អន្តរជាតិ
ពូទីន ប្រាប់បក្សប្រជាធិបតេយ្យ៖«កុំឡាំប៉ាពេលចាញ់ឆ្នោត ត្រូវចាញ់ដោយថ្លៃថ្នូរ»
ប្រធានាធិបតីរុស្ស៊ី វ្ល៉ាឌីមៀ ពូទីន នាឱកាសកម្មវិធីសន្និសីទកាសែតប្រចាំឆ្នាំ (រូបភាព៖ វិមាន Kremlin)
×![]()
ដោយ: តន ចាន់រិទ្ធារ៉ា
ប្រធានាធិបតីរុស្ស៊ី វ្ល៉ាឌីមៀ ពូទីន បានក្លាយជាគោលដៅនៃការវាយប្រហាររបស់គណបក្សប្រជាធិបតេយ្យ និងរដ្ឋបាលលោកប្រធានាធិបតី បារ៉ាក់ អូបាម៉ា ជុំវិញការឈ្នះឆ្នោតគណបក្សសាធារណរដ្ឋ។ បក្សប្រជាធិបតេយ្យបានចោទលោក ពូទីន ថា លូកលាន់កិច្ចការបោះឆ្នោតប្រធានាធិបតីអាមេរិក និងជួយឲ្យលោក ដូណាល់ ត្រាំ ឈ្នះឆ្នោត។ ប៉ុន្តែលោក ឆ្លើយវិញថា ក្រុមប្រជាធិបតេយ្យវង្វេងប្រវត្តិសាស្ត្រគណបក្សខ្លួនឯង។
ប្រធានាធិបតី វ្ល៉ាឌីមៀ ពូទីន នៅថ្ងៃទី២៣ ខែធ្នូ បានរិះគន់បក្សប្រជាធិបតេយ្យរបស់អាមេរិក ដែលបានចោទលោកថានៅពីក្រោយបរាជ័យរបស់ខ្លួនក្នុងការបោះឆ្នោតខែវិច្ឆិកា។ លោកបានប្រាប់ក្រុមអ្នកសារព័ត៌មានថា បក្សកាន់អំណាចមួយនេះបានភ្លេចដើមកំណើតរបស់ខ្លួនដោយបានប្រើគ្រប់ធនធានគ្រប់យ៉ាងរួមទាំងផ្នែករដ្ឋបាលផងដែរ តែនៅចាញ់លោក ដូណាល់ ត្រាំ ដដែល។
ក្នុងឱកាសឆ្លើយឆ្លងសំណួរអ្នកកាសែតប្រចាំឆ្នាំ លោក ពូទីន និយាយថា៖ «វាមានភស្តុតាងបញ្ជាក់ថា បក្សកាន់អំណាចបច្ចុប្បន្ននៅអាមេរិក ដែលមានឈ្មោះថា «គណបក្សប្រជាធិបតេយ្យ» បានភ្លេចអត្ថន័យដើមនៃឈ្មោះខ្លួនឯង ព្រោះពួកគេមិនបានប្រើប្រាស់ធនធានដោយហ្មត់ចត់ឡើយ ហើយថែមទាំងប្រាប់អ្នកតំណាងឲ្យបោះឆ្នោតផ្ទុយពីឆន្ទះប្រជាជនទៀតផង»។ នេះបើយោងតាមសារព័ត៌មាន RT ។
នារយៈពេលចុងក្រោយនេះ ព័ត៌មានដែលរុស្ស៊ីលូកលាន់ចូលដំណើរការបោះឆ្នោតរបស់អាមេរិកដោយជួយឲ្យ ដូណាល់ ត្រាំ ឈ្នះឆ្នោត ក្លាយជាប្រធានបទក្តៅក្នុងនយោបាយអាមេរិកបច្ចុប្បន្ន។ អ្នកនយោបាយអាមេរិកខ្លះជឿជាក់ថា វាជាគ្រោះថ្នាក់សម្រាប់សន្តិសុខជាតិ ហើយវាជារឿងដែលត្រូវស៊ើបអង្កេតឲ្យអស់សង្ស័យ។ ប៉ុន្តែក្រុមគាំទ្រលោក ត្រាំ អះអាងថាវាជារឿងនយោបាយ និងជាការប៉ុនប៉ងធ្វើឲ្យជ័យជម្នះរបស់លោក ត្រាំ បាត់បង់ភាពស្របច្បាប់ប៉ុណ្ណោះ។
យ៉ាងណាក្ដី លោកប្រធានាធិបតី ពូទីន បានទាត់ចោលការសង្ស័យមកលើរូបលោក។ លោកអះអាងថា បក្សប្រជាធិបតេយ្យ បានចាញ់ឆ្នោតនៅគ្រប់សមរភូមិទាំងអស់ តែបែរជាទម្លាក់កំហុសឲ្យគេឯងទៅវិញ។ ក្នុងការបោះឆ្នោតថ្ងៃទី៨ ខែវិច្ឆិកា បក្សប្រជាធិបតេយ្យ បានចាញ់ការបោះឆ្នោតប្រធានាធិបតី ហើយថែមទាំងបាត់បង់សំឡេងភាគច្រើននៅរដ្ឋសភា និងព្រឹទ្ធសភាទៀតផង។
«តាមគំនិតរបស់ខ្ញុំ ពួកគេកំពុងបន្ទាបសេចក្ដីថ្លៃថ្នូរខ្លួនឯង។ អ្នកគួរតែរៀនចាញ់ឆ្នោតដោយថ្លៃថ្នូរ»។ នេះជាសាររបស់ប្រធានាធិបតី ពូទីន ផ្ញើទៅកាន់ក្រុមប្រជាធិបតេយ្យនៅក្រុងវ៉ាស៊ីនតោន។ លោកឌឺដងទៀតថា អតីតថ្នាក់ដឹកនាំល្បីៗរបស់បក្សប្រជាធិបតេយ្យដូចជាអតីតប្រធានាធិបតី Franklin Roosevelt ប្រាកដជាងើបពីផ្នូរមិនខាន ដោយសារតែសកម្មភាពរបស់ថ្នាក់ដឹកនាំបក្សបក្សប្រជាធិបតេយ្យបច្ចុប្បន្ននេះ៕
ប្រធានាធិបតី វ្ល៉ាឌីមៀ ពូទីន នៅថ្ងៃទី២៣ ខែធ្នូ បានរិះគន់បក្សប្រជាធិបតេយ្យរបស់អាមេរិក ដែលបានចោទលោកថានៅពីក្រោយបរាជ័យរបស់ខ្លួនក្នុងការបោះឆ្នោតខែវិច្ឆិកា។ លោកបានប្រាប់ក្រុមអ្នកសារព័ត៌មានថា បក្សកាន់អំណាចមួយនេះបានភ្លេចដើមកំណើតរបស់ខ្លួនដោយបានប្រើគ្រប់ធនធានគ្រប់យ៉ាងរួមទាំងផ្នែករដ្ឋបាលផងដែរ តែនៅចាញ់លោក ដូណាល់ ត្រាំ ដដែល។
ក្នុងឱកាសឆ្លើយឆ្លងសំណួរអ្នកកាសែតប្រចាំឆ្នាំ លោក ពូទីន និយាយថា៖ «វាមានភស្តុតាងបញ្ជាក់ថា បក្សកាន់អំណាចបច្ចុប្បន្ននៅអាមេរិក ដែលមានឈ្មោះថា «គណបក្សប្រជាធិបតេយ្យ» បានភ្លេចអត្ថន័យដើមនៃឈ្មោះខ្លួនឯង ព្រោះពួកគេមិនបានប្រើប្រាស់ធនធានដោយហ្មត់ចត់ឡើយ ហើយថែមទាំងប្រាប់អ្នកតំណាងឲ្យបោះឆ្នោតផ្ទុយពីឆន្ទះប្រជាជនទៀតផង»។ នេះបើយោងតាមសារព័ត៌មាន RT ។
នារយៈពេលចុងក្រោយនេះ ព័ត៌មានដែលរុស្ស៊ីលូកលាន់ចូលដំណើរការបោះឆ្នោតរបស់អាមេរិកដោយជួយឲ្យ ដូណាល់ ត្រាំ ឈ្នះឆ្នោត ក្លាយជាប្រធានបទក្តៅក្នុងនយោបាយអាមេរិកបច្ចុប្បន្ន។ អ្នកនយោបាយអាមេរិកខ្លះជឿជាក់ថា វាជាគ្រោះថ្នាក់សម្រាប់សន្តិសុខជាតិ ហើយវាជារឿងដែលត្រូវស៊ើបអង្កេតឲ្យអស់សង្ស័យ។ ប៉ុន្តែក្រុមគាំទ្រលោក ត្រាំ អះអាងថាវាជារឿងនយោបាយ និងជាការប៉ុនប៉ងធ្វើឲ្យជ័យជម្នះរបស់លោក ត្រាំ បាត់បង់ភាពស្របច្បាប់ប៉ុណ្ណោះ។
យ៉ាងណាក្ដី លោកប្រធានាធិបតី ពូទីន បានទាត់ចោលការសង្ស័យមកលើរូបលោក។ លោកអះអាងថា បក្សប្រជាធិបតេយ្យ បានចាញ់ឆ្នោតនៅគ្រប់សមរភូមិទាំងអស់ តែបែរជាទម្លាក់កំហុសឲ្យគេឯងទៅវិញ។ ក្នុងការបោះឆ្នោតថ្ងៃទី៨ ខែវិច្ឆិកា បក្សប្រជាធិបតេយ្យ បានចាញ់ការបោះឆ្នោតប្រធានាធិបតី ហើយថែមទាំងបាត់បង់សំឡេងភាគច្រើននៅរដ្ឋសភា និងព្រឹទ្ធសភាទៀតផង។
«តាមគំនិតរបស់ខ្ញុំ ពួកគេកំពុងបន្ទាបសេចក្ដីថ្លៃថ្នូរខ្លួនឯង។ អ្នកគួរតែរៀនចាញ់ឆ្នោតដោយថ្លៃថ្នូរ»។ នេះជាសាររបស់ប្រធានាធិបតី ពូទីន ផ្ញើទៅកាន់ក្រុមប្រជាធិបតេយ្យនៅក្រុងវ៉ាស៊ីនតោន។ លោកឌឺដងទៀតថា អតីតថ្នាក់ដឹកនាំល្បីៗរបស់បក្សប្រជាធិបតេយ្យដូចជាអតីតប្រធានាធិបតី Franklin Roosevelt ប្រាកដជាងើបពីផ្នូរមិនខាន ដោយសារតែសកម្មភាពរបស់ថ្នាក់ដឹកនាំបក្សបក្សប្រជាធិបតេយ្យបច្ចុប្បន្ននេះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
