ជាតិ
សេដ្ឋកិច្ច
លោក លី យ៉ុងផាត់ និងវិនិយោគិនចិន គ្រោងចុះកិច្ចព្រមព្រៀងសាងសង់ទីក្រុងមិត្តភាពកម្ពុជា-ចិន
រូបថតពីទូរទស្សន៍ PNN របស់លោក លី យ៉ុងផាត់
×![]()
ភ្នំពេញ៖ ក្រុមហ៊ុន LYP Group និងក្រុមហ៊ុនចិន គ្រោងវិនិយោគរួមគ្នាសាងសង់ទីក្រុងមិត្តភាពកម្ពុជា-ចិន ដែលមានទីតាំងស្ថិតក្នុងទីក្រុងរណបរបស់ លោក លី យ៉ុងផាត់ ។
លោក លី យ៉ុងផាត់ ប្រធានក្រុមហ៊ុន LYP Group ត្រូវបានកាសែតភ្នំពេញប៉ុស្តិ៍ដកស្រង់សំដីថា ទីក្រុង មិត្តភាពកម្ពុជា-ចិន នឹងត្រូវបានសាងសង់ក្នុងដំណាក់កាលដំបូងលើផ្ទៃដី ៥៥០ហិកតា ដែលស្ថិតក្នុងទីក្រុងរណបរបស់ក្រុមហ៊ុនលោក ស្ថិតនៅក្នុងខណ្ឌជ្រោយចង្វារ ។ លោកបញ្ជាក់ថា គម្រោងនេះគឺជាការវិនិយោគរួមរវាងក្រុមហ៊ុនលោក និងក្រុមហ៊ុនចិន CMIG ដោយលោករំពឹងថា កិច្ចព្រមព្រៀងវិនិយោគរួមនេះនឹងត្រូវចុះហត្ថលេខានៅថ្ងៃទី១ខែធ្នូ ក្នុងអំឡុងវេទិការធុរកិច្ចកំពុលកម្ពុជា-ចិន។ លោក លី យ៉ុងផាត់ អះអាងថា នឹងមានការពិភាក្សាស៊ីជម្រៅអំពីកម្រោងនេះ នៅក្រោយពិធីចុះហត្ថលេខា។
ចំពោះទឹកប្រាក់វិនិយោគគម្រោងនេះ ត្រូវបាន លោក សេង ញ៉ក់ នាយកប្រតិបត្តិ LYP Group និងជាអគ្គនាយក្រុមហ៊ុន Phnom Penh Sugar លាតត្រដាង។ លោក សេង ញ៉ក់ ដែលត្រូវបានទូរទស្សន៍ PNN ស្រង់សំដីបានឲ្យដឹងថា គម្រោងវិនិយោគនេះមានទឹកប្រាក់ប្រហែល ១៥០០ លានដុល្លារ ដោយក្រុមហ៊ុនទាំងពីរគ្រោងសាងសង់សាលារៀន ផ្សារទំនើប ឡូជីស្ទីកសេនធឺរ កន្លែងតាំងពិព័រណ៌ និងគម្រោងផ្សេងៗទៀត នៅក្នុងទីក្រុងមិត្តភាពកម្ពុជា-ចិននេះ។
បើតាមរបាយការណ៍របស់ក្រុមប្រឹក្សាវិនិយោគកម្ពុជា (CDC) ក្រុមហ៊ុនចិន គឺជាវិនិយោគិនបរទេសធំជាងគេក្នុងរយៈពេលប៉ុន្មានឆ្នាំចុងក្រោយនេះ ដោយកាលពីឆ្នាំ ២០១៥ កន្លងទៅ ទំហំទឹកប្រាក់នៃការវិនិយោគនៅកម្ពុជារបស់វិនិយោគិនចិនមានចំនួន ៨៥៦ លានដុល្លារ ។ ដោយឡែកតួលេខក្រសួងទេសចរណ៍បង្ហាញថា ភ្ញៀវទេសចរចិនបានមកទស្សនានៅកម្ពុជាចំនួន ៦៩ ម៉ឺននាក់ កាលពីឆ្នាំ២០១៥ ហើយរដ្ឋាភិបាលបានកំណត់ទិសដៅទាក់ទាញទេសចរចិនចំនួន ២ លាននាក់នៅឆ្នាំ២០២០ ៕
លោក លី យ៉ុងផាត់ ប្រធានក្រុមហ៊ុន LYP Group ត្រូវបានកាសែតភ្នំពេញប៉ុស្តិ៍ដកស្រង់សំដីថា ទីក្រុង មិត្តភាពកម្ពុជា-ចិន នឹងត្រូវបានសាងសង់ក្នុងដំណាក់កាលដំបូងលើផ្ទៃដី ៥៥០ហិកតា ដែលស្ថិតក្នុងទីក្រុងរណបរបស់ក្រុមហ៊ុនលោក ស្ថិតនៅក្នុងខណ្ឌជ្រោយចង្វារ ។ លោកបញ្ជាក់ថា គម្រោងនេះគឺជាការវិនិយោគរួមរវាងក្រុមហ៊ុនលោក និងក្រុមហ៊ុនចិន CMIG ដោយលោករំពឹងថា កិច្ចព្រមព្រៀងវិនិយោគរួមនេះនឹងត្រូវចុះហត្ថលេខានៅថ្ងៃទី១ខែធ្នូ ក្នុងអំឡុងវេទិការធុរកិច្ចកំពុលកម្ពុជា-ចិន។ លោក លី យ៉ុងផាត់ អះអាងថា នឹងមានការពិភាក្សាស៊ីជម្រៅអំពីកម្រោងនេះ នៅក្រោយពិធីចុះហត្ថលេខា។
ចំពោះទឹកប្រាក់វិនិយោគគម្រោងនេះ ត្រូវបាន លោក សេង ញ៉ក់ នាយកប្រតិបត្តិ LYP Group និងជាអគ្គនាយក្រុមហ៊ុន Phnom Penh Sugar លាតត្រដាង។ លោក សេង ញ៉ក់ ដែលត្រូវបានទូរទស្សន៍ PNN ស្រង់សំដីបានឲ្យដឹងថា គម្រោងវិនិយោគនេះមានទឹកប្រាក់ប្រហែល ១៥០០ លានដុល្លារ ដោយក្រុមហ៊ុនទាំងពីរគ្រោងសាងសង់សាលារៀន ផ្សារទំនើប ឡូជីស្ទីកសេនធឺរ កន្លែងតាំងពិព័រណ៌ និងគម្រោងផ្សេងៗទៀត នៅក្នុងទីក្រុងមិត្តភាពកម្ពុជា-ចិននេះ។
បើតាមរបាយការណ៍របស់ក្រុមប្រឹក្សាវិនិយោគកម្ពុជា (CDC) ក្រុមហ៊ុនចិន គឺជាវិនិយោគិនបរទេសធំជាងគេក្នុងរយៈពេលប៉ុន្មានឆ្នាំចុងក្រោយនេះ ដោយកាលពីឆ្នាំ ២០១៥ កន្លងទៅ ទំហំទឹកប្រាក់នៃការវិនិយោគនៅកម្ពុជារបស់វិនិយោគិនចិនមានចំនួន ៨៥៦ លានដុល្លារ ។ ដោយឡែកតួលេខក្រសួងទេសចរណ៍បង្ហាញថា ភ្ញៀវទេសចរចិនបានមកទស្សនានៅកម្ពុជាចំនួន ៦៩ ម៉ឺននាក់ កាលពីឆ្នាំ២០១៥ ហើយរដ្ឋាភិបាលបានកំណត់ទិសដៅទាក់ទាញទេសចរចិនចំនួន ២ លាននាក់នៅឆ្នាំ២០២០ ៕
Tag:
ទីក្រុងមិត្តភាពកម្ពុជា-ចិន
លី យ៉ុងផាត់
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ម៉ោង
