ពីនេះ ពីនោះ
ខ្វែកត្រោក គឺជាបក្សីដែលហើរលឿន
× ខ្វែកត្រោក គឺជាប្រភេទបក្សីមួយប្រភេទ ដែលនៅពេលពេញវ័យ មានចំពុះវែងត្រង់ មានឆ្នូតខ្មៅកាត់តាមភ្នែក ព្រមទាំងមានចិញ្ចើមសធំវែង។ បន្ថែមពីនេះ បក្សីនេះមានដងខ្លួនពណ៌ចម្រុះលាយត្នោតចាស់ លឿង និងស។ ចំណែកពោះ និងគម្របក្រោមកន្ទុយពណ៌ស ឆ្នូតគែមក្រោមនៃស្លាបពណ៌ស កន្ទុយឆ្លាស់ក្រៅពណ៌ស និងលើកន្ទុយត្នោត។
ដោយឡែក សម្រាប់ទីជម្រក បក្សីនេះច្រើនរស់នៅតាមតំបន់វាលភក់មានរុក្ខជាតិតិច និងវាលស្រែ។ ក្នុងលក្ខណៈជីវសាស្ត្រ ខ្វែកត្រោក គឺជាបក្សីដែលហើរមានល្បឿនលឿន ហើយក៏ជាប្រភេទបក្សីហើយឆ្លងកាត់ និងមានគ្រប់ទីកន្លែង៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com