ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
លោក សុខ ហុង ចាត់ទុកវគ្គបំប៉នបច្ចេកទេសកីឡាកាយសម្ព័ន្ធជាខ្សែបន្ទាត់ដ៏សំខាន់សម្រាប់ស៊ីហ្គេម
28, Dec 2016 ,
7:39 pm
រូបភាព
រូបភាពពី៖ហ្វេសប៊ុកគ្រួសារ របស់ខ្ញុំ
×
ដោយ:
ថ្នាក់ដឹកនាំសហព័ន្ធកីឡាកាយសម្ព័ន្ធកម្ពុជាបានចាត់ទុកវគ្គសិក្សាសាមគ្គីអូឡាំពិកស្តីពីការបំប៉នបច្ចេកទេស និងជំនាញគ្រូបង្វឹកកីឡាកាយសម្ព័ន្ធកម្ពុជា ជាខ្សែបន្ទាត់មួយដ៏សំខាន់ក្នុងការសម្រួចទិសដៅឆ្ពោះទៅកាន់ស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ វគ្គសិក្សានេះធ្វើឡើងរយៈពេល៦ថ្ងៃចាប់ពីថ្ងៃទី២២-២៧ ខែធ្នូ នៅសាលហ្វឹកហាត់កីឡាកាយសម្ព័ន្ធក្នុងពហុកីឡដ្ឋានជាតិ ដោយមានគ្រូឧទ្ទេសជនជាតិជប៉ុន Yasunori Tachibana។
លោកឧកញ៉ា សុខ ហុង អនុប្រធានសហព័ន្ធកីឡាកាយសម្ព័ន្ធកម្ពុជា បានចាត់ទុកវគ្គបំប៉នបច្ចេកទេស និងជំនាញគ្រូបង្វឹកកីឡាកាយសម្ព័ន្ធដែលរៀបចំដោយអង្គការសាមគ្គីអូឡាំពិកអន្តរជាតិ និងគណៈកម្មាធិការជាតិអូឡាំពិកកម្ពុជា(NOCC)ជាទិសដៅបណ្តុះធនធានគ្រូជំនាញ និងកីឡាករវ័យក្មេងដ៏សំខាន់ ដើម្បីត្រៀមការប្រកួតស៊ីហ្គេមលើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
ការចាត់ទុកបែបនេះដោយសារលោកយល់ឃើញថា គ្រូជំនាញជាខ្សែបន្ទាត់មួយដ៏សំខាន់ក្នុងការដឹកនាំ ក៏ដូចតម្រង់ទិសឲ្យស្របទៅតាមនិយាមបច្ចេកទេសអន្តរជាតិ ប្រសិនបើគ្រូជំនាញមិនច្បាស់លាស់ការបង្វឹកក៏មិនអាចមានគុណភាពនោះដែរ។
«វគ្គបណ្តុះបណ្តាលគ្រូជំនាញ និងការអភិវឌ្ឍន៍កីឡាករវ័យក្មេងនេះ គឺជាវគ្គដែលសំខាន់បំផុតសម្រាប់ប្រភេទកីឡាកាយសម្ព័ន្ធ ព្រោះគ្រូជំនាញជាខ្សែបន្ទាត់ដ៏សំខាន់សម្រាប់តម្រង់ទិសឲ្យស្របតាមនិយាមបច្ចេកទេសអន្តរជាតិ បើគ្រូបង្វឹកមិនយល់ច្បាស់ពីបច្ចេកទេស ការបង្ហាត់មិនអាចទទួលបានគុណភាពជាដា់ច់ខាត»។ នេះជាប្រសាសន៍របស់លោក សុខ ហុង ក្នុងថ្ងៃបិទវគ្គបណ្តុះបណ្តាលកាលពីថ្ងៃទី២៧ ខែធ្នូ ម្សិលមិញ។
លោកបានបន្តទៀតថា៖«រាជរដ្ឋាភិបាលកម្ពុជាបានទទួលធ្វើជាម្ចាស់ផ្ទះកីឡាស៊ីហ្គេមឆ្នាំ២០២៣ អាស្រ័យហេតុនេះ សហព័ន្ធកីឡាកាយសម្ព័ន្ធកម្ពុជាមានតួនាទីយ៉ាងសំខាន់ ដើម្បីរៀបចំក្រុមមន្ត្រីបច្ចេកទេស និងកីឡាករដែលមានរយៈពេល៧ឆ្នាំឲ្យមានគុណភាពទាំងមន្ត្រីបច្ចេកទេស និងកីឡាករឲ្យទទួលបានលទ្ធផលល្អជូនប្រទេសជាតិក្នុងនាមជាម្ចាស់ផ្ទះ»។
ជាមួយគ្នានេះ លោក ណយ ផាណា អគ្គលេខាធិការសហព័ន្ធកីឡាកាយសម្ព័ន្ធកម្ពុជា និងជាអ្នកគ្រប់គ្រងវគ្គបណ្តុះបណ្តាលនេះ បានចាត់ទុកវគ្គនេះជាការជួយផ្តល់ចំណេះដឹងដល់គ្រូបង្វឹកឲ្យចេះរៀបចំផែនការបច្ចេកទេសឲ្យបានត្រឹមត្រូវ និងច្បាស់លាស់ពីថ្នាក់ក្រោមជាតិដល់ថ្នាក់ជាតិ ជាពិសេសចេះជ្រើសរើសអត្តពលិកថ្នាលដែលមានទេពកោសល្យពិតប្រាកដសម្រាប់ត្រៀមការប្រកួតស៊ីហ្គេម ឆ្នាំ២០២៣។
«បើសិនយើងមានលទ្ធភាពអាចរៀបចំវគ្គបំប៉ន និងសិក្ខាសាលាឲ្យបានពីរទៅបីដងក្នុងមួយឆ្នាំនោះ គ្រូបង្វឹក និងអត្តពលិករបស់យើងកាន់តែមានការយល់ដឹង ហើយអាចជំរុញ និងលើកកម្ពស់គុណភាពកីឡាកាយសម្ព័ន្ធកម្ពុជា ឈានទៅទទួលបានភាពជោគជ័យជូនប្រទេសជាតិ និងឆ្ពោះទៅកាន់កីឡាស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ»។ នេះជាការបញ្ជាក់របស់ លោក ណយ ផាណា អគ្គលេខាធិការសហព័ន្ធកីឡាកាយសម្ព័ន្ធកម្ពុជា។
ក្រោយឆ្លងកាត់វគ្គបំប៉នបច្ចេកទេសទាំងទ្រឹស្តី និងការអនុវត្តអស់រយៈពេល៦ថ្ងៃក្រោមបទបង្ហាញរបស់គ្រូឧទ្ទេសកម្រិតខ្ពស់ជនជាតិជប៉ុន Yasunori Tachibana មកពីមជ្ឈមណ្ឌលជាតិហ្វឹកហាត់កីឡាកាយសម្ព័ន្ធប្រទេសជប៉ុន និងអតីតកីឡាករអូឡាំពិក។ លោក ណយ ផាណា បានវាយតម្លៃថា វគ្គបំប៉ននេះជាកត្តាមួយដ៏សំខាន់ក្នុងការបង្កើនការយល់ដឹងដល់គ្រូជំនាញទាំងលើទ្រឹស្តី និងអនុវត្តន៍។ ជាពិសេសសិក្ខាកាមទទួលបានបទពិសោធន៍ល្អៗក្នុងការអភិវឌ្ឍន៍សមត្ថភាពរបស់ខ្លូនកាន់តែខ្លាំងថែមទៀត។
ជាមួយគ្នានេះ លោក Yasunori Tachibana បានវាយតម្លៃផងដែរថា ក្នុងចំណោសិក្ខាកាមទាំង២៥នាក់ដែលបានចូលរួមវគ្គបណ្តុះបណ្តាលក្នុងនោះសិក្ខា១០នាក់និទ្ទេសល្អ រីឯ១០នាក់ផ្សេងទៀតទទួលបាននិទ្ទេសល្អបង្គួរ និង៥នាក់ទទួលបាននិទ្ទេសមធ្យម។ លោករំពឹងថា សិក្ខាកាមទាំង២៥នាក់នឹងយកចំណេះដឹង និងជំនាញដ៏មានតម្លៃនេះទៅបង្ហាត់បង្ហាញតាមក្លិបរបស់ខ្លួននៅតាមខេត្ត-ក្រុងរៀងៗខ្លួនដើម្បីបណ្តុះថ្នាលត្រៀមស៊ីហ្គេមឆ្នាំ២០២៣។
គួរបញ្ជាក់ថា វគ្គបំប៉នបច្ចេកទេសគ្រូបង្វឹកជំនាញ និងការអភិវឌ្ឍរចនាសម្ព័ន្ធកីឡាជាតិមានសិក្ខាកាមចូលរួមចំនួន២៥នាក់ក្នុងនោះមកពីរាជធានីភ្នំពេញ១១នាក់, ក្រចេះ៤នាក់, កំពង់ឆ្នាំង៥នាក់, តាកែវ៤នាក់ និងកំពង់ចាម១នាក់។ ក្រៅពីនេះក៏មានការចូលរួមពីកីឡាករកីឡាការិនី១៨នាក់ផ្សេងទៀតផងដែរ។ វគ្គបំប៉នដែលបានបញ្ចប់យ៉ាងជោគជ័យកាលពីម្សិលមិញធ្វើឡើង២វគ្គដាច់ពីគ្នាគឺវគ្គទី១ចាប់ពីថ្ងៃទី១០ដល់ទី១៦ ខែតុលា និងវគ្គទី២ចាប់ពីថ្ងៃទី២២ ខែធ្នូ ដល់ថ្ងៃទី២៧ ដោយមាន លោក Yasunori Tachibana ជនជាតិជប៉ុនមកពីមជ្ឈមណ្ឌលជាតិហ្វឹកហ្វឺនកីឡាកាយសម្ព័ន្ធប្រទេសជប៉ុន និងជាអតីតគ្រូបង្វឹកកីឡាអូឡាំពិកជាគ្រូឧទ្ទេស៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
កាយសម្ព័ន្ធ
សុខ ហុង
ណយ ផាណា
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
23 ម៉ោង
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 សប្តាហ៍
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
3 ថ្ងៃ
តើពាក្យងារជា «សម្តេច» មានន័យដូចម្តេច?
5 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
4 ថ្ងៃ
អត្ថបទពេញនិយមបន្ថែម