នៅឆ្នាំ២០១៧ កម្ពុជាមានប្រតិទិនឈប់ចំនួន២៧ថ្ងៃ

ជាតិ

នៅឆ្នាំ២០១៧ កម្ពុជាមានប្រតិទិនឈប់ចំនួន២៧ថ្ងៃ

31, Dec 2016 , 10:39 am

រូបភាព

ដោយ: ថ្មីៗ

សម្តេចនាយករដ្ឋមន្ត្រី ហ៊ុន សែន កាលពីថ្ងៃទី២៧ ខែតុលា បានចុះហត្ថលេខាលើអនុក្រឹត្យស្តីពីប្រតិទិនឈប់សម្រាកការងាររបស់មន្ត្រីរាជការ និយោជិត កម្មករ ប្រចាំឆ្នាំ២០១៧ ដែលធ្វើឡើងតាមសំណើររបស់ប្រធានគណៈកម្មាធិការជាតិរៀបចំបុណ្យជាតិ-អន្តរជាតិ។

មាត្រា១នៃអនុក្រឹត្យរបស់រដ្ឋាភិបាល បានសម្រេចអនុញ្ញាតឲ្យមន្ត្រីរាជការ និយោជិត កម្មករនៅកម្ពុជា ឈប់សម្រាកសរុបចំនួន២៧ថ្ងៃ ដោយមិនគិតថ្ងៃចុងសប្តាហ៍។

យោងតាមប្រតិទិន មានតែខែកក្កដា និងខែសីហា ប៉ុណ្ណោះដែលគ្មានថ្ងៃឈប់សម្រាក។

ថ្ងៃដែលត្រូវឈប់សម្រាកសរុបទាំង២៧ថ្ងៃរួមមាន៖

ខែមករា
-ថ្ងៃទី១ ខែមករា៖ ទិវាចូលឆ្នាំសកល
-ថ្ងៃទី៧ ខែមករា៖ ទិវាជ័យជម្នះលើរបបប្រល័យពូជសាសន៍

ខែកុម្ភៈ
-ថ្ងៃទី១១ ខែកុម្ភ៖ ពិធីបុណ្យមាឃបូជា

ខែមីនា
-ថ្ងៃទី៨ ខែមីនា៖ ទិវាអន្តរជាតិនារី

ខែមេសា
-ថ្ងៃទី១៤-១៥-១៦ ខែមេសា៖ ពិធីបុណ្យចូលឆ្នាំថ្មី ប្រពៃណីជាតិ ឆ្នាំរកា

ខែឧសភា
-ថ្ងៃទី១ ខែឧសភា៖ ទិវាពលកម្មអន្តរជាតិ
-ថ្ងៃទី១០ ខែឧសភា៖ ពិធីបុណ្យវិសាខបូជា
-ថ្ងៃទី១៣-១៤-១៥ ខែឧសភា៖ ព្រះរាជពិធីបុណ្យចម្រើនព្រះជន្ម ព្រះមហាក្សត្រ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី
-ថ្ងៃទី១៤ ខែឧសភា៖ ព្រះរាជពិធីច្រត់ព្រះនង្គ័ល

ខែមិថុនា
-ថ្ងៃទី១ ខែមិថុនា៖ ទិវាកុមារអន្តរជាតិ
-ថ្ងៃទី១៨ ខែមិថុនា៖ ព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី ព្រះវររាជមាតា នរោត្តម មុនិនាថ សីហនុ

ខែកញ្ញា
-ថ្ងៃទី១៩-២០-២១ ខែកញ្ញា៖ ពិធីបុណ្យភ្ជុំបិណ្ឌ
-ថ្ងៃទី២៤ ខែកញ្ញា៖ ទិវាប្រកាសរដ្ឋធម្មនុញ្ញ

ខែតុលា
-ថ្ងៃទី១៥ ខែតុលា៖ ទិវាប្រារព្ធពិធីគោរពព្រះវិញ្ញាណក្ខន្ធ ព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខែ្មរ «ព្រះបរមរតនកោដ្ឋ»
-ថ្ងៃទី២៣ ខែតុលា៖ ទិវារំលឹកខួបនៃកិច្ចព្រមព្រៀងសន្តិភាពទីក្រុងប៉ារីស
-ថ្ងៃទី២៩ ខែតុលា៖ ព្រះរាជពិធីគ្រងព្រះបរមរាជសម្បត្តិរបស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា

ខែវិច្ឆិកា
-ថ្ងៃទី២-៣-៤ ខែវិច្ឆិកា៖ ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក
-ថ្ងៃទី៩ ខែវិច្ឆិកា៖ ពិធីបុណ្យឯករាជ្យជាតិ

ខែធ្នូ
-ថ្ងៃទី១០ ខែធ្នូ៖ ទិវាសិទ្ធិមនុស្សអន្តរជាតិ៕