អន្តរជាតិ
នយោបាយអន្តរជាតិ
ប្រធានាធិបតី Duterte និងនាយករដ្ឋមន្ត្រី Najib ឡើងច្រៀងបទ «Shalala lala»
×
ប្រធានាធិបតីហ្វីលីពីន Rodrigo Duterte ទើបតែបញ្ចប់ទស្សនកិច្ចផ្លូវការនៅម៉ាឡេស៊ី។ នៅមុនបញ្ចប់ទស្សនកិច្ចនេះ នាយករដ្ឋមន្ត្រីម៉ាឡេស៊ី Najib Razak បានរៀបចំពិធីលាងសាយភោជន៍ពិសេសមួយ ជាកិត្តយសសម្រាប់ប្រធានាធិបតីហ្វីលីពីន ហើយមេដឹកនាំទាំងពីរក៏បានឡើងច្រៀងបទ «Shalala lala» រួមគ្នាលើឆាកតន្ត្រីផងដែរ។
បុរសខ្លាំងហ្វីលីពីន Rodrigo Duterte ដែលមានងារជា «អ្នកដាក់ទណ្ឌកម្ម» និងតែងប្រើពាក្យសម្ដីគ្រោតគ្រាតនោះ ធ្វើឲ្យគេឯងភ្ញាក់ផ្អើលខ្លាំង ដោយលោករួមជាមួយនាយករដ្ឋមន្ត្រីម៉ាឡេស៊ី Najib Razak បានឆ្លៀតឱកាសច្រៀងចម្រៀងរួមគ្នា។ មេដឹកនាំទាំងពីរ បានច្រៀងបទ «Shalala lala» របស់ក្រុមចម្រៀង Venganboys នៅឯនិវេសនដ្ឋានរបស់លោក Najib ផ្ទាល់។
វីដេអូជិត៦នាទី ដែលត្រូវបង្ហោះដោយលោក Jesus Dureza ទីប្រឹក្សាប្រធានាធិបតីហ្វីលីពីនទទួលបន្ទុកកិច្ចការសន្តិភាព ត្រូវបានទទួលការចុចមើលយ៉ាងច្រើនក្នុងរយៈពេលដ៏ខ្លី។ ក្រៅពីនោះ ប្រធានាធិបតី Duterte ក៏បានច្រៀងបទ Wind Beneath My Wings របស់តារាចម្រៀង Bette Midler ផងដែរ៕
ទស្សនាវីដេអូខាងក្រោម
© រក្សាសិទ្ធិដោយ thmeythmey.com