ពីនេះ ពីនោះ
ពិពិធកម្មសេដ្ឋកិច្ច មានន័យ ដូចម្តេច?
× ពាក្យ ពិពិធកម្ម នេះ គឺជាពាក្យដែលមិនមែនមហាជនទូទៅត្រូវមកយកប្រើជារៀងរាល់ថ្ងៃនោះទេ។ តាមពិត វាជាពាក្យបច្ចេកទេសបន្តិច។ នៅក្នុងចំណោមអ្នកសេដ្ឋកិច្ច គេប្រើប្រាស់ច្រើនគួរសមដែរ។ គេច្រើននិយាយថា គួរធ្វើពិពិធកម្មសេដ្ឋកិច្ចកម្ពុជា។ ឃ្លានេះ មានន័យថា គួរពង្រីកសកម្មភាពសេដ្ឋកិច្ចខ្មែរឲ្យបានកាន់តែច្រើន ឲ្យសម្បូរបែប ក្នុងន័យធ្វើយ៉ាងដូចម្តេច ឲ្យមានកំណើនសេដ្ឋកិច្ចជានិរន្តរ៍ ពោលគឺកម្ពុជា មិនគួរពឹងផ្អែកលើវិស័យសេដ្ឋកិច្ចដដែលៗនោះទេ។ ពាក្យ ពិពិធ មានន័យថា ច្រើនយ៉ាង ច្រើនបែប ផ្សេងៗគ្នា។ ពាក្យនេះ មានន័យជាភាសាអង់គ្លេស Diversify៕
© រក្សាសិទ្ធិដោយ thmeythmey.com