ពីនេះ ពីនោះ
ពាក្យ «សង្សា»និង «សង្សារ» មួយណាទើបត្រឹមត្រូវតាមវចនានុក្រមខ្មែរ?
× ភ្នំពេញ៖ សាធារណជនមួយចំនួន នៅតែមានការជជែកគ្នាពីការសរសេរពាក្យ«សង្សា»និង «សង្សារ» ដោយអ្នកខ្លះអះអាងថា ពាក្យនេះសរសេរមានព្យញ្ជនៈ«រ» ខ្លះទៀតអះអាងថាពាក្យនេះគ្មានព្យញ្ជនៈ«រ»ទេ។ តាមពិតពាក្យដែលត្រឹមត្រូវ គឺត្រូវសរសេរមានព្យញ្ជនៈ«រ» ។
វចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ថា ពាក្យដែលត្រឹមត្រូវសរសេរជា«សង្សារ» គឺមានព្យញ្ជនៈ«រ»។ ពាក្យនេះមានថ្នាក់ពាក្យជានាម មានន័យថា ដំណើរអន្ទោលទៅមក, ដំណើរអន្ទោលកើតស្លាប់មិនឈប់មិនសម្រាក។ ឧទាហរណ៍៖ សង្សាររបស់ពួកពាល វែងឆ្ងាយឥតអ្វីប្រៀប។
ប៉ុន្តែ ខ្មែរយើងច្រើនប្រើពាក្យនេះសំដៅសេចក្តីថា «ស្ត្រីជាគូកំសត់, ស្ត្រីជាសហាយស្មន់»។ ឧទាហរណ៍៖ ស្រីនុ៎ះជាសង្សាររបស់គេ។
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com