លទ្ធផលជាង ២០រដ្ឋត្រូវបានគេដឹងរួចទៅហើយ។ បេក្ខជនប្រធានាធិបតីបក្សសាធារណរដ្ឋលោក ដូណាល់ ត្រាំ នាំមុខ លោកស្រី ហ៊ីឡារី គ្លីនតុន ដោយលោកទទួលបានប្រតិភូដែលបោះឆ្នោតរើសប្រធានាធិបតីច្រើនជាង។ ប៉ុន្តែនៅសល់រដ្ឋច្រើនទៀតដែលគេមិនទាន់ទទួលបានលទ្ធផល។ យោងតាមសារព័ត៌មាន The Independent រដ្ឋខាងក្រោមចំនួន ១៥ ជាសមរភូមិនយោបាយសំខាន់ដែលអាចសម្រេចថាតើក្នុងចំណោមបេក្ខជន មួយណាដែលឈ្នះឆ្នោតនោះ៖
១.រដ្ឋ Arizona មាន ប្រតិភូចំនួន ១១។
២.Colorado មានប្រតិភូចំនួន ៩ ។
៣. Florida មានប្រតិភូទាំងអស់ចំនួន២៩ ប៉ុន្តែលោក ដូណាល់ ត្រាំ នាំមុខលោកស្រី ហ៊ីឡារី គ្លីនតុនរួចទៅហើយនៅរដ្ឋនេះ។
៤.Georgia មានប្រតិភូទាំងអស់ចំនួន ១៦។
៥.Iowa មានប្រតិភូទាំងអស់ចំនួន ៦។
៦.Maineមានប្រតិភូទាំងអស់ចំនួន ៤។
៧.Michigan មានប្រតិភូទាំងអស់ចំនួន ១៦។
៨. Nevada មានប្រតិភូចំនួន ៦។
៩. New Hampshire មាន ប្រតិភូចំនួន ៤។
១០. North Carolinaមាន ប្រតិភូចំនួន ១៥។
១១. Ohio មាន ប្រតិភូចំនួន ១៨ ហើយគេព្យាករថាលោក ដូណាល់ ត្រាំ នឹងដណ្តើមយករដ្ឋនេះ។
១២. Pennsylvaniaមាន ប្រតិភូចំនួន ២០។
១៣. Utahមាន ប្រតិភូចំនួន ៦។
១៤. Virginiaមាន ប្រតិភូចំនួន ១៣។
១៥. Wisconsin មាន ប្រតិភូចំនួន ១០។
លទ្ធផលនៅរដ្ឋសំខាន់ទាំងនេះមិនទាន់ត្រូវបានគេប្រកាសឲ្យដឹងជាផ្លូវការនោះឡើយ។ ដូច្នេះហើយ វានៅតែមិនទាន់អាចសន្និដ្ឋាន ថា លោក ដូណាល់ ត្រាំ នឹងឈ្នះឆ្នោត ដោយគ្រាន់តែទទួលបានការគាំទ្រនាំមុខលោកស្រី ហ៊ីឡារី គ្លីនតុន ដែរ។ បើសិនជា អ្នកណាម្នាក់ដណ្តើមបានរដ្ឋទាំងនេះច្រើនជាងគេ អ្នកនោះនឹងមានលទ្ធភាពឈ្នះច្រើនជាងគេ៕