ពីនេះ ពីនោះ
តើ «ស្មោញ»ជាបក្សីប្រភេទណា?
× ស្មោញ គឺជាប្រភេទបក្សីមួយប្រភេទ មានកវែងដូចជាសត្វពស់ ព្រមទាំងមានចំពុះស្រួចដូចដាវ និងសម្បុរពណ៌ខ្មៅ។ បន្ថែមពីនេះ បក្សីមួយប្រភេទនេះ មានកន្ទុយវែង ឆូតសវែងៗនៅផ្នែកខ្នង។
ចំណែកទីជម្រក់ ស្មោញ ច្រើនរស់នៅតាមបឹង វាលភក់ ទន្លេធំៗ ហើយបង្ហាញវត្តមានពេញមួយឆ្នាំ ព្រមទាំងមានបន្ទាយពងកូនដ៏ធំនៅតំបន់ព្រែកទាល់ បឹងទន្លេសាប និងតំបន់តូចមួយចំនួននៅភាគខាងជើង នៃប្រទេសកម្ពុជានេះ។
ដោយឡែក ចំពោះជីវសាស្ត្ររស់នៅវិញ បក្សីនេះ ពូកែមុជទឹកចាប់ត្រីជាអាហារ ហើយព្រមទាំងធ្វើការបន្តពូជចាប់ពីខែមិថុនា ដល់ខែមីនា និងមានពងចំនួន ពី៤ ទៅ៦ពង ក្នុងមួយរដូវបន្តពូជ៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com