ជាតិ
សេដ្ឋកិច្ច
រដ្ឋាភិបាលបញ្ចុះតម្លៃត្រួតពិនិត្យអង្ករនាំចេញតាមកុងតឺន័រ
× រដ្ឋាភិបាលសម្រេចកែសម្រួលជាបណ្ដោះអាសន្ន នូវកម្រៃត្រួតពិនិត្យតាមប្រព័ន្ធម៉ាស៊ីនស្កែនលើទំនិញអង្ករនាំចេញ ដឹកជញ្ជូនតាមកុងតឺន័រ។ នេះបើតាមសេចក្ដីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី៦ខែតុលា។
បើតាមសហព័ន្ធស្រូវអង្ករកម្ពុជា (CRF) តម្លៃស្កែនអង្ករនាំចេញនេះ ត្រូវបានបញ្ចុះ ៥០ភាគរយ គឺពីតម្លៃ ២០ដុល្លារ មកនៅត្រឹម១០ដុល្លារ សម្រាប់កុងតឺន័រទំហំក្រោម៤០ហ្វីត និងពីតម្លៃ ៣២ដុល្លារធ្លាក់មកតម្លៃ ១៦ដុល្លារ សម្រាប់កុងតឺន័រទំហំចាប់ពី ៤០ហ្វីតឡើង។
លោក មូល សារិទ្ធី អគ្គលេខាធិការ CRF មានប្រសាសន៍ថា ទោះបីការបញ្ចុះថ្លៃស្កែនអង្ករនេះ ហាក់នៅតូច តែវាបានរួមចំណែកដល់ការកាត់បន្ថយថ្លៃដើម ដែលវិស័យឯកជនតែងតែចង់បាន ដើម្បីបង្កើនសមត្ថភាពប្រកួតប្រជែងជាមួយអង្ករប្រទេសជិតខាង។
ការបញ្ចុះតម្លៃស្កែនអង្ករនេះ ត្រូវចាប់ផ្ដើមអនុវត្តពីថ្ងៃទី១ខែវិច្ឆិកាឆ្នាំនេះ ដល់ថ្ងៃទី៣១ខែធ្នូ២០១៨ ៕
© រក្សាសិទ្ធិដោយ thmeythmey.com