ពីនេះ ពីនោះ
ជាតិ៖ ពលរដ្ឋ និងមន្ត្រីអង្គុយបន្ទោសគ្នាពេលមានបញ្ហា តើអាចដោះស្រាយបានទេ?
×![]()
ដោយ: ថ្មីៗ
ភ្នំពេញ៖ បញ្ហាគ្រប់ប្រភេទបានបង្ហាញខ្លួនជាបន្តបន្ទាប់ ចាប់តាំងពីឈានមួយជំហានរហូតដល់ជំហានចុងក្រោយជារៀងរាល់ថ្ងៃ។ បញ្ហាខ្លះឃើញចំពោះមុខ បញ្ហាខ្លះបានប៉ះផ្ទាល់ បញ្ហាខ្លះដឹងដោយប្រព័ន្ធផ្សព្វផ្សាយ បញ្ហាខ្លះឮតាមត្រចៀក បញ្ហាខ្លះឮពីមហាជន និងមានបញ្ហាជាច្រើនទៀត កើតមានជាប្រចាំនៅក្នុងសង្គម។ បញ្ហាខ្លះត្រូវបានដោះស្រាយ បញ្ហាខ្លះកំពុងដោះស្រាយ បញ្ហាមិនខ្ចីដោះស្រាយ បញ្ហាខ្លះដោះស្រាយដែរតែនៅតែមានបញ្ហា។
សូមចាប់ផ្ដើមពីរឿងថ្នាក់ក្រោមជាតិមកចុះ បញ្ហាកើតមានជាប្រចាំ តាំងពីការគំរាមកំហែង រំលោកសិទ្ធិ ភាពក្រីក្រ ខ្វះលំនៅឋាន បញ្ហាសុខភាព បញ្ហាអប់រំ បញ្ហាសន្តិសុខ បញ្ហាគ្រឿងញៀន បញ្ហាសេពគ្រឿងស្រវឹង អំពើហិង្សា ចោរកម្ម ឃាតកម្ម គ្រោះថ្នាក់ចរាចរណ៍ សេវាសាធារណៈ បញ្ហាដីធ្លី បរិស្ថាន និងបញ្ហាជាច្រើនប្រភេទទៀត ឮតែគេជជែក គេនិយាយ គេយំសោក ជារៀងរាល់ថ្ងៃ។ តើរឿងទាំងនេះកើតមានពិតទេ?
ចំណែកក្នុងរង្វង់ថ្នាក់ជាតិ ឮតែប្រជែងគ្នាដណ្ដើមអំណាច លាភសក្ការៈ តួនាទី ផលលាភ ពុករលួយ គាប់សង្កត់ មន្ត្រីរដ្ឋទៅកន្លែងតែមិនធ្វើការ មន្ត្រីធ្វើការតែមិនត្រូវបានគេលើកទឹកចិត្ត មន្ត្រីមានសិទ្ធិតែមិនហ៊ាននិយាយ មន្ត្រីហ៊ាននិយាយតែមិនដឹងនិយាយអ្វី មានមន្ត្រីនិយាយតែខ្វះមូលដ្ឋានគួរឲ្យជឿទុកចិត្ត។ មន្ត្រីគួរឲ្យទុកចិត្តតែមិនត្រូវបានផ្ដល់ឱកាស អ្នកនិយាយពិតបែរជាមានបញ្ហា អ្នកមានបញ្ហាបែររស់ដោយសប្បាយ អ្នកមានមួយចំនួនសប្បាយលើគំនរទុក្ខអ្នកក្រ អ្នកក្រដឹងថាខ្លួនក្រតែមិនខំប្រឹង អ្នកប្រឹងដែរតែគ្មានលទ្ធផល។ រឿងរ៉ាវទាំងនេះឮតែគេនិយាយ ឮតែគេជជែកគ្នាជាប្រចាំ។
ព្រោះតែបញ្ហាទាំងនេះ គេក៏ឃើញផងដែរថា ជារៀងរាល់ថ្ងៃប្រជាពលរដ្ឋស្ទើគ្រប់ទីកន្លែងនាំគ្នា បន្ទោសទៅលើមន្ត្រីរដ្ឋថាមិនបានការ គ្មានសមត្ថភាព មិនអើពើរក្នុងការដោះស្រាយបញ្ហាឲ្យប្រជាពលរដ្ឋ ដើម្បីជាប្រយោជន៍សង្គមជាតិ។ ប៉ុន្តែមន្ត្រីរដ្ឋមួយចំនួន ក៏បន្ទោសរាស្ត្រថាមិនចូលរួម មិនសហការ មិនស្ដាប់ការណែនាំរបស់រាជការ និង សមត្ថភាពពលរដ្ឋ ការយល់ដឹង នៅមានកម្រិត ទើបធ្វើឲ្យកិច្ចការដោះស្រាយបញ្ហា រៀបចំសង្គម មិនការពិបាក និងដើរទៅមុខយឺត។ ប៉ុន្តែមែនទែនទៅ ពេលខ្លះគេសង្កេតឃើញថា ទាំងរាស្ត្រ និងមន្ត្រីរដ្ឋមួយចំនួន អង្គុយមើលបំណាំគ្នាទៅវិញទៅមក បន្ទោសគ្នាទៅវិញទៅមក។
ប្រការទាំងនេះ តើអាចជួយកែប្រែ ដោះស្រាយបញ្ហាសង្គម បានដែរឬយ៉ាងណា? តើអ្នកណា ជាអ្នកទទួលខុសត្រូវឲ្យពិតប្រាកដចំពោះវាសនាជាតិមួយ? តាមពិតគឺទាំងរាស្ត្រ មន្ត្រី ថ្នាក់ដឹកនាំ ត្រូវរួមគ្នាកសាង ដោះស្រាយបញ្ហាជាតិ មិនមែនចាំមើលបំណាំគ្នា ចាំបន្ទោសឲ្យគ្នា ចង្អុលដាក់គ្នាទៅវិញទៅមកនោះទេ៕
សូមចាប់ផ្ដើមពីរឿងថ្នាក់ក្រោមជាតិមកចុះ បញ្ហាកើតមានជាប្រចាំ តាំងពីការគំរាមកំហែង រំលោកសិទ្ធិ ភាពក្រីក្រ ខ្វះលំនៅឋាន បញ្ហាសុខភាព បញ្ហាអប់រំ បញ្ហាសន្តិសុខ បញ្ហាគ្រឿងញៀន បញ្ហាសេពគ្រឿងស្រវឹង អំពើហិង្សា ចោរកម្ម ឃាតកម្ម គ្រោះថ្នាក់ចរាចរណ៍ សេវាសាធារណៈ បញ្ហាដីធ្លី បរិស្ថាន និងបញ្ហាជាច្រើនប្រភេទទៀត ឮតែគេជជែក គេនិយាយ គេយំសោក ជារៀងរាល់ថ្ងៃ។ តើរឿងទាំងនេះកើតមានពិតទេ?
ចំណែកក្នុងរង្វង់ថ្នាក់ជាតិ ឮតែប្រជែងគ្នាដណ្ដើមអំណាច លាភសក្ការៈ តួនាទី ផលលាភ ពុករលួយ គាប់សង្កត់ មន្ត្រីរដ្ឋទៅកន្លែងតែមិនធ្វើការ មន្ត្រីធ្វើការតែមិនត្រូវបានគេលើកទឹកចិត្ត មន្ត្រីមានសិទ្ធិតែមិនហ៊ាននិយាយ មន្ត្រីហ៊ាននិយាយតែមិនដឹងនិយាយអ្វី មានមន្ត្រីនិយាយតែខ្វះមូលដ្ឋានគួរឲ្យជឿទុកចិត្ត។ មន្ត្រីគួរឲ្យទុកចិត្តតែមិនត្រូវបានផ្ដល់ឱកាស អ្នកនិយាយពិតបែរជាមានបញ្ហា អ្នកមានបញ្ហាបែររស់ដោយសប្បាយ អ្នកមានមួយចំនួនសប្បាយលើគំនរទុក្ខអ្នកក្រ អ្នកក្រដឹងថាខ្លួនក្រតែមិនខំប្រឹង អ្នកប្រឹងដែរតែគ្មានលទ្ធផល។ រឿងរ៉ាវទាំងនេះឮតែគេនិយាយ ឮតែគេជជែកគ្នាជាប្រចាំ។
ព្រោះតែបញ្ហាទាំងនេះ គេក៏ឃើញផងដែរថា ជារៀងរាល់ថ្ងៃប្រជាពលរដ្ឋស្ទើគ្រប់ទីកន្លែងនាំគ្នា បន្ទោសទៅលើមន្ត្រីរដ្ឋថាមិនបានការ គ្មានសមត្ថភាព មិនអើពើរក្នុងការដោះស្រាយបញ្ហាឲ្យប្រជាពលរដ្ឋ ដើម្បីជាប្រយោជន៍សង្គមជាតិ។ ប៉ុន្តែមន្ត្រីរដ្ឋមួយចំនួន ក៏បន្ទោសរាស្ត្រថាមិនចូលរួម មិនសហការ មិនស្ដាប់ការណែនាំរបស់រាជការ និង សមត្ថភាពពលរដ្ឋ ការយល់ដឹង នៅមានកម្រិត ទើបធ្វើឲ្យកិច្ចការដោះស្រាយបញ្ហា រៀបចំសង្គម មិនការពិបាក និងដើរទៅមុខយឺត។ ប៉ុន្តែមែនទែនទៅ ពេលខ្លះគេសង្កេតឃើញថា ទាំងរាស្ត្រ និងមន្ត្រីរដ្ឋមួយចំនួន អង្គុយមើលបំណាំគ្នាទៅវិញទៅមក បន្ទោសគ្នាទៅវិញទៅមក។
ប្រការទាំងនេះ តើអាចជួយកែប្រែ ដោះស្រាយបញ្ហាសង្គម បានដែរឬយ៉ាងណា? តើអ្នកណា ជាអ្នកទទួលខុសត្រូវឲ្យពិតប្រាកដចំពោះវាសនាជាតិមួយ? តាមពិតគឺទាំងរាស្ត្រ មន្ត្រី ថ្នាក់ដឹកនាំ ត្រូវរួមគ្នាកសាង ដោះស្រាយបញ្ហាជាតិ មិនមែនចាំមើលបំណាំគ្នា ចាំបន្ទោសឲ្យគ្នា ចង្អុលដាក់គ្នាទៅវិញទៅមកនោះទេ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 12 ម៉ោង
