កីឡាជាតិ
ជាតិ
បឹងកេតអង្គរត្រូវជួប Lanexang United របស់ឡាវក្នុងវគ្គពាក់កណ្តាលផ្តាច់ព្រ័ត្រ
×![]()
ក្រុមជើងឯករងឆ្នាំ២០១៥ បឹងកេតអង្គរត្រូវជួបប្រកួតជាមួយក្រុម Lanexang United របស់ឡាវក្នុងវគ្គពាក់កណ្តាលផ្តាច់ព្រ័ត្រនៃពានរង្វាន់ Toyota Mekong Club Championship នាវេលាម៉ោង៦ល្ងាចថ្ងៃទី៣១ ខែធ្នូ នៅពហុកីឡដ្ឋានជាតិ។ ការប្រកួតនេះធ្វើឡើងដើម្បីជ្រើសរើសក្រុមមួយក្នុងចំណោមក្រុមទាំងពីរដើម្បីជួបក្រុម Buriram United របស់ថៃក្នុងវគ្គផ្តាច់ព្រ័ត្រនៅលើទឹកដីថៃ។ 
ក្រុមបឹងកេតអង្គរម្ចាស់ជើងឯករងឆ្នាំ២០១៥ និងជាក្រុមតំណាងឲ្យកម្ពុជាក្នុងពានរង្វាន់ Toyota Mekong Club Championship ត្រូវជួបប្រកួតជាមួយក្រុមជើងឯកលីកកំពូល Lanexang United របស់ឡាវក្នុងវគ្គពាក់កណ្តាលផ្តាច់ព្រ័ត្រនាវេលាម៉ោង៦ល្ងាចថ្ងៃទី៣១ ខែធ្នូ ឆ្នាំ២០១៦ នេះ នៅពហុកីឡដ្ឋានជាតិ។
ក្នុងសន្និសីទសារព័ត៌មានកាលពីថ្ងៃទី២៣ ខែធ្នូ លោក ប្រាក់ សុវណ្ណារ៉ា គ្រូបង្វឹកក្រុមបឹងកេតអង្គរបានបញ្ជាក់ថា ទោះបីក្រុមបឹងកេតជួបជាមួយក្រុមណាក៏ដោយក្នុងចំណោមក្រុមទាំង៣ គឺសុទ្ធតែមានការលំបាកសម្រាបបឹងកេតអង្គរ ព្រោះក្រុមទាំងនេះសុទ្ធសឹងជាក្រុមខ្លាំង។ ប៉ុន្តែការមកជួបជាមួយក្រុមតំណាងឲ្យឡាវនេះ វាខុសពីការរំពឹងទុក ដោយលោករំពឹងលើក្រុម SHB Đà Nẵng របស់វៀតណាម។
ទោះបីបច្ចុប្បន្នក្រុមដែលដឹកនាំដោយលោក ប្រាក់ សុវណ្ណារ៉ា មួយនេះកំពុងមានក្តីកង្វល់ទៅលើការញាំញីដោយរបួសរបស់កីឡាករមួយចំនួនក៏ដោយ ប៉ុន្តែលោកបានប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាព ដើម្បីបង្ហាញពីភាពខ្លាំងរបស់វិស័យកីឡាបាល់ទាត់កម្ពុជា។ ហើយលោករំពឹងថា បឹងកេតអង្គរនឹងអាចឡើងទៅកាន់វគ្គផ្តាច់ព្រ័ត្រនៃពានរង្វាន់ Toyota Mekong Club Championship ម្តង់ទៀត។
គួរបញ្ជាក់ថា ការឡើងមកជួបបឹងកេតអង្គររបស់ Lanexang United ដែលជាក្រុមជើងឯកលីកកំពូលរបស់ឡាវនេះ បន្ទាប់ពីយកឈ្នះក្រុម SHB Đà Nẵng របស់វៀតណាមក្នុងជើងទី១ និងយកស្មើជាមួយក្រុមម្ចាស់ផ្ទះមីយ៉ាន់ម៉ា Yandanarbon ក្នុងជើងទី២កាលពីល្ងាចថ្ងៃទី២៧ ខែធ្នូ ម្សិលមិញ។ ការឈ្នះ១ និងសើ្ម១នេះបានធ្វើឲ្យក្រុមតំណាងឲ្យឡាវមួយនេះមាន៤ពិន្ទុ ខណៈ Yandanarbon ២ពិន្ទុ និង SHB Đà Nẵng ១ពិន្ទុ៕
ក្រុមបឹងកេតអង្គរម្ចាស់ជើងឯករងឆ្នាំ២០១៥ និងជាក្រុមតំណាងឲ្យកម្ពុជាក្នុងពានរង្វាន់ Toyota Mekong Club Championship ត្រូវជួបប្រកួតជាមួយក្រុមជើងឯកលីកកំពូល Lanexang United របស់ឡាវក្នុងវគ្គពាក់កណ្តាលផ្តាច់ព្រ័ត្រនាវេលាម៉ោង៦ល្ងាចថ្ងៃទី៣១ ខែធ្នូ ឆ្នាំ២០១៦ នេះ នៅពហុកីឡដ្ឋានជាតិ។
ក្នុងសន្និសីទសារព័ត៌មានកាលពីថ្ងៃទី២៣ ខែធ្នូ លោក ប្រាក់ សុវណ្ណារ៉ា គ្រូបង្វឹកក្រុមបឹងកេតអង្គរបានបញ្ជាក់ថា ទោះបីក្រុមបឹងកេតជួបជាមួយក្រុមណាក៏ដោយក្នុងចំណោមក្រុមទាំង៣ គឺសុទ្ធតែមានការលំបាកសម្រាបបឹងកេតអង្គរ ព្រោះក្រុមទាំងនេះសុទ្ធសឹងជាក្រុមខ្លាំង។ ប៉ុន្តែការមកជួបជាមួយក្រុមតំណាងឲ្យឡាវនេះ វាខុសពីការរំពឹងទុក ដោយលោករំពឹងលើក្រុម SHB Đà Nẵng របស់វៀតណាម។
ទោះបីបច្ចុប្បន្នក្រុមដែលដឹកនាំដោយលោក ប្រាក់ សុវណ្ណារ៉ា មួយនេះកំពុងមានក្តីកង្វល់ទៅលើការញាំញីដោយរបួសរបស់កីឡាករមួយចំនួនក៏ដោយ ប៉ុន្តែលោកបានប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាព ដើម្បីបង្ហាញពីភាពខ្លាំងរបស់វិស័យកីឡាបាល់ទាត់កម្ពុជា។ ហើយលោករំពឹងថា បឹងកេតអង្គរនឹងអាចឡើងទៅកាន់វគ្គផ្តាច់ព្រ័ត្រនៃពានរង្វាន់ Toyota Mekong Club Championship ម្តង់ទៀត។
គួរបញ្ជាក់ថា ការឡើងមកជួបបឹងកេតអង្គររបស់ Lanexang United ដែលជាក្រុមជើងឯកលីកកំពូលរបស់ឡាវនេះ បន្ទាប់ពីយកឈ្នះក្រុម SHB Đà Nẵng របស់វៀតណាមក្នុងជើងទី១ និងយកស្មើជាមួយក្រុមម្ចាស់ផ្ទះមីយ៉ាន់ម៉ា Yandanarbon ក្នុងជើងទី២កាលពីល្ងាចថ្ងៃទី២៧ ខែធ្នូ ម្សិលមិញ។ ការឈ្នះ១ និងសើ្ម១នេះបានធ្វើឲ្យក្រុមតំណាងឲ្យឡាវមួយនេះមាន៤ពិន្ទុ ខណៈ Yandanarbon ២ពិន្ទុ និង SHB Đà Nẵng ១ពិន្ទុ៕
Tag:
បាល់ទាត់
បឹងកេតអង្គរ
Lanexang United
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
