ក្រសួងការពារជាតិលត់ក្រុមលីកលំដាប់ទី២ម៉ាឡេស៊ី ៣-១ ក្នុងជំនួបមិត្តភាពនៅស្តាតចាស់

កីឡាជាតិ

ក្រសួងការពារជាតិលត់ក្រុមលីកលំដាប់ទី២ម៉ាឡេស៊ី ៣-១ ក្នុងជំនួបមិត្តភាពនៅស្តាតចាស់

30, Dec 2016 , 12:16 pm

រូបភាព

ដោយ:

ក្រុមបាល់ទាត់ក្រសួងការពារជាតិ(ទ័ព)របស់កម្ពុជាបានយកឈ្នះលើក្រុម University Technology Mara មកពីម៉ាឡេស៊ី ក្នុងលទ្ធផល ៣-១ ក្នុងការប្រកួតមិត្តភាពអន្តរជាតិនៅកីឡដ្ឋានកងយោធពលខេមរភូមិន្ទ(ស្តាតចាស់) កាលពីល្ងាចថ្ងៃទី២៩ ខែធ្នូ ម្សិលមិញ។ ជ័យជម្នះនេះមិនត្រឹមតែអាចសងសឹកឲ្យក្រុមរួមជាតិប៉ុណ្ណោះទេ តែវាសរបញ្ជាក់ឲ្យឃើញថា ក្រសួងមានធនធានគ្រប់គ្រាន់ ដើម្បីត្រៀមការប្រកួតក្របខ័ណ្ឌលីកកំពូលឆ្នាំ២០១៧។

ក្រុមជើងឯករងលីកកំពូលកម្ពុជាឆ្នាំ២០១៥ ក្រសួងការពារជាតិបានយកឈ្នះក្រុមមកពីលីកលីដាប់ទី២របស់ម៉ាឡេស៊ី University Technology Mara ៣-១ ក្នុងជំនួបមិត្តភាពអន្តរជាតិកាលពីល្ងាចថ្ងៃទី២៩ ខែធ្នូ នៅកីឡដ្ឋានកងយោធពលខេមរភូមិន្ទ(ស្តាតចាស់)។ វាជាបរាជ័យលើកទី២សម្រាប់ក្រុមលីកលំដាប់ទី២របស់ម៉ាឡេស៊ីមួយនេះ បន្ទាប់ពីបរាជ័យក្រោមថ្វីជើងរបស់វេស្ទើនភ្នំពេញ ២-០ កាលពីពេលថ្មីៗកន្លងទៅ។

ជ័យជម្នះរបស់ក្រុមក្រួសួងការពារជាតិសម្រេចដោយខ្សែប្រយុទ្ធកូរ៉េខាងជើង Jang Song Hyok និង Choe Myong Ho ម្នាក់មួយគ្រាប់ និងកីឡាករ ខែក ខេមរិន្ទ មួយគ្រាប់។ ជ័យជម្នះនេះ មានន័យថា ក្រុមក្រសួងការពារជាតិអាចសងសឹកឲ្យក្រុមកម្ពុជាដែលលេងនៅលីកកំពូលកម្ពុជាដូចគ្នាគឺភ្នំពេញក្រោន និងខេមបូឌាថាយហ្គឺរដែលបានចាញ់ក្រុម University Technology Mara កន្លងទៅ។ ហើយវាបញ្ជាក់ឲ្យឃើញថា ក្រសួងការពារមានការត្រៀមខ្លួនយ៉ាងល្អ សម្រាប់ប្រជែងដណ្តើមពានរង្វាន់ជើងឯកលីកកំពូលកម្ពុជាឆ្នាំ២០១៧៕