ពីនេះ ពីនោះ
តើការនិយាយថា «រូបបដិមាករ» ត្រូវ ឬមួយក៏ខុស?
× ភ្នំពេញ៖ មនុស្សភាគច្រើនតែងតែនិយាយថា «រូបបដិមាករ» នៅពេលដែលឃើញរូបសំណាកណាមួយជាដើម។ ប៉ុន្តែការនិយាយបែបទំនងមិនត្រឹមត្រូវនោះទេ ព្រោះដោយសារ ពាក្យ«បដិមាករ» មានអត្ថន័យសំដៅលើមនុស្ស មិនមែនរូបសំណាក។ ផ្អែកតាមវចនានុក្រមខ្មែររបស់សម្ដេចព្រះសង្ឃរាជ ជួន ណាត សាធារណជនត្រូវស្វែងយល់ពីអត្ថន័យរវាងពាក្យថា «បដិមា» និងពាក្យថា «បដិមាករ»។
ពាក្យ«បដិមា»មានថ្នាក់ពាក្យជានាម មានន័យថា រូបប្រៀប, រូបសំណាក, រូបជាតំណាងៈ ព្រះបដិមា ឬព្រះពុទ្ធបដិមា(ព្រះពុទ្ធរូប) ជាដើម។ ដោយឡែកពាក្យ «បដិមាករ» មានថ្នាក់ពាក្យជានាមដូចគ្នា មានន័យថា អ្នកធ្វើរូបប្រៀប, ជាងធ្វើរូបប្រៀប ឬអាចនិយាយឲ្យសាមញ្ញ ជាងធ្វើរូបបដិមា ឬរូបសំណាក។
ដកស្រង់ពីវចនានុក្រមសម្ដេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com