-​ស្រុក​យើង​មាន​កុមារ​ ​ ​រង​ហិង្សា​ទាំង​ក្មេងខ្ចី​

​ពិសេស​កុមារី​ ​ ​ ​ជន​អប្រិយ​បង្ខំ​កាយ​។​

 

-​មាន​ខ្លះ​ជាប់សាច់​ញាតិ​ ​អ្នកខ្លះ​ទៀត​ផ្ទះ​មិន​ឆ្ងាយ​

​លួងលោម​ឲ្យ​លុយ​ចាយ​ ​ចាស់​ញ័រ​កាយ​មិន​ណាយ​កាម​។​
 

-​ក្មេង​ខ្លះ​គេ​គម្រាម​ ​ ​ទ្រាំ​ហូរឈាម​យំរហាម​

​ខ្លះ​ខ្លាច​ជន​ល្មោភកាម​ ​សម្លាប់​តាម​ការ​កំហែង​។​
 

-​ខ្លះ​ត្រូវគេ​បិទមាត់​ ​ ​មាន​ខ្លះ​ភ្លាត់​ស្លាប់​ជាក់ស្តែង​

​តាម​ព្រៃ​ព្រែក​គុម្ព​ត្រែង​ ​ក្មេង​ខ្លះ​លែង​ហ៊ាន​ទៅ​រៀន​។​
 

-​ដើមចម​នៃ​បញ្ហា​ ​ ​ព្រោះតែ​ស្រា​និង​គ្រឿងញៀន​

​ហូរ​ចូល​គ្រប់​កោះ​កៀន​ ​រឿង​សិច​មាន​មើល​តាម​ចង់​។​
 

-​អ្នកធ្វើ​មិន​ខ្លាច​ច្បាប់​ ​ ​ប៉ូលីស​ចាប់​អាង​លុយ​បង់​

​ហ៊ាន​ធ្វើតាម​ចំណង់​ ​ ​ខ្លះ​អួត​ត្រង់​អាងខ្នង​ធំ​៕

 

 

​ ​ ​ ​ ​

 

 

​ ​ ​ ​ ​

​