ពីនេះ ពីនោះ
អង្កាញ់ ជាប្រភេទឈើប្រណិត និងមានតម្លៃថ្លៃ
× អង្កាញ់ ជាឈ្មោះព្រឹក្សមួយប្រភេទ មានកម្ពស់ចាប់ពី ៦ ទៅ២០ម៉ែត្រ។ រុក្ខជាតិនេះ ដុះក្នុងព្រៃល្បោះលើដីទំនាប នៅអាស៊ីផ្នែកអាគ្នេយ៍។ នៅស្រុកដទៃទៀត គេនាំយកពីអាស៊ីទៅដាំជាលម្អបរិស្ថាន។ ចំណែកនៅប្រទេសខ្មែរយើងនេះ គេនិយមដាំដើមអង្កាញ់នេះ នៅជិតគេហដ្ឋាន ដើម្បីបានជាម្លប់។
ដើម អង្កាញ់នេះ ពេលនៅតូច គឺដុះលឿន ហើយឆាប់ធំណាស់ ហេតុនេះហើយគេនិយមដាំវាសម្រាប់ឲ្យមានព្រៃដុះឡើងវិញឆាប់ ករណីតំបន់ព្រៃដែលបាត់បង់ច្រើន។ យ៉ាងណាមិញ ឈើ អង្កាញ់នេះ គឺជាប្រភេទឈើប្រណិត និងមានតម្លៃថ្លៃណាស់ សម្រាប់យកមកធ្វើជាគ្រឿងឈើសម្រាប់សង់ផ្ទះ ធ្វើតុ ទូ ជាដើម។
ចំពោះស្លឹក និងផ្កាវិញ ពេលនៅខ្ចី គេអាចយកមកបរិភោគបាន។ ចំណែកបណ្ដូល អាចលាយជាមួយដើមសង្កែ សម្រាប់ផ្សំជាថ្នាំទម្លាក់ព្រូន។ បន្ថែមពីនេះ គេយកឈើនេះដែលបុកម៉ត់លាយ ជាមួយប្រេងដូង ដើម្បីព្យាបាលជំងឺកមរមាស់។
ដកស្រង់ពីសៀវភៅ៖ វចនានុក្រម ការប្រើប្រាស់រុក្ខជាតិក្នុងប្រទេសកម្ពុជា,រក្សាសិទ្ធិអ្នកគ្រូ ឌី ផុន
Tag:
រុក្ខជាតិនៅកម្ពុជា
© រក្សាសិទ្ធិដោយ thmeythmey.com