កីឡាជាតិ៖ ខេត្តសៀមរាបឈរលេខ១ក្នុងថ្ងៃប្រកួតបើកឆាកកីឡាល្បុក្កតោ

កីឡាជាតិ

ជាតិ

កីឡាជាតិ៖ ខេត្តសៀមរាបឈរលេខ១ក្នុងថ្ងៃប្រកួតបើកឆាកកីឡាល្បុក្កតោ

02, Nov 2016 , 7:39 pm

រូបភាព

ដោយ:

ក្រោយធ្វើការប្រកួតអស់រយៈពេល១ថ្ងៃកាលពីថ្ងៃទី១ ខែវិច្ឆិកា នៅអគារដំបូលទូកស្លាបខាងស្តាំក្នុងពហុកីឡដ្ឋានជាតិ ខេត្តសៀមរាបបានឈរចំណាត់ថ្នាក់លេខ១ជាបណ្តោះអាសន្នក្នុងថ្ងៃប្រកួតបើឆាកកីឡាល្បុក្កតោ។ សម្រាប់ការប្រកួតកីឡាជាតិលើកទី១ ប្រភេទកីឡាល្បុក្កតោមានខេត្ត-រាជធានី និងក្រសួងចូលរួមទាំងអស់ចំនួន៥ និងមានកីឡាករជាង៧០នាក់ចូលរួម។

ខេត្តសៀមរាបបានឈរចំណាត់លេខ១ក្នុងថ្ងៃប្រកួតបើកឆាកកីឡាល្បុក្កតោកាលពីថ្ងៃទី១ ខែវិច្ឆិកា ក្រោយពីខេត្តនេះឈ្នះមេដាយមាស២ ប្រាក់១ និងសំរឹទ្ធ១ ពីការប្រកួតកីឡាជាតិលើកទី១នៅអគារដំបូលទូកស្លាបខាងស្តាំងក្នុងពហុកីឡដ្ឋានជាតិ។ ចំណែកក្រសួងមហាផ្ទៃឈរចំណាត់ថ្នាក់លេខ២ក្រោយពីទទួលបានមាស១ និងសំរឹទ្ធ១ ឬឯខេត្តកំពង់ឆ្នាំងឈរចំណាត់ថ្នាក់លេខ៣ក្រោយឈ្នះមេដាយមាស១។

មេដាយមាស២ របស់ខេត្តសៀមរាបដណ្តើមបានដោយកីឡាករ អ៊ៃ សំអុន និងកីឡាការិនី នី ឈៀងអេង លើវិញ្ញាសាសម្តែងទ្វារមេគុនដៃឯក្កតជនបុរស-នារី ឬឯមេដាយប្រាក់ និងសំរឹទ្ធដណ្តើមបានដោយកីឡាករ សាត សុវណ្ណភូម៉ា និងកីឡាករ សេរី សាន់ លើវិញ្ញាសា សម្តែងទ្វារមេគុនដៃឯក្កត្តជនបុរសដូចគ្នា។

ចំណែកក្រសួងមហាផ្ទៃមេដាយមាសឈ្នះលើវិញ្ញាសាសម្តែងទ្វារមេគុនដំបងខ្លីឯក្កតជនបុរសដោយកីឡាករ គឹម ទិត្យសុវឌ្ឍនៈ ខណៈមេដាយសំរឹទ្ធរកបានដោយកីឡាករ មឿន ប៊ុនលី លើវិញ្ញាសាសម្តែងទ្វារមេគុនដំបងខ្លីឯក្កតជនបុរសដូចគ្នា។

ទន្ទឹមនឹងនេះ មេដាយមាសរបស់ខេត្តកំពង់ឆ្នាំដណ្តើមបានដោយកីឡាការិនី ញឹម ចិត្រា លើវិញ្ញាសាសម្តែងទ្វារមេគុនដំបងខ្លីឯក្កតជននារី។ ចំណែកខេត្តកំពតឈ្នះមេដាយប្រាក់២ និងសំរឹទ្ធ១ ខណៈរាជធានីភ្នំពេញទទួលបានមេដាយប្រាក់១ និងសំរឹទ្ធ១។

សម្រាប់ការប្រកួតបើកឆាកកីឡាល្បុក្កតោក្នុងថ្ងៃដំបូងនេះដែរ ខេត្តសៀមរាបបានដាក់កីឡាករឲ្យចូលរួមចំនួន១២នាក់, ក្រសួងមហាផ្ទៃ៣នាក់, ខេត្តកំពង់ឆ្នាំង៤នាក់, ខេត្តកំពត៦នាក់ និងរាជធានីភ្នំពេញ៧នាក់។ ប៉ុន្តែប្រភេទកីឡាល្បុក្កតោមានខេត្ត-រាជធានី និងក្រសួងចូលរួមទាំងអស់ចំនួន៥ និងមានកីឡាករជាង៧០នាក់ចូលរួម៕