៅទីក្រុងឡូវែលនេះ កាលពីឆ្នាំ២០១៤ ពីរឆ្នាំកន្លងទៅនេះតែប៉ុណ្ណោះ។
ខណៈពេលដែលថ្ងៃបោះឆ្នោតទូទាំងរដ្ឋនឹងខិតជិតមកដល់នៅថ្ងៃទី៨ ខែវិច្ឆិកាខាងមុខនេះ បេក្ខជនខ្មែរអាមេរិកាំងដ៏មានមោទនៈភាពទាំងពីរនាក់នេះ គឺលោក មុំ រ៉ាឌី និងលោក កៃ កាម៉ារ៉ា នឹងបេ្តជ្ញាចិត្តបម្រើសហគមន៍នៅសង្កាត់ទី១៨ Middlesex និងសហគមន៍នៅទីក្រុងឡូវែលទាំងមូលឲ្យអស់ពីសមត្ថភាព។
លោក មុំ រ៉ាឌី បានឲ្យដឹងថា៖ «ខ្ញុំបានឈ្នះការបោះឆ្នោតបឋមសម្រាប់បេក្ខជនមកពីគណបក្សប្រជាធិបតេយ្យ។ ហើយខ្ញុំជឿថា អ្នកបោះឆ្នោតស្គាល់សមាសធាតុរបស់បេក្ខជនដែលឈរឈ្មោះយ៉ាងច្បាស់។ ខ្ញុំចូលចិត្តធ្វើជាតំណាង និងធ្វើកិច្ចការបម្រើពលរដ្ឋ ដើម្បីធ្វើឲ្យសហគមន៍ឡូវែល ជាពិសេសសង្កាត់របស់ខ្ញុំ មានភាពប្រសើរឡើង»។
ចំណែកឯលោក កៃ កាម៉ារ៉ា បានឲ្យដឹងថា៖
«ខ្ញុំពិតជាប្តេជ្ញាចិត្តក្នុងការឈរជាតំណាងឲ្យផលប្រយោជន៍របស់ពលរដ្ឋនៅសង្កាត់ទី១៨នេះ រួមទាំងពលរដ្ឋនៅទីក្រុងឡូវែលផងដែរ»។
បន្ថែមលើនេះ បេក្ខជនទាំងពីរនេះបានសន្យាថា នឹងធ្វើការជាមួយគ្នាដោយសាមគ្គីគ្នា ដើម្បីការរីកលូតលាស់របស់សហគមន៍នៅសង្កាត់ទី១៨ និងសហគមន៍នៅទីក្រុងឡូវែលទាំងមូល៕
សូមចុចត្រង់នេះដើម្បីមើល VOA
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
