អន្តរជាតិ
នាយករដ្ឋមន្ត្រីថៃ ចេញបញ្ជាប្រមូលឈ្មោះអ្នកជំនួញពូកែសូកប៉ាន់ពុករលួយ ដាក់បញ្ជីខ្មៅ
នាយករដ្ឋមន្ត្រីថៃ ប្រាយុទ្ធ ចន្ទអូចា (រូបភាព Xinhua)
×![]()
ដោយ: តន ចាន់រិទ្ធារ៉ា
រដ្ឋាភិបាលយោធាថៃរបស់នាយករដ្ឋមន្ត្រី ប្រាយុទ្ធ ចន្ទអូចា នឹងចាប់ផ្ដើមប្រមូលឈ្មោះអ្នកជំនួញទាំងឡាយណាដែលពាក់ព័ន្ធនឹងការសូកប៉ាន់ និងអំពើពុករលួយក្នុងការទទួលបានគម្រោងរបស់រដ្ឋ ដើម្បីដាក់ក្នុងបញ្ជីខ្មៅ។ នេះជាចំណាត់ការថ្មីរបស់រដ្ឋាភិបាលថៃក្នុងការបោសសម្អាតអំពើពុករលួយពីក្នុងគម្រោងរដ្ឋាភិបាល ដែលជាផ្នែកនៃការលុបបំបាត់អំពើពុករលួយនៅទូទាំងប្រទេសផងដែរ។
ប្រមុខរដ្ឋាភិបាលថៃ ឧត្តមសេនីយ៍ ប្រាយុទ្ធ ចន្ទអូចា នៅថ្ងៃទី១៩ ខែធ្នូ បានចូលរួមកិច្ចប្រជុំនៃគណៈកម្មាធិការប្រឆាំងអំពើពុករលួយរបស់ថៃ។ ពីកិច្ចប្រជុំនេះ នាយករដ្ឋមន្ត្រីថៃរូបនេះ បានដាក់ចេញវិធានការថ្មី ដើម្បីបោសសម្អាតអំពើពុករលួយក្នុងការដេញថ្លៃយកគម្រោងនានារបស់រដ្ឋាភិបាលពីសំណាក់ក្រុមឈ្មួញដែលមានលុយ។
លោក Sangsit Piriyasangsan សមាជិកគណៈកម្មាធិការខាងលើនិយាយថា នាយករដ្ឋមន្ត្រី ប្រាយុទ្ធ បានណែនាំឲ្យប្រមូលឈ្មោះអ្នកជំនួញទាំងឡាយណាដែលជាប់ពាក់ព័ន្ធនឹងការសូកប៉ាន់ និងអំពើពុករលួយដើម្បីទទួលបានគម្រោងរបស់រដ្ឋ ហើយដាក់ឈ្មោះពួកគេក្នុងបញ្ជីខ្មៅ និងហាមពួកគេចូលរួមដេញថ្លៃគម្រោងលើកក្រោយៗទៀត។ នាយកដ្ឋានជម្រះបញ្ជី នឹងជួយផ្ដល់ទិន្នន័យគម្រោងរបស់រដ្ឋដែលត្រូវផ្ដល់ឲ្យអ្នកជំនួញទាំងអស់។
កាសែតបាងកកប៉ុស្តិ៍ផ្សាយថា នាយករដ្ឋមន្ត្រីថៃ ក៏បានចេញបញ្ជាឲ្យគណៈកម្មាធិការនេះ ដោះស្រាយករណីពុករលួយជាច្រើន ដែលបានបំផ្លាញប្រទេសធ្ងន់ធ្ងរ ដូចជាករណីទទួលប្រាក់សំណូកពីសំណាក់មន្ត្រីមូលដ្ឋានលើគម្រោងលំនៅដ្ឋានមានតម្លៃទាបនៅតំបន់ Baan Eua-arthorn ជាដើម។ គណៈកម្មាធិការនេះ ក៏មានត្រូវរាយការណ៍ពីដំណើរការរបស់ខ្លួនទៅកាន់កិច្ចប្រជុំបន្ទាប់ដែរ។
តាមពិតទៅ ការបញ្ចេញកណ្ដាប់ដៃបោសសម្អាតអំពើពុករលួយនេះ គឺដើម្បីទទួលបានចំណាត់ល្អប្រសើរលើតារាងសន្ទស្សន៍អំពើពុករលួយរបស់អង្គការតម្លាភាពអន្តរជាតិ។ ចំណាត់ការជាច្រើនត្រូវបានដាក់ចេញរួមទាំងការបង្កើតគណៈកម្មាធិការមួយដើម្បីត្រួតពិនិត្យលើកិច្ចការនេះ។ ថៃ មិនមានចំណាត់ថ្នាក់ល្អឡើយលើតារាងនេះ ដោយឆ្នាំ២០១៤មានលេខរៀងទី៨៥ ក្នុងចំណោម១៧៥ប្រទេស និងទី៧៦ ក្នុងចំណោម១៦៨ប្រទេស។
លោក Prayong Preeyajit ដែលជាអគ្គលេខាធិការគណៈកម្មការប្រឆាំងអំពើពុករលួយលើវិស័យសាធារណៈ និយាយថា នាពេលកន្លងមក នាយករដ្ឋមន្ត្រី ប្រាយុទ្ធ បានចេញបញ្ជាចំនួន៩ ក្រោមមាត្រា៤៤នៃរដ្ឋធម្មនុញ្ញបណ្ដោះអាសន្ន ដើម្បីបើកការស៊ើបអង្កេតករណីពុករលួយលើមន្ត្រីចំនូន៣៥៣នាក់ ។ ក្នុងនោះ មន្ត្រីចំនួន៩៨ នាក់ ត្រូវបានដាក់ពិន័យ និងបណ្ដេញចេញពីការងាររួចហើយដែរ៕
ប្រមុខរដ្ឋាភិបាលថៃ ឧត្តមសេនីយ៍ ប្រាយុទ្ធ ចន្ទអូចា នៅថ្ងៃទី១៩ ខែធ្នូ បានចូលរួមកិច្ចប្រជុំនៃគណៈកម្មាធិការប្រឆាំងអំពើពុករលួយរបស់ថៃ។ ពីកិច្ចប្រជុំនេះ នាយករដ្ឋមន្ត្រីថៃរូបនេះ បានដាក់ចេញវិធានការថ្មី ដើម្បីបោសសម្អាតអំពើពុករលួយក្នុងការដេញថ្លៃយកគម្រោងនានារបស់រដ្ឋាភិបាលពីសំណាក់ក្រុមឈ្មួញដែលមានលុយ។
លោក Sangsit Piriyasangsan សមាជិកគណៈកម្មាធិការខាងលើនិយាយថា នាយករដ្ឋមន្ត្រី ប្រាយុទ្ធ បានណែនាំឲ្យប្រមូលឈ្មោះអ្នកជំនួញទាំងឡាយណាដែលជាប់ពាក់ព័ន្ធនឹងការសូកប៉ាន់ និងអំពើពុករលួយដើម្បីទទួលបានគម្រោងរបស់រដ្ឋ ហើយដាក់ឈ្មោះពួកគេក្នុងបញ្ជីខ្មៅ និងហាមពួកគេចូលរួមដេញថ្លៃគម្រោងលើកក្រោយៗទៀត។ នាយកដ្ឋានជម្រះបញ្ជី នឹងជួយផ្ដល់ទិន្នន័យគម្រោងរបស់រដ្ឋដែលត្រូវផ្ដល់ឲ្យអ្នកជំនួញទាំងអស់។
កាសែតបាងកកប៉ុស្តិ៍ផ្សាយថា នាយករដ្ឋមន្ត្រីថៃ ក៏បានចេញបញ្ជាឲ្យគណៈកម្មាធិការនេះ ដោះស្រាយករណីពុករលួយជាច្រើន ដែលបានបំផ្លាញប្រទេសធ្ងន់ធ្ងរ ដូចជាករណីទទួលប្រាក់សំណូកពីសំណាក់មន្ត្រីមូលដ្ឋានលើគម្រោងលំនៅដ្ឋានមានតម្លៃទាបនៅតំបន់ Baan Eua-arthorn ជាដើម។ គណៈកម្មាធិការនេះ ក៏មានត្រូវរាយការណ៍ពីដំណើរការរបស់ខ្លួនទៅកាន់កិច្ចប្រជុំបន្ទាប់ដែរ។
តាមពិតទៅ ការបញ្ចេញកណ្ដាប់ដៃបោសសម្អាតអំពើពុករលួយនេះ គឺដើម្បីទទួលបានចំណាត់ល្អប្រសើរលើតារាងសន្ទស្សន៍អំពើពុករលួយរបស់អង្គការតម្លាភាពអន្តរជាតិ។ ចំណាត់ការជាច្រើនត្រូវបានដាក់ចេញរួមទាំងការបង្កើតគណៈកម្មាធិការមួយដើម្បីត្រួតពិនិត្យលើកិច្ចការនេះ។ ថៃ មិនមានចំណាត់ថ្នាក់ល្អឡើយលើតារាងនេះ ដោយឆ្នាំ២០១៤មានលេខរៀងទី៨៥ ក្នុងចំណោម១៧៥ប្រទេស និងទី៧៦ ក្នុងចំណោម១៦៨ប្រទេស។
លោក Prayong Preeyajit ដែលជាអគ្គលេខាធិការគណៈកម្មការប្រឆាំងអំពើពុករលួយលើវិស័យសាធារណៈ និយាយថា នាពេលកន្លងមក នាយករដ្ឋមន្ត្រី ប្រាយុទ្ធ បានចេញបញ្ជាចំនួន៩ ក្រោមមាត្រា៤៤នៃរដ្ឋធម្មនុញ្ញបណ្ដោះអាសន្ន ដើម្បីបើកការស៊ើបអង្កេតករណីពុករលួយលើមន្ត្រីចំនូន៣៥៣នាក់ ។ ក្នុងនោះ មន្ត្រីចំនួន៩៨ នាក់ ត្រូវបានដាក់ពិន័យ និងបណ្ដេញចេញពីការងាររួចហើយដែរ៕
Tag:
ថៃ
ប្រាយុទ្ធ ចន្ទអូចា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
