កីឡាជាតិ
ជាតិ
ការប្រកួតកីឡាកងទ័ពលើកទី១០កាត់ឧបសគ្គឆ្នាំនេះមានលក្ខណប្លែកនិងអស្ចារ្យជាងឆ្នាំមុនៗ
×![]()
ព្រឹត្តិការណ៍ប្រកួតកីឡាកងយោធពលខេមរភូមិន្ទដែលធ្វើឡើងដើម្បីអបអរទិវា៧មករាលើកនេះ នឹងប្រព្រឹត្តទៅរយៈពេល៣ថ្ងៃចាប់ពីថ្ងៃទី៦-៨ ខែមករា ឆ្នាំ២០១៧ នៅមុខសាលមហោស្រពកោះពេជ្រ។ ព្រឹត្តិការណ៍ដែលធ្វើឡើងជាលើកដំបូងនៅរាជធានីភ្នំពេញនេះនឹងក្លាយជាព្រឹត្តិការណ៍មួយដ៏អស្ចារ្យ ព្រោះមានការតាំងពិព័រណ៍កងទ័ព, ផលិតផលបម្រើការងារឲ្យកងទ័ព និងការប្រគុំតន្ត្រី។
បើយោងតាមលោកឧត្តមសេនីយ៍ត្រី មាស សុភារិទ្ធ ប្រធានក្រុមការងារប្រតិបត្តិការកីឡាកងទ័ព ការប្រកួតកីឡាកងយោធពលខេមរភូមិន្ទលើកនេះមានលក្ខណប្លែកទាំងការរៀបចំ និងការចូលរួម ជាពិសេសមានលក្ខណអស្ចារ្យជាងលើកមុនៗ។ ពោលគឺការប្រកួតកីឡាកងទ័ពលើកនេះនឹងធ្វើឡើងនៅទីធា្លមុខមហោស្រពកោះពេជ្រ ហើយមានការបើកទូលាយឲ្យមហាជនចូលរួម។
តាំងពីបង្កើតព្រឹត្តិការណ៍នេះតាំងពីឆ្នាំ១៩៩៦ វាជាលើកទី១ហើយដែលថ្នាក់ដឹកនាំរៀបចំព្រឹត្តិការណ៍ប្រកួតកីឡាកងយោធពលខេមរភូមិន្ទយកទីធ្លាកោះពេជ្រដែលជាទីប្រជុំជនជាទីតាំងប្រកួតកីឡាកងទ័បលើកនេះ ពោលគឺ៩លើករួចមកហើយការប្រកួតនេះតែងតែធ្វើឡើងនៅសាលានាយទាហ៊ានសកម្មត្មាតពងខេត្តកំពង់ស្ពឺ។
លោក មាស សុភារិទ្ធ នាយរងការិយាល័យកងទ័ពជើងគោកបានបញ្ជាក់ថា ការប្រកួតកីឡាកងទ័ពដែលប្រព្រឹត្តទៅរយៈពេល៣ថ្ងៃចាប់ពីថ្ងៃទី៦-៨ ខែមករា ឆ្នាំ២០១៧ ទាំងអត្តពលិកកងទ័ព និងអត្តពលិកមហាជនត្រូវប្រកួតប្រជែងលើពីរប្រភេទវិញ្ញាសាហើយវិញ្ញាសានីមួយៗត្រូវប្រកួតជាក្រុមដោយក្នុងមួយក្រុមមាន១៥នាក់។
វិញ្ញាសារត់កុម្ម៉ង់ដូចម្ងាយ៤គីឡូម៉ែត្រ សែងហ្វ្រង់កាចម្ងាយ១,៥គីឡូម៉ែត្រទម្ងន់៥០គីឡូក្រាមកាត់ឧបសគ្គ គឺត្រូវបានគណកម្មការដាក់ឲ្យប្រកួតប្រជែងសម្រាប់អត្តពលិកមកពីអង្គភាពកងទ័ព, ស៊ីវិល និងមហាជន។ ចំណែកវិញ្ញាសារត់កុម្មង់ដូចម្ងាយ៣គីឡូម៉ែត្រ សែងហ្វ្រង់កា១គីឡូម៉ែត្រទម្ងន់៥០គីឡូក្រាមកាត់ឧបសគ្គ គឺសម្រាប់អត្តពលិកមហាជន។
ពាក់ព័ន្ធទៅនឹងគោលបំណងនៃការរៀបចំ លោកប្រធានក្រុមការងារប្រតិបត្តិការកីឡាកងទ័ពរូបនេះបានបញ្ជាក់ថា ព្រឹត្តិការណ៍នេះរៀបចំឡើងក្នុងបំណងធំៗ៤ គឺដើម្បីអបអរទិវារំដោះជាតិ៧មករា, ដើម្បីប្រមូលនិធិជួយសហគមអតីតយុទ្ធជនកម្ពុជា, ដើម្បីបំផុសពីតួនាទីរបស់កងយោធពលខេមរភូមិន្ទឲ្យមហាជនបានស្គាល់ និងដើម្បីបង្កើតសហប្រតិបត្តិការរវាងមហាជន និងកងទ័ព។
ក្រៅពីការប្រកួតកីឡាកងយោធពលខេមរភូមិន្ទ ក៏មានការតាំងពិព័រណ៍ផលិតផលកម្ពុជា និងកងទ័ពផងដែរ ជាពិសេសមានការតាំងបង្ហាញនូវផលិតផលដែលបម្រើឲ្យកងទ័ពដូចជារថយន្ត និងរថពាសដែកថែមទៀតផង។ អ្វីដែលអស្ចារ្យនោះគឺមានការប្រគុំតន្ត្រីដោយមានការចូលរួមពីតារាចម្រៀងល្បី លោក ព្រាប សុវត្ថិ និងក្រុមកំប្លែកនាយ ពែក មី ផងដែរ។ លើសពីនេះមានការសម្តែងក្បាច់គុនកងយោធពលខេមរភូមិន្ទរបស់កងយោធពលពិសេសថែមទៀតផង។
លោកឧត្តមសេនីយ៍ត្រី មាស សុភារិទ្ធ បានបញ្ជាក់ថា ការដាក់តាំងបង្ហាញរថយន្ត ក៏ដូចជារថពាសដែកមិនមែនដើម្បីបំភ័យ ឬអួតប្រទេសជិតខាងនោះឡើយ ពោលគឺក្នុងគោលបំណងដើម្បីឲ្យប្រជាពលរដ្ឋកម្ពុជាបានស្គាល់ពីឧបករណ៍កងទ័ពឲ្យកាន់តែច្បាស់ថែមទៀត ដើម្បីកុំឲ្យមានការភ័យខ្លាចប៉ុណ្ណោះ។
ជាមួយគ្នានេះលោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានសម្តែងការពេញចិត្ត និងគាំទ្រយ៉ាងពេញទំហឹងចំពោះសកម្មភាពកីឡាកងទ័ពនេះ។ លោកបានចាត់ទុកថា វាជាចំណុចចាប់ផ្ដើមដ៏ល្អមួយ ដើម្បីឲ្យកងទ័ព និងប្រជាពលរដ្ឋស្គាល់គ្នាកាន់តែច្បាស់៕
បើយោងតាមលោកឧត្តមសេនីយ៍ត្រី មាស សុភារិទ្ធ ប្រធានក្រុមការងារប្រតិបត្តិការកីឡាកងទ័ព ការប្រកួតកីឡាកងយោធពលខេមរភូមិន្ទលើកនេះមានលក្ខណប្លែកទាំងការរៀបចំ និងការចូលរួម ជាពិសេសមានលក្ខណអស្ចារ្យជាងលើកមុនៗ។ ពោលគឺការប្រកួតកីឡាកងទ័ពលើកនេះនឹងធ្វើឡើងនៅទីធា្លមុខមហោស្រពកោះពេជ្រ ហើយមានការបើកទូលាយឲ្យមហាជនចូលរួម។
តាំងពីបង្កើតព្រឹត្តិការណ៍នេះតាំងពីឆ្នាំ១៩៩៦ វាជាលើកទី១ហើយដែលថ្នាក់ដឹកនាំរៀបចំព្រឹត្តិការណ៍ប្រកួតកីឡាកងយោធពលខេមរភូមិន្ទយកទីធ្លាកោះពេជ្រដែលជាទីប្រជុំជនជាទីតាំងប្រកួតកីឡាកងទ័បលើកនេះ ពោលគឺ៩លើករួចមកហើយការប្រកួតនេះតែងតែធ្វើឡើងនៅសាលានាយទាហ៊ានសកម្មត្មាតពងខេត្តកំពង់ស្ពឺ។
លោក មាស សុភារិទ្ធ នាយរងការិយាល័យកងទ័ពជើងគោកបានបញ្ជាក់ថា ការប្រកួតកីឡាកងទ័ពដែលប្រព្រឹត្តទៅរយៈពេល៣ថ្ងៃចាប់ពីថ្ងៃទី៦-៨ ខែមករា ឆ្នាំ២០១៧ ទាំងអត្តពលិកកងទ័ព និងអត្តពលិកមហាជនត្រូវប្រកួតប្រជែងលើពីរប្រភេទវិញ្ញាសាហើយវិញ្ញាសានីមួយៗត្រូវប្រកួតជាក្រុមដោយក្នុងមួយក្រុមមាន១៥នាក់។
វិញ្ញាសារត់កុម្ម៉ង់ដូចម្ងាយ៤គីឡូម៉ែត្រ សែងហ្វ្រង់កាចម្ងាយ១,៥គីឡូម៉ែត្រទម្ងន់៥០គីឡូក្រាមកាត់ឧបសគ្គ គឺត្រូវបានគណកម្មការដាក់ឲ្យប្រកួតប្រជែងសម្រាប់អត្តពលិកមកពីអង្គភាពកងទ័ព, ស៊ីវិល និងមហាជន។ ចំណែកវិញ្ញាសារត់កុម្មង់ដូចម្ងាយ៣គីឡូម៉ែត្រ សែងហ្វ្រង់កា១គីឡូម៉ែត្រទម្ងន់៥០គីឡូក្រាមកាត់ឧបសគ្គ គឺសម្រាប់អត្តពលិកមហាជន។
ពាក់ព័ន្ធទៅនឹងគោលបំណងនៃការរៀបចំ លោកប្រធានក្រុមការងារប្រតិបត្តិការកីឡាកងទ័ពរូបនេះបានបញ្ជាក់ថា ព្រឹត្តិការណ៍នេះរៀបចំឡើងក្នុងបំណងធំៗ៤ គឺដើម្បីអបអរទិវារំដោះជាតិ៧មករា, ដើម្បីប្រមូលនិធិជួយសហគមអតីតយុទ្ធជនកម្ពុជា, ដើម្បីបំផុសពីតួនាទីរបស់កងយោធពលខេមរភូមិន្ទឲ្យមហាជនបានស្គាល់ និងដើម្បីបង្កើតសហប្រតិបត្តិការរវាងមហាជន និងកងទ័ព។
ក្រៅពីការប្រកួតកីឡាកងយោធពលខេមរភូមិន្ទ ក៏មានការតាំងពិព័រណ៍ផលិតផលកម្ពុជា និងកងទ័ពផងដែរ ជាពិសេសមានការតាំងបង្ហាញនូវផលិតផលដែលបម្រើឲ្យកងទ័ពដូចជារថយន្ត និងរថពាសដែកថែមទៀតផង។ អ្វីដែលអស្ចារ្យនោះគឺមានការប្រគុំតន្ត្រីដោយមានការចូលរួមពីតារាចម្រៀងល្បី លោក ព្រាប សុវត្ថិ និងក្រុមកំប្លែកនាយ ពែក មី ផងដែរ។ លើសពីនេះមានការសម្តែងក្បាច់គុនកងយោធពលខេមរភូមិន្ទរបស់កងយោធពលពិសេសថែមទៀតផង។
លោកឧត្តមសេនីយ៍ត្រី មាស សុភារិទ្ធ បានបញ្ជាក់ថា ការដាក់តាំងបង្ហាញរថយន្ត ក៏ដូចជារថពាសដែកមិនមែនដើម្បីបំភ័យ ឬអួតប្រទេសជិតខាងនោះឡើយ ពោលគឺក្នុងគោលបំណងដើម្បីឲ្យប្រជាពលរដ្ឋកម្ពុជាបានស្គាល់ពីឧបករណ៍កងទ័ពឲ្យកាន់តែច្បាស់ថែមទៀត ដើម្បីកុំឲ្យមានការភ័យខ្លាចប៉ុណ្ណោះ។
ជាមួយគ្នានេះលោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានសម្តែងការពេញចិត្ត និងគាំទ្រយ៉ាងពេញទំហឹងចំពោះសកម្មភាពកីឡាកងទ័ពនេះ។ លោកបានចាត់ទុកថា វាជាចំណុចចាប់ផ្ដើមដ៏ល្អមួយ ដើម្បីឲ្យកងទ័ព និងប្រជាពលរដ្ឋស្គាល់គ្នាកាន់តែច្បាស់៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
