អន្តរជាតិ
×![]()
ដោយ: តន ចាន់រិទ្ធារ៉ា
របបកុម្មុយនីស្តកូរ៉េខាងជើង នៅថ្ងៃទី២២ ខែធ្នូ បានគំរាមធ្វើសង្គ្រាម ដើម្បីឆ្លើយតបនឹងដំណោះស្រាយរបស់ក្រុមប្រឹក្សាសន្តិសុខក្នុងការដាក់ទណ្ឌកម្មលើប្រទេសនេះ ចំពោះការធ្វើតេស្តនុយក្លេអ៊ែរក្នុងខែកញ្ញា។ កូរ៉េខាងជើង មិនសប្បាយចិត្តឡើយចំពោះទណ្ឌកម្មលើកនេះ ព្រោះអង្គការសហប្រជាជាតិ បានដាក់គោលដៅលើប្រាក់ចំណូលនៃការនាំចេញធ្យូងថ្ម ដែលជាផលិតផលនាំចេញដ៏សំខាន់របស់ប្រទេសនេះ។
«ទណ្ឌកម្មចុងក្រោយរបស់ក្រុមប្រឹក្សាសន្តិសុខអង្គការសហប្រជាជាតិ បានបង្កើតគ្រោះថ្នាក់នៃសង្គ្រាមនៅឧបទ្វីបកូរ៉េ ព្រោះវាមិនមានយន្តការគតិយុត្តិ និងស្ថាប័ន ដើម្បីបង្វាងសង្គ្រាមប្រដាប់អាវុធឡើយ។ ដំណោះស្រាយដាក់ទណ្ឌកម្មនេះ ដូចជាការប្រកាសសង្គ្រាមដូច្នោះដែរ»។ នេះជាសារព្រមានរបស់ក្រសួងការបរទេសកូរ៉េខាងជើងចំពោះអង្គការសហប្រជាជាតិ ដែលចេញផ្សាយដោយសារព័ត៌មានរដ្ឋ KCNA ។
ក្រុមប្រឹក្សាសន្តិសុខអង្គការសហប្រជាជាតិ នៅថ្ងៃទី៣០ ខែវិច្ឆិកា បានអនុម័តដំណោះស្រាយថ្មីមួយទៀតដើម្បីដាក់ទណ្ឌកម្មប្រឆាំងរបបកុម្មុយនីស្តកូរ៉េខាងជើង ដែលសាកល្បងគ្រាប់នុយក្លេអ៊ែរ និងបាញ់រ៉ុក្កែតជាច្រើនលើក។ ទណ្ឌកម្មចុងក្រោយនេះ ត្រូវបានគេពណ៌នាថា ជាទណ្ឌកម្មខ្លាំងមិនធ្លាប់មាន ដោយបានសំដៅលើការនាំចេញធ្យូងថ្ម ដែលជាប្រភពហិរញ្ញវត្ថុដ៏ធំរបស់កូរ៉េខាងជើង។
បើតាមសារព័ត៌មានកូរ៉េខាងត្បូង Yonhap ក្រសួងការបរទេសកូរ៉េខាងជើងបានទម្លាក់កំហុសទៅលើសមាជិកទាំងអស់នៃក្រុមប្រឹក្សាសន្តិសុខដែលសម្រេចដាក់ទណ្ឌកម្មលើខ្លួន ក្នុងករណីមានសង្គ្រាមកើតមែន។ សេចក្ដីថ្លែងការណ៍ក្រសួងការបរទេសកូរ៉េខាងជើងបញ្ជាក់ថា អាមេរិក និងប្រទេសដទៃទៀតដែលជាប់ពាក់ព័ន្ធ ត្រូវទទួលខុសត្រូវទាំងស្រុងលើផលវិបាកទាំងឡាយដែលកើតឡើង។
សេចក្ដីថ្លែងការណ័ខាងលើ ក៏បានចាត់ទុកសេចក្ដីសម្រចដាក់ទណ្ឌកម្មដដែលនេះជា «ឯកសារឧក្រិដ្ឋកម្មគ្មានអំណាចផ្លូវច្បាប់» និងបានរំលោភបំពានអធិបតេយ្យរបស់កូរ៉េខាងជើង។ ទន្ទឹមនឹងការគំរាមបង្កសង្គ្រាម ក្រុងព្យុងយ៉ាង ក៏មិនភ្លេចនិយាយការពារការសាកល្បងនុយក្លេអ៊ែររបស់ខ្លួនដែរ។ កូរ៉េខាងជើងអះអាងថា ការសាកល្បងនេះ គឺជាសិទ្ធិស្វ័យការពារខ្លួន និងជាការឆ្លើយតបសកម្មភាពបង្កហេតុ និងទណ្ឌកម្មរបស់អាមេរិកប៉ុណ្ណោះ។
គេមិនដឹងថា ការព្រមានរបស់កូរ៉េខាងជើង សំដៅលើក្រុងប៉េកាំង ឬយ៉ាងណាដែរ ដ្បិត ដំណោះស្រាយដាក់ទណ្ឌកម្មនេះ នាំមុខដោយសហរដ្ឋអាមេរិក និងត្រូវបានព្រមព្រៀងដោយសមាជិកទាំងអស់នៃក្រុមប្រឹក្សាសន្តិសុខ រួមទាំងចិនផងដែរ។ ចិនជាសម្ព័ន្ធមិត្តស្អិតល្មួតរបស់កូរ៉េខាងជើង និងតែងជួយរបបកុម្មុយនីស្តមួយនេះជានិច្ចកាល។ ប៉ុន្តែចុងក្រោយនេះ ចិនហាក់ដូរជំហររបស់ខ្លួន និងមិនបានបោះឆ្នោតវ៉េតូប្រឆាំងនឹងសេចក្ដីសម្រេចដាក់ទណ្ឌកម្មលើទី៥ នេះឡើយ៕
«ទណ្ឌកម្មចុងក្រោយរបស់ក្រុមប្រឹក្សាសន្តិសុខអង្គការសហប្រជាជាតិ បានបង្កើតគ្រោះថ្នាក់នៃសង្គ្រាមនៅឧបទ្វីបកូរ៉េ ព្រោះវាមិនមានយន្តការគតិយុត្តិ និងស្ថាប័ន ដើម្បីបង្វាងសង្គ្រាមប្រដាប់អាវុធឡើយ។ ដំណោះស្រាយដាក់ទណ្ឌកម្មនេះ ដូចជាការប្រកាសសង្គ្រាមដូច្នោះដែរ»។ នេះជាសារព្រមានរបស់ក្រសួងការបរទេសកូរ៉េខាងជើងចំពោះអង្គការសហប្រជាជាតិ ដែលចេញផ្សាយដោយសារព័ត៌មានរដ្ឋ KCNA ។
ក្រុមប្រឹក្សាសន្តិសុខអង្គការសហប្រជាជាតិ នៅថ្ងៃទី៣០ ខែវិច្ឆិកា បានអនុម័តដំណោះស្រាយថ្មីមួយទៀតដើម្បីដាក់ទណ្ឌកម្មប្រឆាំងរបបកុម្មុយនីស្តកូរ៉េខាងជើង ដែលសាកល្បងគ្រាប់នុយក្លេអ៊ែរ និងបាញ់រ៉ុក្កែតជាច្រើនលើក។ ទណ្ឌកម្មចុងក្រោយនេះ ត្រូវបានគេពណ៌នាថា ជាទណ្ឌកម្មខ្លាំងមិនធ្លាប់មាន ដោយបានសំដៅលើការនាំចេញធ្យូងថ្ម ដែលជាប្រភពហិរញ្ញវត្ថុដ៏ធំរបស់កូរ៉េខាងជើង។
បើតាមសារព័ត៌មានកូរ៉េខាងត្បូង Yonhap ក្រសួងការបរទេសកូរ៉េខាងជើងបានទម្លាក់កំហុសទៅលើសមាជិកទាំងអស់នៃក្រុមប្រឹក្សាសន្តិសុខដែលសម្រេចដាក់ទណ្ឌកម្មលើខ្លួន ក្នុងករណីមានសង្គ្រាមកើតមែន។ សេចក្ដីថ្លែងការណ៍ក្រសួងការបរទេសកូរ៉េខាងជើងបញ្ជាក់ថា អាមេរិក និងប្រទេសដទៃទៀតដែលជាប់ពាក់ព័ន្ធ ត្រូវទទួលខុសត្រូវទាំងស្រុងលើផលវិបាកទាំងឡាយដែលកើតឡើង។
សេចក្ដីថ្លែងការណ័ខាងលើ ក៏បានចាត់ទុកសេចក្ដីសម្រចដាក់ទណ្ឌកម្មដដែលនេះជា «ឯកសារឧក្រិដ្ឋកម្មគ្មានអំណាចផ្លូវច្បាប់» និងបានរំលោភបំពានអធិបតេយ្យរបស់កូរ៉េខាងជើង។ ទន្ទឹមនឹងការគំរាមបង្កសង្គ្រាម ក្រុងព្យុងយ៉ាង ក៏មិនភ្លេចនិយាយការពារការសាកល្បងនុយក្លេអ៊ែររបស់ខ្លួនដែរ។ កូរ៉េខាងជើងអះអាងថា ការសាកល្បងនេះ គឺជាសិទ្ធិស្វ័យការពារខ្លួន និងជាការឆ្លើយតបសកម្មភាពបង្កហេតុ និងទណ្ឌកម្មរបស់អាមេរិកប៉ុណ្ណោះ។
គេមិនដឹងថា ការព្រមានរបស់កូរ៉េខាងជើង សំដៅលើក្រុងប៉េកាំង ឬយ៉ាងណាដែរ ដ្បិត ដំណោះស្រាយដាក់ទណ្ឌកម្មនេះ នាំមុខដោយសហរដ្ឋអាមេរិក និងត្រូវបានព្រមព្រៀងដោយសមាជិកទាំងអស់នៃក្រុមប្រឹក្សាសន្តិសុខ រួមទាំងចិនផងដែរ។ ចិនជាសម្ព័ន្ធមិត្តស្អិតល្មួតរបស់កូរ៉េខាងជើង និងតែងជួយរបបកុម្មុយនីស្តមួយនេះជានិច្ចកាល។ ប៉ុន្តែចុងក្រោយនេះ ចិនហាក់ដូរជំហររបស់ខ្លួន និងមិនបានបោះឆ្នោតវ៉េតូប្រឆាំងនឹងសេចក្ដីសម្រេចដាក់ទណ្ឌកម្មលើទី៥ នេះឡើយ៕
Tag:
កូរ៉ខាងជើង
UN
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
