ជាតិ
នយោបាយជាតិ
×![]()
ដោយ: រួបរួម
មិនមែនអ្វីៗទាំងអស់សុទ្ធតែប្រឆាំងនោះឡើយ យ៉ាងហោចណាស់ ប្រធានគណបក្សសង្គ្រោះជាតិ ដែលកំពុងនិរទេសខ្លួននៅបរទេស មានករណីដែលត្រូវតាម (follow) សម្តេច ហ៊ុន សែន ដែលជាគូប្រជែងនយោបាយរបស់ខ្លួនផងដែរ។ នោះគឺគណនី Twitter។
Twitter ជាបណ្តាញសង្គមដ៏ពេញនិយមបំផុតរបស់អ្នកនយោបាយ និងបុគ្គលសាធារណៈដែលល្បីៗនៅលើពិភពលោក ប៉ុន្តែនៅកម្ពុជា ការប្រើប្រាស់បណ្តាញសង្គមដែលកំណត់ឲ្យសរសេរឃ្លាខ្លីៗនេះ មិនទាន់មានការផុសផុលនោះឡើយ។ អ្វីដែលគួរឲ្យកត់សម្គាល់នាអំឡុងខែវិច្ឆិកា នេះ ឯកឧត្តម សម រង្ស៊ី ប្រធានគណបក្សសង្គ្រោះជាតិដែលកំពុងនិរទេសខ្លួននៅបរទេស ហាក់ដូចជាមានសកម្មភាពយ៉ាងខ្លាំងក្នុងការផ្តល់សារនយោបាយនានានៅលើបណ្តាញសង្គម Twitter ។
Sam Rainsy (@RainsySam) គឺជាគណនី Twitter ផ្លូវការរបស់ប្រធានគណបក្សសង្គ្រោះជាតិ។ គណនីនេះ ត្រូវបានបង្កើតចាប់តាំងពីខែមេសា ឆ្នាំ២០១៣ មក ប៉ុន្តែទើបតែសកម្មខ្លាំងកាលពីពេលថ្មីៗកន្លងមក។
គិតត្រឹមថ្ងៃទី១៧ ខែវិច្ឆិកា គណនី Twitter ឯកឧត្តម សម រង្ស៊ី មានអ្នកតាម (Followers) ជាង១៧០ ប៉ុណ្ណោះ ហើយតាមគេវិញ (Following) ជាង៣០ ។ ក្នុងចំណោម គណនីជាង៣០ដែលប្រធានគណបក្សប្រឆាំង Follow នោះ មានគណនីចំនួន២ដែលប្រើឈ្មោះសម្តេចនាយករដ្ឋមន្ត្រី ហ៊ុន សែន និងជាប្រធានគណបក្សប្រជាជនកម្ពុជា (@hunsencambodia និង @hunsen)។
គណនី Twitter ដែលប្រើឈ្មោះសម្តេច ហ៊ុន សែន (Hun Sen @hunsencambodia) បានចូលរួមតាំងពីខែមិថុនា ឆ្នាំ២០១០ ដោយគិតត្រឹមថ្ងៃទី១៧ ខែវិច្ឆិកា មាន Followers ជាង៤០០នាក់ ។ មិនមានការបញ្ជាក់ថា នេះជាគណនីផ្លូវការរបស់សម្តេច ហ៊ុន សែន នោះឡើយ ប៉ុន្តែគណនីនេះ ចែករំលែកដោយស្វ័យប្រវត្តិរាល់ព័ត៌មានដែលផ្សាយនៅលើទំព័រហ្វេសប៊ុករបស់សម្តេច ហ៊ុន សែន។ រីឯគណនីមួយទៀត Hun Sen (@hunsen) មិនមានសកម្មភាពអ្វីឡើយ ដោយឃើញ Tweets តែ៣លើកប៉ុណ្ណោះ កាលពីថ្ងៃទី១៨ ខែវិច្ឆិកា ឆ្នាំ២០១៥។
សូមបញ្ជាក់ថា កាលពីថ្ងៃទី៨ ខែវិច្ឆិកា កន្លងមក សាលាដំបូងរាជធានីភ្នំពេញ បានសម្រេចពិន័យឯកឧត្តម សម រង្ស៊ី ក្នុងករណីបរិហារកេរ្តិ៍សម្តេច ហ៊ុន សែន ជាសាធារណៈលើហ្វេសប៊ុក បន្ទាប់ពីប្រធានប្រឆាំងបានលើកឡើងថា មានការទិញការចុច Like និង Like ក្លែងក្លាយនៅហ្វេសប៊ុកនាយករដ្ឋមន្ត្រី។ សាលក្រមបានបង្គាប់ឲ្យឯកឧត្តម សម រង្ស៊ី បង់ថវិកាចូលរដ្ឋចំនួន ១០លានរៀល និងសងជំងឺចិត្តសម្តេច ហ៊ុន សែន ចំនួន១៥លានរៀល។
បច្ចុប្បន្ន ទំព័រហ្វេសប៊ុកសម្តេច ហ៊ុន សែន មានការចុច Like ជាង៦លាន ដែលស្ថិតនៅលំដាប់លេខមួយនៅកម្ពុជា ខណៈហ្វេសប៊ុកឯកឧត្តម សម រង្ស៊ី មានការចុច Like ជាង៣លាន៕
Twitter ជាបណ្តាញសង្គមដ៏ពេញនិយមបំផុតរបស់អ្នកនយោបាយ និងបុគ្គលសាធារណៈដែលល្បីៗនៅលើពិភពលោក ប៉ុន្តែនៅកម្ពុជា ការប្រើប្រាស់បណ្តាញសង្គមដែលកំណត់ឲ្យសរសេរឃ្លាខ្លីៗនេះ មិនទាន់មានការផុសផុលនោះឡើយ។ អ្វីដែលគួរឲ្យកត់សម្គាល់នាអំឡុងខែវិច្ឆិកា នេះ ឯកឧត្តម សម រង្ស៊ី ប្រធានគណបក្សសង្គ្រោះជាតិដែលកំពុងនិរទេសខ្លួននៅបរទេស ហាក់ដូចជាមានសកម្មភាពយ៉ាងខ្លាំងក្នុងការផ្តល់សារនយោបាយនានានៅលើបណ្តាញសង្គម Twitter ។
Sam Rainsy (@RainsySam) គឺជាគណនី Twitter ផ្លូវការរបស់ប្រធានគណបក្សសង្គ្រោះជាតិ។ គណនីនេះ ត្រូវបានបង្កើតចាប់តាំងពីខែមេសា ឆ្នាំ២០១៣ មក ប៉ុន្តែទើបតែសកម្មខ្លាំងកាលពីពេលថ្មីៗកន្លងមក។
គិតត្រឹមថ្ងៃទី១៧ ខែវិច្ឆិកា គណនី Twitter ឯកឧត្តម សម រង្ស៊ី មានអ្នកតាម (Followers) ជាង១៧០ ប៉ុណ្ណោះ ហើយតាមគេវិញ (Following) ជាង៣០ ។ ក្នុងចំណោម គណនីជាង៣០ដែលប្រធានគណបក្សប្រឆាំង Follow នោះ មានគណនីចំនួន២ដែលប្រើឈ្មោះសម្តេចនាយករដ្ឋមន្ត្រី ហ៊ុន សែន និងជាប្រធានគណបក្សប្រជាជនកម្ពុជា (@hunsencambodia និង @hunsen)។
គណនី Twitter ដែលប្រើឈ្មោះសម្តេច ហ៊ុន សែន (Hun Sen @hunsencambodia) បានចូលរួមតាំងពីខែមិថុនា ឆ្នាំ២០១០ ដោយគិតត្រឹមថ្ងៃទី១៧ ខែវិច្ឆិកា មាន Followers ជាង៤០០នាក់ ។ មិនមានការបញ្ជាក់ថា នេះជាគណនីផ្លូវការរបស់សម្តេច ហ៊ុន សែន នោះឡើយ ប៉ុន្តែគណនីនេះ ចែករំលែកដោយស្វ័យប្រវត្តិរាល់ព័ត៌មានដែលផ្សាយនៅលើទំព័រហ្វេសប៊ុករបស់សម្តេច ហ៊ុន សែន។ រីឯគណនីមួយទៀត Hun Sen (@hunsen) មិនមានសកម្មភាពអ្វីឡើយ ដោយឃើញ Tweets តែ៣លើកប៉ុណ្ណោះ កាលពីថ្ងៃទី១៨ ខែវិច្ឆិកា ឆ្នាំ២០១៥។សូមបញ្ជាក់ថា កាលពីថ្ងៃទី៨ ខែវិច្ឆិកា កន្លងមក សាលាដំបូងរាជធានីភ្នំពេញ បានសម្រេចពិន័យឯកឧត្តម សម រង្ស៊ី ក្នុងករណីបរិហារកេរ្តិ៍សម្តេច ហ៊ុន សែន ជាសាធារណៈលើហ្វេសប៊ុក បន្ទាប់ពីប្រធានប្រឆាំងបានលើកឡើងថា មានការទិញការចុច Like និង Like ក្លែងក្លាយនៅហ្វេសប៊ុកនាយករដ្ឋមន្ត្រី។ សាលក្រមបានបង្គាប់ឲ្យឯកឧត្តម សម រង្ស៊ី បង់ថវិកាចូលរដ្ឋចំនួន ១០លានរៀល និងសងជំងឺចិត្តសម្តេច ហ៊ុន សែន ចំនួន១៥លានរៀល។
បច្ចុប្បន្ន ទំព័រហ្វេសប៊ុកសម្តេច ហ៊ុន សែន មានការចុច Like ជាង៦លាន ដែលស្ថិតនៅលំដាប់លេខមួយនៅកម្ពុជា ខណៈហ្វេសប៊ុកឯកឧត្តម សម រង្ស៊ី មានការចុច Like ជាង៣លាន៕
Tag:
សម្តេច ហ៊ុន សែន
ឯកឧត្តម សម រង្ស៊ី
Twitter
បណ្តាញសង្គម
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 20 ម៉ោង
