អន្តរជាតិ
×![]()
ដោយ: តន ចាន់រិទ្ធារ៉ា
ខណៈការប្រឈមមុខផ្នែកយោធារវាងរុស្ស៊ី និងសម្ព័ន្ធយោធាណាតូនៅតែតឹងតែង ប្រធានាធិបតីរុស្ស៊ី វ្ល៉ាឌីមៀ ពូទីន ចេញប្រកាសថា កម្លាំងយោធារបស់ប្រទេសលោក គឺខ្លាំងជាងប្រទេសដទៃ។ ប៉ុន្តែលោកក៏បានប្រាប់ទៅកងទ័ពទាំងអស់កុំឲ្យមានអំណួតហួសហេតុ ដ្បិតសត្រូវអាចនឹងឆ្លៀតឱកាស។ លោក ពូទីន ដាក់បញ្ជាឲ្យគ្រប់កងអង្គភាពទាំងអស់ ត្រូវខិតខំពង្រឹងសមត្ថភាព មិនថាអង្គភាពទទួលបន្ទុកអាវុធនុយក្លេអ៊ែរ ឬអង្គភាពណាឡើយ។
សូមស្ដាប់ព័ត៌មានលម្អិត៖
ប្រធានាធិបតីរុស្ស៊ី វ្ល៉ាឌីមៀ ពូទីន បានបង្ហាញមោទនភាពលើអានុភាពកងទ័ពរុស្ស៊ី ដែលលោកអះអាងថា កងទ័ពនេះខ្លាំងជាងប្រទេសផ្សេងទៀត។ យ៉ាងណាក្ដី លោកបានប្រាប់បណ្ដាមេដឹកនាំយោធារុស្ស៊ីថា យោធារុស្ស៊ីខ្លាំងមែន តែក៏មិនអាចធ្វេសប្រហែស ឬក៏អាចខ្វះការប្រុងប្រយ័ត្នបានដែរ។ ពោល គឺកងទ័ពទាំងអស់ត្រូវខិតខំហ្វឹកហាត់ បន្តការធ្វើទំនើបកម្មយោធា ដើម្បីឲ្យដើរទាន់សភាពការណ៍ពិភពលោក។
ថ្លែងទៅកាន់កិច្ចប្រជុំគណៈកម្មាធិការក្រសួងការពារជាតិ នៅថ្ងៃទី២២ ខែធ្នូ លោក ពូទីន បានប្រាប់មន្ត្រីយោធាជាន់ខ្ពស់ថា រុស្ស៊ីមានការងារជាច្រើនដែលត្រូវធ្វើ។ ការងារដែលលោក ពូទីន ចង់សំដៅនោះទំនងជាការបង្កើនសមត្ថភាពកងទ័ព និងការអភិវឌ្ឍអាវុធយុទ្ធភណ្ឌសម្រាប់កងទ័ពនៅគ្រប់អង្គភាព។ លោកបន្តទៀតថា បើផ្ដោតលើសមិទ្ធផលកន្លងមក, ប្រវត្តិសាស្ត្រ ក៏ដូចជាភូមិសាស្ត្រផងនោះ សមត្ថភាពយោធារុស្ស៊ី គឺខ្លាំងជាងប្រទេសដែលចូលចិត្តឈ្លានពានគេដទៃ។
ប្រធានាធិបតីរុស្ស៊ីរូបនេះសង្កត់ធ្ងន់ថា នារយៈពេលប៉ុន្មានឆ្នាំមកនេះ សមត្ថភាពយោធា ត្រូវបានពង្រឹងយ៉ាងខ្លាំង តែការងារទាំងនោះត្រូវបានបំពេញដោយបណ្ដាមេបញ្ជាការជាន់ខ្ពស់ប៉ុណ្ណោះ។ ដូច្នេះលោកក៏ណែនាំឲ្យកងទ័ព ខិតខំបំពេញតួនាទីរបស់ខ្លួន សំដៅធ្វើយ៉ាងណាឲ្យអានុភាពកងទ័ពរុស្ស៊ីកាន់តែខ្លាំងថែមទៀត។
យ៉ាងណាមិញ បើតាមទីភ្នាក់ងារព័ត៌មាន TASS បុរសដែលទើបជាប់ឈ្មោះជាបុគ្គលមានឥទ្ធិពលជាងគេលើលោករបស់ទស្សនាវដ្ដី Forbes ប្រចាំឆ្នាំ២០១៦ ក៏បានសារភាពដែរថា សមត្ថភាពរបស់កងកម្លាំងរុស្ស៊ី នៅមានចន្លោះប្រហោងយ៉ាងច្រើន។ លោកបញ្ជាក់ថា សមត្ថភាពនុយក្លេអ៊ែរនៅទាបដែលត្រូវតែបង្កើនទៅកម្រិតខ្ពស់ ជំរុញសមត្ថភាពកងទ័ពជើងទឹក និងកងម្លាំងអាកាសជាដើម។
១. កងកម្លាំងរុស្ស៊ី នឹងទទួលបានអាវុធទំនើបជាច្រើនក្នុងឆ្នាំ២០១៧
ក្នុងកិច្ចប្រជុំដដែលនោះ ក្រសួងការពារជាតិរុស្ស៊ី ក៏បានបញ្ចេញផែនការបញ្ចូលសព្វាវុធជាច្រើនរយគ្រឿងទៅក្នុងអង្គភាពកងទ័ពទាំងអស់ ទាំងអង្គភាពទ័ពជើងគោក និងទ័ពជើងអាកាស និងទ័ពជើងទឹកផងដែរ។ ច្បាស់ណាស់ថា ការបង្កើនសព្វាវុធនៅតាមអង្គភាពទ័ពនេះ គឺដើម្បីត្រៀមទប់ទល់ការគំរាមកំហែងពីសំណាក់បក្សសម្ព័ន្ធយោធាណាតូ ដែលកំពុងតែបញ្ជូនទ័ពជាច្រើនមកដាក់ក្បែរព្រំដែនរុស្សីនៅអឺរ៉ុបខាងកើត។
រដ្ឋមន្ត្រីការពារជាតិរុស្ស៊ីឧត្តមសេនីយ៍ Sergei Shoigu និយាយថាក្នុងឆ្នាំ២០១៧ ទ័ពជើងគោក នឹងទទួលរថក្រោះ និងរថពាសដែកចំនួនច្រើនជាង៩០០គ្រឿង ព្រមទាំងយន្តហោះ១៧០ គ្រឿងទៀត។ មិនតែប៉ុណ្ណោះ យន្តហោះជាច្រើនគ្រឿងដែលកំពុងបម្រើការនៅទ័ពជើងទឹក និងអង្គភាពទ័ពអាកាស ក៏នឹងត្រូវធ្វើទំនើបកម្មដែរ ខណៈស្ថានីយ៍រ៉ាដាដែលមានសមត្ថភាពប្រយុទ្ធ នឹងត្រូវពង្រាយនៅតាមតំបន់ជាច្រើនទៀតនៅទូទាំងសហព័ន្ធរុស្ស៊ីផង។
ជាមួយគ្នានេះដែរ ប្រព័ន្ធមីស៊ីលទំនើបដែលមានឥទ្ធិពលខ្លាំងអាចបាញ់បានចម្ងាយខ្លី មធ្យម និងចម្ងាយឆ្ងាយនោះ ក៏ត្រូវបានពង្រឹងសមត្ថភាព និងត្រួវពង្រាយតាមគោលដៅសំខាន់ៗផងដែរ។ អ្វីគួរឲ្យកត់សម្គាល់នោះ កងកម្លាំងនុយក្លេអ៊ែរយុទ្ធសាស្ត្រ ក៏ស្ថិតក្នុងបញ្ជីនៃការពង្រឹងសមត្ថភាព និងត្រូវដាក់ពង្រាយ ព្រមគ្នានឹងប្រព័ន្ធមីស៊ីលអន្តរទ្វីប (ICBM) ជាច្រើនគ្រឿងដែរ។
បន្ថែមពីលើសព្វាវុធទំនើបៗដែលមានស្រាប់ហើយនោះ រុស្ស៊ីក៏មានគម្រោងទិញអាវុធយុទ្ធភណ្ឌថ្មីៗបន្ថែមទៀត ដើម្បីពង្រឹងសមត្ថភាព។ នាយសេនាធិការកងទ័ពរុស្ស៊ីឧត្តមសេនីយ៍ Valery Gerasimov និយាយថា ក្រសួងការពារជាតិ មានផែនការប្រចាំឆ្នាំទិញយន្តហោះ និងឧទ្ធម្ភាគចក្រចំនួន២០០គ្រឿង កប៉ាល់, នាវាចម្បាំង, និងនាវាមុជទឹក២០គ្រឿង ព្រមទាំងសព្វាវុធផ្សេងៗប្រហែល៦០០គ្រឿងទៀត។
២. ពង្រឹងគុណភាពអាវុធ ដើម្បីទាក់ទាញអតិថិជនបរទេស
ស្របពេលដែលោកអួតអាងថា កងទ័ពរុស្ស៊ីជាយោធាខ្លាំងជាងគេ ប្រធានាធិបតី វ្ល៉ាឌីមៀ ពូទីន ក៏បានប្រាប់ឲ្យកងទ័ពប្រើប្រាស់ពង្រឹងគុណភាពអាវុធ ដើម្បីទាក់ទាញប្រទេសដទៃទៀត ឲ្យចាប់អារម្មណ៍សព្វាវុធរបស់រុស្ស៊ី។ លោកជឿថា វាជារឿងចាំបាច់ដែលត្រូវបង្ហាញប្រទេសផ្សេងពីប្រសិទ្ធភាពនៃយុទ្ធោបករណ៍រុស្ស៊ី ដែលត្រូវបានប្រើប្រាស់នៅក្នុងប្រតិបត្តិការប្រយុទ្ធនៅស៊ីរី។
លោកប្រាប់ក្រុមទាហានជាន់ខ្ពស់រុស្សីនៅថ្ងៃទី២២ ខែធ្នូ ថា ប្រសិទ្ធភាពអាវុធរុស្ស៊ីប្រើប្រាស់នៅស៊ីរី គឺជាឱកាសថ្មីសម្រាប់ការអភិវឌ្ឍកិច្ចសហប្រតិបត្តិការយោធា និងបច្ចេកទេសជាមួយប្រទេសដទៃ ហើយរុស្ស៊ីត្រូវទាញប្រយោជន៍ពីវាឲ្យបានច្រើន។ ប្រទសជាច្រើនបានចាប់ផ្ដើមងាកទៅធ្វើពាណិជ្ជកម្មសម្ភារយោធាជាមួយរុស្សី ដ្បិតវាមានតម្លៃថោកជាងរបស់អាវុធអាមេរិក។ ប្រទេសនៅអាស៊ីអាគ្នេយ៍ដូចជា ថៃ, វៀតណាម និងហ្វីលីពីន សុទ្ធតែមានចំណាប់អារម្មណ៍លើអាវុធរបស់រុស្ស៊ីនេះ៕
សូមស្ដាប់ព័ត៌មានលម្អិត៖
ប្រធានាធិបតីរុស្ស៊ី វ្ល៉ាឌីមៀ ពូទីន បានបង្ហាញមោទនភាពលើអានុភាពកងទ័ពរុស្ស៊ី ដែលលោកអះអាងថា កងទ័ពនេះខ្លាំងជាងប្រទេសផ្សេងទៀត។ យ៉ាងណាក្ដី លោកបានប្រាប់បណ្ដាមេដឹកនាំយោធារុស្ស៊ីថា យោធារុស្ស៊ីខ្លាំងមែន តែក៏មិនអាចធ្វេសប្រហែស ឬក៏អាចខ្វះការប្រុងប្រយ័ត្នបានដែរ។ ពោល គឺកងទ័ពទាំងអស់ត្រូវខិតខំហ្វឹកហាត់ បន្តការធ្វើទំនើបកម្មយោធា ដើម្បីឲ្យដើរទាន់សភាពការណ៍ពិភពលោក។
ថ្លែងទៅកាន់កិច្ចប្រជុំគណៈកម្មាធិការក្រសួងការពារជាតិ នៅថ្ងៃទី២២ ខែធ្នូ លោក ពូទីន បានប្រាប់មន្ត្រីយោធាជាន់ខ្ពស់ថា រុស្ស៊ីមានការងារជាច្រើនដែលត្រូវធ្វើ។ ការងារដែលលោក ពូទីន ចង់សំដៅនោះទំនងជាការបង្កើនសមត្ថភាពកងទ័ព និងការអភិវឌ្ឍអាវុធយុទ្ធភណ្ឌសម្រាប់កងទ័ពនៅគ្រប់អង្គភាព។ លោកបន្តទៀតថា បើផ្ដោតលើសមិទ្ធផលកន្លងមក, ប្រវត្តិសាស្ត្រ ក៏ដូចជាភូមិសាស្ត្រផងនោះ សមត្ថភាពយោធារុស្ស៊ី គឺខ្លាំងជាងប្រទេសដែលចូលចិត្តឈ្លានពានគេដទៃ។
ប្រធានាធិបតីរុស្ស៊ីរូបនេះសង្កត់ធ្ងន់ថា នារយៈពេលប៉ុន្មានឆ្នាំមកនេះ សមត្ថភាពយោធា ត្រូវបានពង្រឹងយ៉ាងខ្លាំង តែការងារទាំងនោះត្រូវបានបំពេញដោយបណ្ដាមេបញ្ជាការជាន់ខ្ពស់ប៉ុណ្ណោះ។ ដូច្នេះលោកក៏ណែនាំឲ្យកងទ័ព ខិតខំបំពេញតួនាទីរបស់ខ្លួន សំដៅធ្វើយ៉ាងណាឲ្យអានុភាពកងទ័ពរុស្ស៊ីកាន់តែខ្លាំងថែមទៀត។
យ៉ាងណាមិញ បើតាមទីភ្នាក់ងារព័ត៌មាន TASS បុរសដែលទើបជាប់ឈ្មោះជាបុគ្គលមានឥទ្ធិពលជាងគេលើលោករបស់ទស្សនាវដ្ដី Forbes ប្រចាំឆ្នាំ២០១៦ ក៏បានសារភាពដែរថា សមត្ថភាពរបស់កងកម្លាំងរុស្ស៊ី នៅមានចន្លោះប្រហោងយ៉ាងច្រើន។ លោកបញ្ជាក់ថា សមត្ថភាពនុយក្លេអ៊ែរនៅទាបដែលត្រូវតែបង្កើនទៅកម្រិតខ្ពស់ ជំរុញសមត្ថភាពកងទ័ពជើងទឹក និងកងម្លាំងអាកាសជាដើម។
១. កងកម្លាំងរុស្ស៊ី នឹងទទួលបានអាវុធទំនើបជាច្រើនក្នុងឆ្នាំ២០១៧
ក្នុងកិច្ចប្រជុំដដែលនោះ ក្រសួងការពារជាតិរុស្ស៊ី ក៏បានបញ្ចេញផែនការបញ្ចូលសព្វាវុធជាច្រើនរយគ្រឿងទៅក្នុងអង្គភាពកងទ័ពទាំងអស់ ទាំងអង្គភាពទ័ពជើងគោក និងទ័ពជើងអាកាស និងទ័ពជើងទឹកផងដែរ។ ច្បាស់ណាស់ថា ការបង្កើនសព្វាវុធនៅតាមអង្គភាពទ័ពនេះ គឺដើម្បីត្រៀមទប់ទល់ការគំរាមកំហែងពីសំណាក់បក្សសម្ព័ន្ធយោធាណាតូ ដែលកំពុងតែបញ្ជូនទ័ពជាច្រើនមកដាក់ក្បែរព្រំដែនរុស្សីនៅអឺរ៉ុបខាងកើត។
រដ្ឋមន្ត្រីការពារជាតិរុស្ស៊ីឧត្តមសេនីយ៍ Sergei Shoigu និយាយថាក្នុងឆ្នាំ២០១៧ ទ័ពជើងគោក នឹងទទួលរថក្រោះ និងរថពាសដែកចំនួនច្រើនជាង៩០០គ្រឿង ព្រមទាំងយន្តហោះ១៧០ គ្រឿងទៀត។ មិនតែប៉ុណ្ណោះ យន្តហោះជាច្រើនគ្រឿងដែលកំពុងបម្រើការនៅទ័ពជើងទឹក និងអង្គភាពទ័ពអាកាស ក៏នឹងត្រូវធ្វើទំនើបកម្មដែរ ខណៈស្ថានីយ៍រ៉ាដាដែលមានសមត្ថភាពប្រយុទ្ធ នឹងត្រូវពង្រាយនៅតាមតំបន់ជាច្រើនទៀតនៅទូទាំងសហព័ន្ធរុស្ស៊ីផង។
ជាមួយគ្នានេះដែរ ប្រព័ន្ធមីស៊ីលទំនើបដែលមានឥទ្ធិពលខ្លាំងអាចបាញ់បានចម្ងាយខ្លី មធ្យម និងចម្ងាយឆ្ងាយនោះ ក៏ត្រូវបានពង្រឹងសមត្ថភាព និងត្រួវពង្រាយតាមគោលដៅសំខាន់ៗផងដែរ។ អ្វីគួរឲ្យកត់សម្គាល់នោះ កងកម្លាំងនុយក្លេអ៊ែរយុទ្ធសាស្ត្រ ក៏ស្ថិតក្នុងបញ្ជីនៃការពង្រឹងសមត្ថភាព និងត្រូវដាក់ពង្រាយ ព្រមគ្នានឹងប្រព័ន្ធមីស៊ីលអន្តរទ្វីប (ICBM) ជាច្រើនគ្រឿងដែរ។
បន្ថែមពីលើសព្វាវុធទំនើបៗដែលមានស្រាប់ហើយនោះ រុស្ស៊ីក៏មានគម្រោងទិញអាវុធយុទ្ធភណ្ឌថ្មីៗបន្ថែមទៀត ដើម្បីពង្រឹងសមត្ថភាព។ នាយសេនាធិការកងទ័ពរុស្ស៊ីឧត្តមសេនីយ៍ Valery Gerasimov និយាយថា ក្រសួងការពារជាតិ មានផែនការប្រចាំឆ្នាំទិញយន្តហោះ និងឧទ្ធម្ភាគចក្រចំនួន២០០គ្រឿង កប៉ាល់, នាវាចម្បាំង, និងនាវាមុជទឹក២០គ្រឿង ព្រមទាំងសព្វាវុធផ្សេងៗប្រហែល៦០០គ្រឿងទៀត។
២. ពង្រឹងគុណភាពអាវុធ ដើម្បីទាក់ទាញអតិថិជនបរទេស
ស្របពេលដែលោកអួតអាងថា កងទ័ពរុស្ស៊ីជាយោធាខ្លាំងជាងគេ ប្រធានាធិបតី វ្ល៉ាឌីមៀ ពូទីន ក៏បានប្រាប់ឲ្យកងទ័ពប្រើប្រាស់ពង្រឹងគុណភាពអាវុធ ដើម្បីទាក់ទាញប្រទេសដទៃទៀត ឲ្យចាប់អារម្មណ៍សព្វាវុធរបស់រុស្ស៊ី។ លោកជឿថា វាជារឿងចាំបាច់ដែលត្រូវបង្ហាញប្រទេសផ្សេងពីប្រសិទ្ធភាពនៃយុទ្ធោបករណ៍រុស្ស៊ី ដែលត្រូវបានប្រើប្រាស់នៅក្នុងប្រតិបត្តិការប្រយុទ្ធនៅស៊ីរី។
លោកប្រាប់ក្រុមទាហានជាន់ខ្ពស់រុស្សីនៅថ្ងៃទី២២ ខែធ្នូ ថា ប្រសិទ្ធភាពអាវុធរុស្ស៊ីប្រើប្រាស់នៅស៊ីរី គឺជាឱកាសថ្មីសម្រាប់ការអភិវឌ្ឍកិច្ចសហប្រតិបត្តិការយោធា និងបច្ចេកទេសជាមួយប្រទេសដទៃ ហើយរុស្ស៊ីត្រូវទាញប្រយោជន៍ពីវាឲ្យបានច្រើន។ ប្រទសជាច្រើនបានចាប់ផ្ដើមងាកទៅធ្វើពាណិជ្ជកម្មសម្ភារយោធាជាមួយរុស្សី ដ្បិតវាមានតម្លៃថោកជាងរបស់អាវុធអាមេរិក។ ប្រទេសនៅអាស៊ីអាគ្នេយ៍ដូចជា ថៃ, វៀតណាម និងហ្វីលីពីន សុទ្ធតែមានចំណាប់អារម្មណ៍លើអាវុធរបស់រុស្ស៊ីនេះ៕
Tag:
អឺរ៉ុប
រុស្ស៊ី
វ្ល៉ាឌីមៀ ពូទីន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
