ពីនេះ ពីនោះ
គ្រូបង្រៀន៖ តើអ្វីខ្លះជា«អត្តសញ្ញាណ»របស់គ្រូបង្រៀន?
× ភ្នំពេញ៖ អាជីពជាគ្រូបង្រៀន ពេលខ្លះត្រូវបានមនុស្សនៅក្នុងសង្គមបានមើលរំលងពីតម្លៃរបស់ពួគគាត់។ ជាការពិត គ្រូបង្រៀនគ្មានមិនមែនល្អទាំងអស់នោះទេ ប៉ុន្តែជាគ្រូបង្រៀនម្នាក់មិនមែនគ្រប់បុគ្គលសុទ្ធតែអាចមានជំនាញនេះបានឡើយ។ យ៉ាងណាមិញ គ្រូបង្រៀនត្រូវបានគេសង្កេតឃើញថា ដើម្បីក្លាយជាគ្រូបង្រៀនល្អមួយរូប យ៉ាងហោចណាស់ត្រូវព្យាយាមប្រតិបត្តិតាម«អត្តសញ្ញាណ»មួយចំនួនដូចខាងក្រោម៖
ក្នុងនាមជាគ្រូបង្រៀនម្នាក់ត្រូវស្គាល់ពីខ្លួនថា គឺជាមនុស្សរីកចម្រើន, ជាមនុស្សញញឹមរីករាយ, ជាមនុស្សជាមនុស្សមានគុណភាពទាំងចំណេះដឹង សមត្ថភាព, ជាមនុស្សស្អាតបាតទាំងចិត្ត ការរៀបចំខ្លួន, ជាមនុស្សមានសណ្ដាប់ធ្នាប់ក្នុងជីវិត។ បន្ថែមពីនេះ ត្រូវដឹងថា គ្រូបង្រៀនត្រូវតែជាមនុស្សទទួលយកការពិត, មនុស្សវិជ្ជមានទាំងការគិត និងសកម្មភាព, មនុស្សមិនត្អួញត្អែរចំពោះការងារ, ជាមនុស្សមិននិយាយដើមគេទាំងមិត្តរួមការងារ សិស្ស និងមនុស្សនៅក្នុងសង្គម។
ម្យ៉ាងវិញទៀត គ្រូបង្រៀនក៏ត្រូវតែជាមនុស្សមានដំណោះស្រាយជានិច្ច, ជាមនុស្សច្បាស់លាស់ទាំងការងារ វិន័យ ចរិតឫកពា, ជាមនុស្សមានផែនការ មិនមែនជាមនុស្សសុញគំនិត, ជាមនុស្សមានសកម្មភាពរហ័សជាដើម។ ក្នុងនោះផងដែរ គ្រូបង្រៀនក៏ត្រូវតែជាមនុស្សបន្តរៀនសូត្ររហូត គ្មានឡើយពាក្យថារៀនចប់ហើយ, ជាមនុស្សមានសក្ដានុពល,, ជាមនុស្សមិនខ្លាចនឿយហត់, មនុស្សហ្មត់ចត់, មនុស្សមានទំនួលខុសត្រូវខ្ពស់, ជាមនុស្សផ្ដោតលើលទ្ធផល មិនរង់ចាំលទ្ធផល តែធ្វើឲ្យមានលទ្ធផល។
ការប្រកាន់ជំហរមិនបោះបង់ ក៏ជាលក្ខណៈសម្បត្តិមួយដែលគ្រូបង្រៀនត្រូវធ្វើឲ្យបាន, ជាមនុស្សក្លាហានជានិច្ចលើកមាគ៌ាត្រឹមត្រូវ, ជាមនុស្សដែលឲ្យតម្លៃមនុស្ស មិនមើលងាយមនុស្សក្នុងគ្រប់រូបភាពណាមួយ, ជាមនុស្សប្រកាន់ចិត្តជួយមនុស្ស មិនបំផ្លាញមនុស្ស, ជាមនុស្សស្គាល់ ដឹងពីអ្វីដែលជាគុណ និងទោស, ជាមនុស្សស្មោះត្រង់, ជាមនុស្សព្យាយាមរៀបចំខ្លួនឯងឲ្យក្លាយជាបុគ្គលជោគជ័យ ជាគម្រូ, ជាមនុស្សលូតលាស់ឆាប់រហ័ស ព្រមទាំងជាបុគ្គលដែលមានម្ចាស់ការលើជីវិតរបស់ខ្លួនឯង។
ហេតុផលទាំងនេះហើយ ដែលកំណត់ថាជាអត្តសញ្ញាណមយយចំនួន ដែល គ្រូបង្រៀនត្រូវមានបេសកកម្មក្នុងការជួយខ្លួនឯងទាំងផ្នែកសមត្ថភាព ចំណេះដឹង គុណភាព និងកត្តារៀបចំខ្លួនឲ្យបានឲ្សសមជាបុគ្គលដែលគួរឲ្យគោរព និងមានតម្លៃ។ បន្ថែមពីនេះ គ្រូបង្រៀនត្រូវបន្តបេសកកម្មរបស់ខ្លួនក្នុងការជួយគ្រួសារ។ ជាពិសេស បេសកកម្មដែលសំខាន់បំផុត គឺគ្រូបង្រៀនត្រូវតាំងខ្លួនឯងជាបុគ្គលជួយសង្គម តាមរយៈការចូលរួមបណ្ដុះគុណភាពមនុស្ស បង្កើនធនធានមនុស្ស្ ដើម្បីចូលរួមអភិវឌ្ឍន៍សង្គមជាតិ៕
ដកស្រង់ពីមេរៀនសីលធម៌វិជ្ជាជីវៈ, គ្រូឧទ្ទេសលោក ផ្លុង តូន
© រក្សាសិទ្ធិដោយ thmeythmey.com