អន្តរជាតិ
×![]()
ដោយ: តន ចាន់រិទ្ធារ៉ា
រដ្ឋបាលក្រុងមូស្គូ ហាក់មិនសប្បាយចិត្តនឹងច្បាប់ថវិកាការពារជាតិឆ្នាំ២០១៧ របស់អាមេរិក ដែលលុបចោលការហាមឃាត់ការផ្គត់ផ្គង់អាវុធឲ្យក្រុមឧទ្ទាមប្រឆាំងនៅស៊ីរី។ ក្រុងមូស្គូ ចាត់ទុកការសម្រេចចិត្តរបស់ក្រុងវ៉ាស៊ីនតោន ជាសកម្មភាពបង្កហេតុ និងបានគំរាមកំហែងដោយផ្ទាល់លើកងកម្លាំងរុស្ស៊ី ដែលកំពុងជួយប្រយុទ្ធកងទ័ពរដ្ឋាភិបាលស៊ីរី ប្រឆាំងនឹងក្រុមឧទ្ទាម។
សូមស្ដាប់ព័ត៌មានលម្អិត៖
អ្នកនាំពាក្យក្រសួងការបរទេសរុស្ស៊ី បានហៅការសម្រេចចិត្តរបស់រដ្ឋបាលលោក បារ៉ាក់ អូបាម៉ា ដែលអនុញ្ញាតឲ្យមានការលក់អាវុធឡើងវិញទៅឲ្យក្រុមឧទ្ទាម ជាគោលនយោបាយបង្កសត្រូវ និងមានគោលដៅលើកងទ័ពរុស្ស៊ីនៅស៊ីរី។ សហរដ្ឋអាមេរិក បានសម្រេចចិត្តលក់អាវុធឲ្យក្រុមឧទ្ទាម ក្រោយក្រុមឧទ្ទាមប្រឆាំងបានបរាជ័យក្នុងសមរភូមិ Aleppo និងបានបាត់បង់ការគ្រប់គ្រងក្រុងនេះកាលពីសប្ដាហ៍មុន។
លោកស្រី Maria Zakharova អ្នកនាំពាក្យក្រសួងការបរទេសរុស្ស៊ី បាននិយាយនៅថ្ងៃទី២៧ ខែធ្នូ ថា ការផ្លាស់ប្ដូរនយោបាយស្ដីពីការលក់អាវុធឲ្យក្រុមឧទ្ទាមរបស់ប្រធានាធិបតី បារ៉ាក់ អូបាម៉ា ដែលមានចែងក្នុងច្បាប់ថវិកាការពារជាតិថ្មី នឹងនាំឲ្យអាវុធទាំងនោះធ្លាក់ទៅក្នុងដៃក្រុមជ្រុលនិយម ដែលចូលដៃចូលជើងជាមួយក្រុមឧទ្ទាម។ នេះ ក៏ព្រោះតែរុស្ស៊ី និងអាមេរិក នៅមិនទាន់ឯកភាពលើក្រុមឧទ្ទាមដែលកំពុងប្រយុទ្ធនៅស៊ីរីនៅឡើយទេ។
កាលពីសប្ដាហ៍មុន ប្រធានាធិបតីចប់អាណត្តិ បារ៉ាក់ អូបាម៉ា បានចុះហត្ថលេខាលើច្បាប់ថវិកាលើការពារជាតិសម្រាប់ឆ្នាំ២០១៧ ។ តាមរយៈច្បាប់នេះ អាមេរិកនឹងចាប់ផ្ដើមលក់អាវុធឲ្យក្រុមឧទ្ទាមដែលខ្លួនគាំទ្រនៅស៊ីរី។ សារព័ត៌មាន Al Jazeera ផ្សាយថា ច្បាប់ដដែលនេះ នឹងផ្ដល់អំណាចឲ្យរដ្ឋបាលថ្មីរបស់ប្រធានាធិបតី ដូណាល់ ត្រាំ បញ្ជូនមីស៊ីលទៅឲ្យក្រុមឧទ្ទាមផងដែរ។
អ្នកនាំពាក្យខាងលើនេះសង្កត់ធ្ងន់ថា ការសម្រេចចិត្តរបស់អាមេរិក គឺជាការគំរាមដោយផ្ទាល់ដល់កងកម្លាំងអាកាសរុស្ស៊ី ស្ថានទូតរុស្ស៊ីប្រចាំស៊ីរី ដែលធ្លាប់ត្រូវបានវាយប្រហារជាច្រើនលើកមកហើយ។ មិនតែប៉ុណ្ណោះ រុស្ស៊ីចាត់ទុកចំណាត់ការរបស់អាមេរិក ជាការបង្កហេតុទៀតផង។
សូមបញ្ជាក់ថា រយៈពេល៦ឆ្នាំនៃជម្លោះស៊ីរី អាមេរិក និងរុស្ស៊ី ជួយគូបដិបក្ខសងខាង ដោយអាមេរិកជួយក្រុមឧទ្ទាមប្រឆាំង ប្រយុទ្ធតទល់នឹងកងទ័ពរដ្ឋាភិបាលស៊ីរី ដែលមានរុស្ស៊ីនៅជួយពីក្រោយ។ អន្តរាគមន៍ផ្លូវអាកាសរបស់រុស្ស៊ី បានជួយរបបស៊ីរីដណ្ដើមទឹកដីបានយ៉ាងច្រើន ដ្បិតក្រុមឧទ្ទាមមិនសូវមានយុទ្ធោបករណ៍ប្រឆាំងយន្តហោះឡើយ។ ដូច្នេះហើយបានជារុស្ស៊ី មិនសប្បាយចិត្ត ក្រោយលឺថា អាមេរិកនឹងលក់មីស៊ីលឲ្យក្រុមឧទ្ទាមនោះ៕
សូមស្ដាប់ព័ត៌មានលម្អិត៖
អ្នកនាំពាក្យក្រសួងការបរទេសរុស្ស៊ី បានហៅការសម្រេចចិត្តរបស់រដ្ឋបាលលោក បារ៉ាក់ អូបាម៉ា ដែលអនុញ្ញាតឲ្យមានការលក់អាវុធឡើងវិញទៅឲ្យក្រុមឧទ្ទាម ជាគោលនយោបាយបង្កសត្រូវ និងមានគោលដៅលើកងទ័ពរុស្ស៊ីនៅស៊ីរី។ សហរដ្ឋអាមេរិក បានសម្រេចចិត្តលក់អាវុធឲ្យក្រុមឧទ្ទាម ក្រោយក្រុមឧទ្ទាមប្រឆាំងបានបរាជ័យក្នុងសមរភូមិ Aleppo និងបានបាត់បង់ការគ្រប់គ្រងក្រុងនេះកាលពីសប្ដាហ៍មុន។
លោកស្រី Maria Zakharova អ្នកនាំពាក្យក្រសួងការបរទេសរុស្ស៊ី បាននិយាយនៅថ្ងៃទី២៧ ខែធ្នូ ថា ការផ្លាស់ប្ដូរនយោបាយស្ដីពីការលក់អាវុធឲ្យក្រុមឧទ្ទាមរបស់ប្រធានាធិបតី បារ៉ាក់ អូបាម៉ា ដែលមានចែងក្នុងច្បាប់ថវិកាការពារជាតិថ្មី នឹងនាំឲ្យអាវុធទាំងនោះធ្លាក់ទៅក្នុងដៃក្រុមជ្រុលនិយម ដែលចូលដៃចូលជើងជាមួយក្រុមឧទ្ទាម។ នេះ ក៏ព្រោះតែរុស្ស៊ី និងអាមេរិក នៅមិនទាន់ឯកភាពលើក្រុមឧទ្ទាមដែលកំពុងប្រយុទ្ធនៅស៊ីរីនៅឡើយទេ។
កាលពីសប្ដាហ៍មុន ប្រធានាធិបតីចប់អាណត្តិ បារ៉ាក់ អូបាម៉ា បានចុះហត្ថលេខាលើច្បាប់ថវិកាលើការពារជាតិសម្រាប់ឆ្នាំ២០១៧ ។ តាមរយៈច្បាប់នេះ អាមេរិកនឹងចាប់ផ្ដើមលក់អាវុធឲ្យក្រុមឧទ្ទាមដែលខ្លួនគាំទ្រនៅស៊ីរី។ សារព័ត៌មាន Al Jazeera ផ្សាយថា ច្បាប់ដដែលនេះ នឹងផ្ដល់អំណាចឲ្យរដ្ឋបាលថ្មីរបស់ប្រធានាធិបតី ដូណាល់ ត្រាំ បញ្ជូនមីស៊ីលទៅឲ្យក្រុមឧទ្ទាមផងដែរ។
អ្នកនាំពាក្យខាងលើនេះសង្កត់ធ្ងន់ថា ការសម្រេចចិត្តរបស់អាមេរិក គឺជាការគំរាមដោយផ្ទាល់ដល់កងកម្លាំងអាកាសរុស្ស៊ី ស្ថានទូតរុស្ស៊ីប្រចាំស៊ីរី ដែលធ្លាប់ត្រូវបានវាយប្រហារជាច្រើនលើកមកហើយ។ មិនតែប៉ុណ្ណោះ រុស្ស៊ីចាត់ទុកចំណាត់ការរបស់អាមេរិក ជាការបង្កហេតុទៀតផង។
សូមបញ្ជាក់ថា រយៈពេល៦ឆ្នាំនៃជម្លោះស៊ីរី អាមេរិក និងរុស្ស៊ី ជួយគូបដិបក្ខសងខាង ដោយអាមេរិកជួយក្រុមឧទ្ទាមប្រឆាំង ប្រយុទ្ធតទល់នឹងកងទ័ពរដ្ឋាភិបាលស៊ីរី ដែលមានរុស្ស៊ីនៅជួយពីក្រោយ។ អន្តរាគមន៍ផ្លូវអាកាសរបស់រុស្ស៊ី បានជួយរបបស៊ីរីដណ្ដើមទឹកដីបានយ៉ាងច្រើន ដ្បិតក្រុមឧទ្ទាមមិនសូវមានយុទ្ធោបករណ៍ប្រឆាំងយន្តហោះឡើយ។ ដូច្នេះហើយបានជារុស្ស៊ី មិនសប្បាយចិត្ត ក្រោយលឺថា អាមេរិកនឹងលក់មីស៊ីលឲ្យក្រុមឧទ្ទាមនោះ៕
Tag:
រុស្ស៊ី
អាមេរិក
ជម្លោះស៊ីរី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
