ពីនេះ ពីនោះ
ពាក្យ«សញ្ជាតិ» មានអ្នកស្គាល់ច្រើន ប៉ុន្តែមិនសូវច្បាស់ពីអត្ថន័យ
× ក្រុមប្រឹក្សាជាតិភាសាខ្មែរ បានកំណត់អត្ថន័យពាក្យថា «សញ្ជាតិ» នៅក្នុងសទ្ទានុក្រម វិទ្យាសាស្ត្រនយោបាយ និងការទូតដូចខាងក្រោម៖
ពាក្យ«សញ្ជាតិ» មានន័យថា ចរិតឬលក្ខណៈរបស់ប្រជាជាតិមួយដែលរស់នៅរួមគ្នាក្នុងក្របខណ្ឌនៃសហគមន៍មួយ ដែលមានទឹកដី ភាសា ទំនៀមទម្លាប់ និងសេចក្ដីប៉ងប្រាថ្នារួម។ លក្ខណៈពិសេសនៃសញ្ជាតិរបស់ប្រជាជាតិមួយអាច កើតមានឡើងតាមរយៈកំណើតឬធម្មជាតិនីយកម្ម សញ្ជាតូបនីយកម្ម អត្តសញ្ញាណកម្ម អាពាហ៍ពិពាហ៍ ការសុំកូនមកចិញ្ចឹម នីតិនីយកម្ម និងការផ្ទេរការគ្រប់គ្រងដែនដីពីរដ្ឋមួយទៅរដ្ឋមួយទៀត។
ឧទាហរណ៍៖ នៅក្នុងសម័យកាលសង្គ្រាមនៃប្រទេសកម្ពុជាពីឆ្នាំ ១៩៧០-១៩៧៩ ប្រជាជនខ្មែរមួយចំនួនបានភៀសខ្លួនទៅរស់នៅបរទេស ដូចជាប្រទេសបារាំង អាម៉េរិក អូស្ត្រាលី។ល។ ហើយក្រោយមកពួកគេបានទទួលសញ្ជាតិបារាំង អាម៉េរិក និងអូស្ត្រាលី តាមរយៈនីតិនីយកម្ម។
ដកស្រង់ពីសទ្ទានុក្រមវិទ្យាសាស្ត្រនយោបាយ និងការទូត, ក្រុមប្រឹក្សាជាតិភាសាខ្មែរ
© រក្សាសិទ្ធិដោយ thmeythmey.com