ពីនេះ ពីនោះ
អ្នកខ្លះអួតថាខ្លួនគិតពីប្រទេសជាតិណាស់ តែមិនខ្វល់ពីការចុះឈ្មោះបោះឆ្នោត!
×![]()
ដោយ: ថ្មីៗ
លិខិតមិត្តអ្នកអាន
ភ្នំពេញ៖ ប្រជាពលរដ្ឋខ្លះ សម្តែងក្តីកង្វល់ថា ប្រទេសជាតិ អាចនឹងកើតចលាចល ប្រសិនបើផ្លាស់ប្តូរមេដឹកនាំ។ អ្នកខ្លះទៀត អះអាងថា មានតែអ្នកដឹកនាំបច្ចុប្បន្នទេ ដែលអាចរក្សាសន្តិភាព និងបន្តអភិវឌ្ឍប្រទេសបាន។ តាមរយៈពាក្យសម្តីនិងកាយវិការ អ្នកទាំងនោះ ធ្វើដូចជាភ័យព្រួយពីប្រទេសជាតិខ្លាំងណាស់។ តែតាមពិត ក្នុងចំណោមពួកគេ អ្នកខ្លះ ទំទងជាមិនទាន់ទៅចុះឈ្មោះបោះឆ្នោតផង។
បើគ្រាន់តែទៅចុះឈ្មោះបោះឆ្នោត អ្នកមិនទាន់អាចធ្វើបានផង តើឲ្យគេជឿថា អ្នកជាបុគ្គល ដែលគិតគូពីប្រទេសជាតិយ៉ាងដូចម្តេច។ អ្នកដទៃ អាចនឹងពេបជ្រាយឬមើលងាយអ្នកក្នុងចិត្ត នៅពេលដឹងថា អ្នកមិនទាន់ទៅចុះឈ្មោះបោះឆ្នោត តែបែរជាប្រឹងនិយាយរឿងប្រទេសជាតិ និងរិះគន់អ្នកនយោបាយបែបនេះ ឬបែបនោះ។
ប្រសិនបើ មិនពេញចិត្តគណបក្សកាន់អំណាចបច្ចុប្បន្ន អ្នក អាចទៅចុះឈ្មោះបោះឆ្នោត ដើម្បីមានសិទ្ធបោះឆ្នោត ជូនគណបក្សនយោបាយណា ដែលអ្នកគាំទ្រ ឲ្យទៅដឹកនាំប្រទេសម្តង។ អ្នក មិនអាចផ្លាស់ប្តូររដ្ឋាភិបាលបច្ចុប្បន្ន តាមវិធីណាផ្សេង ក្រៅពីការបោះឆ្នោតនោះទេ។
ប៉ុន្តែ ប្រសិនបើភ័យព្រួយថា ប្រទេស អាចមានភាពវឹកវរ ឬបាត់បង់សុខសន្តិភាព ពេលគណបក្សប្រឆាំងឈ្នះឆ្នោត នោះអ្នក ក៏ត្រូវតែទៅចុះឈ្មោះបោះឆ្នោតដូចគ្នា ដើម្បីបោះឆ្នោតគាំទ្រគណបក្សកាន់អំណាច ឲ្យដឹកនាំប្រទេសតទៅទៀត។
អ្នកគ្រប់គ្នា បានត្រឹមតែរិះគន់អ្នកនយោបាយ ដើម្បីឲ្យកែប្រែកំហុសអ្វីមួយ ប៉ុណ្ណោះ។ តែអំណាចពិតប្រាកដ ដើម្បីផ្លាស់ប្តូរអ្នកដឹកនាំ ឬបន្តគាំទ្រអ្នកដឹកនាំ គឺស្ថិតលើសន្លឹកឆ្នោតរបស់អ្នក។
ដូច្នេះ អ្នកគប្បីទៅចុះឈ្មោះបោះឆ្នោត ដើម្បីមានឱកាសជ្រើសរើសអ្នកនយោបាយរូបណា ដែលអ្នកពេញចិត្ត ឲ្យទៅដឹកនាំប្រទេស។ ផ្ទុយមកវិញ បើអ្នក មិនមានឈ្មោះក្នុងបញ្ជីបោះឆ្នោតនោះទេ អ្នកនឹងបាត់បង់សិទ្ធិ ក្នុងការជ្រើសរើសអ្នកនយោបាយ។
បើតាមទិន្នន័យពីគណៈកម្មាធិការជាតិរៀបចំការបោះឆ្នោត (គ.ជ.ប) ប្រជាពលរដ្ឋ ជាង៧លាននាក់ បានទៅចុះឈ្មោះឆ្នោត។ ចំណែកឯ ប្រជាពលរដ្ឋជាង ២លាននាក់ទៀត នៅមិនទាន់ទៅចុះឈ្មោះបោះឆ្នោតនៅឡើយទេ ខណៈការចុះឈ្មោះបោះឆ្នោត នឹងត្រូវបិទបញ្ចប់នៅទី២៩ ខែវិច្ឆិកា ឆ្នាំ២០១៦នេះ។
ផ្នែកលើប្រភពពីគ.ជ.ប ដដែល ប្រជាពលរដ្ឋជាង១លាននាក់ ដែលគ្រប់អាយុបោះឆ្នោត តែមិនទាន់ទៅចុះឈ្មោះបោះឆ្នោត គឺជាអ្នកចំណាក់ស្រុក។ ច្បាប់បោះឆ្នោតបច្ចុប្បន្ន មិនអនុញ្ញាតឲ្យរៀបចំការិយាល័យចុះឈ្មោះបោះឆ្នោត នៅតាមស្ថានទូតឬស្ថានអគ្គកុងសុល សម្រាប់ប្រជាពលរដ្ឋខ្មែរ ដែលកំពុងរស់នៅក្នុងប្រទេសនានា នោះទេ។ ជាងនេះទៀត សូម្បីតែការពង្រាយការិយាល័យចុះឈ្មោះបោះឆ្នោត នៅតាមព្រំដែន ក៏មិនទាន់មានចែកក្នុងច្បាប់ដែរ។ ដូច្នេះ វា ជាការលំបាកសម្រាប់ប្រជាពលរដ្ឋ ដែលទៅរស់នៅឯប្រទេសក្រៅ ហើយត្រឡប់មកចុះឈ្មោះបោះឆ្នោតនៅប្រទេសកម្ពុជា។
ដោយឡែក ប្រជាពលរដ្ឋ ជាង១លាននាក់ទៀត ដែលគ្រប់អាយុបោះឆ្នោត ហើយកំពុងរស់នៅក្នុងប្រទេសកម្ពុជា ហេតុអ្វីមិនព្រមទៅចុះឈ្មោះបោះឆ្នោត?
បើទោះបីជាអ្នកជាប់រវល់យ៉ាងណា ក៏គួរតែមានពេលដែរ ព្រោះការចុះឈ្មោះបោះឆ្នោត មានរយៈពេល៣ខែឯណោះ។ ការ លើកហេតុផលថា មិនបានទៅចុះឈ្មោះបោះឆ្នោត ព្រោះតែជាប់រវល់ក្នុងកិច្ចការផ្សេងៗ គឺគ្រាន់តែជាលេសរបស់អ្នក ប៉ុណ្ណោះ។
ជាការពិត អ្នកអាចមិនទៅចុះឈ្មោះបោះឆ្នោត ហើយក៏មិនចាំបាច់បោះឆ្នោតដែរ ព្រោះវា ជាសិទ្ធិរបស់អ្នក។ ម្យ៉ាងទៀត ច្បាប់ ក៏មិនបានចែងពីទោសទណ្ឌទៅលើអ្នក ដែលមិនទៅចុះឈ្មោះបោះឆ្នោតដែរ។ តែបើប្រទេស មានអ្នកដឹកនាំ ដែលមិនគិតគូប្រយោជន៍ជាតិ ហើយថែមទាំងធ្វើបាបប្រជាពលរដ្ឋទៀតនោះ អ្នកមិនចាំចាំបាច់ មកធ្វើជាឈឺចាប់ ឬស្រែកតវ៉ាអ្វីឡើយ ពីព្រោះថាអ្នក ក៏មានឱកាសក្នុងការជ្រើសរើសអ្នកដឹកនាំដែរ តែអ្នកខ្លួនឯងទេ ដែលព្រងើយកន្តើយ។
ណាស់ហើយ កុំឲ្យគេសើចអកច្រើនពេក ឆាប់ទៅចុះឈ្មោះបោះឆ្នោតភ្លាមទៅ ទាន់មានឱកាស! ពេញចិត្តឬមិនពេញបក្សណា គឺសម្រេចដោយសន្លឹកឆ្នោតរបស់អ្នកឯណោះទេ មិនមែនអាស្រ័យលើការស្រែករិះគន់ឡើយ!
ពីខ្ញុំ ម៉ៅ ចាន់សុភក្ត្រ ខេត្តកំពង់ស្ពឺ
ភ្នំពេញ៖ ប្រជាពលរដ្ឋខ្លះ សម្តែងក្តីកង្វល់ថា ប្រទេសជាតិ អាចនឹងកើតចលាចល ប្រសិនបើផ្លាស់ប្តូរមេដឹកនាំ។ អ្នកខ្លះទៀត អះអាងថា មានតែអ្នកដឹកនាំបច្ចុប្បន្នទេ ដែលអាចរក្សាសន្តិភាព និងបន្តអភិវឌ្ឍប្រទេសបាន។ តាមរយៈពាក្យសម្តីនិងកាយវិការ អ្នកទាំងនោះ ធ្វើដូចជាភ័យព្រួយពីប្រទេសជាតិខ្លាំងណាស់។ តែតាមពិត ក្នុងចំណោមពួកគេ អ្នកខ្លះ ទំទងជាមិនទាន់ទៅចុះឈ្មោះបោះឆ្នោតផង។
បើគ្រាន់តែទៅចុះឈ្មោះបោះឆ្នោត អ្នកមិនទាន់អាចធ្វើបានផង តើឲ្យគេជឿថា អ្នកជាបុគ្គល ដែលគិតគូពីប្រទេសជាតិយ៉ាងដូចម្តេច។ អ្នកដទៃ អាចនឹងពេបជ្រាយឬមើលងាយអ្នកក្នុងចិត្ត នៅពេលដឹងថា អ្នកមិនទាន់ទៅចុះឈ្មោះបោះឆ្នោត តែបែរជាប្រឹងនិយាយរឿងប្រទេសជាតិ និងរិះគន់អ្នកនយោបាយបែបនេះ ឬបែបនោះ។
ប្រសិនបើ មិនពេញចិត្តគណបក្សកាន់អំណាចបច្ចុប្បន្ន អ្នក អាចទៅចុះឈ្មោះបោះឆ្នោត ដើម្បីមានសិទ្ធបោះឆ្នោត ជូនគណបក្សនយោបាយណា ដែលអ្នកគាំទ្រ ឲ្យទៅដឹកនាំប្រទេសម្តង។ អ្នក មិនអាចផ្លាស់ប្តូររដ្ឋាភិបាលបច្ចុប្បន្ន តាមវិធីណាផ្សេង ក្រៅពីការបោះឆ្នោតនោះទេ។
ប៉ុន្តែ ប្រសិនបើភ័យព្រួយថា ប្រទេស អាចមានភាពវឹកវរ ឬបាត់បង់សុខសន្តិភាព ពេលគណបក្សប្រឆាំងឈ្នះឆ្នោត នោះអ្នក ក៏ត្រូវតែទៅចុះឈ្មោះបោះឆ្នោតដូចគ្នា ដើម្បីបោះឆ្នោតគាំទ្រគណបក្សកាន់អំណាច ឲ្យដឹកនាំប្រទេសតទៅទៀត។
អ្នកគ្រប់គ្នា បានត្រឹមតែរិះគន់អ្នកនយោបាយ ដើម្បីឲ្យកែប្រែកំហុសអ្វីមួយ ប៉ុណ្ណោះ។ តែអំណាចពិតប្រាកដ ដើម្បីផ្លាស់ប្តូរអ្នកដឹកនាំ ឬបន្តគាំទ្រអ្នកដឹកនាំ គឺស្ថិតលើសន្លឹកឆ្នោតរបស់អ្នក។
ដូច្នេះ អ្នកគប្បីទៅចុះឈ្មោះបោះឆ្នោត ដើម្បីមានឱកាសជ្រើសរើសអ្នកនយោបាយរូបណា ដែលអ្នកពេញចិត្ត ឲ្យទៅដឹកនាំប្រទេស។ ផ្ទុយមកវិញ បើអ្នក មិនមានឈ្មោះក្នុងបញ្ជីបោះឆ្នោតនោះទេ អ្នកនឹងបាត់បង់សិទ្ធិ ក្នុងការជ្រើសរើសអ្នកនយោបាយ។
បើតាមទិន្នន័យពីគណៈកម្មាធិការជាតិរៀបចំការបោះឆ្នោត (គ.ជ.ប) ប្រជាពលរដ្ឋ ជាង៧លាននាក់ បានទៅចុះឈ្មោះឆ្នោត។ ចំណែកឯ ប្រជាពលរដ្ឋជាង ២លាននាក់ទៀត នៅមិនទាន់ទៅចុះឈ្មោះបោះឆ្នោតនៅឡើយទេ ខណៈការចុះឈ្មោះបោះឆ្នោត នឹងត្រូវបិទបញ្ចប់នៅទី២៩ ខែវិច្ឆិកា ឆ្នាំ២០១៦នេះ។
ផ្នែកលើប្រភពពីគ.ជ.ប ដដែល ប្រជាពលរដ្ឋជាង១លាននាក់ ដែលគ្រប់អាយុបោះឆ្នោត តែមិនទាន់ទៅចុះឈ្មោះបោះឆ្នោត គឺជាអ្នកចំណាក់ស្រុក។ ច្បាប់បោះឆ្នោតបច្ចុប្បន្ន មិនអនុញ្ញាតឲ្យរៀបចំការិយាល័យចុះឈ្មោះបោះឆ្នោត នៅតាមស្ថានទូតឬស្ថានអគ្គកុងសុល សម្រាប់ប្រជាពលរដ្ឋខ្មែរ ដែលកំពុងរស់នៅក្នុងប្រទេសនានា នោះទេ។ ជាងនេះទៀត សូម្បីតែការពង្រាយការិយាល័យចុះឈ្មោះបោះឆ្នោត នៅតាមព្រំដែន ក៏មិនទាន់មានចែកក្នុងច្បាប់ដែរ។ ដូច្នេះ វា ជាការលំបាកសម្រាប់ប្រជាពលរដ្ឋ ដែលទៅរស់នៅឯប្រទេសក្រៅ ហើយត្រឡប់មកចុះឈ្មោះបោះឆ្នោតនៅប្រទេសកម្ពុជា។
ដោយឡែក ប្រជាពលរដ្ឋ ជាង១លាននាក់ទៀត ដែលគ្រប់អាយុបោះឆ្នោត ហើយកំពុងរស់នៅក្នុងប្រទេសកម្ពុជា ហេតុអ្វីមិនព្រមទៅចុះឈ្មោះបោះឆ្នោត?
បើទោះបីជាអ្នកជាប់រវល់យ៉ាងណា ក៏គួរតែមានពេលដែរ ព្រោះការចុះឈ្មោះបោះឆ្នោត មានរយៈពេល៣ខែឯណោះ។ ការ លើកហេតុផលថា មិនបានទៅចុះឈ្មោះបោះឆ្នោត ព្រោះតែជាប់រវល់ក្នុងកិច្ចការផ្សេងៗ គឺគ្រាន់តែជាលេសរបស់អ្នក ប៉ុណ្ណោះ។
ជាការពិត អ្នកអាចមិនទៅចុះឈ្មោះបោះឆ្នោត ហើយក៏មិនចាំបាច់បោះឆ្នោតដែរ ព្រោះវា ជាសិទ្ធិរបស់អ្នក។ ម្យ៉ាងទៀត ច្បាប់ ក៏មិនបានចែងពីទោសទណ្ឌទៅលើអ្នក ដែលមិនទៅចុះឈ្មោះបោះឆ្នោតដែរ។ តែបើប្រទេស មានអ្នកដឹកនាំ ដែលមិនគិតគូប្រយោជន៍ជាតិ ហើយថែមទាំងធ្វើបាបប្រជាពលរដ្ឋទៀតនោះ អ្នកមិនចាំចាំបាច់ មកធ្វើជាឈឺចាប់ ឬស្រែកតវ៉ាអ្វីឡើយ ពីព្រោះថាអ្នក ក៏មានឱកាសក្នុងការជ្រើសរើសអ្នកដឹកនាំដែរ តែអ្នកខ្លួនឯងទេ ដែលព្រងើយកន្តើយ។
ណាស់ហើយ កុំឲ្យគេសើចអកច្រើនពេក ឆាប់ទៅចុះឈ្មោះបោះឆ្នោតភ្លាមទៅ ទាន់មានឱកាស! ពេញចិត្តឬមិនពេញបក្សណា គឺសម្រេចដោយសន្លឹកឆ្នោតរបស់អ្នកឯណោះទេ មិនមែនអាស្រ័យលើការស្រែករិះគន់ឡើយ!
ពីខ្ញុំ ម៉ៅ ចាន់សុភក្ត្រ ខេត្តកំពង់ស្ពឺ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 24 ម៉ោង
