ជាតិ
×![]()
ដោយ: ថ្មីៗ
អតីតសាលាបឋមសិក្សាទួលបេង បានចាប់ផ្ដើមបុកគ្រឹះហើយកាលពីថ្ងៃពុធ ទី១៦ ខែវិច្ឆិកា ឆ្នាំ២០១៦ នេះ ដោយមានការចូលរួមពីសំណាក់លោកគ្រូ អ្នកគ្រូ លោកនាយកសាលា សិស្សានុសិស្សលោកយាយ លោកតា និងក្រុមជាងសាងសង់ជាច្រើននាក់។
សូមជម្រាបជូនថា អតីតសាលាបឋមសិក្សាទួលបេង ដែលស្ថិតនៅភូមិទួលបេង ឃុំក្រឡា ស្រុកកំពង់សៀម ខេត្តកំពង់ចាម បានទទួលការឧបត្ថម្ភថវិកាសាងសង់ផ្ទាល់ពីលោកឧកញ៉ា វេជ្ជបណ្ឌិត គួច ម៉េងលី ដែលជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុម ហ៊ុន ម៉េងលី ជេ. គួច អេឌ្យូខេសិន។
គួរបញ្ជាក់ជូនដែរថា ការបុកគ្រឹះកសាងសាលាបឋមសិក្សានេះមានកម្ពស់២ជាន់ ស្មើនឹង ៤បន្ទប់រួមទាំងបន្ទប់ទឹកអនាម័យ របងព័ទ្ធជុំវិញសាលា ខ្លោងទ្វារសាលាសួនកុមារ សួនកម្សាន្តកុមារ ចម្លាក់ ចាក់សាប រៀបការ៉ូឡា រៀបចំបណ្ណាល័យ កែលម្អសោភណភាពក្នុងបរិវេណសាលាបូករួម ទាំងសម្ភារឧបទ្ទេសសិក្សា និងរដ្ឋបាលសាលាទាំងមូលផងនោះ សរុបជាទឹកប្រាក់អស់ប្រមាណជាង ១១ម៉ឺនដុល្លារ ដែលទឹកប្រាក់ឧបត្ថម្ភនេះស្ថិតក្រោមគម្រោងសម្បុរសធម៌របស់ មូលនិធិ ម៉េងលី ជេ. គួច។ នេះបើតាមការឱ្យដឹងពីលោកឧកញ៉ា វេជ្ជបណ្ឌិត គួច ម៉េងលី។
លោកឧកញ៉ាឱ្យដឹងបន្ថែមថា បើនិយាយពីផ្នែកសាងសង់សាលារៀននេះជាសាលាទី២ហើយ បន្ទាប់ពីសាលាបឋមសិក្សាថ្មកង្កែបគួច ប៉េងសាំង-ងិនហួយ ដែលស្ថិតនៅភូមិកង្កែប ឃុំច្រណូក ស្រុកកំពង់លែង ខេត្តកំពង់ឆ្នាំង ដែលចំណាយថវិកាសាងសង់សរុបជាទឹកប្រាក់អស់ប្រមាណជាង ១៦ម៉ឺន កាលពីឆ្នាំ២០១០។ ក្រៅពីសាលាទាំងពីរនេះ លោកក៏នៅមានគម្រោងចូលរួមលើកស្ទួយវិស័យ អប់រំជាមួយនឹងក្រសួងអប់រំ យុវជន និងកីឡា តាមរយៈការបន្តកសាង ហេដ្ឋារចនាសម្ព័ន្ធសាលារៀន នៅទីជនបទដាច់ស្រយាលនានាជាបន្តបន្ទាប់ទៀត ក្រោមការឧបត្ថម្ភ និងសហការផ្ទាល់ពីមូលនិធិ ម៉េងលី ជេ. គួច ។
គួររម្លឹកជូនដែរថា ដោយមើលឃើញពីទឹកចិត្តសប្បុរសធម៌របស់លោកឧកញ៉ារូបនេះ ប្រជាពលរដ្ឋនៅតំបន់នោះបានស្នើប្ដូរឈ្មោះពីសាលាបឋមសិក្សាទួលបេងទៅជា សាលាបឋមសិក្សា គួច ម៉េងលី ទួលបេង វិញ។ ជាលទ្ធផល សាលាបឋមសិក្សាទួលបេង ត្រូវបានប្ដូរឈ្មោះទៅជា សាលាបឋមសិក្សា គួច ម៉េងលី ទួលបេង ចាប់ពីឆ្នាំសិក្សា២០១៦-២០១៧ នេះតទៅ ដោយប្រកាស លេខ៨៧២ អយក.ប្រក របស់រដ្ឋមន្ត្រីក្រសួងអប់រំ យុវជន និងកីឡា ចុះថ្ងៃទី១២ ខែកញ្ញា ឆ្នាំ២០១៦ ៕
(អត្ថបទសាលា)
សូមជម្រាបជូនថា អតីតសាលាបឋមសិក្សាទួលបេង ដែលស្ថិតនៅភូមិទួលបេង ឃុំក្រឡា ស្រុកកំពង់សៀម ខេត្តកំពង់ចាម បានទទួលការឧបត្ថម្ភថវិកាសាងសង់ផ្ទាល់ពីលោកឧកញ៉ា វេជ្ជបណ្ឌិត គួច ម៉េងលី ដែលជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុម ហ៊ុន ម៉េងលី ជេ. គួច អេឌ្យូខេសិន។
គួរបញ្ជាក់ជូនដែរថា ការបុកគ្រឹះកសាងសាលាបឋមសិក្សានេះមានកម្ពស់២ជាន់ ស្មើនឹង ៤បន្ទប់រួមទាំងបន្ទប់ទឹកអនាម័យ របងព័ទ្ធជុំវិញសាលា ខ្លោងទ្វារសាលាសួនកុមារ សួនកម្សាន្តកុមារ ចម្លាក់ ចាក់សាប រៀបការ៉ូឡា រៀបចំបណ្ណាល័យ កែលម្អសោភណភាពក្នុងបរិវេណសាលាបូករួម ទាំងសម្ភារឧបទ្ទេសសិក្សា និងរដ្ឋបាលសាលាទាំងមូលផងនោះ សរុបជាទឹកប្រាក់អស់ប្រមាណជាង ១១ម៉ឺនដុល្លារ ដែលទឹកប្រាក់ឧបត្ថម្ភនេះស្ថិតក្រោមគម្រោងសម្បុរសធម៌របស់ មូលនិធិ ម៉េងលី ជេ. គួច។ នេះបើតាមការឱ្យដឹងពីលោកឧកញ៉ា វេជ្ជបណ្ឌិត គួច ម៉េងលី។
លោកឧកញ៉ាឱ្យដឹងបន្ថែមថា បើនិយាយពីផ្នែកសាងសង់សាលារៀននេះជាសាលាទី២ហើយ បន្ទាប់ពីសាលាបឋមសិក្សាថ្មកង្កែបគួច ប៉េងសាំង-ងិនហួយ ដែលស្ថិតនៅភូមិកង្កែប ឃុំច្រណូក ស្រុកកំពង់លែង ខេត្តកំពង់ឆ្នាំង ដែលចំណាយថវិកាសាងសង់សរុបជាទឹកប្រាក់អស់ប្រមាណជាង ១៦ម៉ឺន កាលពីឆ្នាំ២០១០។ ក្រៅពីសាលាទាំងពីរនេះ លោកក៏នៅមានគម្រោងចូលរួមលើកស្ទួយវិស័យ អប់រំជាមួយនឹងក្រសួងអប់រំ យុវជន និងកីឡា តាមរយៈការបន្តកសាង ហេដ្ឋារចនាសម្ព័ន្ធសាលារៀន នៅទីជនបទដាច់ស្រយាលនានាជាបន្តបន្ទាប់ទៀត ក្រោមការឧបត្ថម្ភ និងសហការផ្ទាល់ពីមូលនិធិ ម៉េងលី ជេ. គួច ។
គួររម្លឹកជូនដែរថា ដោយមើលឃើញពីទឹកចិត្តសប្បុរសធម៌របស់លោកឧកញ៉ារូបនេះ ប្រជាពលរដ្ឋនៅតំបន់នោះបានស្នើប្ដូរឈ្មោះពីសាលាបឋមសិក្សាទួលបេងទៅជា សាលាបឋមសិក្សា គួច ម៉េងលី ទួលបេង វិញ។ ជាលទ្ធផល សាលាបឋមសិក្សាទួលបេង ត្រូវបានប្ដូរឈ្មោះទៅជា សាលាបឋមសិក្សា គួច ម៉េងលី ទួលបេង ចាប់ពីឆ្នាំសិក្សា២០១៦-២០១៧ នេះតទៅ ដោយប្រកាស លេខ៨៧២ អយក.ប្រក របស់រដ្ឋមន្ត្រីក្រសួងអប់រំ យុវជន និងកីឡា ចុះថ្ងៃទី១២ ខែកញ្ញា ឆ្នាំ២០១៦ ៕
(អត្ថបទសាលា)
© រក្សាសិទ្ធិដោយ thmeythmey.com
