អន្តរជាតិ
មេដឹកនាំឡាវឈប់ជិះឡានស៊េរីទំនើបនិងប្ដូរជិះឡានតម្លៃថោក ដើម្បីសន្សំលុយដ្ឋ
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីឡាវ ថងលូន ស៊ីសូលីត (Thongloun Sisoulith) បានប្រកាសថា ថ្នាក់ដឹកនាំបក្សកុម្មុយនីស្តឡាវ និងថ្នាក់ដឹកនាំប្រទេស បានឯកភាពគ្នាឈប់ប្រើប្រាស់រថយន្តស៊េរីទំនើបដើម្បីធ្វើដំណើរទៀតហើយ។ ចំណែកការចំណាយសន្ធឹកសន្ធាប់លើរថយន្តស៊េរីទំនើបទាំងអស់ដូចជាថ្លៃឥន្ធនៈ និងការចំណាយលើតំហែទាំ ក៏ត្រូវបានកាត់បន្ថយដើម្បីសន្សំថវិការដ្ឋឲ្យបានច្រើន។
ថ្នាក់ដឹកនាំកំពូលៗរបស់ឡាវ យល់ព្រមឈប់ជិះឡានស៊េរីទំនើបៗ និងស្ម័គ្រចិត្តប្រគល់ឡានទាំងនោះឲ្យរដ្ឋវិញ តាមរយៈការអនុវត្តគោលការណ៍សន្សំសំចៃ ដើម្បីកាត់បន្ថយការចំណាយរបស់រដ្ឋ។ នាយករដ្ឋមន្ត្រី ថងលូន ស៊ីសូលីត បានប្រកាសដូចនេះនៅក្នុងកម្មវិធីជួបជុំស្ដីពីការណែនាំក្នុងការអនុវត្តផែនការអភិវឌ្ឍសេដ្ឋកិច្ចសង្គម និងថវិកាប្រចាំឆ្នាំ២០១៧ នៅថ្ងៃទី២០ ខែធ្នូ។
លោក ថងលូន ស៊ីសូលីត បានប្រាប់អ្នកចូលរួមជាង៥០០នាក់ ថារថយន្តស៊េរីទំនើបម៉ាក BMW និង Mercedes Benz ដែលជាទ្រព្យសម្បត្តិរដ្ឋ និងត្រូវបានប្រើប្រាស់ដោយមេដឹកនាំប្រទេស នឹងត្រូវដកទុកមកវិញ មុននឹងដាក់ដេញថ្លៃជាសាធារណៈ។ សារព័ត៌មាន Vientiane Time ផ្សាយថា ជំនួសមកវិញ បណ្ដាថ្នាក់ដឹកនាំរដ្ឋ នឹងត្រូវប្រើប្រាស់ឡានដែលមានតម្លៃថោកវិញ។
នាយករដ្ឋមន្ត្រីឡាវបន្តថា ការចំណាយលើការថែទាំ និងថ្លៃប្រេងឥន្ធនៈសម្រាប់រថយន្តស៊េរី Mercedes មានតម្លៃខ្ពស់ណាស់ ហើយការចំណាយលើឡាន Mercedes មួយគ្រឿង អាចទិញឡានតូយ៉ូតាបាន៣គ្រឿងឯណោះ។ ដោយសំដៅលើឡានស៊េរី BMW 7 ដែល លោក កំពុងប្រើប្រាស់ លោក ថងលូន និយាយថា លោកពេញចិត្តនឹងប្រគល់ឡាននេះឲ្យរដ្ឋវិញ និងរីករាយប្រើប្រាស់ឡានតូយ៉ូតាវិញ។
ប្រភពព័ត៌មានខាងលើបន្តទៀតថា ការិយាល័យនយោបាយបក្សកុម្មុយនីស្តឡាវ ដែលជាស្ថាប័នមានឥទ្ធិពលបំផុតរបស់ប្រទេស ក៏យល់ព្រមលើគោលការណ៍សន្សំសំចៃនេះដែរ។ លោក ថងលូន បន្ថែមថា អគ្គលេខាបក្ស និងជាប្រធានាធិបតី ប៊ុនញ៉ាង វរ៉ាជិត (Bounnhang Vorachit) នឹងធ្វើជាគម្រូលើរឿងនេះ ដោយលោកនឹងប្រគល់ឡាន BMW 7 ទៅឲ្យរដ្ឋវិញ។
នៅពេលនេះ នាយករដ្ឋមន្ត្រីឡាវ បង្ហើបដែរថា ផ្នែកពាក់ព័ន្ធកំពុងធ្វើវិសោធនកម្មលើអនុក្រិត្យនាយករដ្ឋមន្ត្រីលេខ No. 81 ស្ដីពីការប្រើប្រាស់រថយន្តសម្រាប់ថ្នាក់ដឹកនាំ។ រថយន្តស៊េរី BMW 7 ចំនួន១១គ្រឿង និងរថយន្ត Mercedes Benz ស៊េរីS350 និងស៊េរី E350 ចំនួន៥គ្រឿង កំពុងត្រូវបានប្រើប្រាស់ដោយថ្នាក់ដឹកនាំរដ្ឋ និងមន្ត្រីជាន់ខ្ពស់។ យ៉ាងណាក្ដី ការិយាល័នយោបាយ បានចេញសេចក្ដីណែនាំមួយ បានហាមថ្នាក់ដឹកនាំប្រទេសប្រើប្រាស់ឡានស៊េរីទំនើប។
សេចក្ដីណែនាំខាងលើនេះបញ្ជាក់ថា រថយន្តម៉ាក Mercedes និងម៉ាក BMW នឹងត្រូវហាមឃាត់។ ដោយឡែកសមាជិកការិយាល័យនយោបាយ នឹងត្រូវប្រើឡាន Toyota Camry 3.0 ឯតំណែងរដ្ឋមន្ត្រី នឹងជិះ Camry 2.5 ខណៈតំណែងអនុមន្ត្រីនឹងប្រើ Camry 2.0 ។ បន្ថែមពីលើនោះ រថយន្តផ្សេងទៀតដូចជា Landcruiser, Prado និង Fortuner និងប្រភេទឡានធំ នឹងត្រូវផ្ដល់ឲ្យមន្ត្រីកម្រិតផ្សេងទៀត៕
ថ្នាក់ដឹកនាំកំពូលៗរបស់ឡាវ យល់ព្រមឈប់ជិះឡានស៊េរីទំនើបៗ និងស្ម័គ្រចិត្តប្រគល់ឡានទាំងនោះឲ្យរដ្ឋវិញ តាមរយៈការអនុវត្តគោលការណ៍សន្សំសំចៃ ដើម្បីកាត់បន្ថយការចំណាយរបស់រដ្ឋ។ នាយករដ្ឋមន្ត្រី ថងលូន ស៊ីសូលីត បានប្រកាសដូចនេះនៅក្នុងកម្មវិធីជួបជុំស្ដីពីការណែនាំក្នុងការអនុវត្តផែនការអភិវឌ្ឍសេដ្ឋកិច្ចសង្គម និងថវិកាប្រចាំឆ្នាំ២០១៧ នៅថ្ងៃទី២០ ខែធ្នូ។
លោក ថងលូន ស៊ីសូលីត បានប្រាប់អ្នកចូលរួមជាង៥០០នាក់ ថារថយន្តស៊េរីទំនើបម៉ាក BMW និង Mercedes Benz ដែលជាទ្រព្យសម្បត្តិរដ្ឋ និងត្រូវបានប្រើប្រាស់ដោយមេដឹកនាំប្រទេស នឹងត្រូវដកទុកមកវិញ មុននឹងដាក់ដេញថ្លៃជាសាធារណៈ។ សារព័ត៌មាន Vientiane Time ផ្សាយថា ជំនួសមកវិញ បណ្ដាថ្នាក់ដឹកនាំរដ្ឋ នឹងត្រូវប្រើប្រាស់ឡានដែលមានតម្លៃថោកវិញ។
នាយករដ្ឋមន្ត្រីឡាវបន្តថា ការចំណាយលើការថែទាំ និងថ្លៃប្រេងឥន្ធនៈសម្រាប់រថយន្តស៊េរី Mercedes មានតម្លៃខ្ពស់ណាស់ ហើយការចំណាយលើឡាន Mercedes មួយគ្រឿង អាចទិញឡានតូយ៉ូតាបាន៣គ្រឿងឯណោះ។ ដោយសំដៅលើឡានស៊េរី BMW 7 ដែល លោក កំពុងប្រើប្រាស់ លោក ថងលូន និយាយថា លោកពេញចិត្តនឹងប្រគល់ឡាននេះឲ្យរដ្ឋវិញ និងរីករាយប្រើប្រាស់ឡានតូយ៉ូតាវិញ។
ប្រភពព័ត៌មានខាងលើបន្តទៀតថា ការិយាល័យនយោបាយបក្សកុម្មុយនីស្តឡាវ ដែលជាស្ថាប័នមានឥទ្ធិពលបំផុតរបស់ប្រទេស ក៏យល់ព្រមលើគោលការណ៍សន្សំសំចៃនេះដែរ។ លោក ថងលូន បន្ថែមថា អគ្គលេខាបក្ស និងជាប្រធានាធិបតី ប៊ុនញ៉ាង វរ៉ាជិត (Bounnhang Vorachit) នឹងធ្វើជាគម្រូលើរឿងនេះ ដោយលោកនឹងប្រគល់ឡាន BMW 7 ទៅឲ្យរដ្ឋវិញ។
នៅពេលនេះ នាយករដ្ឋមន្ត្រីឡាវ បង្ហើបដែរថា ផ្នែកពាក់ព័ន្ធកំពុងធ្វើវិសោធនកម្មលើអនុក្រិត្យនាយករដ្ឋមន្ត្រីលេខ No. 81 ស្ដីពីការប្រើប្រាស់រថយន្តសម្រាប់ថ្នាក់ដឹកនាំ។ រថយន្តស៊េរី BMW 7 ចំនួន១១គ្រឿង និងរថយន្ត Mercedes Benz ស៊េរីS350 និងស៊េរី E350 ចំនួន៥គ្រឿង កំពុងត្រូវបានប្រើប្រាស់ដោយថ្នាក់ដឹកនាំរដ្ឋ និងមន្ត្រីជាន់ខ្ពស់។ យ៉ាងណាក្ដី ការិយាល័នយោបាយ បានចេញសេចក្ដីណែនាំមួយ បានហាមថ្នាក់ដឹកនាំប្រទេសប្រើប្រាស់ឡានស៊េរីទំនើប។
សេចក្ដីណែនាំខាងលើនេះបញ្ជាក់ថា រថយន្តម៉ាក Mercedes និងម៉ាក BMW នឹងត្រូវហាមឃាត់។ ដោយឡែកសមាជិកការិយាល័យនយោបាយ នឹងត្រូវប្រើឡាន Toyota Camry 3.0 ឯតំណែងរដ្ឋមន្ត្រី នឹងជិះ Camry 2.5 ខណៈតំណែងអនុមន្ត្រីនឹងប្រើ Camry 2.0 ។ បន្ថែមពីលើនោះ រថយន្តផ្សេងទៀតដូចជា Landcruiser, Prado និង Fortuner និងប្រភេទឡានធំ នឹងត្រូវផ្ដល់ឲ្យមន្ត្រីកម្រិតផ្សេងទៀត៕
Tag:
ឡាវ
ថងលូន ស៊ីសូលីត
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
