អន្តរជាតិ
ប៉ាគីស្ថានគំរាមប្រើនុយក្លេអ៊ែរកម្ទេចអ៊ីស្រាអែល ព្រោះទទួលព័ត៌មានក្លែងក្លាយ
រដ្ឋមន្ត្រីការពារជាតិប៉ាគីស្ថាន Khawaja Muhammad Asif (រូបភាព RT)
×![]()
ដោយ: តន ចាន់រិទ្ធារ៉ា
ការសាយភាយព័ត៌មានក្លែងក្លាយ កំពុងក្លាយជាបញ្ហាប្រឈមយ៉ាងខ្លាំង។ ដោយសារតែព័ត៌មានក្លែងក្លាយនេះ ទំនាក់ទំនងរវាងមហាអំណាចនុយក្លេអ៊ែរពីរ គឺអ៊ីស្រាអែល និងប៉ាគីស្ថាន ហៀបនឹងធ្លាក់ទៅរកស្ថានការណ៍អាក្រក់ ដោយប្រមុខការពារជាតិប៉ាគីស្ថានបានគំរាមវាយប្រហារលើអ៊ីស្រាអែល បន្ទាប់ពីទទួលបានព័ត៌មានពីគេហទំព័រមិនពិតមួយដែលផ្សាយថា អ៊ីស្រាអែល នឹងវាយប៉ាគីស្ថាន បើប្រទេសនេះហ៊ានបញ្ជូនទ័ពទៅស៊ីរី។
ការប្រឈមមុខនុយក្លេអ៊ែរវាងប៉ាគីស្ថាន និងអ៊ីស្រាអែល ស្ទើរតែផ្ទុះឡើងទៅហើយ ក្រោយរដ្ឋមន្ត្រីការពារជាតិប៉ាគីស្ថាន Khawaja Muhammad Asif បានគំរាមប្រើនុយក្លេអ៊ែរប្រឆាំងអ៊ីស្រាអែល។ លោក Khawaja Muhammad Asif បានគំរាមដូចនេះ ជាការឆ្លើយតបនឹងការលើកឡើងរបស់រដ្ឋមន្ត្រីការពារជាតិអ៊ីស្រាអែល ដែលផ្សាយដោយគេហទំព័រព័ត៌មានក្លែងក្លាយ AMD ។
ក្នុងការផ្សាយនៅថ្ងៃទី២០ ខែធ្នូ គេហទំព័រ AWD បានផ្សាយថា រដ្ឋមន្ត្រីការពារជាតិអ៊ីស្រាអែល Moshe Ya'alon បានគំរាមប្រើនុយក្លេអ៊ែរប្រឆាំងប៉ាគីស្ថាន បើប្រទេសនេះបញ្ជូនទ័ពទៅស៊ីរីនោះ។ AWD បានស្រង់សម្ដីលោក Moshe ថា៖ « នេះជាការគំរាម។ បើទ័ពប៉ាគីស្ថានទៅស៊ីរី យើងនឹងកម្ទេចពួកគេដោយប្រើអាវុធនុយក្លេអ៊ែរ»។
ទំនងជាឆ្លើយតបនឹងការផ្សាយនេះ រដ្ឋមន្ត្រីការពារជាតិប៉ាគីស្ថាន Khawaja Muhammad Asif ក៏បានសរសេរសារព្រមានអ៊ីស្រាអែលវិញ។ លោកបានសរសេរលើ Twitter របស់លោកនៅថ្ងៃទី២៤ ខែធ្នូ ថា៖ «រដ្ឋមន្ត្រីការពារជាតិអ៊ីស្រាអែល គំរាមវាយប្រហារប៉ាគីស្ថានដោយប្រើនុយក្លេអ៊ែរជុំវិញជម្លោះនៅស៊ីរី។ ប៉ុន្តែអ៊ីស្រាអែលភ្លេចថា ប៉ាគីស្ថាន ក៏មាននុយក្លេអ៊ែរដែរ»។
ការប្រឈមមុខនុយក្លេអ៊ែរវាងប៉ាគីស្ថាន និងអ៊ីស្រាអែល ស្ទើរតែផ្ទុះឡើងទៅហើយ ក្រោយរដ្ឋមន្ត្រីការពារជាតិប៉ាគីស្ថាន Khawaja Muhammad Asif បានគំរាមប្រើនុយក្លេអ៊ែរប្រឆាំងអ៊ីស្រាអែល។ លោក Khawaja Muhammad Asif បានគំរាមដូចនេះ ជាការឆ្លើយតបនឹងការលើកឡើងរបស់រដ្ឋមន្ត្រីការពារជាតិអ៊ីស្រាអែល ដែលផ្សាយដោយគេហទំព័រព័ត៌មានក្លែងក្លាយ AMD ។
ក្នុងការផ្សាយនៅថ្ងៃទី២០ ខែធ្នូ គេហទំព័រ AWD បានផ្សាយថា រដ្ឋមន្ត្រីការពារជាតិអ៊ីស្រាអែល Moshe Ya'alon បានគំរាមប្រើនុយក្លេអ៊ែរប្រឆាំងប៉ាគីស្ថាន បើប្រទេសនេះបញ្ជូនទ័ពទៅស៊ីរីនោះ។ AWD បានស្រង់សម្ដីលោក Moshe ថា៖ « នេះជាការគំរាម។ បើទ័ពប៉ាគីស្ថានទៅស៊ីរី យើងនឹងកម្ទេចពួកគេដោយប្រើអាវុធនុយក្លេអ៊ែរ»។
ទំនងជាឆ្លើយតបនឹងការផ្សាយនេះ រដ្ឋមន្ត្រីការពារជាតិប៉ាគីស្ថាន Khawaja Muhammad Asif ក៏បានសរសេរសារព្រមានអ៊ីស្រាអែលវិញ។ លោកបានសរសេរលើ Twitter របស់លោកនៅថ្ងៃទី២៤ ខែធ្នូ ថា៖ «រដ្ឋមន្ត្រីការពារជាតិអ៊ីស្រាអែល គំរាមវាយប្រហារប៉ាគីស្ថានដោយប្រើនុយក្លេអ៊ែរជុំវិញជម្លោះនៅស៊ីរី។ ប៉ុន្តែអ៊ីស្រាអែលភ្លេចថា ប៉ាគីស្ថាន ក៏មាននុយក្លេអ៊ែរដែរ»។
Israeli def min threatens nuclear retaliation presuming pak role in Syria against Daesh.Israel forgets Pakistan is a Nuclear state too AH — Khawaja M. Asif (@KhawajaMAsif) December 23, 2016យ៉ាងណាមិញ ភា្លមៗបន្ទាប់ពីមានការគំរាមពីប្រមុខការពារជាតិប៉ាគីស្ថាន អ៊ីស្រាអែល ក៏បានចេញមកបកស្រាយវិញភ្លាមដែរ។ បើតាមសារព័ត៌មាន RT ក្រសួងការពារជាតិអ៊ីស្រាអែលចាត់ទុកព័ត៌មានខាងលើ ជារឿងមិនពិត ព្រោះលោក Moshe លាឈប់ពីតំណែងរដ្ឋមន្ត្រីការពារជាតិតាំងពីខែឧសភាមក។ ម្យ៉ាងទៀត លោក Moshe ក៏មិនដែលនិយាយដូចការចុះផ្សាយរបស់គេហទំព័រ AWD ដែរ។
@KhawajaMAsif reports referred to by the Pakistani Def Min are entirely false — Ministry of Defense (@Israel_MOD) December 24, 2016
Tag:
អ៊ីស្រាអែល
ប៉ាគីស្ថាន
នុយក្លេអ៊ែរ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
